Вацапка сахалыы иитиллибит нууча киһитэ суруйбута.
Олохтоох  -    1474
Дорооболоруҥ,күндү САХАМ дьоно!
Онно-манна суруйа үөрэммэтэх киһи буолан,туохтан иилэн-саҕалаан барыахпын билбэккэ олоробун-да буоллар,этэргэ дылы,саҕалыахха эрэ наада быһыылаах.
Бу тылбай-өспөй буоларым улахан хомойууттан,кэлэйииттэн тахсан эрэр.
Чэ,бастаан туран,бэйэбиттэн саҕалыым дуу.Мин,40ммуттан лаппа тахсыбыт,син саас ортолоох,олох куһаҕан да үчүгэй да өттүн билбэлээбит киһибин дэнэбин.Бэйэм дэриэбинэҕэ улааппыт буолан,тыа дьонун ыарахан олоҕун-дьаһаҕын эппинэн-хааммынан,аһыыр да айахпынан амсайбытым диэххэ сөп.Хаан омукпунан,соһуйуоххут,-тоҥ нуччабын...Ийэм эдэр сааһыгар Саха сиригэр,ол саҕанааҕы экспэдииссийэ үлэһитэ буолан,дьылҕа-хаан ыйыытынан,кэлэн сирин-уотун,дьонун-сэргэтин дууһатынан сөбүлээн,таптаан,төһө да үстээх оҕолоох буоллар,хаалан олоҕун оҥостубутунан барбыта.Ол сылдьан дьоһуннаах саха уолугар сүрэҕин туттаран эргэ тахсыбыта.
Төһө да бэйэтэ оҥорботоҕун үрдүнэн,мин кинини"АҔАМ"диибин.Тоҕо диэтэххэ,бары өттүттэн олус дьоһуннаах,киһи аймах улаханнык убаастыыр,ытыктыыр,сөбүлүүр киһитэ этэ.
Миигин кырабыттан бэйэтигэр сөрүөһүннэрэн онно-манга,булка-алка,балыкка,маска-окко,иҥин-араас үлэлэргэ мэлдьи илдьэ сылдьааччы,үөрэтээччи-такайааччы.Миэхэ киниттэн ордук өйдөөх,күүстээх,мындыр,бэһиэлэй киһи суоҕа.Туохха барытыгар аҕабын ыйар сулус оҥостооччубун уонна киэн туттааччыбын.
Онон кырабыттан уу сахалыы иитиллибит,саха оҕолорун кытта бииргэ оонньообут,улааппыт буолан билигин нучча тылынан олуттаҕастык саҥарабын.Тапталлаах кэргэним саха кыыһа.Оҕолорум төһө-да күөх харахтаахтарын иһин,бэйэм курдук,докумуоннарга,омугун балаһатыгар мэлдьи-САХА,диэн суруналлар.
Дьэ,суруйар биричиинэбэр тиийэн кэллим быһыылаах.САХА.Саха(элбэхтик хатылаатахха)-наһаа киэҥ-куоҥ,күүстээх ол гынан-баран сайаҕас,ис-киирбэх баайы тыл дии."Мин сахабын...",дэннэххэ,киһи хайдах эрэ итинник ааттанарыттан,ис-иһиттэн,дууһатыттан күүс-кыах,сэниэ,өй-санаа эбиллэргэ дылы буолар.
Аармияҕа да сылдьан сахабын дэнэр этим.Ол иһин"Якут"диэн хос ааттааҕым. Онно сахам уолаттарын кытта бииргэ эрэйи-муҥу,үөрүүнү-көтүүнү,өрөгөйү билиллибитэ.Чэ,ол туспа остуоруйа,хаһан эмит иллэҥ буоллахха бу суруйбучча суруйуллар ини.Манан сиэттээн-ситимнээн эттэххэ,биир омук быһыытынан бииргэ,бэйэ-бэйэни өйөһөн-убаһан сырыттахха араас олох очурдарын,ыарахаттарын түргэнник,кыахтаахтык дабайыллар буолар этэ.Оттон билигин көрдөххө,олох уларыйыытыттан дуу,киһини иитии-такайыы сатарыйбытыттан дуу,саха дьоно,үксүгэр эдэрчи өттө быһыыта-майгыта тосту уларыйан эрэр.Иименно-САХАкиһитэ(өһүргэнимэҥ)кыратык да кыл саҕа былаас,сокуон өттүттэн кыах дуомнана түстэ да киһини билбэт,өйдөөбөт буола түһэр!Бэйэ омугун төһө кыалларынан түһэрэн,үрдүттэн уктээн,салҕанан өндөйөн өҥ-түү бөҕө буола охсор!Нучча сирэйдээх буолан туораттан туран көрдөхпүнэ олус абалаах,киһи саатыах дьыалата.Малтарыйбыт саха,нуччалаабыта буола-буола бэйэтин сахатын киһитин атаҕастыыра,муннукка-ханныкка ыгара кыһыы диэтэҕиҥ!Оһуобанна итинник погуон-эппилиэт иилиммит уолаттар быһыылара-майгылара киһини сөхтөрөр.Аны киһи кыһыйыах,атын омуктарга туох-да ымманыйан,үөрэн-көтөн,иннигэр-кэннигэр түһэн сүрдээхтэр.Бэйэбинэн билэбин.Арай сахалыы малтаччы саҥардахпына эппээт уларыйа түһэллэр.Погуоннарын тэбэнэ түһэллэр,курдарынн көннөрүммүтэ буолаллар,түөстэрин мөтөс гыналлар диэбит курдук...Киһи да күлүөх!Улахан тойоттор тустарынан этэ да барыллыбат
Таах кэлиилии-кэбэн,туһата суох дьон!Саха омук тойооскуларыттан кэлэйиллибитэ ыраатта.
Муунтуйарым диэн баар-тоҕо бу атын омуктар бэйэ-бэйэлэрин таһаарсан,өйөһөн,нуччалыы эттэххэ"поддержкалаһан" өрө тахсалларый?!Тоҕо,биир эмит киһилэрэ муна-тэнэ сылдьар,бүдүрүйбүт,алҕаһаабыт буолла да бары кэлэн сүбэ-ама,күүс-кыах эбэн дэгдэтэн таһааралларый?Иннилэригэр кэскиллээх дьон ити курдук дьаһаналлар.Ол иһин Сахабыт сиригэр,бэйэлээх-бэйэбит дойдубутугар биһигиннээҕэр ордук кыаҕыран,олохтоох омугу сэнии,күлүү-элэк кына оонньу оҥостон эрэллэр.Чахчы буотта?!Сотору олох да үтэйэллэрэ кэллэ,туох-да сэриитэ,утарылаһыыта суох.
Онон,доҕоттоор,сахам дьоно!Бэйэ-бэйэҕитин төһө да кыра-улахан тойон,чыын-хаан,дуоһунас буолларгыт сахаҕыт дьонун атаҕастаамаҥ,диэн көрдөһүөм этэ.Утарытын,көмөлөһө,өйүү-убуу сатааҥ.Саха боростуой киһитэ былыр-былыргыттан ис-иһигэр көнө,ыраас майгылаах. Үгүстэрэ билбэттэрэ-көрбөттөрө,ол-бу дьыалаҕа муналлара-тэнэллэрэ элбэх,ону быһааран,өйдөтөн биэрдэххэ дэлэ да өйдөөбөт буолуохтара дуо. Ырааҕынан акаары омук буолбатахтар,өйдөөх омугунан ааҕабын.
Ответов 23 Написать ответ
  • Нигатив
    12 октября  

    Олох сөрү-сөпкө баары суруйбут эбит, тыала суохха мас хамсаабат.

    1
  • zloy_admin
    zloy_admin
    Ветеран
    12 октября  

    Манна ыытагыт да?

    0
  • zloy_admin
    zloy_admin
    Ветеран
    12 октября  

    Манна ыытагыт да?

    0
  • Олохтоох
    12 октября  

    Саха омуга бэйэтигэр бэйэтэ көмөлөстөҕүнэ эрэ тыыннаах хаалар кыахтаах,ким да кэлэн эһиэхэ бу маннык үчүгэй диэн этэн кэрдэн биэри суоҕа ону өйдүөххэ наада,биһиги сахалар бу аан дойдуга соҕотохпут.

    2
  • Эс на
    12 октября  

    Олохтоох быьыыта бэйэн бичийбиккин

    0
    • Олохтоох
      13 октября  

      Эс на, мин бэйэм суруйбатаҕым бу вацаптан ылыллыбыт

      0
  • Октай
    13 октября  

    Баары суруйбут.

    0
  • Чэ-чэ
    13 октября  

    Сымыйа! Туох нуччата суруйбут уhу. Омукчан суруйда ини

    Чэ-чэ, фантазиялаан бут.

    Цитата:
    Саха омук тойооскуларыттан кэлэйиллибитэ ыраатта.


    Үөхсэн бүт!!

    ×

    0
  • Сиккиэр этим
    13 октября  

    Без роду, без племени. Оссо уорэтэрдээх киьиттэн ордон. Прослеживается между строк величие нуччи якобы из материка.

    0
  • trn
    13 октября  

    Себулэьэбин. Дьин саха суруйбут.

    1
  • Октай
    13 октября  

    Полициялары киьи баалаабат дьонноро, итинник дьоннор онно киирэллэр, быыьыгар син дуоспуруннаах дьоннор бааллар

    0
  • Д
    13 октября  

    Бу соторутаа5ыта Ил Дархаммыт ыйаах таьаарбыта мээнэ5э буолбата5а буолуо, тойоттору хотуттары сиэрдээхтик туттун хаптын диэн ис хоьоонноох ыйаах тахсыбыта

    0
  • Мира
    14 октября  

    Туох ааттаах соһуйбута өмүрбүтэ буолаҕыт, ити суруйбута барыта олоххо баар буотах да,тулаҕытын өйдөөн көрүҥ ээ, сахалыы иитиллибит буолан сахаларга чугас ол иһин туораттан көрөн дууһата ыалдьар буоллаҕа

    0
  • Олохтоох
    14 октября  

    *Ватсап бөлөҕө кэпсэтэр*


    - Ватсапка биир нуучча суруҋбут ди.Саха киһитэ тоҋон буолла да,бэҋэтин омугар эрэ тоҋоргуур диэбит.😳

    - Сөпкө эппит.Тоҋон буоллулар да бу былырыын эрэ бииргэ үлэлээбит,бииргэ иһиспит да киһиҥ,эһэ барааҕын курдук сахсас гына түһэр.Түөһүн өтөн курдук мөтөччү туттан ,топпут хаас курдук хаамыталыаҕа.Кэҕис гынан дорооболоһон аастаҕына махтал.🤔

    - Буоллунууй эһиги да тоҋон буоларгыт буоллар,холоон."Тоҋону отунан-маһынан оҥорботтор".Оннооҕор бу манна эһиги админ солотун ыллыгыт даҕаны,сэнээбит дьоҥҥутун таһааран кэбиһэҕит.Оннук курдук буоллаҕа ди😝.

    - 😂😂Бары биир буоллахпыт ди.

    - Буолбутун да иһин, бэҋэ дьонун өрө тутуохтарын.Мин суоппарбын ,гаилар омук киһитин аһардан баран,эбэһээт саханы тохтотон ыстарааптыыллар.😒

    - Саха арыгы сыттаах буолар ини.😤

    - Тоҋон ханна баҕар кыра-хара киһини сэниир.Сахалар эрэ буоллаҕаҋ.Сиэмэх кыыллары көрдөххө,улаханыттан саллан кыратын талан, тутан сииллэр ди.Оннук курдуктар.😬

    - Ол нуучча этэринэн,бастаан саха тоҋоно кинини кытта ,нуучча диэн тэҥнээҕин курдук кэпсэппит.Онтон сахалыы саҥарбытыгар,"арҕаһын туруоран" тоҋон хаанын биллэрэн барбыт.Дьэ бу тугуҋ?😡

    - Ол иһин сахалыы билбэтэх, буолаллар эбит ди😉

    - Итинник быһыы элбэх.Итинтэн даҕаны көстөр ди.Ол иһин омуктарга бэһирэллэр.Мечеть тутталларыгар үп-харчы көрөллөр.Уһааҋба биэрэллэр,сахалар биир кып-кыараҕас арчы дьиэлээхпит.Саха киһитэ суолуу бүөлүү ,массыынатын аҕыҋах мүнүүтэ туруордун эрэ.Оннун булларыахтара.Омуктар суолу бүөлүү "раком"сыталлар.Полиция кинилэри көмүскээн,манабылга тураллар.👎👊🚼



    *Ородьумаан*


    12.10.17.

    0
  • Дэриэбинэ киьитэ
    15 октября  

    Сымыйа

    Паспорга национальность диэн графа суох.

    0
    • Смит
      15 октября  

      Дэриэбинэ киьитэ, баар. Урут паспортарын ылбыт дьоннорго ол графалара билигин да сурулла сылдьар.

      0
  • Cruise Control
    15 октября  

    Олохтоох,

    Дьэ баҕарбытын хоту ити жан - диэ шпикерын "ОлонхоЛЭНД" туттаран эрэр, 60миллиард бюджет харчытыгар, бастакы этапын.

    "Международный Центр Олонхо" - буолар үһүбүт, пиипеец дии. Сахалар оҕолуун-улаханныын ОЛОНХОЛООН аһыыр кэммитин Ил-Түмэн аҕалла.

    Сахалар этэллэр этэ - "Олонхолоон аһаабыкка дылы ..." - диэн. Ол аата - " ТУҺАТА СУОҔУНАН ДЬАРЫГЫРЫМА ! "

    Оо, дьэ чахчы ОРОДЬОМООН, эбит - АРЧЫТЫН дьиэтин мыыммыт confounded faceconfounded faceconfounded face

    0
  • Василий
    16 октября  

    Сорох иитиитэ хайдах суруйбуккутуттан кестер.Саха омуга ассимиляцияга баран эрэрин бары билэн олорор буоллаххыт. Ыал аайы баар буолла атын омуктан ого. Ити сымыйа буолбатах. Боруоста якут куустээх уолаттар Слепцов, сивцев, Лазарев, Баишев,лебедев, Иванов,Варданян,Старостин,Дьяконов дьэ этин эрэ дьин саха ханна баарын?

    0
  • Василий
    16 октября  

    Дьининэн эттэххэ сахага арчы дьиэтэ диэн суох буоллага. Ункуу- куулэй дьонно былыргаттан баар буоллахтара, бырыдьаак дьон айах тарынан асаан сырыттахтара.3-4 хонук олонхолоон кэллэххэ туох суесутэ суесутэ буолуой. Кэрийэ сырыттахтара дии

    0
  • хочокыыьа
    16 октября  

    Европа турзмынан эрэ олорон эстэн эрэр. Заполонили и туристы и не туристы. Онтон Лендбыт эмиэ приватизация5а барбытын истэн эрэ хаалыахпыт. Сокуон оннук. Акция5а хапсыбыт саха абыраныа онуоха маныаха диэри. Биирдэ истибиппит Ленд тойоно Лихтенштейнна олорор кимэ биллибэт миллиардер буолуо.

    0
  • ХАРЫЙА
    17 октября  

    Урут СССР саҕана саха эр киһитин үлэһити элбэтээри нуучча дьахтарын ойох ыллараллара оҕолоро тойоттор киэннэрэ бэрдэ суох дьон буолара.Ол дьонуҥ дьону араараллара.Аны топпут эбэҥки эбээн саха аҥаардааҕа акаары буолар киһиргэс тойоҥҥо илин түһэ сылдьар.Ону барытын сахалар оннуктар манныктар дииллэр.Совет саҕана киһини барытын саха диэн суруйтара.

    0
  • Cruise Control
    17 октября  

    ХАРЫЙА,

    Э мадамесвеером эбиккин. КомуЗаттан

    0
Ответ на тему: Вацапка сахалыы иитиллибит нууча киһитэ суруйбута.
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Предложения и замечания