1 месяц на форуме Автор 2 уровня Все
Награды
1 месяц на форуме
1 месяц на форуме
Автор 2 уровня
Автор 2 уровня
Новгородов Андрей Григорьеич «Ленскэй нэһилиэк» МТ баһылыгар кандидат быыбар иннинээҕи программата
  872
Убаастабыллаах быыбардааччылар!
Нам улууһун административнай - территориальнай киинэ - Нам селота 2017 – 2022с. социальнай - экономическай сайдыытын сүрүн барылын эһиги дьүүлгүтүгэр таһаарабын.
Олохтоох бэйэни салайыныы сокуоннарыгар сөп түбэһиннэрэн бюджет дохуотун улаатыннарыы уонна ороскуотун көдьүүстээхтик туһаныы – олохтоох дьаһалта үрдүк эппиэтинэстээх сыала - соруга. Үлэ саҥа көрүҥнэрин олоххо киллэрэн, тус сыаллаах программаларга хото кыттан, федеральнай, республиканскай бюджеттан үбүлээһини ситиһиигэ инники хардыылар, программалар торумнаннылар.
Включена рейтинговая защита. (Что это?)
Ваш рейтинг: 0, Минимальный рейтинг: -1000

Как работает рейтинговая защита?

На форумах Ykt.Ru общается множество разных людей. Как показывает статистика большая часть нарушений требования законодательства, особенно в форме откровенных оскорблений и случаев разжигания межнациональной розни, происходит в анонимном режиме. В связи с этим, темам, модераторами и ветеранами форума присваивается статус рейтинговой защиты, выделяемой значком R. Это означает, что в этой ветке не могут оставлять комментарии анонимные или вновь зарегистрированные пользователи. Минимальный рейтинг для участия этих темах в настоящее время установлен в 40. Для его получения достаточно к примеру создать один обсуждаемый топ или оставить 40 комментариев. На следующий день у пользователя уже будет необходимый для участия в R-темах рейтинг. Как показывает опыт, зарегистрированные пользователи следят за своей историей и не так бездумно бросаются оскорблениями, как часто случается у анонимов. Администрация форума за то, чтобы форум не скатывался в негатив и ругань, чтобы он был направлен на содержательное обсуждение. Уверены, что подавляющая часть пользователей нас в этом поддерживает.

Рейтинг пользователя рассчитывается по количеству созданных им топиков, сообщений, ответов к его топикам, а также от оценки других пользователей на ваши сообщения. Рейтинг носит информативный характер и будет учитываться при определении статуса пользователя, его доступа к некоторым обсуждениям и ряду других функций. Рейтинг пользователя ощутимо снижается при удалении его сообщений модератором. В каждом форуме, в котором включена рейтинговая защита, свой рейтинг пользователей, независимый от других форумов.

За что начисляются баллы?

Создание топика: +1 балл.
Ответ в чужом топике: +1 балл.
За каждый лайк вашего комментария или топика: +1 балл
За каждый дизлайк вашего комментария или топика: -1 балл
Ответ уникального пользователя в вашем топике: +1 балл. Количество ответов от одного и того же пользователя в вашем топике не имеет значения, 1 ответ или 100 ответов дают автору +1 балл.

Подсчет Баллов
Рейтинговая система на новом дизайне сайта рассчитывается не много иначе чем в старой версии форума (там отображает рейтинг за весь период времяпровождения на форуме), на новом же рейтинг ведется за активность в течении 30 дней, т.е. если вы написали сообщение 1 апреля (+1 к рейтингу) и не оставляли сообщений до 1 мая, то ваш рейтинг становиться нулевым. Новый подсчет рейтинга хорош тем, что старые баллы не подсчитываются, а так же чтобы в топе пользователей показывало активных форумчан на данное время.

За что вычитаются баллы?

Удаление модератором топика: -5 баллов.
Удаление модератором сообщения: -5 баллов.
Вычитание происходит мгновенно.
При восстановлении сообщения или топика баллы не возвращаются.
Баллы вычитаются лишь у автора удаленного сообщения. У авторов сообщений, которые были ответами на удаляемое сообщение, рейтинг не уменьшается.
Если сообщение удалил сам автор, рейтинг не уменьшается.

Ответов 33
  • jiznam
    jiznam
    jiznam
    31 августа  

    1.    Тутуу, газификация, электрификация
    Нэһилиэнньэ инициативатын өйүүр «Народнай бюджет» программа үлэҕэ киирбитэ, бу үлэ салҕанан барар. Дьон олорор сиринэн: ТОС-тан, микрорайоннартан, түөлбэлэртэн благоустройствоҕа киирбит этиилэрин, проектарын өйөөн, конкурс бэрээдэгинэн олохтоох бюджеттан үбүлээһин - субсидия көрүллүө. Бу үлэҕэ коммерческайа суох дьоҕус тэрилтэлэр кыттыахтара.
    ЖКХ Министерствота, Капитальнай ремонт фондата, РАЭРС энергияны кэмчилээһиҥҥэ комплекснай үлэни ыытар программаҕа олоҕуран Нам селотун социальнай объектарыгар, олорор дьиэлэргэ капитальнай ремоннар барыта 24 элбэх квартиралаах дьиэлэргэ бардылар уонна бу үлэ салҕанар. Хаарбах, аварийнай туруктаах дьиэлэртэн дьону көһөрүү программатынан 1-кы этапка: 6 саҥа таас толору хааччыллыылаах дьиэҕэ 142 квартира, 45 ыал “Молодая семья”, “Дети сироты” программанан саҥа дьиэлэннилэр. 2-с этапка 38 дьиэҕэ 420 ыал дьиэнэн хааччыллыа.
    2014 с.-хха урукку кэмтэн 30-ча сыл туһаныллан, эргэрбит, хаһаайына, үбэ - харчыта быһаарыллыбатах водопровод ситимэ дьаһалтаҕа нэһилиэстибэ быһыытынан бэриллибитэ. Водопровод үбүлээһинэ республикаҕа улуус Киин нэһилиэктэригэр көрүллүбэт. Бэйэ бюджетыттан тыыран ааспыт үс сылга 10,5 км. водопровод ситимэ саҥалыы тардылынна. Нэһилиэк улаатан, бу үлэни кэлимник быһааран, саҥа кварталлары учуоттаан проект оҥоһулла сылдьар, анал эппиэттээх профессиональнай таһымнаах тэрилтэ күүскэ дьарыктанарын ситиһиэхпит.
    Нам селотун нэһилиэнньэтэ ахсаан өттунэн элбиир, нэһилиэктэртэн, Республика улуустарыттан көһөн кэлэн сылга 400-кэ киһи регистрацияланар. Олорор дьиэнэн хааччыйыы проблемата уустук. Бу боппуруоска государственнай, муниципальнай, частнай партнерство кыттыһан дьиэлэри тутууга үлэ барыа, дьаһалта иһинэн муниципальнай олорор дьиэ Фондата тэриллэн үгүс эдэр ыал, специалистар чэпчэки сыаналаах дьиэлэргэ арендалаһан, сөптөөх болдьоххо олоруохтара.
    Инвестиционнай программаларга кыттан кииннэммит котельнайдары реконструкциялаан, кыамталарын үрдэтэн чааһынай дьиэлэри, кварталлары итиинэн хааччыйыы үлэтэ салҕаныа.
    Чааһынай ыалга газ киириитигэр 204 кыаммат ыалга 19 мөлүйүөн көмө - субсидия оҥоһулунна, бу үлэ салгыы ыытыллыа. Саҥа кварталларга инженернэй обустройство программатынан газ киириитэ, газ арахсар ситимин кыамтатын үрдэтэр үлэ барыаҕа. Газ киириитин саҥа схемалара АО УГРС “Сахатранснефтегаз” тэрилтэни кытта дуогабардаһан ”Север”, “Көччү”, “Лесхоз”, “Север-2”, “Ипподром”, ”Деревня мастеров”, Ленин уулуссатыгар тардыллыахтара. Намнааҕы АГРС көһөрүүтэ саҕаламмыта, босхоломмут сирэ - уота элбэх оҕолоох ыалларга түҥэтиллиэ.
    Уот ситимин тардыы, хаһаайына суох ТП-трансформатордары учуоттааһын, өрөмүөннүүр үлэ, техническэй уларытыы, подстанциялар кыамталарын үрдэтии сүрүн үлэлэрэ 2018-2019 сс. былааҥҥа АО ПАО “Якутскэнерго” тэрилтэлиин бигэргэннэ.

    0
  • jiznam
    jiznam
    jiznam
    31 августа  

    2.    Село благоустройствота, айылҕа харыстабыла, сири туһаныы
    Село благоустройствотыгар ыытыллар үлэлэргэ сөптөөх “Намавтодор” базатыгар арочнай гараж ылан, саҥа техникалары лизинговай төрүккэ олоҕуран атыылаһан производственнай базабытын хаҥаттыбыт. Саҥа бульдозер, Камаз - самосвал, суол үлэтигэр аналлаах камаз массыына үлэлии сылдьаллар. Село иһинээҕи суол - иис өрөмүөнүгэр эбии үп - харчы көрүллүүтүгэр транспорт Министерствотын кытта үлэлэһэбит.
    М. К. Аммосов аатынан болуоссат салгыы тупсарыллыа, улахан габариттаах LED – информационнай экран үлэлиэҕэ.
    Мантан да атын проектнай – сметнай докумуоннара бүппүт уонна оҥоһулла сылдьар тутуулар үлэҕэ киириэхтэрэ.
    Нэһилиэк свалкатын боппуруоһа хайа да кэмҥэ сытыытык турар, бу хайысхаҕа анал үбүлээһин көрүллүбэт, хаһаайын чуолкайдык ыйыллыбат. Ол үрдүнэн свалкаҕа улуус уонна село бюджетыттан сыллата үп көрүллэн МАУ “АРТ” тэрилтэ дьарыктанар. Инникитин “Санитарная очистка территории с. Намцы” программаҕа олоҕуран свалканы нэһилиэнньэлээх пуунтан көһөрүү, бөҕү сортировкалааһын, чааһынай ыал бөҕүн таһыы, утилизация, бөҕү брикеттээһин боппуруостара ирдэбил быһыытынан быһаарыллыахтара.
    Фекальнай уу переработкатын технико - экономическай төрүтэ оҥоһуллан, улуус дьаһалтата, НКТЭ тэрилтэтэ, село дьаһалтата холбоһон анал программа оҥороммут олоххо киллэриэхпит.
    Селону тупсарар, киэргэтэр күөх зона буоларын өйдөөн, уулуссаларга, сквердарга көҕөрдүү үлэтэ, мас, сибэкки олордуута утумнаахтык ыытыллыа. Маны тэҥэ тас көстүүнү буортулуур хаарбах тутуулары, хаппыт мастары ыраастааһын үлэтэ, "Чистый четверг" санитарнай күнү тэрийии үгэс буолуо. Инникитин Наммыт селота улууска образцовай бэрээдэктээх нэһилиэк аатын ыларын туһугар үлэлиэхпит. Бүттүүн нэһилиэгинэн туруннахпытына бу үлэ толоруллар кыахтаах.
    Нам олохтоохторугар, ветераннарга хаһаайыстыба тэринэллэригэр 130 сайылык - уһаайбалар “Сиэникэй”, “Бардыалаах” сирдэриттэн докумуоннанан түҥэтиллибиттэрэ. Уһаайба сирэ, сайылык, оҕуруот хаһаайыстыбатын сирдэрин быһаарыы – инники сорукпут.

    0
  • jiznam
    jiznam
    jiznam
    31 августа  

    3.    Тыа хаһаайыстыбатын сайыннарыыга
    Селоҕа 1742 хаһаайыстыба (ЛПХ) учуоттанар. Кинилэр крестьянскай ярмаркаларга, быыстапкаларга баһылыыр күүс буолаллар, улууска, республикаҕа бастыҥ миэстэҕэ сылдьаллар. Инники былааҥҥа - тыа хаһаайыстыбатын бородууксуйатын оҥорон таһаарыы үлэтин күүһүрдүү турар. Ол инниттэн пищекомбинат саҥа дьиэтин үлэҕэ киллэрии ирдэбилгэ турар уонна үрүҥ аһы, ыраас ууну, дикорос үүнээйини переработкалааһыны тэҥэ, бурдук ас бородууксуйатын сайыннарыы киирэр.
    Нам селотугар сүөһү, сылгы иитэр чааһынай хаһаайыстыбаларга сүөһү төбөтүнэн көмө үбүлээһин көрүҥүн субсидия бэрээдэгинэн киллэриэхпит.
    Тыа хаһаайыстыбатын тэрилтэлэрин, оҕуруот аһын үүннэрэр хаһаайыстыбалар, нэһилиэнньэ оҥорон таһаарбыт бородууксуйаларын батарар инниттэн агрокласстер тэрийиллиэ. Сүрүн сорук - рыноктары, саҥа анал атылыыр миэстэлэри арыйан, ярмарка - выставкалар нөҥүө атыы – эргиэн ситимин тэнитэн, нэһилиэнньэ дохуотун үрдэтии. Улуус тас өттүгэр, Дьокуускай куорат рыногар куоталаһар кыахтаах Нам бородууксуйатын оҥорон таһаарыы. Тыа хаһаайыстыбатын Министерствотын «Устойчивое развитие сельских территорий» федеральнай программатыгар, «Начинающий фермер», дьиэ - кэргэн грантовай конкурстарыгар дьон кыттыытын тэрийиэхпит.

    0
  • jiznam
    jiznam
    jiznam
    31 августа  

    4.    Предпринимательство, үлэнэн хааччыйыы
    Нам селотугар 387 урбаанньыт учуокка турар. Орто, дьоҕус предпринимательство үлэтин өйүүр бырайыактар өйөбүл ылыахтара. Тус Граннар, субсидиялар ананыахтара, болҕомто ыччат - дьон үлэнэн хааччыллыытыгар ууруллуоҕа. Село тэрилтэлэригэр үлэ миэстэлэрин квотатын быһаарсыы, үлэтэ суохтары общественнай үлэнэн хааччыйыы, Республика атын оройуоннарыгар дуогабардаах вахтовай үлэлэри тэрийии. Бизнес - центр үлэтигэр кыттыһан, туристическай - рекреационнай кластер үлэтин тэрийэн, село экономиката сайдарын туһугар орто, дьоҕус бизнес үлэтин киэҥник өйүөхпүт.

    0
  • jiznam
    jiznam
    jiznam
    31 августа  

    5.    Үөрэхтээһин
    Хаачыстыбалаах үөрэтиигэ, саҥа технологиялары сайыннарыыга интернет - оптоволоконнай сибээс ситимэ киириэҕэ. Төрөппүт, общественность кыттыытын күүһүрдүүгэ, саҥа эдэр кадрдар үлэлиир, олохсуйар усулуобуйаларын тэрийиигэ үлэ барыаҕа. Село хоту өттүгэр саҥа 240 миэстэлээх таас оҕо саада тутуллуо, 2018 сылга былааҥҥа киирдэ. Инникитин саҥа типовой орто оскуола, детсадтар тутуллуулара улуус дьаһалтатын кытта былааннанар. Чааһынай партнерствоны кытыннаран оҕо саадынан хааччыйыы 100% быһаарыллыа. Эбии үөрэхтээһин тэрилтэлэригэр материальнай - техническай базаларын бөҕөргөтүүгэ үлэ ыытыллыаҕа. Саҥа эбии «Оҕо эйгэтин Киинэ» комплекс быһыытынан тутуллуохтара, сирэ – уота Комсомольскай уулуссаҕа быһаарылынна.

    0
  • jiznam
    jiznam
    jiznam
    31 августа  

    6.    Ыччат политиката, культура, спорт сайдыыта
    Бастыҥ үөрэхтээх студеннарга, үөрэнээччилэргэ, талааннаах лидер ыччаттарга , эдэр ыалларга аналлаах хайысхалаах проектарга өйөбүллэр, анал Граннар олохтонуохтара.
    Нам селотугар саҕаламмыт 350 миэстэлээх Культура дыбарыаһын тутуутун проегын оҥорууга 3,6 млн. төлөбүрдээх үлэ саҕаланна, бу үлэ түмүктэниэ. Республика таһымнаах ыччат, олоҥхо ыһыахтарын, элбэх улуус тэрээһиннэрин ыытар инниттэн төгүрүк сылы быһа үлэлиир саҥа Культура уонна сынньалан пааркатын комплекса тутуллуо. Село ветераннарыгар, общественнай түмсүүлэргэ аналлаах «Дом ветерана» чааһынай муниципальнай партнерство нөнүө тутуута былааннанна.
    Спортивнай таһым, маассабай спорт үрдүүрүгэр болҕомто күүһүрүө, түөлбэлэринэн спортивнай, футбольнай, хоккейнай площадкалар тутуллалларын ситиһиэхпит.
    Манна эбии саҥа спортивнай тутуу былааннанна. Бу спортивнай инвентарынан, тренажердарынан толору хааччыллыбыт аһаҕас халлаан анныгар үлэлиир адаптивнай, аҕам саастаах дьоҥҥо аналлаах спортивнай площадка.
    Ону таһынан Тыа хаһаайыстыбатын Министерствотын программатынан нэһилиэк хоту өттүгэр аһаҕас спортивнай площадка тутуллара бигэргэннэ.
    Улуус Киинин олохтоохторун үгүс сыллаах баҕа санаалара – бассейн тутуута спорт Министерствотын өйөбүлүнэн олоххо киирэр буолла.

    0
  • jiznam
    jiznam
    jiznam
    31 августа  

    7.    Общественнай бэрээдэги бөҕөргөтүү
    Общество бүттүүнэ түмсэн бу дьыалаҕа үлэ тэриллиэхтээх. Сокуоннай саастарын ситэ илик оҕолорго, төрөппүттэргэ анаан психологическай көмө, олох ыарахаттарын көрсүбүт дьоҥҥо анал анонимнай консультационнай пууннар, кабинеттар үлэлиэхтэрэ. ДНД, юристар ассоциациялара, социальнай педагогтар, общественнай түмсүүлэр күүстэрин түмэн оскуола сааһыттан саҕалаан бүтүн нэһилиэнньэҕэ правовой культураны иҥэрии, общественнай бэрээдэги күүһүрдүү ситимнээх үлэтэ ыытыллыа.
    Арыгы атыылааһынын хонтуруолга ылан, анал маҕаһыыннар нэһилиэк тас өттүгэр көһөрүллэн үлэлиир чаастара бигэргэммитэ. Нэһилиэнньэ ирдэбилигэр, этиилэригэр сөп түбэһиннэрэн бу үлэ салгыы тэриллиэ.

    0
  • jiznam
    jiznam
    jiznam
    31 августа  

    8.    Социальнай эйгэ политиката, доруобуйа харыстабыла, общественность кыттыылаах олорор сиринэн үлэни тэрийии
    Кэнники сылларга сиэр - майгы чөлүгэр түһүүтүгэр уонна общественнай өйү - санааны түмүүгэ үлэ ыытыллынна - бу билиҥҥи кэм ирдэбилэ. Нэһилиэнньэ кыаммат - кыһалҕалаах араҥатыгар, инвалид оҕолорго, саастаах дьоҥҥо анаммыт республика бюджетыттан 2 млн. грантовай өйөбүл ылан, анал адаптивнай спортивнай тренажердарынан, медоборудованиянан хааччыллан хайысхалаах үлэ ыытылынна. Маннык программаларга салгыы үлэлэһиэхпит.
    Поликлиника тутуллан селоҕа дьиҥ - чахчы доруобуйа Киинэ баар буолла, дьон эмтэнэр, диагностикаланар, реабилитацияланар кыахтанна. Инники сорукпут – нэһилиэнньэ, тэрилтэлэр үлэһиттэрэ 100% профилактическай медицинскэй көрүүнү барыыларын ситиһии. Доруобуйа харыстабылын ситимин олохтоох кадрдарынан хааччыйыы, олорор усулуобуйаларын тэрийии.
    Нэһилиэнньэ социальнай өттүнэн көмүскэлэ суох араҥатыгар, инбэлииттэргэ болҕомто ууран хайысхалаах үлэ ыытыллыа: анал идэҕэ үөрэтэн дьарыктаах буолууларын ситиһии, доруобуйаларын араҥаччылааһын, обществоҕа тэҥҥэ тутуллар дьон буолууларын ситиһии, тэрилтэлэргэ үлэ квотатын туруорсуу, “Безбарьерная среда” программаҕа үлэлэһии.
    Улуустааҕы “Лебедь” инбэлиит оҕолору өйүүр Фонда Водянова үбүлүүр проегар кыттыһан оҕо сынньанар, оонньуур площадкатын тутуутугар сир бэрилиннэ. Дьаһалта иһинэн тэриллибит кыаммат ыал, общественнай бэрээдэги кэһэн учуокка турар оҕолору сайыҥҥы кэмҥэ дьарыктаах буолалларын хааччыйар үлэ, айар талаан, сынньалаҥ оҕо лааҕырдара салгыы үлэлиэхтэрэ.
    Олорор сир территорията улааппытынан село иһинэн сылдьар пассажирскай транспорт саҥа маршрута олохтонуо, эбии автобус атыылаһарга дотация көрүллүө.

    0
  • jiznam
    jiznam
    jiznam
    31 августа  

    9.    Маассабай информация үлэтин сайыннарыы
    «Ленскэй нэһилиэк» МТ хаһыатын сайыннарыы. «Энсиэли» хаһыат саҥа редакциятын кыаҕын туһанан нэһилиэк историятын, үлэһит дьонун, тэрилтэлэрин кэрэ - бэлиэ даталарын, ситиһиилээх үлэлэрин үйэтитэр сыаллаах хаачыстыбалаах бэчээттиир бородууксуйаны элбэтиэхпит. Нэһилиэк сайтыгар дьаһалта үлэтэ дьэҥкир буолуутун ситиһиэхпит.

    0
  • Намский
    31 августа  

    Баня? Летний водопровод?

    0
    • jiznam
      jiznam
      jiznam
      1 сентября  

      Намский, сарсын кандидаттан эппиэтин ыллахпына суруйуом.

      0
  • jiznam
    jiznam
    jiznam
    1 сентября  

    ВОДОПРОВОД
    Нэһилиэнньэ уунан хааччыллыыта сурун боппуруос буолар. Бу сыл нэһилиэнньэҕэ уу тиийбэтэ сытыытык турда, ол гынан баран манна олох туох да улэ барбат уонна ким да кыһаллыбат диэтэххэ сымыйа буолар. 2012 сылга нэһилиэк ситимэ 20 км. усталаах буоллаҕына бүтэһик 3 сылга эбии 12 км. ситим тардылынна. Бастатан туран урукку ситим эргэтэ бэт буолан иккиһинэн ситим уопсай объема улаатан аналлаах насостар сөптөөх напор (давление) биэрбэккэ көчүмэҕэйи үөскэттэ. Инниктин маннык үлэлэтэн нэһилиэнньэ ирдэбилигэр эппиэттээбэтин учуоттаан Эгопласт диэн тэрилтэҕэ проект сакаастанан оноһулла сылдьар, ити проегы туһанан нэһилиэккэ инники сылларга ирдэбилгэ эппиэттиир уонна сөптөөх кыахтаах водопровод саҥардыллан тардыллыаҕа.

    0
  • jiznam
    jiznam
    jiznam
    1 сентября  

    Баанньык
    Нэһилиэнньэҕэ хаачыстыбалаах, ирдэбилгэ эппиэттиир бытовой услуганы онорор баанньык хайаан да үлэлиэхтээх, ити сыалтан быйыл күһүннэттэн баанньыгы улэлэтэргэ сөптөөх дьаһаллар ылынаннар үлэ бара турар. Олохтоох администрация сокуон ирдэбилинэн коммерческай деятельноһынан дьарыктаныа суохтаах, ол иһин баанньык урукку кэмнэртэн предпренимательларга бэриллэн үлэлии турар. Ол курдук бүтэһик 5 сыл ИП Эверстова С.И. улэлэттэ, быйыл договора бүтэн ИП Бережнев С.И. договордаһан үлэлэтэн эрэр. Урукку мунньуллбут иэс барыта төлөннө, сотору кэминэн гааһа холбонноҕуна нэһилиэнньэҕэ баанньык өҥөтүн биэрбитинэн барыа.

    0
  • jiznam
    jiznam
    jiznam
    1 сентября  

    image

    0
  • jiznam
    jiznam
    jiznam
    1 сентября  

    Андрей Григорьевич Новгородов
    биографията

    Андрей Григорьевич Новгородов 1968 сыл кулун тутар 24 күнүгэр Нам улууһун Аппааны бөһүөлэгэр төрөөбүтэ. Ийэтэ Розалия Гаврильевна өр сылларга «Хатыҥ Арыы» совхозка бухгалтерынан үлэлээбитэ. Аҕата Григорий Григорьевич учуутал идэлээх, Российскай Федерация үөрэҕириитин туйгуна, иккиэн үлэ ветераннара. Новгородовтар дьиэ кэргэн Хатыҥ Арыы нэһилиэгин уонна Нам улууьун ытык ыаллара.
    Андрей 1985 с. И.Е. Винокуров аатынан Хатыҥ Арыы орто оскуолатыгар учугэй уорэнээччи, спортсмен, активист быьыытынан ситиьиилээхик бутэрбитэ.
    Бу сыл Благовещенскай куорат тыа хаһаайыстыбатын институтугар үөрэнэ киирбитэ. Уөрэнэр кэмигэр Советскай Армия кэккэтигэр ыҥырыллыбыта. Дойду иннигэр ытык иэьин Дальнай Востокка, Казахстанна толообутэ. Ол кэннэ үөрэҕин сал5аан 1992 с. инженер-механик идэтин баьылаан дойдутугар тоннон, Хатын - Арыыга механигынан, КП инженеринэн үлэтин биографиятын саҕалаабыта.
    1996 с. салайар талааннаах специалииьы Хатыҥ Арыы нэһилиэгин дьаһалтатын баһылыгын газтааһын, ЖКХ, тутуу боппуруостарын солбуйааччытынан аныыллар. 2001-2003 с. Хатыҥ Арыы нэһилиэгин баһылыгынан ананан үлэлиир. Бу кэмнэ Андрей Григорьевич бэйэтин сайдыылаах, үрдүк таһымнаах салайааччы быһыытынан көрдөрбүтэ. «Үтүө дьыала» республикатааҕы хамсааһын чэрчитинэн Аппааныга КСК, оҕо саада, Граф Биэрэгэр культура дьиэтэ о.д.а. тутуулар ыытыллыбыттара.
    Андрей Григорьевич Новгородов аныгылыы тииптээх салайааччы быьыытынан тохтоло суох профессиональнай таьымын ситимнээхтик урдэтинэр. Ол курдук Дальнай Востоктааҕы государственнай сулууспа академиятыгар юрист идэтин ылбыта, персоналы салайыыга, бизнеьи баьылааьынна, тыа хаһаайыстыбатын менеджерын, гражданскай көмүскэл академиятын анал курстарын бүтэрбитэ.
    2003 с. инникилээх салайааччыны «Нам улууһа» муниципальнай тэриллии баһылыгын солбуйааччынан, персоналы салайар сулууспа салайааччытынан аныыллар.
    2006 с. «Биир ньыгыл Россия» партия чилиэнэ.
    2011 с. түмүгүнэн Андрей Григорьевичка «Начальнай, орто профессиональнай үөрэхтээһин бастыҥ директора» аат иҥэриллибитэ.
    2012 с. Андрей Григорьевич быыбарга кыттан Ленскэй нэьилиэк муниципальнай тэриллии баьылыгынан талыллар. Бу ааспыт биэс сыл биьиги республикабытыгар, улууспутугар угус историческай даталарынан бэлиэтэнниллэр. Ол курдук Саха норуотун VI Спортивнай оонньуулара, И.Е. Винокуров, М.К. Аммосов юбилейдаах сыллара улуус киинин тутуутугар, тупса5ай ис – тас костуутугэр урдук ирдэбиллэри, нэьилиэк дьаьалтатын иннигэр улахан соруктары туруорбуттара. Ыытыллыбыт былааннаах, тэрээьиннээх улэ5э хас биирдии нэьилиэк олохтоо5о, тэрилтэлэр, тумсуулэр бука-бары куустэрин холбоон ситиьиилээх улэ тэриллибитэ. Ол тумугэр Нам селота улуус административнай – территориальнай киинин быьыытынан ураты, тупса5ай костуулэннэ, дьон – сэргэ олохсуйарыгар тулалыыр эйгэтэ тэрилиннэ.
    А.Г.Новгородов салайар улэ алын суьуох салалтатыттан улуус нэьилиэнньэтин анара тобуруоннээн олорор улахан нэьилиэгин салайааччытыгар тиийэ ууннэ. Андрей Григорьевич угус сыллаах дьон туьугар анаммыт дьаныардаах улэтэ, улуус, нэьилиэк социальнай – экономическай сайдыытыгар киллэрбит кылаата урдуку на5араадаларынан бэлиэтэммиттэрэ: «Отличник профессионального образования РС(Я)» (2012 с.), «За вклад в социально-экономическое развитие МО «Намский улус»» знага, «Отличник муниципальной службы Республики Саха (Якутия)» (2017 с.).
    А.Г. Новгородов кэргэннээх, ус о5олоох ыал амарах а5ата, нам селотун олохтоо5о.

    0
  • tank-34
    1 сентября  

    image

    0
  • jiznam
    jiznam
    jiznam
    1 сентября  

    ДЬИҤ ИҺИГЭР ХАЙДАҔЫЙ?

    Быыбар агитацията саҕаланыаҕыттан кандидат Новгородов А.Г. улуус киинин баһылыгынан олорбут болдьоҕун кэмигэр киһи хараҕар хатанар объектары бука барытын бэйэтэ туттарбыт курдук кэпсиир, кэпсэнэр. Дьиҥнээх балаһыанньаны билбэт дьон истэригэр чахчы да үлэни кыайа-хото туппут курдук көстөр. Ол эрээри дьиҥ иһигэр бу объектарга нэһилиэк дьаһалтата улахан кыттыгаһа суоҕа маннык сыыппаралартан илэ көстөн кэлэр. Саас сааһынан кэпсээтэххэ бу кандидат кэпсээнигэр табыгаһа суох хартыына баарын бэйэҕит сыаналааҥ:
    1. Доҕордоһуу болуоссата – 9951940,71 солк., о.и. фонтан – 2500000 солк., болуоссат – 7151940,71 солк., ол иһигэр:
    Республика бюджетыттан («Үтүө дьыалалар») – 6825000 солк.
    «Нам улууһа» МТ бюджетыттан – 2126940,71 солк.
    «Лекнскэй нэһилиэк» МТ бюджетыттан – 1000000 солк.
    2. И.Е. Винокуров пааматынньыгын оҥоруу – 4598800 солк., ол иһигэр:
    «Нам улууһа» МТ бюджетыттан 2016 с. – 4598800 солк.
    3. И.Е. Винокуров болуоссатын оҥоруу – 1950730,43 солк., ол иһигэр:
    «Ленскэй нэһилиэк» МТ бюджетыттан – 1950730,43 солк.
    4. М.К. Аммосов пааматынньыгын оҥоруу – 5670000 солк., ол иһигэр:
    Республика бюджетыттан 2017 с. – 3000000 солк.
    «Нам улууһа» МТ бюджетыттан 2016 с. – 1701000 солк.
    «Нам улууһа» МТ бюджетыттан 2017 с. (ветераннар фондалара) – 969000 солк.
    5. М.К. Аммосов болуоссатын реконструкцията – 9324997,57 солк., ол иһигэр:
    «Нам улууһа» МТ бюджетыттан 2016 с. – 2077360 солк.
    «Нам улууһа» бюджетыттан 2017 с. – 6247637 солк.
    «Ленскэй нэһилиэк» МТ бюджетыттан 2016 с. – 1000000 солк.
    6. Олоҥхо дьиэтин тутуу – 9942147,64 солк., ол иһигэр:
    Республика бюджетыттан («Үтүө дьыалалар») 2012 с. – 1496690,41 солк.
    Республика бюджетыттан («Үтүө дьыалалар») 2013 с. – 1710000 солк.
    Республика бюджетыттан («Үтүө дьыалалар») 2014 с. – 1564000 солк.
    «Нам улууһа» МТ бюджетыттан 2013 с. – 1111100 солк.
    «Нам улууһа» МТ бюджетыттан 2014 с. – 2560337,23 солк.
    «Ленскэй нэһилиэк» МТ бюджетыттан 2014 с. – 870458 солк.
    «Ленскэй нэһилиэк» МТ бюджетыттан 2015 с. – 629542 солк.
    7. «Деревня мастеров» электричествотын тардыы – 1400000 солк., ол иһигэр:
    Республика бюджетыттан 2014 с. – 1400000 солк.
    8. Нам селотугар уулуссалары сырдатыы ситимин оҥоруу – 11940000 солк., ол иһигэр:
    Республика бюджетыттан 2014 с. – 11940000 солк.

    9. Нам селотун иһинээҕи суоллары асфалынан бүрүйүү – 65922866,55 солк., ол иһигэр:
    Республика бюджетыттан 2014 с. – 61946600 солк.
    «Нам улууһа» МТ бюджетыттан 2014 с. – 3976266,55 солк.
    10. Нам селотугар ипподром реконструкцията – 2000000 солк., ол иһигэр:
    Республика бюджетыттан – 2000000 солк.

    Ити курдук 2012 сылтан 2017 сылга диэри Нам селотугар араас социальнай объектары тутууга уопсайа 122701482,90 солк. ороскуоттаммыт, олл иһигэр сылларынан:
    Республика бюджетыттан – 91882290,41 солк., мантан 2012 с. – 1496690,41 солк., 2013 с. – 1710000 солк., 2014 с. – 85675600 солк., 2017 с. – 3000000 солк.
    «Нам улууһа» МТ бюджетыттан – 25368462,06 солк., мантан 2013 с. – 1111100 солк., 2014 с. – 8663564,49 солк., 2016 с. – 8377160 солк., 2017 с. – 7216637,57 солк.
    «Ленскэй нэһилиэк» МТ бюджетыттан – 5450730,43 солк., мантан 2014 с. – 1870458 солк., 2015 с. – 629542 солк., 2016 с. – 2950730,43 солк.
    Бу үс бюджеттан уопсай ороскуокка ким төһө кыттыгастааҕын бырыһыанынан таһаардахха: республика бюджета – 74,9%, «Нам улууһа» МТ бюджета – 20,7%, «Ленскэй нэһилиэк» МТ бюджета – 4,4% буолар. Онон кандидат Новгородов А.Г. тус бэйэтин кылаатын лаппа тардына соҕус кэпсиирэ ордук буолуо этэ.
    * * *
    Аны бу кандидат баһаарынай чааска быыбардааччылары кытта көрсүһүүтүгэр улуус киинигэр «Алмазэргиэнбаан» дьиэтин туттарарын туһунан «сырдаппыта». Дьиҥ иһигэр 2016 с. атырдьах ыйыгар улуус урукку дьаһалтата тэрийбит «Эт-Ас» диэн тэрилтэтэ моҥкурууттан «Алмазэргиэнбааҥҥа» 6 мөл. тахса солк. кредиккэ иэһин сабыыга тэрилтэ баайын-дуолун биэриигэ уонна улуус киинигэр баан элбэх квартиралаах, маҥнайгы этээһигэр баан офистаах дьиэни туттарыгар учаастагы биэриигэ «Эт-Ас» учредителэ «Нам улууһа» МТ дьаһалтата баан салалтатын кытта Сөбүлэһии түһэрсибитэ. Манна «Ленскэй нэһилиэк» МТ дьаһалтата туох да сыһыана суох, бэриллибит учаастакка тутууну «Алмазэргиэнбаан» бэйэтэ үбүлээн ыытар.
    Убаастабыллаах быыбардааччы! Бу сыыппаралартан уонна чахчылартан «килбэчийэр эрэ барыта көмүс буолбатах» диэн өс хоһоонунан салайтаран кырдьыгы баһырхай кэпсээнтэн арааран сөптөөх быыбар оҥосторгор эрэнэбит.

    0
  • Оннук
    2 сентября  

    Ессе Биэс сыл дейен баран олорботох киьи, атын керуулээх Хозяйственнигы талыахха наада Тихонов.Е.А

    0
  • Сиэрэ
    2 сентября  

    Соччо сиэрэ суох ырытыы. Нам селотун бюджета республика уонна улуус бюджетын кытта тэннэьэр кыа5а суох. Итиччэ софинансированиены онорбутугар баьыыба. Оччо5уна нэьилиэнньэ5э олус наадалаах водопроводу онорууга улуус теье убунэн-харчынан кемелесте? Бэйэ5ит кыратык хамсаабыккытын, баар харчыны биэрбиккитин наьаа аа5ыман эрэ, теье да быыбар буоллар. Кемелеьер эьиги эбээьинэскит. Мелочнай ба5айытык кестер. Соччото суох.

    0
  • tank-34
    3 сентября  

    hibiscuscherry blossomblossomsunflowerrosetulip
    ИП "Соловьев П.П." республиканскай ыччат, дьиэ кэргэн Министерствотын конкурсугар кыттан, кыайан анал Граны ылан "Автосервисресурс" диэн сана комплекснай автомойканы тутан арыйда. Бу автомойка тутуллан улэгэ киирэригэр село дьаьалтата бэйэтин дьоьун кылаатын киллэрбитэ. *А.Г.Новгородов* автомойка кедьуустээхтик улэлээн нэьилиэнньэгэ туьаныы агала турарыгар бага санаатын тириэртэ.
    maple leafblossommaple leafblossommaple leafblossommaple leafblossom

    0
  • tank-34
    3 сентября  

    hibiscuscherry blossomblossomsunflowerrosetulip
    ИП "Соловьев П.П." республиканскай ыччат, дьиэ кэргэн Министерствотын конкурсугар кыттан, кыайан анал Граны ылан "Автосервисресурс" диэн сана комплекснай автомойканы тутан арыйда. Бу автомойка тутуллан улэгэ киирэригэр село дьаьалтата бэйэтин дьоьун кылаатын киллэрбитэ. *А.Г.Новгородов* автомойка кедьуустээхтик улэлээн нэьилиэнньэгэ туьаныы агала турарыгар бага санаатын тириэртэ.
    maple leafblossommaple leafblossommaple leafblossommaple leafblossom

    0
  • tank-34
    3 сентября  

    🤸‍♀⛹‍♀🏋‍♀🏌🤾‍♂🎯Балаган ыйын 2 кунугэр "Строительнай" туелбэ олохтоохторугар нэьилиэк дьаьалтата "Алмазкредитсервис" тэрилтэни кытта спонсорство быьыытнан улэлэьэннэр, уличнай тренажердары туруораннар баьылыкка кандидат *А.Г.Новгородов* уеруулээх быьыыга арыйда.
    🎾🎾🎾🎾🎾🎾🎾🎾

    0
  • tank-34
    3 сентября  

    large red circle 10 сентября 2017года выборы главы и депутатов наслежного Совета МО "Ленский наслег"
    ОБЬЯВЛЕНИЕ
    Уважаемые избиратели! Если 10 сентября 2017 года Вы будете отсутствовать по месту своего жительства и не сможете прибыть в помещение для голосования на избирательный участок, где Вы включены в список избирателей, по таким уважительным причинам, как:
    - отпуск
    - командировка
    - режим трудовой и учебной деятельности
    - состояние здоровья
    - иные уважительные причины
    Вам предоставляется возможность проголосовать ДОСРОЧНО
    с 31 августа по 9 сентября включительно в помещении участковых избирательных комиссий
    ВРЕМЯ ГОЛОСОВАНИЯ: пн-пт с 16ч. до 20ч.
    Сб-вс с 10ч. до 16ч.
    При себе иметь Паспорт гражданина Российской Федерации

    0
  • tank-34
    3 сентября  

    image

    0
  • tank-34
    3 сентября  

    image

    0
  • снегирек
    снегирек
    Ветеран
    4 сентября  

    Новгородов КСК тутутугар олох кыттыспатах ону кыттыстым а5ай диэн суруйталаабыт-это республиканский и улусный проект

    0
  • Ити
    4 сентября  

    Ильин проега ону Республика туппута

    0
  • Олохтоох
    4 сентября  

    Мин новгородовка куоластаабаппын, билэбин хайдах киьитин, Уваровка или Тихоновка

    0
  • Или или
    4 сентября  

    Мин эмиэ Тихонов или Уваров

    0
  • Иван
    4 сентября  

    Нам селота сайдыан баҕарар буоллаххытына Н.Р. Уваровка куоластыахайын, кини сибээһэ, билэрэ, көрөрө элбэх

    0
  • karolplanetx
    karolplanetx
    василий бугаев
    8 сентября  

    image

    0
  • 987
    8 сентября  

    Ситиьиилэри, ейуубут! Улэьит киьи ейенуехтээх.

    0
  • Анал уорэхтээх ордук этэ
    8 сентября  

    Оннук кыайда5ына Уваров эрэ кыайар хаччы булла5ына кини эрэ булар

    0
Предложения и замечания