Айар кутум - көтөр кынатым.(хоһооннор)
марика_кк  -    3956
Дорооболоруҥ үтүө мааны доҕоттор!
Дьэ, кэтэһилээх кинигэм күн сирин көрдө:) ким эмит ылыан баҕарар буо ватсаптаан ыйытаарын 89244619492 ;)
Ответов 99 Написать ответ
  • марика_кк
    18 декабря 2015  

    Күндү ааҕааччыларым! Эмиэ хоһооннорбун уган саҕалаан эрэбин, мэлдьи миигинниин буолуоххут диэн эрэнэ хаалабын... бары үтүөнү кытары: © Күндү

    0
  • марика_кк
    18 декабря 2015  

    Миигин куруук ахтарыҥ,
    Мэлдьи сүрэххэр тутарыҥ,
    Сылаас тыллары аныырыҥ,
    Чаҕылхай сулустуу үөрдэр,

    Санаан кэлэн суруйарыҥ,
    Суохтаан ааппын ааттыырыҥ,
    Истиҥ хоһооннору аныырыҥ,
    Күүстээх санааны биэрэр,

    Сүүспүттэн эн сыллыырыҥ,
    Илиибиттэн сиэтэн ыларыҥ,
    Кэннибиттэн кэлэн кууһарыҥ,
    Олуһун миигин дьоллуур,

    Эн бааргына дьоллоохпун,
    Кистээбэккэ билинэбин,
    Мичийэн күннүү үөрэбин,
    Эн эрэ бааргына доҕоруом...

    © Күндү

    24 ноябрь 2015г.

    0
  • марика_кк
    18 декабря 2015  

    Кырдьык дьоллоох эбиппин,
    Күн сырдык уотун көрөбүн,
    Күннээҕи түбүктэн үөрэбин,
    Олох диэн кэрэтин билэбин,

    Кырдьык дьоллоох эбиппин,
    Эрэллээх доҕоттордоохпун,
    Итэҕэйэр дьүөгэлэрдээхпин,
    Ытыктыыр дьоннордоохпун,

    Кырдьык дьоллоох эбиппин,
    Истиҥник кинини таптыыбын,
    Дууһалыын тардыһан ахтабын,
    Хоһооммор тапталы хоһуйабын,

    Ол онтон атыны ирдээбэппин,
    Ураты дьолу көрдөөбөппүн,
    Кырдьык дьоллоох эбиппин,
    Олохпун кимҥэ да биэрбэппин...

    © Күндү

    28 ноябрь 2015г.

    0
  • марика_кк
    18 декабря 2015  

    Соҕотох бэйэҕэр итэҕэйбитим,
    Сылаас санааҕын ылыммытым,
    Үөрэр мичээргин сөбүлээбитим,
    Эйиэхэ дириҥник сыстыбытым,

    Ол эрэн, эмиэ сыыстарбыппын,
    Быстах абылаҥҥа киирбиппин,
    Суоҕу баар гына сатаабыппын,
    Сымыйаны кырдьыктаммыппын,

    Соҕотох эйиэхэ ылларбытым,
    Истиҥ сыһыан диэни билиммитим,
    Аттыгар буолуохпун баҕарбытым,
    Дьиҥнээх доҕор диэни билбитим,

    Сүрэҕим аанын алҕас арыйбыппын,
    Ситим олоҕун дьиҥнээх диэбиппин,
    Эн уратыгын дии санаабыппын,
    Ол эрэн, эмиэ сыыстарбыппын...

    © Күндү

    06 декабрь 2015г.

    0
    • Чөмчүүнэ
      18 декабря 2015  

      марика_кк, дорообо
      Кинигэн күн сирин көрбүтүнэн эҕэрдэлиибин
      Суруйар бөрүөн сыппаабатын,дьоллоох,доруобай буол

      0
  • Даайыска
    18 декабря 2015  

    Марикка,дорообо.
    Истиҥ эҕэрдэ.
    Саҥа Сылга ситиһиилэри,сүргэни көтөҕөр айымньылары.

    0
  • -айисена.
    18 декабря 2015  

    э5эрдэ, Марика.
    Айымньыларын тумуллэн кинигэ буолан тахсыбыттарынан! "Бу туун эрэ..." диэн ырыа буолбут хоьооннун себулээн истэбин. Ити курдук урдуктэн урдук чыпчааллары дабайан иьэргэр ба5арабын.

    0
  • марика_кк
    18 декабря 2015  

    Баһыыбаларыҥ!

    0
  • umcuura
    umcuura
    Таас Кыыьа
    18 декабря 2015  

    Марика _кк истиҥ эҕэрдэ!!! Ситиһиини....Дьолу..

    0
  • Туртас_
    18 декабря 2015  

    Күндү, махтал хоһоонноргор!!!
    Эҕэрдэ истиҥэ!!! :))

    0
  • марика_кк
    22 января 2016  

    Таптал туохтан алдьанар?
    Икки аҥыы олороллоруттан,
    Наар ыраах сылдьалларыттан,
    Бэйэ - бэйэттэн тэйсиилэриттэн,

    Таптал туохтан кэлэйэр?
    Уоскуйбат кыыһырсыыттан,
    Өйөһүү - өйдөһүү суоҕуттан,
    Сылаас сыһыан тиийбэтиттэн,

    Таптал туохтан хомойор?
    Тапталлаахтар арахсалларыттан,
    Тус - туспа суолланалларыттан,
    Бүтэн быстыбат күнүүлэриттэн,

    Тапталгытын эһиги харыстааҥ,
    Бэйэ - бэйэҕитин өйдөһүҥ - өйөһүҥ,
    Ыарахан да кэмнэргэ бииргэ буолуҥ,
    Итэҕэлгитин - эрэлгитин ыытымаҥ...

    © Күндү

    04 тохсунньу 2016с.

    0
  • марика_кк
    22 января 2016  

    Я люблю тебя просто так,
    Ни за что и совсем без причины,
    Так случилось, что для меня
    Ты стал лучшим из тысяч мужчин.

    © неизвестный автор

    Таптыыбын эйиигин мин,
    Туох да ирдэбилэ суох,
    Эн эрэ буолбуккун соҕотох,
    Элбэх киһиттэн күндү киһим...

    © Күндү

    19 тохсунньу 2016с.

    0
  • марика_кк
    22 января 2016  

    Күндү киһи кэлбиккинэн,
    Төрөөбүт үтүө күҥҥүнэн,
    Эҕэрдэтэ тут миигиттэн,
    Дьол ырыатын ыллаа, үөрэн,

    Күн сылааһын билбиккинэн,
    Ийэҥ саҥатын истибиккинэн,
    Аҕаҥ үөрүүтүн көрбүккүнэн,
    Эҕэрдэ төрөөбүт күҥҥүнэн...

    © Күндү

    20 тохсунньу 2016с.

    0
  • -Мила
    22 января 2016  

    Эҕэрдэ,Марика, үчүгэй сонун,
    Тапталы олус табан хоһуйаҕын,кэрэтин таба көрөҕүн,ааҕан санаабыт ырааһырар,долгуйан күлэн мүчүҥнүүбүт,кэрэ кэмнэрбитин саныыбыт...
    Кэрэчээн киһи Марика,аспыт туопкар элбэх ааҕааччылан,доҕотторуҥ киирэн ааҕа,суруйа турдуннарblack heart suit

    0
  • марика_кк
    27 января 2016  

    Ол кэмҥэ алдьаммыта
    Барыта хайа барбыта,
    Ол түгэҥҥэ сүппүтэ
    Таастыы үлтүрүйбүтэ,

    Онтон тоҕо эрэ мин
    Мэлдьи өйбөр тутабын,
    Онтон тоҕо эрэ мин
    Куруутун санаан ылабын,

    Тымныы тыалга тоҥмута
    Сылаас сыһыан уйата,
    Быстах хаарга көмүллүбүтэ
    Таптыыр сүрэх иэйиитэ,

    Күһүҥҥү түүн ылламмыта
    Истиҥ тапталым ырыата,
    Сэбирдэххэ суруллубута
    Ахтылҕаным курус суруга...

    © Күндү

    23 тохсунньу 2016с.

    0
  • марика_кк
    30 января 2016  

    Эдьиийбэр Ымыыга

    Мааны ымыы чыычааҕым
    Быраҕан көтүмэ ыраах,
    Мин үрүҥ аанньалым
    Хаалларыма эн соҕотох,

    Баҕар, хомоторум буолуо
    Көрбөтөхтүү ааһа бараммын,
    Баҕар, долгутарым буолуо
    Биир тыла суох сүтэммин,

    Баҕар, кэлэтэрим буолуо
    Сыыһа халты саҥараммын,
    Баҕар, ытатарым да буолуо
    Кыһаллыбаттыы туттаммын,

    Бырастыы мин көрдөһөбүн
    Алҕас тахсыбыт түгэнигэр,
    Ол эрэн, эйиэхэ эрэннэрэбин
    Мэлдьи баар буолуом аттыгар...

    © Күндү

    29 тохсунньу 2016с.

    1
  • марика_кк
    12 февраля 2016  

    Баар эбит, баар
    Истиҥ сыһыан,
    Ыраас мичээр
    Үөрдэр харахтар,

    Баар эбит, баар
    Сырдык санаа,
    Аһыныгас дууһа
    Сылаас сүрэх,

    Баар эбит, баар
    Хоһоон кэпсээнэ,
    Ырыа муусуката
    Тыл таабырына,

    Баар эбит, баар
    Бу орто дойдуга,
    Киһини долгутар,
    Күүстээх иэйии...

    © Күндү

    03 олунньу 2016с.

    0
  • марика_кк
    12 февраля 2016  

    Моё утро начинается с кофе,
    С белой чашки, согревающей руки,
    С фото над столом, где я в профиль,
    С ожидания дневной скуки.

    Моё утро начинается с яда
    Непришедшей от тебя вести
    И с того, что нет тебя рядом,
    И с того, что ты с другой вместе.

    Одиночество - не так страшно,
    Страшно быть кому-то постылой.
    Только, знаешь, мне ещё важно,
    Хорошо ли там тебе, милый?...

    © Венера Рамазанова

    Күнүм саҕаланар кофеттан
    Илиини сылытар чааскыттан,
    Остуолга турар хаартыскаттан
    Эмиэ хатыланар чуҥкуйууттан,

    Күнүм саҕаланар дьааттан
    Эйиигиттэн сурах кэлбэтиттэн,
    Мин аттыбар суоххуттан
    Атынныын эн сылдьаргыттан,

    Соҕотохсуйуу куттала суох
    Олороруохха сөп эбит соҕотох,
    Ол эрэн, билигин да долгуйабын,
    Тэһийэҕин дуо, ол сиргэ доҕоруом...?

    © Күндү

    10 олунньу 2016с.

    0
  • Сахастрелец
    13 февраля 2016  

    МарикаКуо, бэртээхэй тылбаас буолбут. Кытаат, аны Омар Хайямҥа киирис

    киирэн соло буоллахпына ааҕабын, сороҕор бэйэбэр сөптөөҕү буллахпына оҕо курдук үөрэбин. Махтал!!!

    1
  • марика_кк
    15 февраля 2016  

    Хараҥа былыттаах күҥҥэр
    Сырдык күнүҥ уота буолуом,
    Күүстээх ардах түһүүтүгэр
    Сэттэ өҥнөөх кустук буолуом,

    Кыһыҥҥы чуумпу түүҥҥэр
    Чаҕылхай сулуһун буолуом,
    Чуҥкуйан хомойор кэмҥэр
    Үөрдэр үөрүүҥ буолуом,

    Курус тыллардаах ырыаҕар
    Иэйиилээх матыып буолуом,
    Мунчааран туойар тойуккар
    Уоскутар кылыһах буолуом,

    Тапталы саарбахтыыр түгэҥҥэр
    Таптыырбын хатылыыр буолуом,
    Эрэлгин сүтэрбит күһүҥҥэр
    Күһүҥҥү ньургуһун буолуом...

    © Күндү

    14 олунньу 2016с.

    0
  • марика_кк
    15 февраля 2016  

    Я знаю мир: в нем вор сидит на воре,
    Мудрец всегда проигрывает в споре, с глупцом,
    Бесчестный — честного стыдит,
    А капля счастья тонет в море горя.

    © Омар Хайям

    Билэбин, аан дойду
    Хайдах оҥоһуулааҕын:
    Уоруйах хаайыллабат
    Көҥүлгэ күүлэйдиир,
    Акаары муударайы
    Мөккүһэн кыайар,
    Албын, сымыйаччы
    Үтүө киһини кыбыһыннарар,
    Кыра дьол кыырпаҕа
    Дириҥ муораҕа суураллар...

    © Күндү

    15 олунньу 2016с.

    0
  • марика_кк
    19 февраля 2016  

    Хантан билиэмий мин
    Олохпор соҕотох тапталым
    Улахан суолталаах киһим
    Тыынар салгыным буоларгын,

    Хантан сэрэйиэмий мин
    Атыттары көрбөт буоларбын
    Саҥа билсииттэн куотарбын
    Эйиэхэ дириҥник ылларарбын,

    Хантан билиэмий мин
    Сүрэххин миэхэ анаабаккын
    Дьолум диэн ааттаабаккын
    Атыны аналым дииргин,

    Хантан сэрэйиэмий мин
    Халтай билсии буоларын
    Хантан билиэмий мин
    Хардата суох таптал буоларын...

    © Күндү

    18 олунньу 2016с.

    0
  • марика_кк
    20 февраля 2016  

    Бу олорон санаатым
    Ийэккээм кэрэ куолаһын
    Ураты истиҥ мичээрин
    Сып - сылаас илиилэрин,

    Эйиигин суохтаатым
    Күндүттэн күндү ийэбин
    Эйиигин мин аҕынным
    Күҥҥэ тэҥниир киһибин...

    © Күндү

    19 олунньу 2016с.

    0
  • марика_кк
    25 февраля 2016  

    Проведи холодною ладонью
    По щеке пылающей моей.
    Ты так долго был мне посторонним
    Ты так быстро стал мне всех родней.

    © Лариса Рубальская

    Тымныы илиигинэн
    Таарыйан ыл иэдэспин,
    Өр да бириэмэ туора этин
    Ол эрэн, биир түгэҥҥэ эн
    Олус чугас буола оҕустун...

    © Күндү

    24 олунньу 2016с.

    0
  • марика_кк
    25 февраля 2016  

    Айыы Таҥара эн бааргын дуо,
    Эйиэхэ итэҕэйиэххэ сөп дуо?
    Аһыныгас сүрэхтээххин дуо,
    Оччоҕо көрдөһүөхпүн син дуо?

    Күндү дьонум ыалдьыбаттарын
    Этэҥҥэ, доруобай буолалларын,
    Хаһан даҕаны хомойботторун
    Куруук үөрэ - көтө сылдьалларын,

    Айыы Таҥара эн бааргын дуо,
    Кырдьык эрэниэхпин сөп дуо?
    Ыраас, сырдык санаалааххын дуо,
    Биирдэ эрэ ааттаһыахпын син дуо?

    Доҕотторум дьоллоох буолалларын
    Анаммыт суолларын булалларын,
    Оччоҕо үөрэммин өрө тыыныаҕым
    Эйиэхэ истиҥник махтаныаҕым...

    © Күндү

    24 олунньу 2016с.

    0
  • Эн ааҕааччыҥ
    8 марта 2016  

    Баай буол дууһаҕынан,
    Бэркэ аҋар дьоҕургунан,
    Сиргэ- дьоҥҥо тапталгынан,
    Сырдык,кэрэ. санааҕынан.

    Доруобай буол,бырааһынньыгынан
    Күндү Марика!

    0
  • марика_кк
    14 марта 2016  

    Знаешь ли ты брат:
    Что ты мне нужен,
    Знаешь ли ты брат:
    Что ты мне дорог,

    Ты поговори со мной
    Всю ночь на пролет,
    Душу свою открой
    Пойму, как никто другой,

    Знаешь ли ты брат:
    Что без тебя не могу
    Что тоскую иногда
    Когда ты где-то далеко,

    Прошу тебя, не исчезай
    Долго одну не оставляй,
    Ведь, ты стал уже родным
    И я по тебе скучаю, очень...

    © Күндү

    13 кулун тутар 2016.

    0
  • марика_кк
    14 марта 2016  

    Арахсар ураты айылҕалаах
    Арыый атын салгыннаах,
    Алмаастыы ыраас суоллаах
    Ааттыын дьикти - Кириэстээх,

    Арай, иккис дойдум гыныаҕым
    Аралдьыйа, сынньана барыаҕым,
    Аныыр хоһооммор хоһуйуоҕум
    Алгыстаах тойукпар туойуоҕум...

    © Күндү.

    13 кулун тутар 2016с.

    0
  • марика_кк
    15 марта 2016  

    Сүрэхтиин - дууһалыын
    Эйиигин ахтар - суохтуур
    Эн эрэ аттыгар буолуохпун
    Эйиигин кэтэһэр буолбуппун,

    Хас чаас аайы, хас күн аайы
    Хантан эрэ тиийэн кэлиэҥ
    Кууһан ылыан диэбиттии
    Куруук тулабын маныыбын,

    Ыраас, сырдык тылларгын
    Анаан миэхэ ыытаргын
    Аҕынным диэн суруйаргын
    Долгуйа кэтэһэр буолбуппун,

    Бырастыы, Таҥараҕа тэҥнээн
    Күндүтүк саныыр буолбуппун,
    Бырастыы, сүрэхпэр киллэрэн
    Эйиигин таптыы көрбүппүн...

    © Күндү

    15 кулун тутар 2016с.

    0
  • марика_кк
    17 марта 2016  

    Дьүөгэбэр Надежда Румянцева - Нөнүөһэҕэ!

    Дьүөгээ, анньалыҥ күнүнэн
    Аптаах тылларбын анааммын
    Дьоллуур санааны үөскэтэн
    Истиҥ эҕэрдэбин ыытабын!

    Дьүөгээ, хаһан да хомойор
    Хараастар буолума олоххор,
    Ханна да, хаһан да кэмсинэр
    Кэлэйэр диэни хатаама бэйэҕэр!

    Дьүөгээ, дьоллоох эрэ буол
    Үөрэн - көтөн, ыллаан - туойан
    Сырдык эрэ ыраннан туол
    Батыстын куруук ыраас суол!

    Дьүөгээ, төрөөбүт күҥҥүнэн
    Эйэҕэс эҕэрдэбин ыытабын,
    Оҕолуу кууһаммын сыллыыбын
    Сир үтүөтүн барытын аныыбын!

    © Күндү

    17 кулун тутар 2016с.

    0
  • марика_кк
    27 марта 2016  

    Арай, биир күн эһиги
    Мин оннубар буолаҥҥыт
    Бука санаабын таайаҥҥыт
    Дууһам хаһыытын истиэххит дуо?

    Арай, биир түүн эһиги
    Мин оннубар буолаҥҥыт
    Сүрэҕим тугу этэрин билэҥҥит
    Харах уута тоҕо тохторун этиэххит дуо?

    Арай, биир түгэн эһиги
    Мин оннубар буолаҥҥыт
    Көҥүлэ суох хайдаҕын көрөҥҥүт
    Ыра санаам тугун кэпсиэххит дуо?

    Саарбаҕым... хантан билиэххитий
    Хаама сылдьар дьон атыҥҥыт,
    Тугу баҕарбаккытынан гынаҕыт
    Ханна санааҕыт тиийэринэн бараҕыт...

    © Күндү

    17 кулун тутар 2016с.

    0
  • марика_кк
    27 марта 2016  

    Киһи орто дьоһун сааһыгар
    Таптыыр, таптатар кэргэннээх
    Икки кырачаан оҕолордоох
    Сылаас дьиэлээх буолуохтаах,

    Онтон эн куруук соҕотоххун
    Олус курус харахтардааххын,
    Онтон эн куруук тоҥуйгун
    Олох кэрэтин көрө сатаабаккын,

    Киһи орто дьоһун сааһыгар
    Туруоруммут сыалын ситиһиэхтээх
    Баҕа санаатын батыһыахтаах
    Олоҕор дьоллоох буолуохтаах,

    Онтон эн барытыттан сылайбыккын
    Бэйэн бэйэҕиттэн кэлэйбиккин
    Онтон эн барыларыттан тэйбиккин
    Кэннигэр сабан хаалларбыккын...

    © Күндү

    17 кулун тутар 2016с.

    0
  • марика_кк
    27 марта 2016  

    Сандал саас
    Санаабын сайҕаа
    Сырдык саас
    Үөрүүтэ бэлэхтээ,

    Үтүө сааскы күн
    Сүрэхпин толор
    Сылаас тыынынан
    Саҥа истиҥ иэйииннэн...

    © Күндү

    21 кулун тутар 2016с.

    0
  • Рол
    28 марта 2016  

    Марика кк , суруйбут эрэ диэн суруйагын . киьини сэргэхсиппэт . уердубэт . кыратык куустэ уохта мунньун . айар тыл туспа суолун тобул . куруук биири суруйар курдуккун. Сынньана да туьуе этин . суруйар да ыарахан .куну дьылы барыыр . баьаалыста еьургэнимэ дуу .

    0
  • Байбал
    28 марта 2016  

    Бээ бу Рол топ аайы киирэн сирэҕин дуу,сириэххэ эрэ диэҥҥин

    0
  • Байбал
    28 марта 2016  

    Күндү хотун эчи аатын да бэрдин)Суруй күүтүөм

    0
  • марика_кк
    29 марта 2016  

    Ытыктаабыллаах сирээччилэр! Оннук куһаҕан буо ааҕымаҥ! Ырааҕынан ааһыҥ!

    0
  • saylkuola
    29 марта 2016  

    Күндү балтыкааным,
    Күн диэки көр дуу,
    Аахайбатах аастын,
    Сэргээччи сэҥээрдин,
    Куорсун эбэн көтүтэн
    Айар абылаҥҥар аргыстастын!
    Суруйан-айан ис,
    Дууһаҕын арыйа түс,
    Абылаҥ санааҕын тэнит!

    1
  • марика_кк
    29 марта 2016  

    Таптыыбын эйиигин, таптыыбын
    Ол эрэн, илэ бэйэҕин буолбатах
    Кимнээҕэр да ыраас санааҕын,
    Ураты эйэҕэс майгыгын.

    Таптыыбын эйиигин, таптыыбын
    Ол эрэн, тас көрүҥҥүн буолбатах
    Тапталынан тыынар сүрэххин,
    Аанньаллыы сырдык дууһаҕын. 

    Таптыыбын эйиигин, таптыыбын.
    Ол эрэн, илэ бэйэҕин буолбатах.
    Күндүтүк суруйар тылларгын,
    Истиҥник ылланар ырыаҕын. 

    Тапталбын эн сыыһа өйдөөмө,
    Алҕас да атыннык санаама.
    Таптыыбын эйиигин, таптыыбын,
    Ол эрэн, илэ бэйэҕин буолбатах...  

    © Күндү  

    24 кулун тутар 16с.

    0
  • марика_кк
    29 марта 2016  

    Аҕыйах даҕаны түгэҥҥэ
    Көтө түһүүм ээ көҥүлгэ
    Аҕыйах даҕаны кэмҥэ
    Тиийиим эрэ ол сиргэ,

    Хаайтарбыт кутум мэлдьи
    Талаһар сылаас күн диэкки
    Тэһийбэт сүрэҕим мэлдьи
    Булуон баҕарар көстүбэти,

    Аҕыйах даҕаны түгэҥҥэ
    Барытын умнан ылыым ээ
    Аҕыйах даҕаны кэмҥэ
    Мунчаарыыны кыйдыым ээ,

    Ити быстах санаалар эрэ
    Дьоллоохпун ээ мин дьиҥэ
    Тыынабын, көрөбүн, айабын
    Чугас дьоммун таптыыбын...

    © Күндү

    24 кулун тутар 2016с.

    0
  • марика_кк
    29 марта 2016  

    Меняем реки, страны, города,
    Иные двери, новые года,
    А никуда нам от себя не деться,
    А если деться — только в никуда.

    © Омар Хайям

    Уларытабыт үрэхпитин
    Дойдубутун, суолбутун
    Аһыллыбыт ааммытын
    Саҥа кэлбит сылбытын
    Ол эрэн, бэйэбититтэн
    Ханна да куоппаппыт
    Арай, бардахха даҕаны
    Симэлийэ сүтэбит...

    © Күндү

    27 кулун тутар 2016с.

    0
  • Байбал
    29 марта 2016  

    Маладьыас,Марика.Ай тут

    0
  • марика_кк
    1 апреля 2016  

    Сып - сылаастык мичилийэн
    Сандаарыччы тыкпыт күнү
    Туох да диэн сэрэппэккэ
    Хара былыт бүрүйүөн син,

    Ып - ыраас, күөх хонууга
    Кырачаан, нарын сибэккини
    Тыаһа - ууһа суох биллэрбэккэ
    Үргээн ааһыахтарын син,

    Ол курдук, киһи кыһаллан
    Сүрэххин, дууһаҕын ууран
    Истиҥ хоһооннору суруйбуккун
    Биир тыынынан тэпсиэхтэрин син,

    Кэрэ көстүүнү аахайбаккаҕыт
    Кыра даҕаны үтүөнү алдьатаҕыт
    Оччоҕо тугу харыстыыгыт
    Эһиги муҥуутуур үчүгэй дьон...?

    © Күндү

    29 кулун тутар 2016с.

    0
  • марика_кк
    1 апреля 2016  

    Арахсар ураты айылҕалаах
    Арыый атын салгыннаах,
    Анысхан сөрүүн тыаллаах
    Ааттыын дьикти - Кириэстээх,

    Арай, иккис дойдум гыныым
    Аралдьыйа, сынньана барыым,
    Аныыр хоһооммор хоһуйуоҕум
    Алгыстаах тойукпар туойуоҕум...

    Аҕа ытык кырдьаҕастардаах
    Айар талааннаах доҕоттордоох,
    Аламаастыы ыраас суоллаах
    Ааттыын кэрэ - Кириэстээх,

    Арай, иккис дойдум гыныым
    Алаһа дьиэбэр кэриэтэ барыым,
    Айар - тутар тыыммын уһатыаҕым
    Араас ырыаларбар ыллыаҕым...

    © Күндү

    13 - 29 кулун тутар 2016с.

    0
  • марика_кк
    1 апреля 2016  

    Бүгүн түүлбэр кэлиэҥ дуо?
    Хомойбут санаабын үөрдэ,
    Бүгүн түүлбэр көстүөҥ дуо?
    Сылайбыт бэйэбин уоскута,

    Бүгүн түүлбэр кэлиэҥ дуо?
    Ахтылҕанын ырыатын ыллыы,
    Бүгүн түүлбэр көстүөҥ дуо?
    Тапталын хоһооннорун аныы,

    Бүгүн түүлбэр кэлиэҥ дуо?
    Сүүспүттэн аа дьуо сыллыы,
    Бүгүн түүлбэр көстүөҥ дуо?
    Ситим - илэ буоларын кэпсии,

    Бүгүн түүлбэр кэлиэҥ дуо?
    Куруук саныыргын сипсийэ,
    Саатар түүлбэр аттыбар буолууй
    Ыраас ыллык устун хамсыый...

    © Күндү

    30 кулун тутар 2016с.

    0
  • марика_кк
    8 апреля 2016  

    Көҥүлэ суох тапталым,
    Ахтылҕаҥҥа куустараҥҥын
    Тыынарбын хаайаҥҥын
    Курус санааҕа ыытаҕын,

    Атыҥҥа аналлаах тапталым,
    Куруук бэйэҕин санатаҕын
    Түүннэри суохтатаҥҥын
    Хомотон даҕаны ылаҕын,

    Туспа суоллаах тапталым,
    Эйиэнэ буолбаппын диэҥҥин
    Ыарыылаах тыллары этэҥҥин,
    Хараҕым ууларын тоҕоҕун.

    Санаабын ыспыт тапталым
    Сүрэҕим эйиигин талбытын
    Хайыамый, хайдах бобуомуй,
    Хайдах, ханна хаайыамый...

    © Күндү

    04 муус устар 2016с.

    0
  • марика_кк
    8 апреля 2016  

    Мааны чыычаахпар Ымыыга

    Муҥура суохтук махтанабын
    Мин олохпор баар буолбуккар
    Ымыы харысхалым буолаҥҥын
    Мэлдьи эн арыаллыыргар,  

    Муҥура суохтук махтанабын
    Эдьиийим кэриэтэ буолбуккар
    Эрэнэр дьүөгэм буолаҥҥын
    Хайдах да түгэҥҥэ өйдүүргэр,

    Муҥура суохтук махтанабын
    Куруутун аттыбар бааргар
    Мунаахсыйан ылар түгэммэр
    Өйөбүлүм, сүбэһитим буоларгар,  

    Муҥура суохтук махтанабын
    Мин олохпор баар буолбуккар
    Айар суолбар аргыс буолаҥҥын
    Миигин үрдүккэ сирдииргэр...  

    © Күндү  

    05 муус устар 16с.

    0
  • Байбал
    11 апреля 2016  

    Вай,вай Ымыыны илэ билэр киһи баар дуу,арааһа.Баҕар номерын биэриэҥ буолаарай:)

    0
  • марика_кк
    19 апреля 2016  

    НЬУРГУҺУН.
    Өтөр ньургуһун тыллыаҕа -
    Хаары хайытан тахсыаҕа
    Саас кэлбитин биллэриэҕэ
    Дьоҥҥо үөрүүнү кэпсиэҕэ,

    Үргээмэҥ, отой тыытымаҥ
    Турдун кини,өрүү турдун!
    Ылымаҥ, олох алдьатымаҥ
    Өссө элбээн, үксээн үүннүн.

    Өтөр ньургуһун тыллыаҕа -
    Сырдык эрэли аҕалыаҕа,
    Тымныы ааспытын этиэҕэ
    Дьикти иэйиини бэлэхтиэҕэ,

    Өтөр ньургуһун тыллыаҕа -
    Кэрэ көстүү арыллыаҕа,
    Ыраас хонуу киэргэйиэҕэ
    Тула дьол кыымын ыһыаҕа...

    © Күндү

    14 муус устар 2016с.

    0
  • марика_кк
    19 апреля 2016  

    ЭН БААРГЫНА.
    Доҕоруом, эн бааргына
    Тула итии салгын кууһар,
    Ыраас ырыа ылланар
    Истиҥ хоһоон айыллар,

    Доҕоруом, эн бааргына
    Курус күнүм сырдыыр,
    Утуйбут иэйиим уһуктар
    Айар кутум аһыллар,

    Доҕоруом, эн бааргына
    Айманар санаам уоскуйар,
    Мунчаарбыт дууһам үөрэр
    Тэһийбэт сүрэҕим тэбэр,

    Доҕоруом, эн барыма
    Биир тыла суох сүтүмэ,
    Ахтар аһыытын амсатыма
    Суохтуур эрэйин көрдөрүмэ...

    © Күндү

    18 муус устар 2016с.

    0
  • марика_кк
    20 апреля 2016  

    Убайкааммар Сайылык Уолугар ананар.

    ДОРООБО, УБАЙКААНЫМ!
    Дорообо, күндү убайкааным
    Хайдах олордуҥ барахсаным?
    Туох саҥаны айдыҥ атаһым,
    Тугу кэрэни көрдүҥ доҕорум?

    Сайылыгын хатыҥнаах чараҥар
    Дуоһуйа сынньанан кэллиҥ дуо?
    Тэбэр сүрэҕин уоскуйар сиригэр
    Санааҕын сааһылаан ыллыҥ дуо?

    Олоро түһэҥҥин кэпсээриий
    Ахтыбыккын сэрэнэн этиий,
    Кыратык сэһэргэһэн ылыый
    Хомолтоҕун, үөрүүгүн үллэстиий,

    Куруутун үөрэн көрсүөҕүм
    Сайылыккыттан төҥүннэххинэ,
    Сылаастык кууһан ылыаҕым
    Ахтан - суохтаан кэллэххинэ...

    © Күндү

    19 муус устар 2016с.

    0
  • даана1
    21 апреля 2016  

    Марика,наьаа учугэй хоьооннор.clapping hands signclapping hands signclapping hands sign
    Истин хоьооннорун дьону уердэ турдуннар!smiling face with smiling eyessmiling face with smiling eyessmiling face with smiling eyes

    0
  • ЫЙДААНА69
    21 апреля 2016  

    Марикаsmiling face with smiling eyesthumbs up signclapping hands signclapping hands signclapping hands signмахтал хоһоонноргор.

    0
  • Байбал
    22 апреля 2016  

    Ээ эмиэ да оннук дуу

    0
  • марика_кк
    22 апреля 2016  

    КЫЫЛЛААҔАР ДЬИИКЭЙГИТ.
    Айылҕа кыылларын өлөрөн
    Улуу дьон ааттанаҕыт,
    Убаҕас хааннарын тоҕон
    Дьоллонон астынаҕыт,

    Күндү түүлээхтэри тутан
    Дьиэҕитигэр үөрэн бараҕыт,
    Көтөрдөрү манаан ытан
    Үрдүк дуоһуйууну ылаҕыт,

    Адьырҕа кыыллары бултаһан
    Чуумпу ойууру аймыыгыт,
    Саҥа төрөөбүт оҕолорун
    Тулаайах хааллараҕыт,

    Ол кэннэ, хайдах сананан
    Үчүгэй дьон аатыраҕыт?
    Төттөрүтүн кыыллардааҕар
    Дьиикэй курдук көстөҕүт...

    © Күндү

    21 муус устар 2016с.

    0
  • марика_кк
    30 июня 2016  

    УМНУОМ ДУО?
    Эйиигин умнуом дуо?
    Ситим нөҥүө билсибэтэх
    Илэ олоххо көрсүбэтэх
    Отой аахайбатах кэриэтэ...

    Эйиигин умнуом дуо?
    Эн ааккын ыйыппатах
    Истиҥник кэпсэппэтэх
    Олох билбэтэх кэриэтэ...

    Эйиигин умнуом дуо?
    Ол күҥҥэ тиийбэтэх
    Эн хараххын көрбөтөх
    Кууһан ылбатах кэриэтэ...

    Эйиигин умнуом дуо?
    Бэйэбиттэн тэйитэммин,
    Эйиигин умнуом дуо?
    Сүрэхпиттэн араараммын...

    © Күндү

    24 муус устар 2016с.

    0
  • марика_кк
    30 июня 2016  

    ИЭЙИИМ СҮППҮТ.
    Биир муннукка хаайтарбыт
    Түөрт истиэнэҕэ баттаппыт,
    Суруйар диэн тугун умнубут
    Мин ыраас, сырдык иэйиим,

    Күндү бөрүөтүн бырахпыт
    Маҥан илииһин умаппыт,
    Ураты буочарын буккуйбут
    Мин ыраас, сырдык иэйиим,

    Поэзия аанын хатааммын
    Төннүбэттии бардаҕым,
    Тэйдэҕим эбитэ буолуо дуу
    Эбэтэр куоттаҕым буолуо дуу...?

    © Күндү

    07 ыам ыйа 2016с.

    0
  • марика_кк
    30 июня 2016  

    БАЛТЫБАР, БАҔА САНААМ...
    Мин кырачаан кыысчааным
    Соҕотох тапталлаах балтым
    Сып - сырдык сулусчааным
    Эн эрэ дьоллоох буолларгын,

    Мин кэрэчээн сибэккичээним
    Кимнээҕэр күндү киһичээним
    Куруук ахтар туллукчааным
    Эн эрэ үөрэ - көтө сырыттаргын,

    Туруоруммут сыалгын - соруккун
    Биир мэһэйэ суох толордоргун
    Баҕарбыт баҕа санааларгын
    Олоххор барытын ситистэргин,

    Оччоҕуна мин уоскуйуоҕум
    Кырдьыктыы дьоллонуоҕум
    Эн ситиһиилэргэр үөрүөҕүм
    Тэҥҥэ бииргэ үллэстиэҕим...

    © Күндү

    14 июня 2016с.

    0
  • марика_кк
    30 июня 2016  

    БЫРААППАР СТЕПАҔА.
    Оҕом барахсан сыһыаныҥ
    Эчи истиҥин, кырдьыгын,
    Эчи уратытын долгуйарыҥ
    Эчи ырааһын, сырдыгын,

    Миигин санааҕар тутарын
    Кэлэн сыллаан барарын
    Билсэн - көрсөн ааһарын
    Кууһан ыларын үчүгэйин,

    'Эдьиэй этэҥҥэҕин дуо?' диэн
    Мэлдьи кыһаллан ыйытаҕын
    Махтанабын эйиэхэ мин
    Куруук сылаас сыһыаҥҥар,

    Быраатым, оҕом барахсан
    Эн үтүө киһи буолларгын
    Мэлдьи үөрэ сырыттаргын
    Мин эмиэ дьоллонуоҕум...

    © Күндү

    29 бэс ыйа 2016 с.

    0
  • марика_кк
    30 июня 2016  

    ДОҔОТТОРУМ ХАННАҔЫТЫЙ?
    Доҕотторум эһиги ханнаҕытый,
    Тоҕо бары тэйэн хааллыгытый?
    Ханна - ханна сылдьаҕытый,
    Тоҕо биллэн - көстөн ааспаккытый?

    Түүннэри - күнүстэри кэпсэтэрбит
    Мэниктээммит күлсэлбит - үөрэрбит
    Биир тыла суох өйөһөрбүт - өйдөһөрбүт
    Ханна сүттэний? ханна хаалланый?

    Мэлдьи баар буолуохпут диэбиккит
    Куруук илиибитин уунуохпут диэҥҥит
    Хатыламмат тылларынан эрэннэрбиккит
    Ол барыта тоҕо салгыҥҥа көттөнүй?

    Билигин мин турабын соҕотох
    Хомойбут - кэлэйбит сүрэхтээх,
    'Доҕотторум ханнаҕытый?' диэн
    Ыйыта сатыыбын бэйэбиттэн...

    © Күндү

    30 бэс ыйа 2016 с.

    0
  • марика_кк
    23 июля 2016  

    КИҺИ ДЬОЛО.
    Киһи олоҕо, киһи дьоло -
    Таптыыр, таптатар кэргэнэ
    Оҕолорун мичээрдэрэ
    Дьонун дьоллоох олохторо,

    Ол онтон ураты суолу
    Кини көрдүү сатаабат,
    Ол онтон атын дьолу
    Кини булуон баҕарбат,

    Киһи уоскуйар уйата
    Сылайбыта ааһар биһигэ
    Киһи дуоһуйар сирэ -
    Сылаас салгыннаах дьиэтэ,

    Ол онтон ханна да туора
    Кини ыраахха тардыспат,
    Ол онтон ураты туохха да
    Кини көрдөөн таласпат...

    © Күндү

    08 от ыйа 2016 с.

    0
  • марика_кк
    23 июля 2016  

    КТО ТЫ?
    Кто ты? откуда мне знать
    Раз ты сам не рассказываешь
    И сердце свое не доверяешь
    И душу свою не открываешь,

    Кто ты? откуда мне знать
    Если без вести исчезаешь
    Хоть письмо не отправляешь
    Ничего о себе знать не даешь,

    Кто ты? откуда мне знать
    Когда вечно что - то скрываешь
    Когда все время молчишь
    Ничего мне не говоришь,

    Кто ты? откуда мне знать
    Но одно я точно знаю
    Что ты хороший человек
    И ты мой любимый БРАТ!

    © Күндү

    09 от ыйа 2016 с.

    0
  • марика_кк
    23 июля 2016  

    ХАЙЫАМЫЙ...
    Арыт, сылааскын даҕаны
    Күн уотунуу кууһаҕын,
    Ардыгар, илэ турардыы
    Тугу эрэ сипсийэн ылаҕын,

    Арыт, ырааххын даҕаны
    Хотугу тыаллыы тымныыгын,
    Ардыгар, хаар уулларыныы
    Эмискэ сүтэн хаалаҕын,

    Арыт, бу бааргын эрээри
    Миигин көрбөккө ааһаҕын,
    Ардыгар, билбэтэх кэриэтэ
    Туора киһи курдук туттаҕын,

    Ол эрэн, ону туох диэмий
    Ханнык тыллары этиэмий,
    Сүрэхпэр тоҕо хатыамый
    Эн оннуккун, мин хайыамый...

    © Күндү

    11 от ыйа 2016 с.

    0
  • марика_кк
    23 июля 2016  

    ТУОХ БУОЛУОЙ?
    Туох буолуой,
    Тылбынан тиэрдибэт
    Мунаахсыйар санаабын
    Хоһоонунан этэрим?

    Туох буолуой,
    Илэ көрсөн билиммэт
    Кистэлэҥ тапталбын
    Илиискэ суруйарым?

    Туох буолуой,
    Кыайан утары эппэт
    Курус ахтылҕаммын
    Ырыаннан таайтарарым?

    Туох буолуой,
    Поэзия суолун талан
    Олохпун барытын
    Сурукка тиһэрим?

    © Күндү

    19 от ыйа 2016 с.

    0
  • марика_кк
    9 августа 2016  

    Белеет парус одинокой
    В тумане море голубом!..
    Что ищет он в стране далекой?
    Что кинул он в краю родном?..

    Играют волны — ветер свищет,
    И мачта гнется и скрыпит...
    Увы! он счастия не ищет
    И не от счастия бежит!

    Под ним струя светлей лазури,
    Над ним луч солнца золотой...
    А он, мятежный, просит бури,
    Как будто в бурях есть покой!

    © М. Лермонтов

    Көҥүл тылбаас

    Көҕөрөр муора туманыгар
    Соҕотох баарыс туртаҥҥыыр
    Тугу көрдүүрүй кый ыраахха?
    Төрүт сирин хааллара баран,

    Долгуннар оонньууллар - тыал иһиирэр
    Остуолба иэҕэннээн кыыкыныыр,
    Ол эрэн, кини дьолу көрдүү барбат
    Дьоло да суох буолартан куотар,

    Аллараа сырдык күөхтүнү сүүрээн
    Үрдүгэр күн сандаарар,
    Онтон кини бууннаан буурҕаны көрдүүр
    Онно нусхал баарыгар дылы...

    © Күндү

    21 - 26 от ыйа 2016 с.

    0
  • марика_кк
    9 августа 2016  

    Санаатым ол ааспыт кэми
    Сүрэхпэр хатаммыт түгэни,
    Хатыламмат үтүө күннэри
    Утуйбатах уһун түүннэри.

    Санаатым бастакы көрсүһүүнү
    Ситим кэнниттэн билсиһиини,
    Саҥата суох буолар долгуйууну
    Күндү бэлэхтэри бэрсиһиини.

    Санаатым истиҥ кэпсэтиини
    Саҥа эдьиий, балты дэһиини,
    Ордук тыла суох өйөһүүнү
    Туохтааҕар кырдьык өйдөһүүнү,

    Аҕынным мин эдьиийбин
    Олус диэн чугас дьүөгэбин,
    Эрэнэр – итэҕэйэр киһибин
    Хаһан көрсөрбүтүн күүтэбин...

    © Күндү

    27 от ыйа 2016 с.

    0
  • марика_кк
    9 августа 2016  

    ХАС ДЬАХТАР.
    Хас дьахтар баҕа санаата:
    Кэрэчээн кыыс оҕолонуон
    Хорсун уолу төрөтүөн
    Кинилэри кууһуон баҕарар,

    Хас ийэ халлаантан көрдөһүүтэ:
    Оҕолоро этэҥҥэ улаатыахтарын
    Дьоллоох оҕо саастаныахтарын
    Туохтааҕар да күүскэ көрдөһөр,

    Хас дьахтар ыра санаата:
    Дьиэтин иһэ дьолунан
    Сылаас сыһыанынан туоларын
    Олуһун даҕаны баҕарар,

    Хас ийэ саҥата суох көрдөһүүтэ:
    Оҕолорун олохторо табылларын
    Үтүө дьоһун киһи буолалларын
    Хараҕын симэн туран көрдөһөр...

    © Күндү

    31 от ыйа 2016 с.

    0
  • марика_кк
    9 августа 2016  

    УРАТЫ МАЙГЫЛААХПЫН.
    Хаһан эрэ хомоппут дьон
    Көрдөөмөҥ миигин дьэ кэлэн,
    Хаһан эрэ кэлэппит дьон
    Бырастыы диэн көрдөһүмэҥ,

    Номнуо мин суохпун
    Ол ааспыт кэмҥэ хаалбытым,
    Билигин мин атыммын
    Барытын кэннибэр хаалларбытым,

    Көрдөспүппэр туора хайыспыттар
    Бэйэҕитин өйдүүрбүн ирдээмэҥ,
    Өйүүргүтүн күүппүппэр кэлбэтэхтэр
    Биһиэхэ көмөлөс диэн этимэҥ,

    Тымныы сүрэхтээх буолбатахпын
    Бырастыы гынары сатаабаппын
    Хайыаххытый, оннук киһибин
    Эһигиттэн ураты майгылаахпын...

    © Күндү

    1 атырдьах ыйа 2016 с.

    0
  • марика_кк
    9 августа 2016  

    КЫП - КЫРА...
    Мип - минньигэстик күлэр
    Туохха да тэҥнээбэт көмүһүөм,
    Дьиэм иһин дьолунан толорор
    Мэник - тэник уолчаныам,

    Сып - сылаастык сыллыыр
    Куруутун үөрдэр күнчээниэм,
    Күүскэ да күүскэ кууһар
    Күндүттэн күндү киһичээниэм,

    Сарсыарда эрдэ уһугуннарар
    Чугдаарар лыҥкынас чуорааныам,
    Чуучугурас, чыыбыгырас бэйэлээх
    Чобуо, кырачаан чыычааҕыам.

    Кып - кыра уолчааныам
    Мэлдьитин үөрэ - көтө сырыт,
    Кып - кыра ыйчаныам
    Тулабын сырдыгынан сырдат...

    © Күндү

    3 атырдьах ыйа 2016 с.

    0
  • марика_кк
    9 августа 2016  

    ДОҔОР ТЫЛА.
    Илиигин биэрээр дуу
    Өйөбүл көрдүүр буоллаххына,
    Аһаҕастык кэпсэтээр дуу
    Дууһаҕар ыарахан буоллаҕына,

    Тылбын биэрэбин эйиэхэҕэ
    Өйдүөҕүм эйиигин куруук,
    Ыраатыам, тэйиэм суоҕа
    Кэлэппит доҕотторуҥ курдук,

    Мин баарбын санаар дуу
    Эмискэ соҕотохсуйдаххына,
    Миигин ыҥыраар дуу
    Киһи тэһийбэт күнэ үүннэҕинэ,

    Итэҕэй, эрэн эн миэхэҕэ
    Атыттардааҕар ордуктук,
    Хаалларан барыам суоҕа
    Мөлтөх санаалаах курдук...

    © Күндү

    04 атырдьах ыйа 2016 с.

    0
  • марика_кк
    27 октября 2016  

    МУММУТ ЫЙЫТЫЫЛАР.
    Ким алҕаһыттан
    Ким сыыһатыттан
    Көҥүл хаамартан
    Маппыппыный мин?

    Ким буруйуттан
    Ким аньыытыттан
    Түөрт муннуктан
    Ырааппаппыный мин?

    Ким быһаарыытыттан
    Ким тойоннооһунуттан
    Ханна даҕаны куотан
    Барбаппыный мин?

    Итиннэ ким эппиэттиэй
    Сөптөөх хоруйу биэриэй...
    Быстах муммут ыйытыылар
    Сытыы быһахтыы аалаллар...

    © Күндү

    10 атырдьах ыйа 2016 с.

    0
  • марика_кк
    27 октября 2016  

    ЭДЬИИЙ, БААРБЫН МИН...
    Умунна дии санааҥҥын
    Хомойон бара турума,
    Дьүөгэтэ буотахпын диэҥҥин
    Кэлэйэн тэйэ куотума,

    Эйиигин бырахпаппын
    Туора киэр хайыспаппын,
    Кэннибэр хаалларбаппын
    Доҕор тылын таҥнарбаппын,

    Баарбын мин, аттыгар
    Эн таскар, тулаҕар
    Үрүҥ аанньал кэриэтэ
    Куруутун маныыбын,

    Чугас киһим оҥостоммун
    Эдьиийим диэн ааттыырбын
    Хаһан даҕаны умнубаппын
    Сүрэхпэр мэлдьи тутабын...

    © Күндү

    04 алтынньы 2016 с.

    0
  • марика_кк
    27 октября 2016  

    Ханна бардыҥ? ханна?
    Соҕотох эрэллээх доҕорум
    Убайым кэриэтэ атаһым
    Ытыктыыр дьоһун киһим,

    Өйдүүгүн? умуннуҥ дуу?
    Түүннэри илэ суруйсарбытын
    Арыт дьээбэлэһэн да ыларбытын
    Хоһооннорбутун ыыталаһарбытын,

    Тоҕо биллибэккин? хомойдуҥ дуу?
    Кэлэттим дуу, тымныы сыһыаммынан
    Уларыйа сылдьар майгыбынан
    Кэпсэтэр - кэпсэппэт буоларбынан,

    Ханна бааргын? ханна?
    Суохтаатым эйиигин, аҕынным
    Биллиий, көстүүй бу баардыы
    Кэпсэтиэх, истиҥник сэлэһиэх дуу...

    © Күндү

    27 алтынньы 2016 с.

    0
  • марика_кк
    29 октября 2016  

    ***
    Тоҕо көтөр буолбатахпын
    Ыраах көтөн барыахпын,

    Тоҕо кыыл буолбатахпын
    Куруук көҥүл сылдьыахпын,

    Тоҕо муора буолбатахпын
    Мэлдьи уста сытыахпын,

    Киһи буолбут буруйбар
    Көрдөҕүм, олох дьиктитин,

    Хаамартан маппыт сыыһабар
    Биллэҕим, тэһийбэт эрэйин...

    © Күндү

    28 алтынньы 2016 с.

    0
  • марика_кк
    1 ноября 2016  

    А.С.Пушкин

    Я вас любил: любовь еще, быть может,
    В душе моей угасла не совсем;
    Но пусть она вас больше не тревожит;
    Я не хочу печалить вас ничем.

    Я вас любил безмолвно, безнадежно,
    То робостью, то ревностью томим;
    Я вас любил так искренно, так нежно,
    Как дай вам бог любимой быть другим.

    1829

    Көҥүл тылбаас

    Мин эйиигин урут таптыыр этим
    Билигин да уостубатах тапталым,
    Ол эрэн, ол эйиигин долгуппатын
    Аны кэлэн хомотуохпун баҕарбаппын,

    Мин таптыырым хардата суох
    Ардыгар күнүүлээн да ыларым,
    Таптыырым истиҥник, нарыннык
    Мин курдук таптыыры булуоҥ дуо?

    © Күндү

    31 алтынньы 2016 с.

    0
  • Маайыстыыр
    5 ноября 2016  

    Күндү! Хоһоонноргун эмиэ да харааста, эмиэ да сылаанньыйа аахтым. Айар үлэҕэр ситиһиилэри баҕарабын! Мин да кылгас кэмҥэ хаампат буола сылдьыбыт кэмнээҕим, бэрт эрэйинэн атахпар турбутум.Онно өйдөөбүтүм, мин кыһалҕам - мин эрэ кыһалҕам буоларын. Атын дьон мин кыһалҕабын билбэккэ олордуннар, үөрдүннэн-көттүннэр. Киһи соҕотох бу дойдуга кэлэр да, барар да, онон соҕотохсуйума. Эн дууһаҕынан баайгын, санааҕын сайа этэр кыахтааххын, эн уратыҥ эмиэ эн ураты баайыҥ буолар. Айа тур, тылбаастан киһи сайдар, элбэхтик тылбаастаа. Бэйэҥ баҕа санааҕын күн аайы олоххо киллэрэ сатаа, атын дьон санаатынан олорума, кыаһыланыма. Биирдэ бэриллэр олоҕу санааҥ хоту олор. Ыарахаттары туоруур санааны тобул, барытыгар бэринэн хаалыма.

    0
  • марика_кк
    8 ноября 2016  

    ***
    Ай - тут, суруй кэрэни,
    Оһуордаах тылларгынан,
    Хомоҕой хоһоонноргунан
    Ууллар тоҥмут сүрэхтэри,

    Ыллаа - туой дьиктини,
    Иэйиилээх матыыпгынан
    Ылбаҕай ырыаларгынан
    Дьоллоо курус харахтары,

    Кэпсээ, сэһэргээ элбэҕи
    Туспа бэйэҥ буочаргынан
    Ураты кэпсээннэргинэн
    Үөрт хомойбут дууһалары,

    Хоһоонньут доҕорум
    Эн умуллан хаалыма,
    Кэпсээнньит атаһым
    Куорсуҥҥун быраҕыма,
    Ырыаһыт чыычаҕым
    Куоласкын алдьатыма...

    © Күндү

    22 алтынньы 2015 с. - 03 сэтинньи 2016 с.

    0
  • марика_кк
    8 ноября 2016  

    КЫРАТТАН ҮӨРЭН ЫЛЛАА.

    Доҕоччуок, хомолтоҕун кыйдаа
    Кыраттан да дьоллонон сырдаа,
    Күннээҕи түбүктэн үөрэн ыллаа
    Чугас дьоҥҥор мичээргин анаа,

    Билэбин, олох оҥоһуута ыарахан
    Ол эрэн, күн үүнүө саҥаттан,
    Эрдэттэн кэлэйимэ барыттан
    Тоҥмут сүрэх тыыныа хоһуттан,

    Доҕоччуок, күүстээх буола сатаа
    Курус санааларгын хам баттаа,
    Куруук ырааһы, кэрэни санаа
    Кыраттан даҕаны үөрэн ыллаа...

    © Күндү

    07 сэтинньи 2016 с.

    1
  • Мутукча
    30 ноября 2016  

    Марико, бэйэҥ суруйаргыныы ай-тут кэрэни, оһуордаах тылларгынан, хомоҕой хоһоонноргунан, ууллар тоҥмут сүрэхтэри
    Дьоллоох , Күндү!

    0
  • Мутукча
    30 ноября 2016  

    Буол:)))

    0
  • -айисена.
    1 декабря 2016  

    э5эрдэ, Марикаsmiling face with smiling eyes "Бу туун эрэ..." ураты ессе ырыа буолбут хоьооннордооххун дуу? баар буолла5ына, баьаалыста, пагерга ыыппаккын ээ. эбии истиэ5и.

    0
  • Элигиэт
    Элигиэт
    Элигиэт
    8 декабря 2016  

    Киьи ХОЬООН-цо эрэ уйдарбат ини?
    Ырыага?

    0
    • Мин
      17 декабря 2016  

      Марика-Күндү бирибиэт.Хоһоонноруҥ олус үчүгэй ис хоһоонноохтор.Өссө тупсаран чочуйан суруйан,таһааран ис,күүтэбин.

      0
  • Соһуйбат
    18 декабря 2016  

    Марика бэт хоһооннор

    Тапталга сууланыахха
    Имиллэн,эриллиэххэ
    Оҕо минньигэһин,билиэххэ
    Олох баарын,сыаналыахха

    0
  • марика_кк
    4 мая  

    Күндү дьүөгэтэ суох
    Хайдах олоруомуй?
    Күнүм уота суох
    Хайдах буолуомуй?

    Тугу саныырбын
    Тугунан тыынарбын
    Туохтан үөрэрбин
    Эн эрэ билэҕин,

    Куруук бааргын
    Илиигин уунаҕын
    Наар миигин өйдүүгүн
    Ыарахан кэмҥэ өйүүгүн,

    Олустук да үөрэбин
    Чугас киһим буолбуккар
    Олуһун дьоллоохпун мин
    Олохпор көстүбүккэр...

    © Күндү

    31 тохсунньу 2017 с.

    0
  • марика_кк
    4 мая  

    Иэйиим тоҕо састыҥ
    Суол ортотугар быраҕан?
    Иэйиим ханна бардыҥ
    Соҕотохтуу хаалларан?

    Эн бааргар суруйарым
    Олох кэрэтин туойарым,
    Эн бааргар ыллыырым
    Таптал баарын хатылыырым,

    Онтон билигин көрүүй
    Хайдах мин сылдьарбын
    Кураанаҕынан тыынарбын
    Олоҕум бороҥунан устарын,

    Иэйиим тоҕо састыҥ
    Суол ортотугар быраҕан?
    Төннүүй, хоһуттан кэлиий
    Куруук аттыбар буолууй...

    © Күндү

    08 олунньу 2017 с.

    0
  • марика_кк
    4 мая  

    Үөрэнним соҕотох сылдьарга
    Кими да кэтэспэт буоларга,
    Үөрэнним соҕотох сылдьарга
    Кими да таптаабат буоларга,
    Үөрэнним соҕотох сылдьарга
    Тугу даҕаны күүппэт буоларга,
    Үөрэнним соҕотох сылдьарга
    Тымныы сүрэхтээх буоларга...

    © Күндү

    19 олунньу 2017 с.

    0
  • марика_кк
    4 мая  

    Аҕаа... этиий миэхэҕэ
    Салгыы хайдах сылдьабын,
    Аҕаа... кэпсээриий миэхэҕэ
    Инники олоҕум хайдаҕын,

    Тэһийбэт бороҥ күннэрбэр
    Эн өйүөхтээххин миигин,
    Соҕотохсуйар түгэннэрбэр
    Эн уунуохтааххын илиигин,

    Ол эрэн, наар суох курдуккун
    Мэлдьи солото суоххун,
    Куруук үлэҕин өрө тутаҕын
    Үрдүккэ тахсааһыны сырсаҕын,

    Аҕаа... саатар тугу саныырбын
    Сүрэххинэн таайан ылаҕын дуо?
    Аҕаа... бу билигин тугу баҕарарбын
    Кыратык да сэрэйэн билэҕин дуо?

    © Күндү

    20 олунньу 2017 с.

    0
  • Оо
    15 августа  

    Маладьыас,бэрт хосооннор,ай,тут,санаагын сааhылаа,ейгун ере тут,мунчаарыма,санааргаама,олох бээтэ устан иhиэ,туох буолара буолуо,эйигиттэн ыйыппакка,

    0
  • Мари привет
    24 августа  

    Үчүгэй да хоһооннору суруйбуккун.Өссө күүтэбин)

    0
Ответ на тему: Айар кутум - көтөр кынатым.(хоһооннор)
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Предложения и замечания