2 года на форуме Автор 5 уровня Популярный комментатор Все
Награды
2 года на форуме
2 года на форуме
Автор 5 уровня
Автор 5 уровня
Популярный комментатор
Популярный комментатор
Топ пользователь
Топ пользователь
5000 просмотров
5000 просмотров
П.Н. Тобуруокап 100 с. туолбут күнүнэн!
  1300
Бары таптыыр суруйааччыбыт туһунан ахтан - санаан ааһыаҕыҥ.
Ответов 21 Написать ответ
  • саргыда
    саргыда
    Ветеран
    25 октября  

    Ватсаптан:
    - Барыгытын бүгүн саха норуодунай поэта Бүөтүр Тобуруокап 100 сааһын туолар өрөгөйдөөх күнэ үүммүтүнэн итии-истиҥ эҕэрдэбин ыытабын. Оҕо сааспыт арыалдьыта - " Чыычаахтар күнү көрсөллөр" кинигэтэ, эдэр сааспытын киэргэппит таптал туһунан лириката, аҕам сааска көмөлөһөр аатырбыт поэмалара, кэпсээннэрэ төһөлөөх элбэх дьоҥҥо саҥа санааны, киһилии сыһыаны, дьоһун буолууну өйгө-санааҕа иҥэрбитэ буолуой?! Бу маннык дьоннордоох буоламмыт биһиги киһи быһыытынан сайдабыт. Маннык сүҥкэн талааннаахтар Саха сирин аан дойдуга аатырдаллар. Онон талааннар өссө да тахса турдуннар. Барыбытыгар өссө төгүл күүстээх эҕэрдэ.

    0
  • саргыда
    саргыда
    Ветеран
    25 октября  

    П.Тобуроков

    Сүрэхпэр саас сылаас ча5ылын
    Иҥэрэн мунньуммут буоламмын,
    Тохсунньу тоһуттар тымныытын
    Тулуһан туоруубун быһыылаах.

    Сүрэхпэр көмүстээх күһүҥҥү
    Сөрүүнүн сөҥөрбүт буоламмын,
    Уот сайын умайар куйааһын
    От охсон туоруубун быһыылаах.

    Сүрэхпэр күн ийэм мичээрин
    Кичэллик кистэммит буоламмын,
    Киҥнээх дьон кырыылаах хараҕар
    Кыһаммат буолбуппун быһыылаах.

    Сүрэхпэр эдэр саас эрчимин
    Харыстаан хаалларбыт буоламмын, 
    Кырдьар саас кыһалҕа кырыыһын
    Бу бачча тулустум быһыылаах.

    0
  • саргыда
    саргыда
    Ветеран
    25 октября  

    Бүөтүр Тобуруокап

    Уонна хаһан?

    Уонна хаһан олороору,
    Уонна хаһан оҥороору,
    Син иккистээн кэлбэккин,
    Кэлин кэлэн ситэрбэккин,
    Бу дойдуга эргийбэккин,
    Этиһэн да тиллибэккин.

    Уонна хаһан олороору,
    Уонна хаһан толороору
    Үтүөнү саныы-саныы
    Үтүөлээҕи оҥорбоккун,
    Ыра гынан ыллыы -ыллыы
    Ылсыһарга соруммаккын.

    Саҕаламмат хойгур баҕа
    Самыыра суох былыт тыала,
    Ылсыллыбат дойҕох санаа
    Ынах тэпсэр суолун быыла,
    Бүгүҥҥү күн эргиллибэт,
    Быйылгы дьыл төннүбэт.

    Күнүн аайы уһаппакка,
    Күнү -дьылы бараабакка,
    Оҥорору оҥоруохха,
    Толорору толоруохха.
    Уонна манна төннүбэккин,
    Этиһэн да тиллибэккин,
    Уонна хаһан олороору,
    Уонна хаһан оҥороору...
    Уонна хаһан?

    0
  • саргыда
    саргыда
    Ветеран
    25 октября  

    ...Үөр кыраттан,
    Үөр улахантан,
    Үөр тыыннаах сылдьаргыттан,
    Үөр көҥүл тыынаргыттан,
    Үөр өлүөр буоларгыттан,
    Үөр дьоннуун хаамсаргыттан...
    Үөр үлэттэн,
    Үөр эйэттэн,
    Үөр туох баар
    Бары үчүгэйтэн! ...
    *Бүөтүр Тобуруокап*

    0
  • саргыда
    саргыда
    Ветеран
    25 октября  

    Петр Тобуруокап

    Сорохтор киһиэхэ кэрэтэ
    Сырайын сырдыга дэһэллэр,
    Кэрэттэн кэрэтин — сүрэҕин
    Билигин даҕаны билбэттэр.

    Хайа кыыс, хайа уол маҥанын,
    Хайата харатын талаллар,
    Хап-хара хараҕын, баттаҕы
    Хайаан да бастыҥҥа аахсаллар.

    Хара да буолбатын хараҕа,
    Маҥан да буолбатын сырайа,
    Миэхэ баар кэрэттэн кэрэтэ —
    Таптала, суобаһа, сүрэҕэ!

    Билэбин кини үтүө суобаһын,
    Билэбин сүрэҕэ сылааһын,
    Билбэттэр бүрэ да диэтинэр,
    Билбэттэр, баҕардар сирдиннэр!

    1953 c.

    0
  • НкТ.
    25 октября  

    Эчи учугэйин,кэрэтин...

    0
  • мин
    25 октября  

    Сирэйин сырдыга дэһэллэр диэн тыллардаах хоһоонун ыллыыллар этэ оҕо эрдэххэ.

    0
  • саргыда
    саргыда
    Ветеран
    25 октября  

    *#БүөтүрТобуруокап100сыла#Таптыырхоһооннорум*

    Күҥҥэ биир да мичээри
    Көрсүбэт киһи ыалдьар,
    Доруобай да эрээри
    Дуомугар эрэ сылдьар.

    Көрсүө, истиҥ күн мичээр
    Күлүм гына түстэ да -
    Көтөр сииктии мэлийэр
    Күрэҥ санаа былыта.

    Истиҥ мичээр эмтээҕин
    Итэҕэйдим бигэтик,
    Сүрэх сырал күннээҕин
    Сөхтүм өссө күүскэтик!

    #БүөтүрТобуруокап#Поэзия

    Үтүө сарсыарданан!black sun with rays

    0
  • Александра
    25 октября  

    Бириэмэ, көтүмэ, көтүмэ
    Үргүбүт табалыы түһүмэ!
    Өссө да эдэрбин дэниим ээ,
    Өссө да көрүлүү түһүүм ээ.

    Иннибэр сибэкки тэтэрдин!
    Үрдүбэр күөрэгэй битийдин!
    Биир ыйга, эдэр саас, уһаарыый!
    Биир сылга, кырдьар кэм, бытаарыый!

    Алаастан хаарын да күртэххэ
    Ааспат ээ, кырыалаах кыһыҥҥы,
    Төбөҕө бэргэһэ кэттэххэ
    Төннүбэт баттаҕыҥ харата.

    Бириэмэ, көтүмэ, көтүмэ,
    Эйиэхэ хойутуур үлэҥ суох,
    Кырдьары кымньыылаан биэримэ,
    Кырдьарга тиэтэйэр Ким да суох!

    *БүөтүрТобуруокап*

    0
  • м_и_н_
    м_и_н_
    min
    Ветеран
    25 октября  

    Нвка5а П.Н Тобуруокап туьунан "тэтим" биэрии

    Уйбаан Чыычаахап кэпсиир музейын дириэктэрэ.

    Бугун "Чэчир' тумсуулэр трк туймаада5а хоьооннорун аахпыттара кестуехьээх

    0
  • Александра
    25 октября  

    Киһи саамай кэрэ сааһа,
    Киһи саамай өйдөөх сааһа,
    Киһи саамай ыраас кэмэ,
    Киһи саамай улуу кэмэ
    Биэстээҕэр эрэ эбит!

    Кини онно бар дьону,
    Киэҥ халлааны, маһы-оту
    Туох баарынан сыаналыыр,
    Бэрт чопчутук ырыҥалыыр:
    Үрүҥ - үрүҥ! Хара - хара!

    Уруккуну сириэн - билбэт,
    Инникитин тэриммэт,
    Сымыйаны билиммэт,
    Кырдьыгынан эргиммэт:
    Баар да - баар! Суох да - суох!
    Хараҥаттан куота сатыыр,
    Сырдыгы эрэ таптыыр,
    Өрүүтүн дьонун саныыр,
    Үөрүүнү эрэ айхаллыыр!

    Дьикти сааскар,
    Кэрэ сааскар -
    Биэстээх эрэ оҕо сааскар -
    Аны биирдэ тиксиэҥ дииллэр
    Аа-дьуо, хойут - сүүс биэскэр!

    0
  • м_и_н_
    м_и_н_
    min
    Ветеран
    25 октября  

    Мигалкин кыбыстан аар бастаан Булуу училещетыгар керен баран кэпсэппэьэх эбит. Бу санаатахха мин кыбыстыбатах эбиппин. Арай 18 сана туолаат улэлии кэлбиппэр 30 ча о5ону икки киьиэхэ туттаран хортуоска5а 20чэ хонукка ыытан кэбистилэр. Ол куьун ардах да ардах. Великан холуоьатын курдук бадарааны куну быьа тэпсэ сылдьан копалка хаспыт хортуоскатын хомуйабыт. Арай биир о5онньор со5ото5ун кэлэн хомуллубут сири хаьар. Миэхэ кэлэн о5олор хортуосканы хааллараллар эбит, учугэйдик хомуйтарын диэбит курдук эттэ. Мин испэр туох абааьы о5онньорой, о5олору кемускээн ыраастык хомуйаллар энин дтэтим бьлх. О5онньорум кыыьыран турбата дуо хайа оскуьла5ыный энин диэтэ. Со5урдук П.Н Тобуруокабы кытта уйэбэр биирдэ керсен ааспыт эбиппин. Киэьэтигэр кини буоларын эппиттэрэ быьыылаа5а. Элбэх да5аны бааьына баара Бала5аннаахха. Онтон ыла ардах арыый а5ыйаабыта, бааьыналары иккистээн копалкалыыллаир этэ. Оннук.

    0
  • м_и_н_
    м_и_н_
    min
    Ветеран
    26 октября  

    .

    Алтынньы ый 23 күнүттэн саҕалаан дьоллоох Дьокуускай куораппытыгар саха норуота бары сүгүрүйэр норуодунай поэппыт Бүөтүр Тобуруокап 100 сааһын туолар өрөгөйдөөх үбүлүөйүнэн тэрээһиннэр буола тураллар.
    Бүгүн национальнай библиотека историческай залыгар " Ыҥыра,ымсыырда турар ырам" диэн тыл,поэзия туһунан кинигэ 4 - с томун ( анаарыылар,ахтыылар) сүрэхтэниитигэр дьон тоҕуоруһа мустубут.Биэчэри иилээн - саҕалаан ыытта СӨ СС бэрэссэдээтэлэ,Норуодунай поэт,Үөһээ Бүлүү улууһун Бочуоттаах олохтооҕо Иван Васильевич Мигалкин. Алгыһынан тэрээһиммит саҕаланна.Бастакынан эҕэрдэ тылы биэрдилэр филологическай наука докторыгар Прасковья Максимовна Сивцеваҕа.Улуу поэт талааныгар сүгүрүйэрин туһунан олус истиҥ тыллары эттэ.Бүгүн сүрэхтэнэр кинигэҕэ интэриэһинэй суруйуулар баалларын бэлиэтээн эттэ.Ол курдук Бүөтүр Тобуруокап кэргэнин Евгения Васильевна туһунан суруйбутун,киниэхэ улаханнык көмөлөһөн алфавит бэрээдэгинэн айымньыларыгар список оҥорбутун,хаһан бэчээттэнэн тахсыбытын, барыта 2000 айымньыны суруйбутун бэлиэтээбитин сөхпүтүн эппит.Салгыы 400 - чэкэ ырыа Тобуруокап хоһоонноругар айыллыбытын эттэ.Саха норуотун долгуппут,өйүн - санаатын сайыннарбыт олус истиҥ хоһоонноро үйэлэргэ ааҕыллыахтарын,уостан түспэт ырыалара ылланыахтарын бэлиэтээн эттэ.Бу 4 - с том - кинигэни хомуйан оҥорбуттар Бүөтүр Тобуруокап быраата филологическай наука доктора Николай Николаевич Тобуруокап,СӨ СС чилиэнэ Дмитрий Федосеевич Наумов уонна Тобуруокап улахан кыыһа Любовь Петровна Тобурокова.
    Салгыы эҕэрдэ тылы журналист,Саха телевидениетын диктора Алексей Константинов эттэ." Айхал,сахам тылыгар!" Тобуруокап поэматыттан быһа тардан олус долгутуулаахтык өйүттэн аахпытын бары да долгуйа иһиттибит.
    Эҕэрдэ тылы этэригэр Үөһээ Бүлүү улууһун депутаттарын сэбиэтин бэрэссэдээтэлигэр Семен Анатольевич Михалевтан көрдөстүлэр." Төрөөбүт улууспут киэн туттар дьонноох - сэргэлээх буолар.Олортон саамай сүдү улаханнара,улуулара Бүөтүр Тобуруокап буолар.Бүгүн тоҕуоруһа мустубут уран тылы оһуордаан этэр айар үлэҕэ сыстыбыт дьоннор кэлэн олороҕут. Мас эриэхэтигэр майгынныыгыт" диэтэ." Саха тыла үөрэхтээхпин,эһиэхэ чугаспын.Улуу поэт Тобуруокап талааныгар сүгүрүйэбин.Талааннаах киһи - барытыгар талааннаах! Тобуруокап барытын кыайа туппут киһи: сэһэнньит,кэпсээнньит,драматург буолар.Тобуруокап айымньылара ааҕылларын тухары саха тыла сүппэт! Барыгытын Үөһээ Бүлүү улууһун баһылыгын Владимир Семенович Поскачин аатыттан, олохтоохторун ааттарыттан киэн туттар норуодунай поэппыт Бүөтүр Тобуруокап өрөгөйдөөх үбүлүөйүнэн эҕэрдэлиибин!" диэн түмүктээтэ.
    Дьокуускай куорат бастакы нүөмэрдээх оскуолатын 3 кылааһын үөрэнээччилэрэ тахсаннар нууччалыы,сахалыы Улуу поэппыт хоһооннорун аахтылар.
    Биэчэри иилээн - саҕалаан, олус истиҥ эйгэҕэ киллэрэн Иван Васильевич Мигалкин " Күн таммаҕын ыспыт дьылҕалар" бэйэтин кинигэтигэр суруйааччылар үчүгэй өрүттэрин сырдаппытын кэпсээтэ." Дьон үчүгэйин суруйуу,бу - дьол!" диэн эппитин бары сөбүлүү иһиттибит.
    С.П .Данилов Москваҕа литературнай институкка саха салаатын астарбыт.Н.А.Габышев биир сыл үлэлээбитин кэнниттэн П.Н.Тобуруокап салгыы 4 сыл үлэлээбит.Бу сылларга үөрэммит оҕолортон билигин үстэрэ РФ СС чилиэннэрэ буолбуттар,идэтийбит тылбаасчыттар. Салгыы тылы биэрдилэр ол кэмҥэ үөрэммит оҕолортон биирдэстэригэр Аита Ефимовна Шапошниковаҕа." 1975 - 1079 с.Москваҕа лит.институкка үөрэммит дьоллоохпун" диэн кэпсээнин саҕалаата." Петр Николаевич Габышев Николай Алексеевич кэнниттэн кэлбитэ.Уоттаах сэриигэ сылдьыбыт Бүөтүр Николаевичтан сүр баттатар этибит.Дистанцияны тутуһарын Евгения Васильевна компенсациялыыр этэ.Наһаа эйэҕэс,ыалдьытымсах, сибиэһэй сүөгэйэ,күөрчэҕэ,алаадьыта, сыалаах эттээх миинэ дэлэй этэ.Биһигини ыҥыран аһатара.Биир сыл сиэннэрин Петяны аҕалбыттарын оҕолоспуппут.Чобуо,сэргэх оҕо эһэтин хоһооннорун билэрэ.Биһиги,студент оҕолор ийэлээх,аҕалаах курдук олорбуппут" диэн олус истиҥ тылларынан ахтан - санаан оччотооҕу кэмнэрин кэпсээтэ.
    Тобуруокап хоһоонноругар элбэх ырыа айбыт Аркадий Алексеев " Таптыырга буруй суох" уонна " Улахан тапталы умнумуох" диэн киһи эрэ долгуйа истэр ырыаларын Александр Семенов - Ырыа Сааска толоруутугар иһиттибит.
    Кэрэ ырыалар ылламмыттарын кэнниттэн салгыы тыл бэрилиннэ норуодунай суруйааччыга Андрей Васильевич Кривошапкиҥҥа." Үөһээ Бүлүүгэ биирдэ сылдьыбытым,Намҥа ыытыллар бастакы " Көмүс күһүҥҥэ". Өрөгөйдөөх үбүлүөйэ киэҥ далааһыннаахтык бара турара үчүгэй.Олус үчүгэй.Бэҕэһээ Саха театрыгар үрдүк таһымнаахтык барда.Саха норуота олус талааннаах норуот.Поэт хоһооно ырыа буолан ылланар буоллахтарына поэт аата сүппэт.Ырыа күүһэ - модун күүс! Тобуруокап хоһоонноро норуокка биллэн ылланалларыгар Аркадий Михайлович Алексеев оруола улахан.Үйэлэргэ ыллана турдуннар норуот сөбүлүүр ырыалара.Эһиэхэ барыгытыгар үчүгэй доруобуйаны,бары үтүөнү - кэрэни баҕарабын" диэн эҕэрдэ тылын түмүктээтэ.
    Салгыы Саха гимназиятыттан 6 " А" кл,8 кл,9 " Б" кл.оҕолоро тахсан Тобуруокап хоһооннорун сахалыы,английскайдыы аахтылар.
    Эҕэрдэ тыл бэрилиннэ журналист Иван Васильевич Борисовка." Бүөтүр Тобуруокапка Сталин орденын бэрдэрбит киһи мин турабын.Моисей Ефимов,Василий Сивцев,Сэмэн Руфов,Иван Деевич Архипов буоламмыт баран орденын кэтэрдибиппит" диэн кэпсээтэ.
    Салгыы тыл бэрилиннэ филологическай наука кандидатыгар Валентина Григорьевна Семеноваҕа." Ырыа буолбут хоһоонноругар санаабын этиэхпин баҕарабын.Ырыа киһи ыкса доҕоро.Киһини аралдьытар,санааҕын көтөҕөр.Тобуруокап сорох хоһоонноро эрдэттэн мелодиялаах айыллар эбиттэр.Дорҕооннору табыгастык туттан,ураты баай, минньигэс тыллаах буоланнар хоһоонноро музыкальнай эбиттэр. Мелодистар ырыа айалларыгар тылын уларытыахтарын сөп эбит.Ол курдук " Маҥан мастар" хоһоонугар балерина диэн тыл оннугар үҥкүүһүт диэн тылынан уларыппыттар.Тобуруокап хоһоонугар айыллыбыт ырыалар норуот ырыатыгар кубулуйдулар " диэн этиитин түмүктээтэ.
    Тыл бэрилиннэ Валерий Луковцевка." Ватсаапка бу күннэргэ хас группа аайы дьоннор бэйэ - бэйэлэригэр Тобуруокап хоһооннорун ыытыһаллар.Бу - норуот таптала! Төрдүс том бэчээттэнэн тахсыбытыгар барҕа махталбытын тиэрдэбит.Бастакы том 2010 с.тахсыбыта,2000 экземплярынан,иккис том 2013 с.тахсыбыта,эмиэ 2000 экземплярынан,үһүс том 2015 с.тахсыбыта,1600 экземплярынан уонна төрдүс том быйыл,2017 с.таҕыста,1500 экземплярынан.
    Өр кэтэспиппит кэнниттэн Иван Васильевич Мигалкин олус иһирэх тылларынан биһиги Тобуруокап хоһооннорун ааҕа тахсарбытын биллэрдэ.Тэрээһин саҕаланыаҕыттан кэтэспит буоламмыт үөрэ - көтө тахсаммыт дохсун ытыс таһыныыта доҕуһуоллаах таптыыр,ытыктыыр,сүгүрүйэр поэппыт Тобуруокап хоһооннорун биир тыынынан аахтыбыт.
    Салгыы тыл этэригэр көрдөстүлэр Тобуруокап улахан кыыһыттан - Любовь Петровнаттан." Тобуруокап дьиэ кэргэнин аатыттан барҕа махталбын этэбин,бу күннэргэ оскуолаларга,библиотекаларга араас тэрээһиннэр буола туралларыгар.Ыал улахан кыыһа буоларбынан сибээстээн архыыбы тутан хаалбытым.Барытыгар үлэлэстим.Аҕам билигин даҕаны кинигэҕэ киирбэтэх хоһоонноро элбэхтэр.Сатира,көр - күлүү - бу жанрга суруйбут элбэх матырыйааллара баар,бу кинигэҕэ киирбэккэ хааллылар.Урут брошюра эрэ курдук тахсыбыта.Бу айымньылара бэйэлэрэ том буолар кыахтаахтар.Үлэлиэххэ диэтэххэ элбэх материал баар.Наһаа махтанабын элбэх тэрээһиннэр буола туралларыгар.Инникитин даҕаны үбүлүөйдэрэ 105 сааһынан,110 сааһынан бэлиэтэнэн иһиэхтэрэ диэн эрэллээхпин."
    Салгыы тыл бэрилиннэ Тобуруокап күтүөтүгэр,СР СС чилиэнигэр Дмитрий Федосеевич Наумовка." Бүөтүр Ньукулаайабыс Тобуруокап айар үлэтигэр сүгүрүйэргитигэр биһиги үөрэбит.Кэм - кэрдии улахан дьайыыны оҥорбот эбит.Олус махтанабыт,барыгытыгар.Үөһээ Бүлүү Намыгар кини музейа үлэлии турар.Бу кинигэҕэ поэзия туһунан баар.Тобуруокап 80 сааһын бэлиэтиир үбүлүөйүгэр Опера уонна балет театрыгар толору киһи кэлбитэ.Быйыл Сталинград куоракка кини хос сиэнэ Ньургуннуун бара сырыттыбыт.Сэриилэспит сирдэригэр оруобуна раскопка буола турар эбит. Тобуруокап уоттаах сэрииттэн тыыннаах төннүбүт дьоллоох киһи эбит.Бүгүҥҥү тэрээһиҥҥэ кэлбиккитигэр барыгытыгар махтанабыт" диэн этиитин түмүктээтэ.
    Салгыы тылы социальнай боппуруостарга Үөһээ Бүлүү баһылыгын солбуйааччы Тойтонова Люция Спиридоновнаҕа биэрдилэр.Үгүс тэрээһиннэр үрдүк таһымҥа буола туралларын бэлиэтээн эттэ.Ол кэнниттэн библиотека үлэһиттэригэр - Анна Ивановнаҕа,Айыына Михайловнаҕа,Лариса Иннокентьевнаҕа,Виктория Викторовнаҕа,Айыына Аркадьевнаҕа,Туйаара Николаевнаҕа,Галина Софроновнаҕа сэмэй бэлэхтэри туттартаата.
    Бүгүҥҥү тэрээһин СӨ култууратын туйгуна Анна Петровна Дмитриева " Күөх ойуур суугуна" уонна " Дьол уйата - Үөһээ Бүлүүм" ырыаларынан түмүктэннэ.
    Олус киэн тутуннум,Үөһээ Бүлүүгэ төрөөбүппүнэн! Олус киэн тутуннум Улуу норуодунай поэппынан - Бүөтүр Тобуруокабынан! Үйэлэргэ ыллана турдуннар уостан түспэт ырыалара,сыллар - хонуктар тухары ааҕылла турдуннар дириҥ иэйиилээх хоһоонноро!

    Галина Басылайканова - Кэнтик кыыһа
    Дьокуускай
    26.10 2017 с.

    0
  • м_и_н_
    м_и_н_
    min
    Ветеран
    28 октября  

    Нвкаҕа Сайа док. киинэтэ

    0
  • саргыда
    саргыда
    Ветеран
    28 октября  

    image

    0
  • саргыда
    саргыда
    Ветеран
    28 октября  

    Ити хоһооҥҥо кими умна сатаабытый?

    0
  • Хардааччы
    30 октября  

    Тобуруокап тыыннаах эбит дуу, 100 сааһын туолбут...))

    0
  • һөдүөт-ыллык
    30 октября  

    Дьахтары умна сатаатаҕа дии, ону эмиэ тоҕо туоһуластыҥ төрдүгэр кэрэх туруораары кынныҥ дуо, һааһырбыт киһи эдэр дьахтары таптаан эрэйи көрдөҕө дии. Хоһоонноруттан көрдөххө һааһыран баран ханнык эрэ дьахтары улаханнык таптаан эрэйи көрбүт бадахтаах.

    0
  • Лана
    12 ноября  

    Миэхэ баьаалыста тобуруокап "булчут кэпсээннэрэ диэнтэн ,"токолуку уонна тэкэлик"- диэни ыытагыт да

    0
  • кун
    18 ноября  

    хоту туьунан ытын эрэ

    0
Ответ на тему: П.Н. Тобуруокап 100 с. туолбут күнүнэн!
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Предложения и замечания