Норуот билгэлэрэ.
Краевед  -    3562
Манна билгэлэри,кэтээн көрүүлэри суруйуом.Эһиги эмиэ тугу билэргитин суруйуҥ.
Ответов 41 Написать ответ
  • Краевед
    13 января  

    1)Кыһын үгүстүк Дьүкээбил уота умайдаҕына,сайын өрүһүнэн улахан балыктар(тууччах) тахсаллар.
    2)Өҥ сайын буоларыгар,Дьэллэҥэ(Орион) тахсар.
    3)Кыһын ичигэс(былыт) кэлээри гыннаҕына,сулустар кыратыйан көстөллөр.

    0
    • маайыс
      13 января  

      билгэ

      оттон сүллүкүүн билгэҕэ киирсэр дуо? бу кэмҥэ түһээбитин туолар диэн кырдьык дуо?

      0
      • Краевед
        13 января  

        маайыс, билигин таҥха кэмэ.Онно билгэлээччилэр.Барыгытын эргэ,Саҥа дьылынан!

        0
  • Краевед
    17 января  

    4)Кыһын хаар чиҥ буоллаҕына,саас уулаах буолар.
    5)Кыһын хаар чараас да буолан баран,сымнаҕас буоллаҕына,саас хаар уулаах буолар.
    6)Хаар халыҥ да буолан баран,көмүрүө курдук буоллаҕына,саас хаар уута суох буолар.

    0
    • маайыс
      18 января  

      оҕо сылдьан туттар ууга хаар уулуур этибит,күн аайы хаар баһарбыт,үөһэ өттүн тарыйан көмүрүөтүн баһарбыт,элбэх уу буолар диэн

      0
  • Краевед
    18 января  

    7)Ый саҥатыгар уонна эргэтигэр(кыһын хаардаах,сайын ардахтаах) сөҥүүлээх буолар.
    8)Кыһын ый чаҕылхай ыраас буоллаҕына-тымныы,өлбөөркөй буоллаҕына-ичигэс буолар.
    9)Кыһын саҥа ый уһуга(муоһа) кылааннаах буоллаҕына,тымныы буолар.

    0
  • Краевед
    19 января  

    10)Кыһын сулустар хойуннахтарына,тымныы буолар.
    11)Кыһын сулустар уоттаннахтарына (чаҕылыстахтарына) тымныы буолар.
    12)Чолбон тымныыга тахсар.

    0
  • Мин
    20 января  

    Муннум кыһыйдаҕына итирик киһи кэлэр эбэтэр бэйэм арыгылыыбын

    0
  • Краевед
    26 января  

    10)Кыһын куобах эмис дьылыгар,сылгы уойар.
    11)Хаар халыҥ сылыгар,куобах ороҕурар.
    12)Халлаан халыннаҕына,куобах сүүрэр(сырыыта,ыыра кэҥиир)

    0
  • Краеаед
    30 января  

    16)Кутуйах уйатын чычаас гына хастаҕына,хаар халыҥ буолар.
    17)Ыт уук(утуйугас) буоллаҕына былыт кэлэр.
    18)Ыт түүрүллэн(халаачык курдук) утуйар буоллаҕына,тымныы буолар.

    0
  • рол
    1 февраля  

    Лос-анжелеска ардахтаата5ына Саха сиригэр ардахтыыр, Москва5а ичигэс кыhын буолла5ына биhиэхэ тымныы буолар

    0
  • Краевед
    1 февраля  

    Үргэл саҥа ый үрдүнэн көстөр этэ,онон угут дьыл буолсу.

    0
  • Краеаед
    10 февраля  

    19)Кыһын(күһүөрү кыһын) саҥа ый туруору таҕыстаҕына,тыаллаах,тымныы ый буолар.
    20)Саас(сааһыары кыһын) саҥа ый туруору таҕыстаҕына,ичигэс,тыала суох,хахсаата суох ый буолар.
    21)Саас(сааһыары кыһын) саҥа ый сытыары(тиэрэ) таҕыстаҕына,тыаллаах,тымныы ый буолар.

    0
  • Краевед
    18 февраля  

    22)Саас өрүс эрдэ эһиннэҕинэ,өрүскэ уу улахан буолар.Муус кытаанаҕар харыы үксүүр.
    23)Саас хаарын тыалынан ириэрдэҕинэ,хаар уута суох буолар.
    24)Тымныыга кырыа хаар түһэр.Кырыа хаар чиҥник түспэт,кырыа хаар уута кыра буолар.

    0
  • Краевед
    28 февраля  

    25)Кыһын саҥа ый уһуга мүлүккэй буоллаҕына,ичигэс,былыттаах буолар.
    26)Кыһын саҥа ый уһуга кылааннаах буоллаҕына,тымныы буолар.
    27)Кыһын ый чаҕылхай ыраас буоллаҕына-тымныы,өлбөөркөй буоллаҕына-ичигэс буолар.

    0
  • Краевед
    21 марта  

    28) Саас (сааһыары кыһын) мутукча таһырҕаатаҕына,халлаан итийэр.
    29) Саас тыала суох,үчүгэй күн буолаары гыннаҕына,сарсыарда дьэргэлгэн түһэр.
    30) Саас хаары түүн былыттанан ириэрдэҕинэ,халаан уута улахан буолар.

    0
    • маайыс
      21 марта  

      ыйытабын

      мутукча таһырҕаатаҕына диэн тугуй? хайдах өйдөбүллээҕий?

      0
    • маайыс
      21 марта  

      ыйытабын

      мутукча таһырҕаатаҕына диэн тугуй? хайдах өйдөбүллээҕий?

      0
      • Краевед
        24 марта  

        маайыс, оһоххо маһы бырахтахха таһырҕааччы дии,оннук мутукча таһырҕаатаҕына халлаан итийэр.

        0
        • маайыс
          24 марта  

          краевед

          үүнэн турар мас мутукчата таһырҕыыр дуо?

          0
          • Вася.
            29 июня  

            маайыс, мутук диир быһыылаах. Халлаан сылыйыыта тоҥон турбут мас ирэн хамсаан барыыта тыаһыыр.... Аһара тымныыга тымныыттан эмиэ тыаһыыр.

            0
  • Краевед
    24 марта  

    маайыс,оннук .Ити Барашков И.Л.(Молотов аат.колхоз) билгэтэ.

    0
  • Краевед
    24 марта  

    31) Саас хаарын тыалынан ириэрдэҕинэ,хаар уута суох буолар.
    32) Саас көмүк (мас хаара) эрдэ түстэҕинэ,тыаллаах,куһаҕан,хаар уута суох,саас буолар.
    33) Сааскы хаһыҥ от,бурдук үүнүүтүн улаханнык кэҕиннэрэр.

    0
  • Краевед
    24 марта  

    Куоракка туллук хаара түһэн эрэр.

    0
  • Краевед
    24 апреля  

    34)Халлааҥҥа лоскуй-лоскуй аҕыйах (онно-манна) үрүҥ былыт тахсара,кураан былыта буолар.Оннук былыттан ардах кэлбэт.
    35)Былыт үөһэнэн (үрдүктүк) ааһар буоллаҕына ардах кэлбэт.
    37)Өтөр ардах буолуо буоллар,халлааҥҥа уулаах (хара сыстаҥ) былыттар элбииллэр.

    0
  • Краевед
    13 мая  

    38) Быстах былыттар холбостохторуна,ардах кэлэр.
    39) Тахсыбыт былыт бысталанан(хайдан,үрэллэн) бардаҕына,ардах түспэт,эбэтэр түспүтүн да иһин кыра буолар.
    40) Ардыы туран халлаан оройуттан аһыллан,былыт халлаан тула өттүгэр түһэн халыннаҕына,ардах ааспат,сотору кэлэр.

    0
  • Краевед
    26 мая  

    41) Ыт түүрүллэн (халаачык курдук) утуйар буоллаҕына,тымныыга,былыт кэлэригэр.
    42) Бурдук үүнэр сылыгар,кутуйах хороонун бурдуе бааһынатыгар хастар.
    43) Кураан(сут) буолуо буоллар-кутуйах өтөх таһыгар мустар.

    0
    • Олоҕу билбит
      28 мая  

      Кыһын ахсынньы, тохсунньу ыйдар сылаас буоллахтарына сайын сөрүүн буолар...Ордук бэс ыйыгар биллэр буолар
      Дьыл эрдэлиир буоллаҕына, көтөрдөр олох эрдэ кэлэллэр

      0
  • Краевед
    1 июня  

    44) Былыт кэлэригэр,тыас-уус бүтэйэр.
    45) Өй дуораана сүппүт,былыт кэлээри гыммыт(Учуутал-Докторов Л.И.-1941 с.)
    46) Былыт (ардах,хаар) кэлэригэр,халлаан намтаан көстөр.

    0
  • Краевед
    3 июня  

    47) Моҕотой сут буолуо буоллар,ходуһаҕа киирэр.
    48) Куһаҕан (сут) сылга,моҕотой киһиттэн куттаммат.
    49) Ынах сүөһүолоотоҕуна(хантайа-хантайа халлааны сытырҕаатаҕына),тыал,ардах кэлэр.

    0
  • Краевед
    7 июня  

    50) Аһыҥа окко ыйаастан өллөҕүнэ,эһиил сайын аһыҥалаах буолар.
    51) Саас хаар үрдүгэр,тураах быта(былахы курдук,хара ыстаҥалас) түстэҕинэ,аһыҥалаах сайын буолар.
    52) Киэһэ дьиир аһыҥа(кыһыл кынаттаах,улахан хара аһыҥа) курааҥҥа(кураан күннэргэ) көтөр.

    0
  • Краевед
    7 июня  

    53) Бырдах үүнүүлээх сайын,улаханнык түһэр.
    54) Бырдаҕа суох сайын,кураайы буолар.
    55) Күйүгэс күүскэ түстэҕинэ,быстах былыт ардаҕа кэлэр.

    0
  • Краевед
    8 июня  

    56) Ый дьиэтэ суон буоллаҕына,халыҥ,уһун былыт кэлэр.
    57) Ый былыкка киирдэҕинэ (тимирдэҕинэ),сарсыныгар былыттаах күн буолар.
    58) Сайын кыра уонна тымныы ардах,аһыҥаны толорутар,улаатыннарар.

    0
  • ayannit
    11 июня  

    59) киэһээ аһаабакка утуйдаххына, сарсыарда аччык тураҕын
    60) дьиэҕэр итирик кэллэххинэ ойоххуттан мөҕүллэҕин
    61) кыһын устата уойдаххына, ыһыахха саҥа таҥас ылаҕын
    62) күһүн отонноотоххуна кыһын морс иһэҕин

    0
  • Вася.
    29 июня  

    63) Тигээйи куйаас сайын буолуох буоллаҕына элбиир

    0
  • Краевед
    11 июля  

    64) Сайын былыт,ардах кэлэригэр,кии сыттыйар.
    65) Этиҥ быстыбакка,ньириһийэн (өр,бытааннык) этэр буоллаҕына,уһун ардах кэлэр.
    66) Этиҥ кылгастык,дэлбэритэ ыстанан,этэр буоллаҕына,быстах ардах түһэн ааһар.

    0
  • Краевед
    18 июля  

    67) Элбэх этиҥнээх сайын,ардахтаах (өҥ) сайын буолар.
    68) Этиҥсаас эрдэ эттэҕинэ (Ньукуолун иннинэ) ,үчүгэй(этиҥнээх,ардахтаах) өҥ сайын буолар.
    69) Этиҥ кыһын эттэҕинэ,ыарыылаах,дьаҥнаах-дьаһахтаах,куһаҕан дьыл буолар.

    0
  • .
    2 августа  

    Кыһын сылаас буоллаҕына - сайын тымныы буолар диэн өссө этэллэр

    0
  • Краевед
    3 августа  

    70) Илинтэн уонна соҕурууттан түһэр тыал,сайын ардаҕы,кыһын хаары(ичигэһи) аҕалар.
    71) Арҕааттан уонна хотуттан түһэр тыал,тымныыны аҕалар.
    72) Уһун (олооһун) тыал,уһун ардаҕы аҕалар.

    0
Ответ на тему: Норуот билгэлэрэ.
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Предложения и замечания