6 месяцев на форуме Автор 3 уровня Топ пользователь Все
Награды
6 месяцев на форуме
6 месяцев на форуме
Автор 3 уровня
Автор 3 уровня
Топ пользователь
Топ пользователь
1000 просмотров
1000 просмотров
Күндү таастарбыт сахалыы ааттара суох эбит!
  1782
Саха сирин күндү таастара сахалыы ааттарын ханна да булан көрбөтүм.
Остуоруйаҕа,үһүйээҥҥэ дьол тааһа,сата тааһа диэн элбэхтик кэпсэнэр.Ол эрэн дьэ бу туох таастарый?
Дьол тааһа үрүҥ өҥнөөх,туох тааһый?
Сата тааһа кыыл,сүөһү куртаҕыттан ылыллыбыт ымыы таастар.
Оттон атын таастарбыт,барыта нууччалыы эбэтэр омуктуу ааттаахтар эбит.
Дьиҥэ,хайа хурустаалын 16 үйэҕэ Зашиверскайга,Индигиркаҕа булбуттар эбит.Онтон саҕалаан 17үйэттэн 19 үйэҕэ дылы араас таастары опал,агат,халцедон булуллан барбыттар.Дьэ онтон 1938 -48. сылларга алмаас таас көстөн Аан дойдуга биллэн көстөн барбыппыт.Уонна бу соторутааҕыта хромдиопсид диэн от күөх өҥнөөх изумруд курдук таас көһүннэ.
Сахабыт уус уран айымньытыгар,фольклорга,олоҥхоҕо күндү таас туһунан, ааттарын туһунан суруллубатахтар.
Арай анараа туопка биир киһи Өксөкүлээх айымньытыгар баарын булан холобурдаата.Күөх таас диэн ханнык тааһы эппитэ буолуой?
Төрүттэрбит өссө чөмчүүк таас диэн жемчуг тааһы этэллэр эбит.
Сахабыт сирин күндү таастара манныктар,сороҕун эрэ суруйдум.
алмаз
хромдиопсид
цитрин
агат
яшма
халцедон .-хансыадай
чароит -чаарай тааһа,өлүөхүмэлии,Чаара өрүс тааһа
нефрит
корунд
диопсид
вилуит
апатит
берилл
аметист
топаз
гранат
хризолит
якутит- ?
Дьэ бу таастар сахалыы ааттарын ким билэрий?
Баҕар улуустарынан,диалект тылынан араастаһар буолуон сөп.
Элбэх киһи кэпсэтиигэ кыттыстын диэн бу киэҥ араҥаҕа таһаарабын.
Сахабыт сирин баайын , күндү араас таастары ,тэпсэ сылдьаммыт,таастарбыт сахалыы ааттара суоҕа киһини хомотор,толкуйдатар эбит.
Кэпсээҥ,сэһэргээҥ,санааҕытын үллэстиҥ!
Күндү таастары сахалыы ааттыахайыҥ!
Ответов 84 Написать ответ
  • borneo2015
    9 декабря 2015  

    Хайа тоҕоостоох түгэҥҥэ

    сахарааллар суох буолан биэрбиттэр дуу?

    0
    • borneo2015
      9 декабря 2015  

      Ээ уонна

      били ХММ кытыытыгар саха тылын дьаныһан туран чинчийэр киэрмэр ханна дьүгэлийдэ?
      Чэ бээ,киирэллэр ини диэххэ '))

      0
  • кыыдаана.
    9 декабря 2015  

    Борнео дьэ сыылкалыыры сатыыр киһи кытаатыый,матырыйаалла булан аҕалыый уонна бэйэҥ санааҕын,көрүүгүн тоҕо суруйбатыҥ?

    0
    • BorNEo
      BorNEo
      Ветеран
      10 декабря 2015  

      кыыдаана,онто суох

      ону-маны хасыһан көрүөхпүн баҕарбытым иһин - иллэҥ кэмим кырыымчыга бэрт ээ '))


      НЕОБЪЯТНОЕ НЕ ОБНИМЕШЬ
      ©Козьма Прутков

      0
      • BorNEo
        BorNEo
        Ветеран
        10 декабря 2015  

        Быыспар-арыппар биири

        буллум!


        - алмаз
        сущ
        аламай таас (наһаа кытаанах, килэбичигэс
        күндү таас)
        алмаз
        м. алмаас (1. олус кытаанах дьэҥкир
        күндү таас, техникаҕа уонна киэргэлгэ
        туттуллар; 2. ол таас өстүөкүлэни быһарга
        туттуллар кыра чараас ойдугаһа).
        алмаз синтетический
        оҥоһуу (синтетическэй (алмаас) — наһаа
        улахан баттааһын, үрдүк температура
        көмөтүнэн графиттан ылыллыбыт алмаас.
        О. а. кристалл туруктаах уонна айылҕа
        алмааһын уратылара уратылаах (свойства),
        хаачыстыба өттүнэн ордуктардаах даҕаны,
        итэҕэстэрдээх даҕаны. Үксүн саамай
        элэйимтиэтэ суох, эрбиир, аалар, үүттүүр
        оноһуктарга туһаныллар.)

        0
  • Рошелле
    9 декабря 2015  

    оттон алмаас диэбэттэр этэ да?

    0
  • Харатаала этэринии ...
    10 декабря 2015  

    ... сир баайын хостооһун биһиэхэ сахаларга сэттээх-сэмэлээх ...ол иһин, онон былыр-былыргыттан ити дьыаланан дьарыгырбат буолан ити таастар сахалыы-махалыы ааттара-суоллара суоҕа буолуо ...

    0
  • Сахастрелец
    10 декабря 2015  

    Бу инниннээҕи топка маны ыйытан турабын, кырдьык да сахалар сири бааһырдары

    аньыыргыыр буоланнар таастары соччо күндүргэпппэттэр эбит буолуо.

    0
  • meic
    10 декабря 2015  

    Ааттаах бөҕө буоллахтара, ол эрэн ааттара умнуллунна5а.

    0
  • кыыдаана.
    10 декабря 2015  

    Ити этиигэ сөбүлэһиэххэ сөп.
    Ол эрэн олох сайдар,бачча 21 үйэҕэ. цивилизация муҥутуу сайда турар кэмигэр Сахалар бэйэбит сирбитигэр баар хамнаабат хапытаалбытын,сирбит баайын, бэйэбит тылбытынан саҥардыа суохтаахпытый? Олоҕу кытары тэҥҥэ хардыылаан иһиэххэ.
    Алмаас, көмүс баайбытын тоҕо эрэ оттон анньыырҕаабакка Аан дойдуга атыылаан,онон үптэнэн аһаан-таҥнан олордохпут
    Туох баар айылҕаҕа сыһыаннаах, оттуун-мастыын,киһилиин -сүөһүлүүн, сирдиин-буордуун бары сахалыы ааттаахтар.
    Арай күндү таастарбыт эрэ сахалыы ааттара суох эбит.
    Дьэ дьикти!
    эһигини бу боппуруос толкуйдаппат дуо?
    Саха саарыннара,бэйиэттэрбит,суруйааччыларбыт ,өркөн өйдөөхтөрө,төрөөбүт тылларынан умсар ууну сомоҕолуур,сахабыт тылын өрө тутар дьоннорбут манна туох диэн санаалаахтара буолла?

    0
    • киһи
      10 декабря 2015  

      Кыыдаана,аттынааҕы топка иккитэ төхтүрүйэн суруйбутум
      кыайан барбата. Бороҥнор суруйарбытын хааччахтаатылар
      дуо?

      0
      • BorNEo
        BorNEo
        Ветеран
        10 декабря 2015  

        Оннук буолбатах.

        Ардыгар,миэнэ эмиэ кыайан ыыппакка эрэй бөҕөтүн көрдөрөр ((

        0
        • киһи
          10 декабря 2015  

          Чэ,оччоҕуна кылгатан көрүөм,быһата-орута суруйарбар
          тиийэбин.

          0
  • кыыдаана.
    10 декабря 2015  

    Оо кытаат, Киһи -ник олох мэлийимэ, саамай оттон билэр-көрөр, чахчыны, историяҕа баары сырдатар киһибит буоллаҕыҥ!
    Эһигинэн сирдэтэн бу таастар сахалыы ааттарын була, таһаара сатыы олоробут дии.
    Суруйбуккун олох кылгатыма, туох баарынан.

    0
  • ччссмм
    10 декабря 2015  

    Гири дьолан - гранитный камушек.

    Один на форуме так писал, якобы перевод с эвенкийского. Писал также, что на эвенкийском есть слова - алюминий, порох, цинк и т.д. Не поверил.
    А так по-якутски все камни - кунду таас. До революции 1917 г. в Якутии не было геологов-саха. Так что не было и разделений. Чомчуук - это производная с русского жемчуг (в якутской транскрипции). Есть только такие слова как тимир (железо), чох (уголь), хор5олдьун (олово), урун комус (серебро), кысыл комус (золото), таас (камень). Остальные - производные, типа сибиниэс и т.д.

    0
  • ччссмм
    10 декабря 2015  

    Тобо5утун улту сынньыман. Саха тыла - показатель развития народа.

    Промышленнай сайдыы суох буолан сахалыы элбэх тыллар суохтар - паровоз, телефон, радио, проволока, космос и т.д. Туох эрэ маарынныыр баар да буолла5ына - перевод в якутской транскрипции, типа массыына (машина) или уларытан этии, типа уот (электричество) (на самом деле огонь).

    0
  • кыыдаана.
    10 декабря 2015  

    ччссмм,итинник диэмэ,сайдыы барыахтаах!
    Саха тыла сайдыахтаах,саҥаттан саҥа тыллар киирэн иһиэхтэрэ!
    Ол промышленность сайдыбатах буолла да, онно сыһыаннаах сахалыы тыллар тоҕо суох буолуохтаахтарый?
    Олох сыыһаҕын! Саҥа тылы,сахалыы тылы, саҥа сахалар, эдэр ыччаттар да таһаарыахтара,айыахтара!
    Саха тыла хаһан да сүппэт!

    0
    • BorNEo
      BorNEo
      Ветеран
      10 декабря 2015  

      +100509

      кыдаанаа,ити саха.ральщиктарга уо.ХММ кытыытыгар саха боруода сүөһүтүн тургута таарыйа - тылбытын"дьаныһан туран чинчийэр"киэрмэргэ эрэл суоҕун эн топигын арылыччы көрдөрдө!
      Иллэҥнээх соҕус дьон Э.К.Пекарскай тылдьытын хаһыстаргыт:
      http://sakhatyla.ru/books/pekarskiy-1

      0
    • Саймаан
      12 января  

      кыыдаана., түүр омуктар тылларын үөрэтиэххэ кэрэх.Оччотугар барыта тахсан иһэр.

      0
  • Туналыйа
    10 декабря 2015  

    Атласовтар

    уҺаайбаларыгар баар таас туьунан ким билэрий ? Ол таас ынах сүрэ5ин са5а. Хайдах эрэ сата таас диэх курдук истибитим да - сата кыра буолар эбит дии дьон суруйбуттарынан.
    Кэпсээн эрэ.

    0
  • Уоһук
    10 декабря 2015  

    Этиҥ тааһа - метеорит, сытыган таас, буруус таас, күрбэ таас, чай тааһа (гравелистая коса), уоран тааһа - базальт, чокуур таас. Саха тааһы киэргэл оҥостубат, оннооҕор аламааһы. Тымныыларын, сылдьарга мэһэй буолалларын иһин буолуо.

    0
  • кыыдаана.
    11 декабря 2015  

    Дьоһуннаар, кытаатыҥ!
    Ханнык сахалыы таас аатын иһиттэргит эрэ манна бичийэн иһиҥ
    Тыаҕа, хонууга сылдьар үлэһиттэр,лесниктар,геологтар,булчуттар,балыксыттар тааһы бэйэлэрин тылларынан ааттыыллар эбит.Уонна онно олорор олохтоох сахалар бэйэлэрин түөлбэ тылларынан.
    Холобура.'хаҥсыадай.-халцедон,чаарай тааһа-чароит,итинник,
    тылдьыкка киирбэтэх, суруллубатах тыллар норуот тылыгар син биир баар буолуохтаахтар.
    Ол курдук таастар ааттара эмиэ.

    0
    • һөдүөт-ыллык
      11 декабря 2015  

      Аламаас, кыһыл көмүс сахалыы ааттара "харах уута" диэн ааттаахтар. Өбүгэлэрбит билэн ааттаабыттар эбит.

      0
  • Быйанг
    11 декабря 2015  

    Саха тылыгар суох терминнары, тыллары быһалыы омук тылларыттан киллэрэн сахатытан иһиэххэ баар. Алмаз = Даймонт

    Аҕалбыта өбүгэм диэтигэр mammoth
    Хорсун даҕаны эбиттэр урукку эр дьоннор
    Ычаттарбыт хостуллар билигин diamond
    Үлэһит бэртэрэ билиҥҥи уолаттар

    Эбээбэр бэлэхтиэм бэһилэх
    Мындыр дьону тупсарар Garnet
    Ойохпор барсыа күндү beryl -
    Истиҥ бэлэхпин астына ыл

    0
  • кыыдаана.
    11 декабря 2015  

    һөдүөт ыллык, алмаас,көмүс харах уута диэн тиэрмиҥҥэ суох

    0
  • Etinniirebe1
    11 декабря 2015  

    Биэс ынахтаах Бэйбэрикээн эмээхсин остуоруйаҕа укулаат таас уостаах, сырдык таас сирэйдээх, хандьытаал таас харахтаах кэрэ кыыс ойууланар. Син тааһы араарар, аат биэрэллэр эбит курдук

    1
  • ролшгепр
    11 декабря 2015  

    Соччо тубэспэт:

    укулаат - каленое железо, булат, сталь. http://tylbaas.ykt.ru/index.php. Стальные губы диэн дуо? Губы как каленое железо диэн буолуон соп.. Хандьытаал диэн суох. Онон боруоста подходящай звук буоулуон соп. Типа - иэхэй-чуохай.

    0
  • v
    11 декабря 2015  

    аламааһы халыыс диэн ааттыаҕыҥ диэни ааҕан турардаахпын.

    0
    • һөдүөт-ыллык
      11 декабря 2015  

      Кыыдаана ол тиэрмин диэн туоххунуй, онтон өбүгэлэрбит итинник ааттыы сырыттахтара дии. Мин айбатаҕым.

      0
  • кыыдаана.
    11 декабря 2015  

    хандьытаалы - хара агат буолуон сөп
    халыыс-алмаас таас
    укулаат.-биллибэт,тааһа тимирэ.
    Этиҥниирэбэ,учуутал киһи билэр буолуохтааххын,
    ханнык сахалыы айымньыларга өссө таастар тустарынан хоһуйуу баарын билэҕиний?

    0
  • Быйанг
    11 декабря 2015  

    Цитата:
    Etinniirebe1 Профи 15:54
    Биэс ынахтаах Бэйбэрикээн эмээхсин остуоруйаҕа укулаат таас уостаах, сырдык таас сирэйдээх, хандьытаал таас харахтаах кэрэ кыыс ойууланар. Син тааһы араарар, аат биэрэллэр эбит курдук

    Боезеко Тынин уҥоҕун көтөхпүттэригэр кини солко ырбаахылаах, үрүҥ көмүс курдаах, үрүҥ көмүс киэргэтиилээх батыйалаах, Батастаах, тарбахтарыгар халлаан күөх өҥнөөх тастаах кыһыл көмүһү үрүҥ көмүс буккуурдаах бэһилэхтэрдээх эбит. Ол, Бозеко Тынин бэһлэҕэр баар таастары хайдах эрэ аатыы сырыттахтара.

    0
  • Kilbar
    11 декабря 2015  

    Сахалар тимир уйэ дьоно. Тааас уйэ ааспыта, суппутэ. Чочуьуттар диэн уустар бааллара уьу. Субу соторутаанна диэри. Булуу чочулара билэллэрэ буолуо. Биири чопчу билэбин - АЛАМААС диэн саха тыла. АЛАМАЙ диэн тылтан тахсар. Пестрое горение диэн. Кун умайар уота. Аламааьы ессе Кун Тааьа дииллэрэ баар.

    0
    • BorNEo
      BorNEo
      Ветеран
      11 декабря 2015  

      Оҕордук!

      Ц и т а т а:

      - алмаз
      сущ
      аламай таас (наһаа кытаанах, килэбичигэс
      күндү таас)

      0
      • BorNEo
        BorNEo
        Ветеран
        12 декабря 2015  

        Манан сиэттэрэн аны

        алмааһы АЛАМАЙ ТААС диэх баар эбит;эчи,ааҕарга-истэргэ үчүгэйэ!

        0
  • Kydai
    Kydai
    Василий Максимов
    11 декабря 2015  

    ГРФ-га баар үлэлээх учуонайдар аат толкуйдаатыннар буо. Уонна үөрэх курсугар киллэрдиннэр, оччоҕо олоххо киириэ. Былыргы сахалар хантан билиэхтэрэй.

    1
  • кыыдаана.
    12 декабря 2015  

    Быйаҥ итиччэ хоһуйан бараҥҥын, Даймонд,берилл диэн омук тылларгын сахатытыый,
    саҥа тыллар тахсыахтара.

    0
  • кыыдаана.
    12 декабря 2015  

    Кудай сөпкө этэҕин, тылга сыһыаннаах тустаах үлэһиттэр бааллар,кинилэр үлэлэрэ...
    ол да буоллар биһиги,дьоһуннар кыра да көмөнү туһалаатахпытына ол да санааҕа астык.
    Суруйааччыларбыт,учуонайдарбыт бу боппуруоска болҕомтолорун уураллара буоллар диэн эрэниэхпин баҕарабын.

    0
  • кыыдаана.
    12 декабря 2015  

    Быйаҥ, ити Боезеко Тынин диэн, кыһыл,үрүҥ көмүстэн,күөх таас таах биһилэхтээх диэҥҥин хантан булан аҕаллыҥ?ханна суруллубутуй?
    Күөх таас-сапфир буолуо дуо? эбэтэр чароит?
    ол эрэн чароит фиолетовай өҥнөөх.
    Сахалар өҥү барытын түөрт эрэ көрүҥҥэ бэлиэтииллэр,кыһыл,хара,маҕан,күөх.
    Ол аата,Боезеко Тыниммыт чароит таастан биһилэхтээх буоларыгар тиийэр.
    Эһиги санааҕыт?

    0
  • Ванхельсин
    12 декабря 2015  

    Ити центр альнай улуустарга кунду таас суох орус тааса .хайа тааса. таас чох и усе эбэнкилэр билэр буо сахалыы ааттары ахах

    0
  • Быйанг
    12 декабря 2015  

    алмаз = diamond (даймонд) дьайар модун таас - диэн аттаныан син.

    Уоннааҕыларын омуктуу ааттарынан аатыахха син. Эбэтэр Никоныннан сахаралатан кэһиэххэ.

    0
  • кыыдаана.
    12 декабря 2015  

    Ол Никоныҥ ханна баарый? Бу туопка киирэн саатар биир тааһы сахатыппата дии.Омуктууттан,нууччалыыттан сахатытыҥ диэммин этэ сатыыбын дии.

    0
    • киһи
      12 декабря 2015  

      Сахарааллаатахха маннык:
      Аламаас тааһы нууччалар алмаз дииллэр.Нуучча тылыгар
      алмаз диэн тыл татар тылыттан киирбит,татаардарга
      араб тылыттан киирии тыл,арабтарга гректэртэн...
      "...Араб.алмас,восходящее к греч.Адамас, род.п.Адамантос
      "несокрушимый",минерал назван так по своей особой
      твердости".(ШАН)
      Даймонд уонна нууччалар Адамантан диэн тыллара
      гректэр Адамантос диэн тылларыттан диэн суруйаллар.
      Сахалыыта Алдьанмат таас (неразбивающийся камень)
      диэн.

      Адамантос=алдьаммат таас.

      0
  • кыыдаана.
    12 декабря 2015  

    сахарааллаатахха диэн тылы билбэт,истибэтэх тылым эбит.
    олуонатык иһиллэр курдук
    сахатытыы,сахатыт,сахатытыахха диэн тыл ордук курдук.

    0
  • итьлорп
    13 декабря 2015  

    бу туох да дьарыга суох дьон олого суох дойгохторугар кысаныман.

    так дойдем до того, чтобы менять саха тылын на 50%. Сыалай тыл института, кыым хасыат улэситтэрэ колосун-баласын алла араас тылы сахатыпыттара ыраатта: правительство - бырабыыталыстыба, президент - бэрэсидиэн, олово - уолаба и т.д. Ладно они это объясняют тем, что постепенно теряются чисто якутские звуки, произношения. Можно было согласиться. Но некоторые идут дальше и начинают предлагать ерунду, К примеру предприниматель - ураанньыт диэн уже саха тылыгар киирдэ. Ити тыл эргиэн-урбаан диз тылтан тахсыбыт буолуон соп. Но бастакыта больше подходит - эргиэнньит. Онтон таастары сахалыы ааттаабыттан туох да тахсыа суога. Саха транскрипциятыгар уларытыахха соп, хлолбура чароит - чарайыыт.

    0
    • кыыдаана.
      13 декабря 2015  

      итьлорп, сахабыт тылыгар сыһыаммыт дьэ көстөр бу....
      уонна хаһан сайдабыт,саҥа тылынан төрөөбүт тылбытын хайдах байытабыт?

      1
  • итьлорп
    13 декабря 2015  

    саха тыла туох да осуобай сысыанна наадыйбат.

    Саха тыла баар, санарабыт, ойдособут. Араастаан «сайыннара» сатаасын - отсебятина, новодел. Кыымнар уларытан суруйаллара словардарга суохтар. Таах буккууру эрэ киллэрэр. Осуолаларга хайдах саха тылын уорэтэ, уорэнэ, ассыанкалана сылдьалларын ойдообоппун. Ол хромдиопсиды сахалыы ааттаатаххына сахалар олохторо тупсарын итэгэйбэппин. Тумарча диэн суруйааччы геологическай терминнэри сахалыы киллэрэ сатаабыта. Разлом диэн тылы к примеру сир хайа барыыта диэн. Ол уларытыы Туох смысллаагын ойдообоппун. Геология диэн аан дойдуга биллэр наука. Ол тиэрминнэрин сахалыы уларытан туса суох. Транскрипциятын уларытыахха соп. Так же и камни - драгоценные, полудраг, поделочные.

    0
    • Etinniirebe1
      13 декабря 2015  

      итьлорп, Тумарча бэйэтэ геолог үөрэхтээх. Онон билэн киллэрэ сатаабыта буолуо. Сахалыы өйдөбүлэ төрүкү баар буоллаҕына тоҕо оннук эппэппитий диэн санааттан

      0
  • meic
    13 декабря 2015  

    Неолит кэмигэр, ол аата 5-6 тыһыынча сыл аннараа өттүгэр манна олоро сылдьыбыт дьон нефриты сүрдээ5ин туттар эбиттэр:

    "Нефритовые изделия — ножи, топоры и тесла — нередко выделывались на Средней Лене не из темно-зеленого, а из белого нефрита.
    Кроме орудий труда, жители стоянки Мунку, так же как в Прибайкалье, изготовляли из нефрита украшения. Две треугольные подвески с боковыми ушками найдены около с. Гельгяй и на р. Турукте. Они изготовлены тоже из белого нефрита. Изделия такого типа из Прибайкалья неизвестны."

    0
    • Etinniirebe1
      13 декабря 2015  

      meic, сырдык таас сирэйдээх диэн остуоруйаҕа ахтыллар тааспыт нефрит эбит, арааһа

      0
    • кыыдаана.
      13 декабря 2015  

      meic, махтал! наһаа үчүгэй,бу аараннан билбэтэхпитин биллибит,нефрит таас туһунан.
      Тумарча геолог ,саха буолан,ол иһин сахатын тылын байыта сатаатаҕа...'Хата ол тылдьытын, суруйбутун хантан булан көрүөххэ эбитэ буолла?
      Онно бааллара буолуо оччоҕо күндү таастарбыт сахалыы ааттара.

      0
      • meic
        13 декабря 2015  

        кыыдаана., билбэтим

        0
      • киһи
        13 декабря 2015  

        Тыл үөрэҕэр,калька диэн баар,ол аата,атын омук тылын
        бэйэ тылыгар туруору тылбаастааһын.
        Нефрит грек тылыгар "бүөр таас"диэн суолталаах.
        Былыргы гректэр таас быһыытын,дьүһүнүн көрөннөр
        майгыннатан итинник ааттаабыттар быһыылаах.
        Нефриты саха тылыгар Бүөр таас диэххэ сөп.
        Тылдьыттарга,грек тылыттан калька диэн бэлиэтээн
        туран.

        0
  • итьлорп
    13 декабря 2015  

    тумарча - поисковик

    Өрүһүнүү диэн айымньыга баар бысылаага геологическай терминнэри сахатытыы. Багар атыттарга эмиэ баара буолуо. Тумарча мин собулуур суруйаачыларбар киирбэт.

    0
  • кыыдаана.
    13 декабря 2015  

    нефрит-бүөр таас, барсар дии,майгыннаһар.

    0
  • Быйанг
    13 декабря 2015  

    Биһигитэн атын омуктар бары (нуччалар оһуоба), ханнык баҕар омук тылын бжэйлэрин тылларыгар киллэрэн бараннар, бэйэлэрин омуктарын тылларыгар сөп түбэһэр гына улдларытан кээһэллэр. Тоҕо биһиги дьоннорбут тыллары сахатыталлары бобо, күлүү гына сатыылларый? Тоҕо омуккутун итиччэ баттыыыгыт? Ханнык баҕар омук тылларын саха тылыгар киллэрэн бэйэбит тылбытыгар сөп түбэһэр гына хасса суох уларытын иһиэхтээхпит буоллаҕа дии. Уонна тыллары нуччалартан ылбакка быһалыы ханнык тылтан киирбитин биһааран баран, ол тылтан бэйэбит тылбытыгар сөп түб’һэр гына оҥорон кэһэн иһиэ тустаахпыт.

    0
  • кыыдаана.
    14 декабря 2015  

    Быйаҥ, сөпкө этэҕин,оннук уларытыахха сөп буоллаҕа.Оннооҕор, алаадьыбыт -оладьи буола сылдьар дии.

    0
    • итьлорп
      14 декабря 2015  

      Сахаларга бурдугу нууччалар агалбыттара.

      Онон килиэп, лэппиэски, алаадьы нууччалыытан киирбит тыллар.

      0
      • Kilbar
        14 декабря 2015  

        итьлорп, сымыйалаама. Килиэп халыып, лэппиэскэ лэппэгэр, хаптагай, алаадьы ала-тала (пеструшка) диэн сахалыы тыллар.

        0
        • итьлорп
          14 декабря 2015  

          Kilbar, хайдах буоллун? Борустуой дии - килиэп - хлеб, лэппиэскэ - лепешка, алаадьы -оладьи. Крестьянскайдыы боробуоттур дьону утуктумэн: сирия - сир ийэ, иран - иирээн, ирак - иирээки, москва - мас куба и т.д.

          0
  • meic
    14 декабря 2015  

    Саха Сирин нефрита
    image
    image
    image

    0
    • кыыдаана.
      15 декабря 2015  

      meic, нефрит от күөхтэрин билэбит,оттон бастакы хаартыскаҕа ханнык тааһый? миэхэ коричневай гына көрдөрөр.

      0
  • кыыдаана.
    14 декабря 2015  

    айыбыын,туох улахан таастарай,букатын көһөҥө таастар эбит.
    оттон бу аллараа ханнык тааһый?

    0
    • meic
      15 декабря 2015  

      итьлорп, шлифуйдамматах таас. Конкреция буолбатах - шаровиднай форманы под внешним действием ылбыт.

      0
  • Кыыдаана888
    18 ноября 2017  

    Бэрт кэпсэтиини таһааран бараммын умнууга хаалларбыппын...
    Саҥаттан сөргүттэххэ ...баҕар өссө саҥа тыллар эбиллибиттэрэ буолаарай?

    0
  • Сахастрелец
    18 ноября 2017  

    (*!*)

    Глина - туой, каолин - үрүҥ туой, кварц – үрүҥ таас, олово – үрүҥ хорҕолдьун, свинец - хара хорҕолдьун, платина - хара көмүс.

    0
    • Кыыдаана888
      19 ноября 2017  

      Сахастрелец, хара көмүс туһунан ,дьон тылыгар,айымньыларга син ахтыллар ээ,ол аата туттуллар тыл,биһиги төрүттэрбит платинаны билэллэр эбит.

      0
  • Быйанг
    19 ноября 2017  

    Цитата:
    тьлорп 14 декабря 2015
    Сахаларга бурдугу нууччалар агалбыттара.
    Онон килиэп, лэппиэски, алаадьы нууччалыытан киирбит тыллар.

    итьлорп,
    Сахалар бурдугу нуччалардааҕар билэр буоллулар ини. Эн албын историкатыр үтүктэн итинник саҥараҕын. Онто Дьигнээх историяҕа баар холуйуунан, Билинни Саха сирин территориятыттан, Амуоскай область (Былыр эмиэ саха сирэ) барыта бурдугунан ыһыллан турар сирдэр диэн суруктар бааллар.

    Цитата:
    Ойдооботум, ол аата туох диэтин?
    килиэп-хлеб дин буолбатах дуо?

    Хлеб сахаыыта = Халыып. Халыып нуччалыыта = форма. Формаҕа кутан астаммыт - диэн буолар.
    Пирожки = Бэрэски - бэрсэргэ аналлаах диэн.
    Олальи = Алаадьы = алаччы буспут диэн
    Пельмени = Бэлэм миин - бэлэм миин, уга оргута түһөххн да бүттэ - бэлэм мин бэлэиэ.
    Лепешка = Лэппискэ - лэпискэ лэппэҕэй, ол иһин лэпиэскэ, лэппэччи буһарыллыбыт.

    0
    • северина_
      19 ноября 2017  

      .

      Геологтар учугэйдик билэллэр таастар араас коруннэрин, ааттарын. Сахалар былыр-былыргыттан араас таастарга наадыйбат буолан олордохторо, геолог идэтэ кинилэргэ суога.

      0
      • Кыыдаана888
        19 ноября 2017  

        северина_, геологтар таастарга аат иҥэрдэхтэрэ эбээт..Оттон биһиги олохтоох омуктар бэйэбит сирбитигэр баар,тэпсэ сылдьар таастарбыт тоҕо сахалыы ааттаныа суохтаахтарый ? Ол былыр биһиги өбүгэлэрбит наадыйбаттара буолуо,оттон билиҥҥи сайдыылаах олоххо тэҥҥэ хардыылаан,биһиги таастарбытын сахалыы ааттыахайыҥ,диэммин бу туоппун салҕыыбын...

        0
    • Кыыдаана888
      19 ноября 2017  

      Быйанг, манна таас туһунан кэпсэтэбит ээ,эн туох килиэбин холобурдаатыҥ?

      0
  • Кыыдаана888
    19 ноября 2017  

    Күндү таастарга саҥа сахалыы ааттарда булуохайыҥ,айыахайыҥ диэн эһигини ыҥырабын!
    САҤА ТЕРМИН КИЛЛЭРЭН,ТӨРӨӨБҮТ САХАБЫТ ТЫЛЫН БАЙЫТАРБЫТ НАҺАА ҮЧҮГЭЙ,

    0
  • Кыыдаана888
    19 ноября 2017  

    Сахалар былыр былыргыттан ити таҥастарыгар хоруоҥканы чаастатык тутталлар,тигэллэр эбит,кытай хоруоҥкалара буолуохтаахтар....
    Урут уруккуттан арааһа син элбэҕэ буолуо,ол эрэн барытын хоруоҥка диэн уопсай ааттыыллар эбит,ону дьиктиргиибин,хас үйэ тухары суордунан,көрүҥүнэн араарбакка наар биир халыыбынан хоруоҥка эрэ дииллэрин....

    0
  • Кыыдаана888
    19 ноября 2017  

    Аны туран,былыр биһиги дьоммут таастан хоруоҥка тиһэн иилиммиттэрэ эмиэ иһиллибэт,арай бу кэлин араас таастартан чароиттан,кварцтан,цитринтэн араас маллары,хоруоҥкалары оҥороннор атыыга таһаарар буоллулар,
    Олорбут да ааттара барыта нууччалыы,киирии тыл.

    0
  • Кыыдаана888
    19 ноября 2017  

    Меic,эн элбэхтик айанныыр киһи ,син дьон кэпсэтэригэр (таастарга ) биир тааһы араастаан саҥаралларын истэр буолуохтааххын,түөлбэ тыла тус,туһунан буолааччы..

    0
  • Саргыда
    12 января  

    Үчүгэй топ даҕаны тугу да этэрим суох. Алмаас, чароит, агат, сапфир эҥин диэн олоххо ылыныллыбыт ааттар, онон билигин кэлэн уларытар кыаллыбат ини. Аан дойду үрдүнэн биллэр, ааттанар ааттара.

    0
  • Коля
    12 января  

    Таастар сахалыы ааттара.
    Чай таас,күөх таас,таас көмөр,кумах таас,дьилэй таас,үүт таас,тимир таас,үрүҥ таас,хайыр таас,таас туус,маҥан таас,соһо таас,сыып таас,хара таас,бороҥ таас,сыа таас,халыыс таас,чокуур таас,уоттаах таас,дьэҥкир таас,хандьытаал таас,
    Ый тааһа,балык тааһа,этиҥ тааһа,сындыыс тааһа,хорҕолдьун тааһа,укчаара,таас хайах,дьоллоох таас,буор сата..уо.д.а.

    0
  • Кыыдаана
    18 января  

    Бу урукку туобу киммит хостоон эмиэ таһаарда ? Дьиҥинэн бэрт үчүгэй кэпсэтии буолан ааспыт эбит,аны санаатахха....

    0
  • Сахастрелец
    18 января  

    Коля хата дьэ элбэх тааһы ааттаабыт эбит. Ону баара аныгы сахалар сатаан өйдүө суохпут

    туох таастары ааттаталаабытын. Балары аны сатаан төптөрү нууччалыы тылбаастыыра дуу?

    0
Ответ на тему: Күндү таастарбыт сахалыы ааттара суох эбит!
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Обратная связь
Предложения и замечания