3 года на форуме Автор 3 уровня Топ пользователь Все
Награды
3 года на форуме
3 года на форуме
Автор 3 уровня
Автор 3 уровня
Топ пользователь
Топ пользователь
5000 просмотров
5000 просмотров
Добун Моҕулу сууттуур. Моҕул көмүскэнэр.
22 июля 22:01   2253
Суут тиэмэтэ. Моҕул Уола Исай бастакы ойоҕун республика үрдүнэн үөхпүт. Чэ эрэ Добун саҕалаа. Буруйдааччы саҕалыыр.
Ответов 68 Написать ответ
  • Таал таал эмээхсин
    22 июля  

    Бырахтарбыт бу киһи

    1
    • Могул
      22 июля  

      Таал таал эмээхсин, мууска бырахтарбыт хам сыстыбыт. Хайа Добун фактарыҥ ханналарый? Суох буолан Добун куотта. Ол аата Могул кырдьыга таҕыста, кини уолун бастакы ойоҕун үөхпэтэх!
      Онон мээнэ манна киирэн тылласпат буолуҥ. добун курдуктар.

      0
  • *
    22 июля  

    Тупизм unamused face

    0
    • Могул
      23 июля  

      *, ну, что, как видим, Добун сказав, что я оскорбил первую жену и обвинителей, хотя и скрывается за серым ником, не стал отвечать за свои слова. Видимо понял, что дал промаху, ну чтож молодец, молодец.
      новый сероникий, умный такой, где ты усмотрел тупизм, готов ли ты ответить за своё слово? Или сам тупой? Давай пиши, я готов ответить.
      Да, поясни сначала, что такое тупизм?

      0
  • Наблюдатель
    23 июля  

    Моразм у старика

    0
  • 123
    23 июля  

    Моҕул оккун оттоо

    0
  • олохтоох
    23 июля  

    Моҕул, кырдьаҕас, сороҕун наһаалыыгын: форумна киһини хара ыт, сибиинньэ игин диэн үөҕэр сүрэ бэт. Арыый туттунуоххун саастаах киһи. Олоххо кимиэхэ баҕар ыарахаттар көрсөллөр.

    0
  • Добун
    23 июля  

    Соттор мантыкагын, кыра ого боллаххыный, сурэ бэрт, эйиэхэ кусаганы онорботогум, кеннеру эппитим дьону кусаганнык санарыма диэн. Ол тох да еьургэниитэ соох.

    0
    • Могул
      23 июля  

      Добун, дбэ маннык диэбиккин,- Ити Могул тох ааттаах аһагас айах бола олорогун бутун Республика урдунан. уолгун хайгыыгын герой курдук оноро сатыыгын, следствие билэр доказательство баар буолан 9 кыра боллага, прокурору сэмэлиигин, уолгун кыайан ииппэккэ эрэ дьону сэмэлиигин, уолун ойохторунуегэгин, бээтэ талан ылбыт кыргыттара боло ди, ессе биирин елербит. биирэ куоппут. Учугей киьи ботах боллага ол аата. Бастакы ойогун уегумэ эн, на всеобщее таьаарыма киьиргиир курдуккун дии, бачча сааьыран баран, бут туску, уоскуй уолун дьыалатын эрэ суруй туора дьону тыытыма.
      Дьэ итинник суруйбуккун.
      Бастакытынан, мин манна эппиэт быһыытынан суруйталыыбын. Дьэ ити курдук этэр -тыынар буоллаххытына суукка сылдьан эт кулгааххытынан истиэ , хараххытынан көрүө этигит. Манна монитор кэннигэр олорон ону маны түөһэ олороҕут. Киһиргиигин, аһаҕас айаххын, дьону үөҕэҕин диэбит буола буола. Бу үөҕүү буолбатах дуо, саха сирин үрдүнэн ЭЭ?! Буолаары буолан ыархан балаһыанньаҕа киирэн ыксаан олорор кырдьаҕас аҕаны, элбэх оҕо эһээтин!
      Итинник олоҕо суох мас акаары этиилэр тириим таһынан киирэллэр.
      Суукка сылдьан илэ көрүө этигит, манна ыыстыы олоруохтааҕар. Ол сокуонунан көҥүллэнэр, суут утарбат, видео, аудио камералаах даҕаны киириэххитин син, суут аһаҕас. Дьэ оччоҕо матырыйаалтан ылан эттэххитинэ мин туох диэхпиний. Этэрим суох буолуо этэ.
      Добун, тугу да билбэккэ олорон силиэстийэ сөптөөх диигин.
      Мин оннук буолбатах диибин, тоҕо диэтэххэ үс күнү быһа суут барда, уонча киһи көрдөрүү биэрдэ. Видео устуутун бары көрдүбүт. Ол барыта боротокуолланна, сурукка киирдэ.
      Ол иһин мин тугу даҕаны эбэн сабан, сымыйалаан этэр кыаҕым суох, сууттаныахпын сөп, бэйэм.
      Дьэ итинник, уопсайынан, эйэ дэмнээхтик эттэххэ.
      Мин уопсайынан сымыйаны олох сөбүлээбэт оҕонньорбун, тириим таһынан киирэр. Дьон үксэ да оннук ини. Онон лишнэй соҕустук тыллаһыахпын сөп. Ону манна туттунабын өссө.
      Холобур хара маҥнайгыттан манна араас сураҕы тарҕатан бардылар. Исай бастакы ойоҕун холбоон туран. Исай кырбаан, өлөрө сыыһан куоттарбыта диэн. Ол лох сымыйа буоллаҕа, ону Нюрбина бэйэтэ киирэн сымыйа диэн суруйбута, булан ааҕыҥ.
      Онон кини миэхэ маладьыаһын көрдөрдө. Ол гынан эмиэ эһээбит эн миигин ыыстаатыҥ диэтэ. Тоҕо ыыстыамый, арай Нюрбина бэйэтэ охсооччу. тэбээччи диэбитим. Баары эттэҕим. Туох диэхпиний. Ол үрдүнэн Исай бэйэтэ куотан хаалааччы, кырбыыр оннугар, дьэ сарсыарда Нюрбина субуоннуур, уолгут Ньурбаҕа ойох көрдүү киирдэ диэн. Сороҕор бэйэтэ көрдүү барапр, сороҕор биһиги кинини илдьэ, сороҕор бээбит киирэбит. Ҥ сыл тухары ол эрэйэ этэ, ааспытын иһин эттэххэ. Иккитэ с поличным туппут аатыран тахсыбыта. Фантазията олох үчүгэй. Бастаан кырдьыктанабыт, кэлин биллэххэ эмиэ туос сымыйа буолар.
      Оннооҕор биирдэ Исай массыынатыгар дьахтардыын сыгынньах сытарын буллум, подругабынаан. туруусугун ыстаанын бары хаалларан куоттулар диэн буолла. Соһуйдубут аҕай. Дьэ дьаабы дьыала эбит диэн буолла. Онтубут эмиэ туос сымыйа буолла, подругата соһуйда аҕай, ыйыталаспыкка! Уопсайынан дьахталлар фаетазиялара муҥура суох буолар эбит. Ону Исай бу тещата эмиэ көрдөрдө. Кини Исайы олох абааһы көрөр эбит. Бэйэтэ ыархан олохтоох дьахтар эбит, муҥнаах. Эр дьону барытын абааһы көрөр быһыылаах, оннук баар буолар. Онтон ити иһин араас анегдот элбэх буоллаҕа, теща туһунан.
      Ол гынан баран араастар, кинилэр эмиэ. Холобур мин тещам миэхэ сыһыана олус бэрт этэ. Куруук хайҕаан тахсар.
      Бэл сороҕор, сарсыарда суунарбар соттордоох манаан турар буолар, уонна оҕонньоругар этэр,- Көр эрэ, оҕонньор, бу күтүөппүт быһыыта -таһаата үчүгэйин, бу көхсүн!,- эҥин диир уонна көхсүбүн сотон биэрэр. Ас минньигэһин уурар, чаай хойуутун кутар, куораттан тахсарбар кыһын сыалыһар быара уурбут буолар. Дьэ оннук эмээхсин этэ. Киһиргиир диэйэххит, ийэ кынныбын ахтан санаан ааспыппын, баары этэбин. Онтон Исай тещата олох сиир абааһы эбит. эчи дьэбидийэн түһэн, түбэһээхтиир да эбит, онтон. Көр эрэ, миигин суукка үҥүстэ эбээт, саанар диэн. Дэлби кырбанар этим диэбитигэр, онтон өлбөккө сылдьаҕын дии,- диэтэҕим. Ытыһынан туруора сатаан охсууга ити айыылаах элбэх эчэйии ылла диэн сиоиэстийэ этиитин итэҕэйэрин иһин. Мин киниэхэ этэр буоллаҕым, кыыһыҥ өлбүтүгэр күтүөтүҥ туох да буруйа суох диэн.

      0
      • Добун
        23 июля  

        Могул, ээ дьэ Могул дьону уегэн бут, сэнээмэ диибин, киьиргэс киьигин ээ тохтоо диэтэххэ аьары барар эбиккин. Ийэ боллага кини, сутуктээх тереппут, ииппит кыыьа туора суолланнага ону иннэ дии олорогун, сааппакка. Кеме ейе буолуон кэриэтэ, саатар уолун аатыттан бырастыы гынын диэн кердестегун,хата уолун дурда хахха буолуом диэн ыллага кыыьы ойох. Отой киьиргэс, сирэйин сааппат киьи эбиккин.

        1
  • олохтоох
    23 июля  

    Моҕул, уолун ыарахан балаһыанньаҕа киирбит эбит. Суут уонна прокуратура практически биир санаалаах буолаллар обычно, прокурор тугу көрдүүрүн суут үксүгэр ону ылынааччы. А так бэйэн сүрдээх кырдьаҕас эбиккин, интернеты куускэ баһылаабыккын. Стилистика, орфография да өттүгэр эмиэ отой барыта грамотно суруйайар эбиккин. Холонон кинигэ суруйан көрүөххүн, маннык буоллаҕына бэртээхэй кэпсээннэри суруйууһугун.

    0
  • Ийэ
    23 июля  

    Кыыс ийэтигэр комо-ама буолун! Эрэйдээх кыыьын аьыйан айманна5а ди. Ийэ буолла5а ди...сурэ5э олох хаанынан ытыыр буолуохтаах. Киьи чугас дьонун сутэрдэ5инэ онноо5ор иэдэйэр. Онтон кини тороппут о5ото кыыьа буолла5а... Санаан корун эрэ киниэхэ билигин хайдах курдук ыараханын! Бары да о5олоох уруулаах дьон буоллахпыт. Могул тохтоо, кэбис теща5ын санарыма!

    1
  • Ааҕааччы
    23 июля  

    Бу топ лишняҋ дии саныыбын

    0
  • Ааҕааччы
    23 июля  

    Тещаҕын кырдьык суруйума. Ийэ аата ийэ.

    0
  • Ааҕааччы
    23 июля  

    Тещаҕын кырдьык суруйума. Ийэ аата ийэ.

    0
  • Могул
    24 июля  

    Онтон, кырдьык, көмө наада буоллаҕына, көмөлөһүллүө этэ буоллаҕа. Ону бэйэтин сыһыана итинник буоллаҕа, уолгут убийца дии сытар. Быһааран көрдөххө олох истэ даҕаны сатаабат, кэнкириэтинэ, онон суол олох сабыылаах, хайыыр да кыах суох. Бэл суут хаамыыта уларыппата. Прокурор көрдүүрүгэр астымматаҕын эттэ, өссө. Бу сиэним өр сыл ийэтэ даҕаны, аҕата даҕаны суох сылдьарыгар олох наадыйбат. Этэр, Исай дьэ маныы сылдьан, удобнай момены туһанан , булан кыыспын итинник кыыллыы өлөрдө диир, малтаччы. Онтон видеоҕа малтаччы көрөн олордо эбээт, Исай ойоҕун хайдах курдук таптыырын!!! Холуочуйан, онтон чувствота сытыырхайбыт аҕай буоллаҕа. Хата дьахтара сороҕор антах анньар, сыллаары гыннаҕына!? Уонна хантан ылан, ити силиэдэбэтэл, прокурорша күнүүнү хостоон ыллылар?!
    Биллэн турар, ити дьахтар айаҕыттан хостоотулар.
    Ким даҕаны билбэт ээ өссө, ол Дьокуускайга күнүүлэһии баарын суоҕун даҕаны. Таах айах кэпсээнэ.
    Дьэ силиэдэбэтэл дьахтарга уот айаҕыттан кыыскын Исай өлөрбүт диир. По пьяни и прочее. Дьэ онно теща уруккуну хойуккуну хостуур. -мотив бэлэм буоллаҕа ол. Силиэдэбэтэл күлүгэр имнэнээт строчи гынан барар. Буруйдааһын бары атрибуттара баар буола түһэллэр.
    Күнүүлэһии. на почве внезапно возникшей ревности и выпитого появляется ссора и муж начинает избивать жену, в результате чего женщина и умирает. И все! Дело раскрыто.

    0
  • Могул
    24 июля  

    Дьэ киһиргэс оҕонньоргун диэтэ ити Добун.
    Кэпсээнтэн кэпсээн, суруй диэтилэр. Баҕар кырдьык талаан баар буолаарай. Киһи кырыйдаһын аайы киһиргэһэ бэргээн иһэр, ол кырдьык.
    Ити ийэ кынныбын аҕынным. Онтон кынным сыһыана хайдах этэй? Ааттыын Уһун Макаар, уһун киһи этэ кырдьык сахаҕа. Миигиттэн төбөннөн өндөйөр. Онон бастаан утаа сэнээбитэ. Ону от охсуутугар муоһун тоһуппутум. Оҕонньор иннин биэрбэтэх муус анньааччыта эбит, куруук бастыыр.
    Билигин кини аатынан мэҥэлэр күрэх ыытар буолтар, чыычый киһи. Онон үрдүбүттэн көрөр, күргүйдүүр хайыыр, сороҕор. Дьэ биир улахан алааска, атаһынаан аҥаардаһан оттууллар эбит.
    Дьэ киһим иннибэр барар наар, мин кэнниттэн наар аадьуо батыһа сылдьабын, иннигэр бара сатаабаппын убаастаатах буолан. Ону билбэт, баһыйабын диир быһыылаах. Онтон биирдэ соҕотоҕун оҕустум. Арай били табаарыһа оҕонньор күнү быһа балааккатын иннигэр олорон миигин көрөн таҕыста, охсо барбакка. Чаай буолла, оҕонньоттор идэлэринэн эмиэ ыстырыыстаһан таҕыстылар. Наар бэйэ бэйэлэрин күлэн тахсаллар. Үксүн эн ойоҕумсах этиҥ. мин ойоҕумсах этим дэһэллэр, ол дьаххаана. Мин кынным сыттыктаах сылдьан отоннуур хайыыр үһү. Онтон Тойон Мурун, табаарыһын аата, ол маарга, бу маарга тиэрэ көтөр үһү. Дьэ көр. Сороҕор оххуһуох курдук буолаллар.
    Дьэ бу сырыыга Тойон Мурун эттэ. Бэйэтэ былыр улахан охсооччу үһү. Кынным этэр,- Бу оҕонньор хотуура эмиэ киирбит, сотору өлүүһү!,- диир. Анарааҥҥыта кыһыйар.
    Дьэ эттэ,- Дьэ бу кырдьар сааспар үчүгэй охсооччуну көрдүм эбээт. бэккэ охмор эбиккин. бу Ньурба уола!.- диэн буолла. - Дьэ астынным аҕай, былыргыбын санаатым, онон эйиэхэ бэйэм буускап хотуурбун улассабын, тарбахтаахха таарыйтарбат этим!,- диэтэ.
    Итиҥэ талахха икки буускап ыйанан туралларын эттэ, биирин тал диэтэ. Дьэ уонна ити Макаарап баҕайыны эмэһэтин эрийэн биэр, харыстаама, диэн буолла.
    Оҕонньорум өтөрү батары көрүөлээтэ. уонна охсууну эмиэ бэйэтэ саҕалаан бара турда. Дьэ мин батыспалаан иһэн ,- Туораа!,- диэтим, киһим туораабат. Иккис эргииргэ эмиэ эттим. туорууругар, өчөһөр, бара сатыыр. Ээ мин ыллым даҕаны таһынан аастым. Иккиһин ситэн кэллим, эмиэ туораабат. ырбаахыта хап хара буола-буола бара сатыыр, эптэх буолар. Эмиэ аастым. Онтон үсүһүн саҥата суох аастым. Дьэ онуоха киһим, хотуурун туора бырахта, сыыҥтаата хайаата, муннуттан хаан бөҕө тоҕунна. Эмиэ кэлэрбин кэтэһэн турда, онтон эттэ.- Чэ Баһылайам мин мунньа бардым,- диэтэ. Онтон бэттэх таспар олох охсубат буолла, куруук мунньар эрэ буолта. Тойон Мурун быарын тарбыы трбыы күлэр,- Көр эрэ, хара сордоох өссө бара сатыыр ээ, туораабат буола сатыыр.- дии дии. Дьэ иэһин онно биэрбитэ.

    0
  • Силип
    24 июля  

    Бэт кэпсээн Могулthumbs up sign Ессе суруйуон дуу, киьи олох таттаран аа5ар

    0
  • олохтоох
    24 июля  

    оннук. уолун суута хайдах да тумуктэннэр атын темаларга эмиэ салҕыы суруйан иһэрин буоллар учугэй буолуо этэ. Кэпсээнньит кырдьаҕас эбиккин thumbs up sign конечно этиканы тутуһан туран

    0
  • Могул
    24 июля  

    Ээ киһиргэс кырдьаҕаһы аһара киһиргэтимэҥ, кыыл барыам.
    Бэргээн иһэр буоллаҕым.

    0
  • Моська
    24 июля  

    Горботого могила исправить диэ

    0
  • Сму
    24 июля  

    Аа, мин эмиэ аны кун аайы маныыр буоллум могул суруйуутун. Бускабын хотуура баар да.

    0
  • олохтоох
    24 июля  

    оннук, Моҕул суруйбатаҕына туох эрэ тиийбэт курдук буолбут.

    0
  • журвик
    24 июля  

    кырдьык дьэ кистэлэн талаан арыллыбыт, Могул биир икки сылынан Саха сиригэр аатырар суруйаачы буолсу. Историяны игин билэр киьи суруйара бэт буо

    0
  • Могул
    24 июля  

    Дьэ бэккэ тэптэрэҕит. ыыстаары буолуо, арааска, үктээн биэрдэххэ. Историяны былыргыттан интэриэһиргиибин.
    Николай Спиридонович, учууталлаах этибит. Онтубут субу-субу походка ильэр уонна суолу быһа былыргыны кэпсиир.
    Ордук Онокуну кэпсиирин өйдөөбүппүн. Биһиги уолаттар суолу быһа тула көтө сылдьан истэбит. Киһибит кэпсиир да кэпсиир. Ньохчоҕор кып кыра уҥуохтаах киһи этэ. Сааһыт киэнэ ааттааҕа. ол да буоллар. Ону этэллэр, дьоннор, учуутал үөлээннэхтэрэ. - ЭЭ бу киһи куска эрдэттэн үөммүтүнэн киирэр, бултаамына,- диэн. Аҕата Дырбыкы диэн улахан уус уонна кыанар киһи үһү.
    Биирдэ, Чаппанда таҥаратын дьиэтиттэн сууллубут. Дьэ ол түһэн иһэн, сүгэтинэн алтатата сэттэтэ истиэнэҕэ батарыта саайталаабыт, онон туормастанан туох да буолбатаҕа үһү. Онтон уола туга кэлиэй, оҕолортон өндөйбөт. Онон дьуһуурустубаҕа сырыттаҕына түҥнэри көтөөрү сордуубут. Кэлэн түстэххэ туораабат, дьэ чирэстэһии бөҕө буолабыт, онтон нэһиилэ билэн кыбыстыы бөҕө. Хата кыйахаммат. Онтон Прокопий Иванович атын киһи, кини баарын биллэхпитинэ уу чуумпу.
    Ону киһибит муннукка саһан хаалар. Сүүрэн ааһан истэххинэ дьэ саайбат дуо санныга. бэргэһэ эринэн сылдьар буолар. Буксуор. Арай биир сайын киинэ көрө кэлбитим мотуор эһэ сыдьаллар. солбуһа солбуһа. Арай биир күлбүт салбыт, маайканнан эрэ сылдьар, быччыҥнаах эҥин киһи тохтообокко эрийэр. Кэлэн манаан турабыт, арай киһим өрө көрө түстэ уонна алларастаан баран,- Хайа нохо бу ханна хараххын бастардыҥ?!- диэтэ, үөннээҕиннэн көрө көрө. Хараҕым көҕөрүүлээҕин көрө охсубут. Ол саҕана улахаттар тиксэртээн охсуһуу элбэх буолааччы. Субу-субу охсуһабын. тустабын. Хаһан даҕаны бэриммэппин. чыычый киһибин. улахаттар даҕаны саллаллар сорох сорохторо. Ким да буоллун бокуойа суох дайбаан киирэ турабын. Сөдүөт диэн оҕонньор. аймаҕым улаханнык хайҕаан турар.- Көр эрэ. бу оҕом сутуругун тыаһа үчүгэйин!.- диэн, онтубун тута сылдьабын.
    Күһүн кэлбиппит. били киһибит учуутал буолан хаалла.
    Эһиилигэр буокса секциятын ыытар буолла. Оҕо бөҕө суруттарда, биһиги эмиэ суруттардыбыт. Аҕыйах хонугунан ноҕоруусканы тулуйбакка улахан аҥаарбыт уурайда. Тустуу эмиэ баара, Степан Никитич ыытара. Ол гынан баран маат быылын сөбүлээбэт этим.

    0
  • 123
    24 июля  

    Моҕул бэкэ суруйар эбиккин ол эрэн кырдьаҕас киһини хайдах кыайыаҥ суоҕай от охсон турбут олорбут сааһын үгэнигэр сылдьар эдэр киһи

    0
  • 123
    24 июля  

    Моҕул бэкэ суруйар эбиккин ол эрэн кырдьаҕас киһини хайдах кыайыаҥ суоҕай от охсон турбут олорбут сааһын үгэнигэр сылдьар эдэр киһи

    0
  • Сму
    24 июля  

    Суруйбут ди ,сэниир этэ диэн ытыгылаан кэнниттэн сылдьыбытым диэн онтон баардаах хайа мунун киьи кэнниттэн сылдьыай , иккитэ хаста ситэн ааспытым диэн .) Ама ду тещатыгар кохсун имэриттэрэ сылдьан диэ хата ,хотуон суога ду диэн)))

    0
  • Могул
    24 июля  

    Дьэ сөбүлээбэтэрбин даҕаны икки күрэхтэһиигэ кыттыбытым. Биирдэ Күндээдэҕэ бардыбыт. Онно биир уолу поддубнай диэн албаһынан хаста даҕаны быраҕан хоттум.
    Никиитис хайгыыр. Онтон оройуон күрэхтэһиитигэр Убайааҥҥа киирдибит. Биир Боцман диэн салла көрөр уолум баар. Ветушкаһыт эбит. Халлаанынан атахтарын күөрэтэн түһэртиир. Дьэ арай киниэхэ түбэстим. Атахтара аһыллар эбит дии санаабытым. Атахсыппын. Киһим вертушкалаары тиистэҕин аайы атаҕар түһэ-түһэ көтөҕөн таһаарабын уонна дэлби быраҕабын. үстэ-түөртэ быраҕан хоттум арай.
    Сенсация курдук буолла. Онтон күндээдэ Мөккүүрэйигэр киирдим. Киһим уһун баҕайы илиилэрдээх , таракаан курдук, арай көбүөргэ сыылла сылдьар, туох иһин туран биэрбэт. Онтон биирдэ атахтарбын хомуйа тутта, мөхсөн көрдүм . ыыппата. санныбын устунан сыһыаран кээстэ, чыыстайдаатаҕа ол. Онтон Боцманныын көрүстүлэр. Боцман киниэхэ атаҕын биэрбэтэ уонна эмиэ вертушкалаталаан хотон кээстэ! Мөккүүрэй кыайыа дии санаабытым даҕаны. Дьэ миэстэбит маннык буолла,-Боцман бастакы, Мөккүүрэй иккис, мин үһүс. Мөккүүрэйгэ арыый уопуттааҕым буоллар мин эмиэ сыылла сылдьыа эбиппин. тренерим оннук сүбэлиэ да эбит. Суох буоллаҕа.
    Дьэ ол кэннэ тустубатаҕым.Ол оннугар дьэ боксаҕа кыттымаласпытым, син аатыра сылдьыбытым, Ньурбаҕа.
    Истиилим олох атакующай, ол иһин былыргы кулууп хайдар хаһыыта буолааччы. Моҕул диэн хаһыы бөҕө.
    Ол эрэн боксаҕа балыыр элбэх этэ.
    Биирдэ Лев Фролов диэн звезда кэллэ Мииринэйтэн.
    Аҥаардастыы хотон сылдьар үһү диэн буолла. Нокаутер эҥин дииллэр. Дьэ кырдьык айылҕаттан боксер көрүҥнээх.
    Миигиттэн төбө аҥаара үрдүк. Кииристибит. Киһим уҥатынан саайар да саайар. Ол эрэн таптарбаппын уонна бэйэтин саайталыыбын. Хоттум дии санаатым. Арай туран мөккүөр буолла. Чаас аҥаара буолан баран арай кыайыыны киһибэр биэрдилэр?! Сотору соҕус аны туран Антоновкаҕа иккиһин түбэһистибит. Көрдөхпүнэ киһим хайдах эрэ саллаарыйар курдук. Ударым хайдах эрэ аһылла сылдьар кэмэ. Дьэ эмиэ уруккубунан саайталыыбын. Доргуйталыыр быһыылаах. Илиилэрэ атахтара олох тахсыбат. Хоттум. Кэлин уолаттар кэлэн эттилэр, киһиҥ ытыы олорор диэн. Арай сарсыныгар финал буолла. Покровскай уола киирдэ. Тахсан турдахпытына арай этэн саайбатылар дуо, бээһэ алҕас буолла, Фролов Васильевы хотто диэн. Алдьархай кыһыйдым. Киирдим даҕаны Покровскайбын кырбаан киирэн бардым. Киһим куотартан бокуой буолбат.
    Икки илиибин түһэрэн баран ыга киирэ киирэ саайталыыбын, мэктиэтигэр ынчыктыы ынчыктыы саайабын. Иккис рауҥҥа секунданнара ыксаатылар, соттордорун быраҕа оҕустулар. Түмүккэ Фролов бастаата. финалга хотторбут киһи иккис буолла, мин үһүс буоллум!!!??? Дьэ итинник буолар эбит спортка даҕаны эмиэ.

    0
  • Уйбаанча
    24 июля  

    Дьэ кыьыы эбит, спортка ол аата уруккуттан да балыйыы баар эбит

    0
  • Могул
    25 июля  

    Коррупция эмиэ. Эмискэ кэлбэтэх буоллаҕа. Сэбиэскэй саҕана олохтоммута.
    Дьэ биирдэ военизированнай кыһыҥҥы многоборьеҕа киирдим. Биирдэ эрэ буолта. Бэлэмим туох да дьикти, иньэ Арҕаа үрэххэ диэри сүүртэлээн кэлэбин. Көтүөхпэр кыната эрэ суохпун. Бастакы разрядка таах сүүрэбин, мэктиэбэр ойуоккалыы үҥкүүлүү сылдьар курдукпун, били былыргы Ээдьээн сүүрүк барахсан үчүгэй баайыытыгар сылдьар курдукпун.
    Дьэ киирдим, уон км. түһүү буолла, иннибэр физруктар Хрущев, Подсечка барбыттара, уонна икки хас киһи.
    Хаһыытыы түһэн баран ыстанан кээстим. Өр гымматым уҥуор сыырга дылы иккини аастым, сыыры көтөн таҕыстым, анньыныыннан эрэ барабын, хайыһарым барар да барар. Арай көрбүтүм Хрущевтаах Подсечка астына астына переменнайынан бу баран эрэллэр. Начаас ситэ баттаат /һоп!\ диэн хаһыытаан саайдым. Туора ыстанан биэрдилэр, соһуйдулар быһыылаах, Подсечка харахтара бу чэҥэрийэн туралларын баччааҥҥа диэри саныыбын.
    Ааһар тыалбыттан охто сыыста быһыылаах.
    Инньэ гынан уопсай түмүккэ бастаан таҕыстым, сыал ытыылаах, тардыныылаах этэ. Барыта үс көрүҥ.
    Онтон республикаҕа барар инибин дии санаатым.
    Онтум, пахайдоҕор, били салгыммар охто сыыспыт дьонум бээлэрэ баран кээлтэр. Хааллахтара дии онно да баран. Хаһыакка нуормалар таҕыстылар. Аорай мин результаатым маастарга барбах эрэ тиийбэтэх!
    Ытыы га тыал бөҕөтө этэ, ону ааһан олох билбэт туоһапкам. Онтон атын маастар нуорматын алдьатыа эбиппин. Дьэ кыһыы! Арай барбыт буолуум?

    0
  • Сму
    25 июля  

    ))) дьэ оннук, салгынтан охто сылдьар дьонунан курэхтэьэн кэллибит диэ. Билигин оссо бириистэрэ огуста ол эн сагана значок, грамота эрэ сырсыыта билигин сылгы уорун ылыаххын соп ,туох баар дьиэн малын, инструменна тиийэ хааччыныаххын соп ,массыынагар тиийэ онон тоьолоох элбэх киьи хаалан хаалара буолла.)

    0
  • Урокер
    25 июля  

    Могул билигин эдэр эбитин буоллар Дыгын оонньууларыгар бастаан , араас ыьыахтарга хапса5айдаан массыына бе5е сууйбут буолун этэ. Урут застой са5ана кырдьык грамота эрэ ылаллар, билигин холобура кыра улуус ыьыа5ар бастаатахха массыына, мтотцикл, убаьа биэрэллэр.

    0
    • Могул
      25 июля  

      Урокер, ээ Дыгын оонньууларыгар баҕас чугаһаабаппын, абытай дьон, бухатыырдар буоллаҕа. Онтон хайыһар, бокс, саахымат баһаалыста.
      Тустуохха сөбө буолуо, орто ыйааһыҥҥа.
      Ол эрэн дьэлтэйэр дьэппэр от охсуутугар ылаттыам буолуо.
      Уоннаахпыттан охсубутум. Биирдэ биригэдьиир. ньҕ-пэр хаспар икки хас уолу булан илииннэн оттуу киир диэтэ. Биир хаайыыттан кэлбит Гурий диэн одноклассникпын уонна боксер биир уолаттары буллум. Тоҥус күөлүҥ уҥуор киирдибит. Гурий туох да сэһэн бөҕөлөөх киһи. Алдьархай куйаас күннэр тураллар. Инньэ гынан илдьиҥҥэ дылы сөтүөлүү сөтүөлүү, гурийбыт араас кэпсээниттэн быара суох таах сыттыбыт. Биир тууннан балыктаан буһарынан сыттыбыт. Биир күн Аҥаар, көлө звенотун тойоно икки буолан ат миинэн киирэн кэллилэр.
      -Хайа нохолор, сиргитин таах хаалларбыккыт, үс хонугунан киирэн бэйэм оҕустарыам!.- диэн кыыһыра былааннаан саҥаран барда.
      Биһиги дьэ соһуйдубут, кырдьык даҕаны тоҕо бэрдэй, таах сытарбыт диэн буолла. Мин онуоха эттим,- Чэ уолаттар мин бардым, олус эккирэтэ сатаайаҕыт, бэйэҕит темпэҕитинэн охсуҥ!,- диэтим, уонна бэйэм тиэмпэбинэн, улахан уоптарыыннан бара турдум, кэтэспэккэ. хайаабакка. Арай доҕор үс күнүнэн сирбит барыта, хара ууттан хара тыатыгар дылы килэс гынан хаалла!
      Аҥаарбыт киирэн кэллэ, харахтарын тиэрэ көрөн кээспит, соһуйуу бөҕөнү соһуйда.- Хайа нохолор. аны мантыгытын хайдах мунньаары гынаҕыт?!- диэтэ,уонна бэйэтэ эттэ, - Чэ аны оккутун сытытыаххыт, сатаан харайбакка, тахсаҥҥыт мунньарда ылыҥ!
      Мунньар киллэринэн хата бириэмэтигэр бугуллаатыбыт.
      Чэ манна сирин иэнин эппэппин. туонатын этиим. Тутарбыппыт 70 туонна буолла. Уолаттарбын икки бүк саарбаҕа суох ылабын, онон мин үс күн 35 туоннаны саайбытым. Ол аата биир күҥҥэ 11 туоннаттан тахсаны. Дьэ хайдах охсуунуй ээ? Историяҕа арааһа суох да ини дии саныыбын.

      0
  • ЭЭ чэ
    25 июля  

    Туох баьаан бу киьи киьиргэннин. ханна да оннук суруллубатага. Куннэ 3-4 тугэх оту охсобун диигин да. онт он соцсоревнования кыайыылаага буолбатын да? эмиэ былаас эйигин умунна ду? туохх айылаах былаастан баттаппыт киьитэгиний? эн эрэ бэт киьи курдук сурунагын? уонна саастаах дьону киьилии ааттарынан суруй.

    0
  • Дьэк
    25 июля  

    Куннэ 11-10 тонна оттуур киьи аан дойдуга суох ини, ити багас омуннаан супуйдун ини, свидетель суохтар буо, ити дьоннор суох буолбуттара ырааттага дии

    0
    • Могул
      25 июля  

      Дьэк, онтон этэбин дии, аан дойдуга итинник суоҕа буолуо диэн. Кырдьык ити дьоннор билигин суохтар. Совхоз баара буоллар дөкүмүөн баар буолуо этэ, баҕар. Онтон киһиргээтэ диэххит дии дии суруйбутум, ол иһин. Билэр буоллаҕым. Онто Подсечка коррупционерын дьон бары билэр. Холобур итинник быһыыта мин туспар биир эрэ буолбатах. Республика күрэҕэр, Куочайга буолта, уолум иккистээтэ, иньэбит бастаата, дьэ ону хамаандаҕа суоххут диэн сирэйдэнэн олох да охсубатах оҥорбут. Уолуктуу сыыстым. Хата ону Евсеев быһаарыахпыт диэн тохтотто. Өр эрийсэн быһаарсан, бирииспитин бэрдэрбитэ. Подсечка хаһыат нөҥүө билинэн бырастыы гынарга көрдөспүтэ, эр бэрдэ.
      Аны саахымат оонньуутугар, волейболга буккуйара элбэх.
      Баоыйыы куруук баар буолар диэн ол иһин этэбин. Биирдэ өрүс уҥуордааҕы күүлэйгэ балыйан иккис миэстэҕэ тэптилэр биһиги команданы. Ону парому кэтэһэн олорон булан ыллыбыт, протоколтан. Чуолкайдаһыы буолла. тэрийээччилэрбит билинэн сыыһа тахсыбытын көннөрбүттэрэ. Онон аахсыахха наада.
      Итиччэ от хойуу сымнаҕас окко охсуллар эбит. Үс сыллааҕыта уолум Үөһээ Бүлүүгэ буолбут күүлэйгэ бастаата, лаппа хааллартаан.
      Ол сайын ааһан иһэн хомуллубутун, рулону ааҕан көрдүбүт. Уол 27 рулону саайбыт. Биир рулон 400 килограмм, ааҕан көрүҥ, хас тоннаный? Ото хойуу киһи ахтатынан этэ.

      0
  • Могул
    25 июля  

    Дьэ киһиргэһим итиччэтигэр бэргээн барда. Онон кылгастык охсуһууларым туһунан кэпсиим.
    Аармыйаҕа бардым. Учебкаҕа тиийдибит. Сахалар олох аҕыйахпыт. Биирдэ телеграмма остуолбатын оҥкучаҕын хаһыы буолла. Биир дембелгэ напарнигынан сыһыардылар. Киһим үлэһитэ сүр, сэлээннээбэт хайаабат. Бириэмэтин ыыта сатыыр быһыылаах, үс эрэ ый хаалбыт. Доруобай уол. Бэккэ табыстыбыт. Табаахтыыбыт, бычокпытын эҥин бэрсиһэбит. Үс күн ити курдук сырыттыбыт.
    Арай сарсыарда курилкаҕа тахсыбытым били уолум икки атаһыныын табахтыы олорор. Мин табах көрдөөтүм. Арай доҕор киһим буолан хаалан турбата дуо, уолукпар сараас түстэ, тэлэкэчитэ сылдьар, маат-куут бөҕөтө. Соһуйан хааллым. Отделением хамандыыра түбэһэ кэлэн араарда.
    Казармаҕа киир диэтэ. Мин ыгылы кыыһырдарбын да киирдим. Онтон сотору буолаат киһим кэннибэр туран үөхсэ аҕай турар эбит. Ээ мин эргиллэ биэрээт скачковай боковоцунан саайан кээстим. Киһим тэллэх курдук барда.
    Сыҥааҕа өссө тостубут үһү, истибитим. Дисбатка бараҕын диэн буолла. Штаб начальнигар ыҥыран киллэрдилэр. Начальник туох буолла диэтэ. Кэпсээтим. Киһим баар эбит. Отделением командирын киллэрдилэр, эмиэ диэмбэл. Киниттэн ыйытта, ону киһим кырдьыксыт эбит, бу киһи наһаалаабыта диэн ол уолбун ыйда. Начальник тахсыҥ диэтэ. Онтон миигин атын арыыга ыытар буоллулар. Дембеллэр миигин тула эргийэ сылдьан сааналлар аҕай, Тигр ханнаный дэһэ-дэһэ хаамсаллар, тэбэ хайыы сатыыллар. Отделением хамандыыра боксер эбит бээтэ, киирсиэхпит диир, полутяж көрүҥнээх. Сөп диибин. Барар сирбэр суруйуох буолан хаалтара. Суруйбуттар этэ. Сирбэр тиийбиппэр спортзалга ыҥыран ыллылар, сараас. Уонтан тахса качок тураллар, кылаабынайдара олоппоско олорор. Арай киһим икки бууттаах гирэни ыйан баран Делай диэтэ. Мин ылаат даҕаны биирдии илиибинэн сэттэлиитэ жимнээтим.
    Киһим ону кэтэспэтэх быһыылаах, харахтара төгүрүйэн таҕыста, ойон туран санныга таптайбалаата, Молоток диэтэ уонна ааны ыйан кээстэ. Мин тахсан бара турдум.
    Ол оннук инньэ гынан хаалта. Хата кэлиҥҥилэри кытта хадаардаһыым элбэх этэ. Чэ ол туспа кэпсээн.
    Быыс буллахпына салгыы киһиргиэм.

    0
  • Дед
    26 июля  

    Лапсалаан бут эрэ. Мин эмиэ эдэр сылдьан кытайга Брюс Лины кытта тутуьан турардаахпын, сынаагын тосту тэбэн кээспитим, онно Мао Цэдун ыныран ылан Сахага учугэй уол эбиккин диэн баран дойдубар Ньурбага дылы самолетунан кетуппутэ ити 60-70 сылларга этэ.

    0
  • EllikPE
    26 июля  

    face with tears of joy

    Цитата:
    Сегодня для многих лапша - единственно доступная еда, поэтому ее и вешают всем на уши.

    0
  • олохтоох
    26 июля  

    Дед, тоҕо бобустун? Политикаттан. быыбар боппуруостарыттан сынньатан сэргэхситии киллэрэрэ, аралдьытара бэт батта.

    0
  • Дед
    26 июля  

    биир "h' санарар шут суттэгинэ атын кестен истэгэй. Анаар тылынан уолун кемускэьэр, биир тылынан хас сынаах теьуппутунан киьиргэнэр туох далбай киьитэй

    0
    • Могул
      26 июля  

      Дед, биир сыҥаах тостубута улахан эбит. Хэ хэ, соччо Улахан деда суох быһыылааххын эн. Мин призывым убайаан уола эмиэ сыҥаах тоһуппут этэ, ол гынан дисбатка олорбут этэ. Кэлин хаайыылаах буолта дииллэрэ. Дьэ оннук. Ити кэпсээним диэн, Һэ Һэ, цветочки эрэ буоллаҕа. Бэйи тохтуу түһэн баран салгыы суруйбалыам.

      0
  • ЭЭчЭ
    26 июля  

    "уонна саастаах дьону киьилии ааттарынан суруй." диэбиккин ди, ФИО полностью суруйдахтарына хантан билэттиибит. дьон норуот ааттабытынан суруйара ордук буолла5а

    0
  • .
    26 июля  

    Могул реально долбай эбит. киhиргээн сурдээх

    0
  • Орто саас
    26 июля  

    Могул ити нууччалыы грамотно суруйарга хантан уерэммикиний? Кэпсээннин аахтахха олох тыа уола эбиккин дии, русскоязычнай буотах. Историческай форумна оттон профи историктары кытары тэннэ киирсэ5ин дии, соро5ор баьыйа5ын да5аны быьылаах.

    0
    • Могул
      26 июля  

      Орто саас, кыра эрдэхпиттэн кинигэни сөбүлээн ааҕар дьаллыктаахпын. Түүннэри ааҕааччыбын. Кинигэтэ , хаһыата, сурунаала суох сатаммаппын. Аныгы дьон, оҕолор кинигэни аахпаттарын сөҕөбүҥ эрэ.

      0
  • Могул
    29 июля  

    Биир ганы бастаан охсуум маннык этэ.
    !975 сыл. От аһара үүннэ, чөҥөчөктөн эрэ тахсыбата.
    Мин уонтан тахса киһилээх илии звенотугар баарбын. Тойоммут Бирээски Миитэрэй диэн, сэрии бэтэрээнэ.
    Иккис /кырдьаҕаспыт/ Бачаан Дьөгүөр. Биэсуонча киилэлээх да буоллар лаппа күүстээх киһиннэн ааҕынар. Ол мээнэ этиммэт эбит, Үлэлии сылдьан уолаттары атахтарын бэрбээкэйиттэн тутан сыттаҕына, атахтарын хайдах даҕаны кыайан босхолооботтор. Ол курдук сытар. Сэниэ дьэ баар эбит, тарбах да күүһэ.
    Ол эрэн аһара кырдьаҕаһымсыйар,- Дьэ мин сааспар тиийдэххинэ,- диэн тыллаах. Бирээскилиин тэҥ кыдьаҕастыы туттур хаптар. Ол гынан кэлин билбитим миигиттэн сэттэ эрэ сыл аҕа эбит. Ол аата ол сылга отут иккилээх эрэ бэдик эбит.
    Дьэ Тордуйалаах түбэтигэр оттуу сытабыт. Чаай аайы кырдьаҕастарбыт бэт былдьаһан ыстырыыстаһалларын истэн саатыыбыт.
    Чэ, кэлин салгыам, отпор бардым.

    0
  • хайа
    29 июля  

    Могул сутумэриий, суруйан ис.

    0
  • Тозой
    30 июля  

    Подсечка- коррупционер диэбиккэр суутасан моральнай вредын олордон ылар ини

    0
    • Могул
      30 июля  

      Тозой, ХА, БЭЙЭТЭ БЭККЭ БИЛЭР коррупционер буоларын. Иньэтэ аҕата буоллаҕа, спорт чааһыгар баҕас.

      0
  • Бэдэр
    30 июля  

    Суруйан ис эрэ салгыы, хайастылар Тордуйалаахха?

    0
  • Бэдэр
    31 июля  

    Ким эрэ Могулу уе5ун эрэ, кэпсээн салгыытын исттэм эьэ

    0
  • Нюрбина
    4 сентября  

    Айыыы эьээлэрэ олох сурдэммиккин уонна синбиир убаастыыбын синбиир хотуман эрэ эьээбитин!!!!! Суруйдун

    0
  • Нюрбина
    4 сентября  

    Домвшкагт того ылбатый звоннуубун дьи

    0
  • Нюрбина
    4 сентября  

    Бэдэр биьиги эьээбитин ыыстаан берин болбаккагн бэйэгин ыыстыыбын да мин ыарахан кэммэр мин дьоммун онон манан кигэ олорума тварь факс дем ээээ!!!

    0
  • Нюрбина
    4 сентября  

    Бэдэр биьиги эьээбитин ыыстаан берин болбаккагн бэйэгин ыыстыыбын да мин ыарахан кэммэр мин дьоммун онон манан кигэ олорума тварь факс дем ээээ!!!

    0
  • Сму
    4 сентября  

    Быыбар кэнниттэн суруйар ини кэтэьэбит .

    0
    • Могул
      4 сентября  

      Сму, оннук, ону маны суруйуллуо нум-нам буоллахха. Уолум дьыалата сотору соҕус онто манта биллиэхтээх. Аппелляция дьокуускайга буолуохтаах. Эстэн туран СМЭ түмүгүн уопуттаах. биллэр -көстөр эксперкэ оҥоттордубут. суукка киллэрэн көрөллөр ини. Маннааҕы киһибит түмүгүн сөхпүт аҕай. сыыһата элбэҕин, түмүгэ дьаабытын.
      Дьэ барытын олохтоохтук быһаарбыт. массыына содула диэн быһаарбыт. Дьэ көрүөхпүт. туох буолар.
      Дьиҥинэн эксперэ да суох, нормальнай киһиэхэ оннуга көстөр ээ.
      Маннааҕы правооохранителлэрбит. сууппут профессиональнайа суохтара сөхтөрөр эрэ! Туох эрэ. этэргэ дылы, политическэй сакааһы эккирэтэр курдуктар. Хайыаҥ баарай...!!!

      0
  • Техноавиа
    5 сентября  

    Нюрбина холуочуккун дуу? ТУУННЭРИ 01.37 СУРУЙБЙККУН

    0
  • Бог все видит
    6 сентября  

    Санта Барбара продолжается, в интернете было сказано, что муж убил свою жену, и скрылся, на утро его поймали и он написал признание о содеенном, потом после беседы адвоката он написал отказ от признания, а в чисто сердечном признании он написал все, получается он убил и хотел соскочить от правосудия, а Вы тут сидите и жалеете убийцу, да отец конечно будет защищать сына и только. И совет Нюрбине живи своей жизнью, не лезь сюда не позорься, пусть люди пишут, что хотят

    0
    • Могул
      6 сентября  

      Бог все видит, да, на это и надеемся пока. И где это в интернете написано, осветил бы. По закону признание своей вины не есть доказательство. К сожалению у наших судей это основное доказательство.

      0
  • Орис
    7 сентября  

    Нюрбина не позорься, порви со своим прошлым, пойми, Исай уже не твой, он тебя разлюбил

    0
  • кэлэйбит
    8 сентября  

    Могул бигэ диэбит дьон тии хаастаах Энжи курдук пиврщик сордоохтор. Туьата суох

    0
Ответ на тему: Добун Моҕулу сууттуур. Моҕул көмүскэнэр.
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Предложения и замечания