1 год на форуме Топ пользователь 5000 просмотров Все
Награды
1 год на форуме
1 год на форуме
Топ пользователь
Топ пользователь
5000 просмотров
5000 просмотров
Тааттам олохтоохторугар айар үлэбин билиһиннэрэбин.Хоһооннор.
10 февраля 2014 00:24   8170
Атын улуус поэттара форумнарыгар хоһооннорун таһааралларын көрөн,мин эмиэ таһаарарга сананным.Ааспыт кулун тутар ыйтан хаһыаттарга сурунаалларга мэлдьи бэчээттэнэбин уонна хоһооннорбун ырыаҕа ылан,ыллаан эрэллэр.
Ответов 154 Написать ответ
  • blMblbl
    10 февраля 2014  

    Бу таһаарар хоһооннорум барыта бэчээккэ тахсыбыт хоһооннор.

        

    ДЬОЛЛООХПУН (Күрүлгэн2013н.6)

    Тоҕус ый тухары
    Тохтообокко аргыйар,
    Томороон тымныыттан,
    Тостон сүтэн хаалбакка,
    Толуу,чиргэл эттэнэн
    Торолуйан үөскээбит,
    Торҕо уһун буруону,
    Томтор үөһэ унаарда,
    Тоҕуоруйа мустубут,

    Төрүт саха буоламмын,
    Төрөөбүттэн дьоллоохпун.

    Кыыдаан кыһын ааһыыта,
    Кырыа ууллан бутуутэ,
    Кытыл үрдэ киэркэйэн,
    Кырпай,ньаассын отунан
    Кырыс тардан үүнэрин,
    Кырдал үөһэ ньургуһун
    Кыыстыы тупсан турарын,
    Кытыт сылгы сэгэйэн,
    Кынталдьыйа сүүрэрин.

    Көҥүл көтө сылдьаммын
    Көрөрбүттэн дьоллоохпун.

    Хомус нарын ырыатын
    Хоҥкуната охсорго,
    Хомоҕойдук ойуулуур
    Хомуһуннаах тойукка,
    Хотолдьуйар оһуохай
    Хоһуйа этэр тылыгар,
    Хоммут уоһу хоҥнорор
    Холку наҕыл сэһэҥҥэ.

    Кыратык да буоллар
    Кыттыспыттан дьоллоохпун.



    АЙАР ТЫЛ(омоним) (Күрүлгэн2013н.6)


    Саныырым буолуо, баҕар сыыһа,
    Хоһооммор элбэх дуу ,тыл сыыһа?
    Өйдүөхтэрэ суоҕа- диэн куттанан,
    Суруйабын куттас куттанан.


    Самныахтара дуо тылларым саҥаттан?
    Саҕалыам дуо барытын саҥаттан...?
    Сии-одуу тыллартан хомойон тохтуоҕум,
    Сиик уута буолан мин сиргэ тохтуоҕум.

    Ардыгар мүөт тылы эрэйэн,
    Аттыбар тураҕын эрэй эн.
    -Кыаҕыҥ суох -диэн күлэ таарыйа,
    Кууһаҕын тымныынан сүрэхпин таарыйа.


    Төттөрү- таары" устабын"
    Хоһооммун иккистээн устабын.
    Сааһылыы сатыыбын саҥардан,
    Санаабын сахалыы саҥардан.


    Көмөлөһүҥ, миэхэ Айыыларым!
    Сүппэтинэр сэмэй айыыларым.
    Тыл көмүс биэрэгэр тиксиэхпин,
    Дьол сөрүүн утаҕар тиксиэхпин.


    ДЬОЛ, ТАПТАЛ ТУОҺУТА КУБАЛАР.(Күрүлгэн2013н.6)

    Көҕөрө-дьэҥкэрэр көй үөһээ,
    Көҥүллүк көтөллөр күбалар.
    Көрүөхтэн эриэкэс көтөрдөр,
    Күөх дуолум үрдүнэн дайаллар...

    Көрсүбүт дьолуттан уол куба
    Көбүөхтүү долгуйбут сүрэҕэ ,
    Көнньүөрэ эппэйэ тэппитэ,
    Көрсүөтүк сипсийэн эппитэ....

    -Көмүһүөм, дьоллоохпун дэниэхпин,
    Көҥүллээ, тапталтан ууллуохпун.
    Көҕүрээн уостубат иэйиигэ,
    Көччүйэ суураллан сүтүөхпүн....

    Көрүүй даа,төрөөбүт дойдубут,
    Көстүүтэ кэрэтин эбитиэн.
    Көбүөрдүү тэлгэммит күөх сирэм,
    Көбөөбүт отторо сиппитиэн.

    Көтүөххэ эн биһи сиэттиһэн,
    Көҥөс тапталы сүрэххэ инэрэн.
    Көрдүгэн ,сып -сылаас иэйиинэн,
    Көҕүрээн уостубат дьоллонон.

    Көмүрүө- туналы дьүөгэтэ,
    Көнньүөрэ ,долгуйа үөрбүтэ.
    Күлүм күн ол тылтан манньыйан,
    Күөл үрдүн сырдата күлбүтэ...

    Көттүниир...көттүнэр кубалар
    Көстүбэт кыраман үрдүккэ.
    Көөрөнөн бараммат тапталы
    Көбүтэ бар дьоҥҥо ыстынар.

    ТЫЛ ООННЬУУТА.
    Дьүөгэбэр Аанаҕа аныыбын(Күрүлгэн2013н.6)

    Ойуу- уран тыллартан,
    Оһуор- дьарҕаа анньаммын,
    Оҕуруолаан тиһэммин
    Суһуохтаргын симиэҕим.

    Бараммат байым тылларым,
    Бастыҥнарын буламмын,
    Баҕа санаа этэммин
    Бастыҥалыы кэтэрдиэм.

    Күлүм көмүс тыллары,
    Күндүлэрин көрөммүн
    Күннээх киэргэл оҥорон
    Кэбиһэрдии түһэриэм.

    Бытырыыс үгүс тылбыттан
    Быйаҥнааҕын буламмын,
    Бөҕөх,симэх оҥорон,
    Бэгэччиккэр иилиэҕим.

    Кэрэ нарын тыллары,
    Кэрэйбэккэ сааһылаан,
    Көбүөр гынан баайаммын,
    Кэлэр сиргэр тэлгэтиэм.

    0
  • blMblbl
    10 февраля 2014  

    .

    ТАПТАЛГЫН ТААЙБАТАХ ЭБИППИН.(Күрүлгэн 2013 н6)

    Айбыт айыы айылҕам
    Анаан биэрбит бэлэҕин,
    Аахайбакка аһарбыт
    Анньыылардаах эбиппин.

    Иһэгэйдээх иэйиэхсит
    Иэйии иҥэрэн ииппитин
    Истиҥ тылы эппэтэх,
    Итэҕэстээх эбиппин.

    Үҥэр үрдүк таҥарам
    Үрүлүйбүт үөрүүтүн
    Үтэйэн антах анньыбыт,
    Үлүгэрдээх эбиппин.

    Байым кэрэ сүрэҕиҥ,
    Барамматах тапталын,
    Буору кытта булкуйбут,
    Буруйдардаах эбиппин.







    Өлүөнэ (сөҕүү)(Күрүлгэн 2013 н6)

    Эппэйэр, эҕирийэр кытыллаах
    Эмпэрэ , ытыллар уулардаах,
    Эһиллэ ойуолуур бааллардаах
    Эргийэр ,бурулҕан сүүрүктээх,
    Эбириэн"сур" гынар кумахтаах
    Эндирдээх, хайыр таас хайалаах,
    Эйэргии көрсүһэр сирэмнээх
    Эҥсиллэр, киэн хочо биэрэктээх,
    Элиэнэ, хотун эбэккээм!
    Эн үйэттэн,үйэҕэ тилэри
    Эстибэт улуу да буоллаҕын.....

    Өрүллэ, өрүллэ өһүллэр
    Өрөһө, өрөһө долгуннаах,
    Өҕүллэ, өҕүллэ субуллар
    Өнньүөс, төбүлэх үрэхтээх,
    Өргөстөөх, уһуктаах оройдоох
    Өҥөйө барыйар очуостаах,
    Өйөһө-сүксүһэ сиэттиһэр
    Өндөйө арыаллыыр мырааннаах,
    Өлүөнэ өрүһүм барахсаан...
    Өбүгэ саҕаттан курдары,
    Өрүү да эн сүдү буоллаҕын.
    .     


    Саха кыыһыгар. (Күрүлгэн 2013 н6)

    Көрсүө-сэмэй сахам кыыһа,
    Көрдөһөбүн мин ааттаһа,
    Көрүмэ дуу олоҕу сыыһа,
    Көрүлүү сүүрүмэ таптаһа.

    Көстөр дьүһүнүҥ эчи ырааһа,
    Көрдөөх күлүүҥ да сылааһа,
    Көччүйбүт эрэ сыстыһа,
    Көҥүл албынныа басыһа.

    Көлдьүн тыл чарааһа,
    Көмүс күлүмүн арааһа,
    Көмпөт,саппат сылааһа-
    Көмүлүөк оһоҕун суоһа.

    Көтөр сааскын баттаһа,
    Көстүө олоҕуҥ аргыһа.
    Көҥдөй сүрэххит тардыһа,
    Көҥүл тэбиэлиэ хайҕаһа.

    ***
    ТАЛЫЫ ТАЛБА МИН ТААТТАМ.(Күрүлгэн 2013 н6)

    Олоҥхо ойуулаан оҥорбут
    Оһуордаах тойугун дойдута.
    Өбүгэм сүрэҕин туттарбыт
    Көрүөхтэн эриэкэс үрэҕэ.

    Талыы талба мин Тааттам,
    Тапталлаах үрэҕим.

    Күн уотун күлүгүн түһэрэн
    Көҥүллүк талбаара устаҕын.
    Кэрэҕиттэн эн кэмчиэрийэн
    Куустуспут үөттэргэ саһаҕын.

    Талыы талба мин Тааттам,
    Тапталлаах үрэҕим.

    Үрүҥ күн анныгар бу маннык,
    Үчүгэй сир баарын билбэппин.
    Үтүөкэн дойдубун угуттуу
    Үйэлэр тухары устаҕын.

    Талыы талба мин Тааттам,
    Тапталлаах үрэҕим.

    0
    • сөҕө- махтана ааҕаччы
      4 марта 2014  

      талыы талба мин таттам

      харахпар оҕо сааһым сөтүөлээн чомполонор кэмнэрэ көстөн кэллилэр Татта үрэхпитигэр

      0
  • биир киьи
    10 февраля 2014  

    аа5ан баран маньыйан ах бардым

    Эн таатта5ын да?

    0
  • blMblbl
    10 февраля 2014  

    .

    АХТЫЛҔАН(Кыым-2013с.н.26)(ырыа)
    Алааска киирэр аартыкка
    Наскыйа үүммүт аар хатыҥ-
    Намчы лабааҕынан далбаатыы,
    Көрүстүн миигин үөрбүттүү.

    Сынньана түһүүм күлүккэр,
    Сөп-сөрүүн,ньаассын кырыскар.
    Оҕо сааһым күндү кэмин,
    Уйадыйа ахтаммын...

    Бу суол устун ийэбинээн
    Дьэдьэн көрдүү барарбыт.
    Хайаан да манна, күлүккэр
    Сынньанан ааһар буоларбыт.

    Ийэм үөрэ- көтө лабааҕар
    Салама ыйыыр буолара.
    Кылбаа маҥан бэйэҕин
    Имэрийэ кууһара.

    Кыракый ыаҕыйа тутаммын,
    Кып-кыһыл дьэдьэни үргүүрүм.
    Ардыгар лыаҕы сырсаммын,
    Алааһы биир гына сүүрэрим...

    Сэбирдэх чуумпу суугунун
    Ийэм саҥатыгар холуубун.
    Ахтылҕаммын таһаараммын,
    Манна кэлэн барабын

    0
  • blMblbl
    10 февраля 2014  

    .

    КӨРҮМЭ ЭН МИИГИН АБЫЛЫЫ.(Кыым-2013н.26)(ырыа)

    Көрдүҥ эн миигин ахтыбыттыы,
    Көһүүн мин сүрэхпин абылыахтыы.
    Көҕөрөр халлааҥҥа тыгар күннүү,
    Көттө мин үөрүүм, үөһээ үрдүү.

    Көрүнньүк тапталтан дуоһуйуу,
    Көҥүллүк кииримэ, олохпун дуйдуу,
    Көлүччэ сып- сылаас уутунуу,
    Көрсүө мин сүрэхпин угуттуу.

    Көлдьүнү саһыарбат бу көрүү,
    Көҥөс мин дууһабар, састын өрүү.
    Көҥүллээ доҕоруом, ыраас иэйии,
    Көннөрү ахтылҕан эрэ буоллун дуу..

    0
  • blMblbl
    10 февраля 2014  

    .

    АЛҔАА МИИГИН АҔАККААМ.(Кыым 2013.н26)(ырыа)

    Алҕаа миигин аҕаккаам,
    Ахсым сыыдам айаммар.
    Этэр тылын эгэлгэтин,
    Эн миэхэҕэ анааҥҥын-
    Олоҕум суолун арыйар,
    Дьоллоох дьоһун түгэммэр.

    Алҕаа миигин аҕаккаам,
    Айыылартан ааттаһа.
    Тойук гынан туойаҥҥын
    Олох дьолун түстэһэ-
    Уолун дьоһун үөрүүтүн,
    Өрөгөйүн күнүгэр.

    Алҕаа миигин аҕаккаам,
    Үүннээх үтүө тылынан.
    Эстибэт эрдээх санаа,
    Эбиллэрин туһугар-
    Саха уола-дэттэрэн,
    Саргыланар кэмнэрбэр.

    Алгыс аалы көтөҕөр,
    Ап күүһүгэр эрэнэ,
    Сүрэхпэр иҥэрэммин,
    Аргыс,доҕор оҥостон,
    Өрүү илдьэ сылдьыахпын,
    Алҕаа миигин аҕаккаам.


    Оҕобор.(Кыым 2013.н26)(ырыа)
    Сэрбэйбит,кып-кыра,
    Сэгэрбиниин кырдалга,
    Сиэттиһэммит хаамсабыт,
    Сэргэстэһэн күүлэйдии.

    Сэмээр кэтии иһэбин,
    Сэргэх,күлүүк киһини,
    Сэҥээрэммин истэбин,
    Сэллээн бүппэт кэпсээнин.

    Сэһэн кэҥээн ыраатар,
    Сэдэх көстүү дэлэйэр,
    Сэбирдэх лыахха холонор,
    Сэппэрээк тииттии улаатар.

    Сэргии көрөн үөрэбин,
    Сэбэрэлиин тупсарын.
    Сээркээн сэһэн оҕобун,
    Сэрэнэммин сыллыыбын.

    0
  • blMblbl
    10 февраля 2014  

    .

    ҮРҮЙЭЧЭЭН.(Кыым 2013 н6)

    Үрүйэчээн,үрүйэчээн,
    Үрүҥ көмүс суһумчаан.
    Уһун оту бигии,тарыы
    Имэрийэ устаҕын.

    Үрүйэчээн,үрүйэчээн
    Үрүмэччи долгунчаан
    Ытыспыттан төлө ойон,
    Ханна манныке ыксыыгын.

    Үрүйэчээн,үрүйэчээн,
    Үрүлүйэр сүүрүкчээн
    Дьэҥкир уугун ыспахтаан,
    Дьиэрэҥкэйдээн ойоҕун.

    Үрүйэчээн,үрүйэчээн,
    Үчүгэйкээн-күлүмчээн,
    Уйуһуйа сүүрэҥҥин
    Ыраатаҥҥын сүтэҕин.

    0
    • саха
      10 февраля 2014  

      то5ус ыйы быьа тымныйар дибиккин ди

      ол иьин салгыы сэнээрэн аахпатым. саха киьитэ тымныыттан толлуо суохтаах. миэхэ -40 буолла5ына буьабын.

      0
  • blMblbl
    10 февраля 2014  

    Оруобуна эн курдук тоҥтон толлубат дьону сахалары суруйбутум:)

    0
  • blMblbl
    10 февраля 2014  

    .

    ҮӨРҮҮ.(Туймаада 2013с.н.148)
    Оо.. кэтэспит эбит бүгүн үөрүү...
    Сүтүмэ,куотума миигиттэн өрүү.
    Күн түһэн сөтүөлүүр күөлүнүү,
    Дьол сыдьаайда тулабар күлүмнүү.

    Баар буолара ээ, ардыгар түһүү,
    Хайаттан сууллан, имниин сүтүү.
    Хамсыырбын баайара суон өтүү,
    Хараҥаҕа хаайара атахпын сөрүү.

    Сороҕор күүтэрэ үөһээ көтүү,
    Сүрэхпин сүүйэрэ көр-күлүү.
    Оччоҕо боруҥуй олохтон күрүү,
    Сырдыырым мин ыраас күннүү.

    Онтон эмиэ олоххо төннүү-
    Оҕо буолан саҥаттан төрүү.
    Үлүскэн үлэттэн өрө күүрүү-
    Омуна суох ,оргуйар күөстүү.

    Билигин санаабар атын күүтүү-
    Буолуохтаах кэлиэҕин көһүтүү.
    Абылаҥ иэйиигэ бүтүннүү көһүү,
    Эбэтэр...кураанах тыллары көмүү.

    Бүгүн күүппүт миигин үөрүү,
    Куотума сүтүмэ эн өрүү,
    Кубулҕат дьайыттан көмүскүү
    Дьоллоох кэм үтүөтүн түстүү

    0
  • blMblbl
    10 февраля 2014  

    .

    СҮКТЭР КЫЫСКА.(Туймаада н148)(Ырыа)

    Саҥа хаардыы сандааран,
    Сырдыы үөрэ мичээрэн
    Сандал күммүт утаҕа
    Сиргэ түспүт эбиккин.
    Дьоллоох олох анала,
    Сүктэр кыысчаан кэрэҕиэн.

    Санаа ыраас ырата,
    Сааскы кыыһар саһарҕа,
    Саҥа тыллар хатыҥчаан,
    Сып-сырдык кэрэ кыысчаан,
    Сүрэх истиҥ таптала,
    Сүктэр кыысчаан кэрэҕиэн.

    Доҕоргунуун сиэттиһэн,
    Дьоһуннаахтык олоруҥ.
    Дьылҕа уһун суолугар,
    Мэлдьи бииргэ буолаарыҥ,
    Оҕо- уруу тэнитэн,
    "Дьоллоох ыаллар" -дэтээриҥ.

    Дьоллоох буолуҥ!
    Дьоллоох буолуҥ!
    Дьоллоох буолуҥ!

    0
  • blMblbl
    10 февраля 2014  

    .

    СЭРГЭ.(Туймаада н.148)

    Алааска иҥнэйбит сэргэҕэ,
    Күн уота сыламнаан эрдэҕэ.
    Айылҕа толомон симэҕэ,
    Ситэри өҥүнэн ситтэҕэ.

    Ол ааспыт,арахпыт үйэҕэ,
    Сүктэр кыыс атынан кэллэҕэ.
    Аргыыйдык сэргэҕэ тиийдэҕэ,
    Сүрэҕэ долгуйа тэптэҕэ.

    Бу маннык-сайыммыт үөрдэҕэ,
    Кэрэмэн кэскилгин биллэҕэ.
    Быйаҥнаах алааһыҥ чээл күөҕэ,
    Кэрэ кыыс дьолуттан ситтэҕэ.

    Киһи буолуох олоҕуҥ бэлэҕэ-
    Дьылҕаҥ уол оҕо биэрдэҕэ.
    Киниттэн удьуоруҥ төрүөҕэ-
    Дьон буолан-үтүмэн үксүөҕэ.

    Кэнэҕэс сиэн оҕоҥ кэпсиэҕэ,
    Кэс тылы хос сиэниҥ истиэҕэ.
    Былыргы өбүгэ ийэҕэ,
    Бараммат махталын этиэҕэ.

    Алааска иҥнэйбит сэргэҕэ,
    Кэнчээри ыччатыҥ түмсүөҕэ.
    Анааран элбэҕи өйдүөҕэ.
    Кэлэр кэм кэскилин түстүөҕэ

    0
  • blMblbl
    10 февраля 2014  

    Туймаада(2013 н.148)

    Хоһооҥҥо холбоммотох күн сирэ,
    Хобдох кураанах буолуох курдук.
    Хоноһо хоммотох дьиэтин иһэ,
    Хоп-сип уйата буолуох курдук.

    Хотойу көтүппэтэх таас хайа,
    Холомо тэҥэ буолуох курдук.
    Хотууру туппатах саха,
    Хотоойу күүстэниэ суох курдук.

    Холуон ардах түспэтэх алааһа,
    Хороҥ отунан үүнүөх курдук.
    Хомус тыаһа холбоспотох ыһыаҕа,
    Хомоҕой алгыһы иҥэриэ суох курдук.

    0
  • blMblbl
    11 февраля 2014  

    -Сһбэһит-журнал 6-с Саҥа дьыллааҕы номерыгар.Журнал таһыгар тахсыбыта.Ол иһин соҕотох.

    Дьөһөгөй оҕото.    

    Дьөрбөччү тирэммит
    Дьөлө уктүүр туйахтаах,
    Дьаалытынан ыһыллар
    Дьаарыстаммат көҕүллээх,
    Дьоһуннук субуллар
    Дьогдьуурдаах кутуруктаах,
    Дьирим - күдэрик оргуйар
    Дьиктилээхэй сиэллэрдээх.
    Дьондоҕор бэйэлээх
    Дьогдьойор арҕастаах,
    Дьапталана холбоспут
    Дьаргыл субуйа иҥиирдээх,
    Дьигиһийэ күүрбэхтиир
    Дьирбиилэнэр былчыҥнаах,
    Дьулайбат,сылайбат
    Дьулусхан айаннаах,
    Дьон аймаҕы көмүскүүр
    Дьоһуннаах аналлаах,
    Дьорҕоот саха сылгыта,
    Дьиҥ, үйэ ситимэ-
    Дьоро сыла эргийдэ
    Дьоло тосхойдо!
    Дьөһөгөй Айыы удьуора,
    Дьолуота үрдээтэ.

    0
  • blMblbl
    11 февраля 2014  

    Ырыаҕа -сакааһынан.

        

    Кэтэһэ саныыбын доҕоруом,
    Кэлбэккин билэр да буолларбын.
    Кэрэмэн иэйиибин хаайаммын,
    Кээрэтэ,күннэрбин барыыбын.

    Кэлтэйдии ахтыбыт сүрэҕим
    Кэйиэлиир сэгэрин сүтэрэн.
    Кэрэгэй тапталым утаҕа-
    Кэлгийэр сөллүбэт быатынан.

    Кэм-кэрдии тибиэҕэ хаарынан,
    Кэччэгэй дьылҕам бу бэлэҕин.
    Кэлэр кэм оһоруо баастарбын,
    Кэхтибит иэйиибин бүрүйэн.

    Кэнэҕэс эн баҕар өйдүөҕүҥ,
    Кэлэппит тапталгын саныаҕыҥ.
    Кэнники ыҥыра сатыаҕыҥ,
    Кэҥээри...өрүтэ тыыныаҕыҥ...

    Кэбиис...!оннук эрэ буолбатын...
    Кэмсинии эйиигин булбатын.
    Кэм-кэрдии аастаҕын аайытын
    Кэрэтик,манньыта угуттуум.

    0
  • тоҕо бэрдэй
    11 февраля 2014  

    Астынным. Тааттаҕа маннык талааннаах киһи баарыттан үөрдүм

    өссө суруйууларгын күүтэбин

    0
  • blMblbl
    12 февраля 2014  

    кистэлэҥ күүс-журнал н.3.2013с.-Дьоллоохпун-Тыл оонньуута-Тапталгын таайбатах эбиппин-

    ЭН БААРГАР.

    Эн бааргар мин,саҥардыы тыллыбыт,
    Суугунуур ,солко күөх хатыҥмын.
    Эн суоххар,көмүс дуй өҥнөнөн
    Санньыйа саһарбыт чараҥмын.

    Эн бааргар мин,кырыымпа ырыалаах
    Кынтайар кыталык кыысчааммын.
    Эн суоххар,сир үрдүн сылыппат
    Тунаарар ый симик уотабын.

    Эн бааргар мин,күлүм чаҕыл
    Дьэрэкээн дьэргэлгэн кустукпун.
    Эн суоххар ,кыһыҥҥы киэһээҕэ,
    Дьиримниир сулустаах халлааммын.

    Эн бааргар мин,сибэкки симэхтээх,
    Сиэдэрэй быйаҥнаах алааспын.
    Эн суоххар,сайыны билбэтэх,
    Соҕотох иинэҕэс талахпын.

    Эн бааргар мин,чорооҥҥо толору
    Кырылыы кутуллар кымыспын.
    Эн бааргар мин,сүрэхтиин,дууһалыын
    Тапталтан дьоллонон көтөбүн.

    0
    • Мир
      12 февраля 2014  

      Ымыыга

      Астык баи хоьооннор. Э5эрдэ! Ити хоьон-н ырыа буолуо этилэр. Кыра уол о5о туьунан ай эрэ. Эмиэ 9 ый иин диэр сэп

      0
    • сэнээрбит кыыс
      24 февраля 2014  

      Ымыыга

      хоьоонноргун биир биир аа5ан сэнээрдим астынным а5ай, "эн бааргар" диэн хоьоону олус сэнээрдим уонна ырыа буолуох курдук, эьи кенуллуур буоллаххытына бу хоьоону ырыа оноробун дуо?:)))

      0
  • blMblbl
    12 февраля 2014  

    Ырыа тахсыбыта.Мин быраатым Роман Моттуев тыллара уонна матыыба.

    Таатта Ырыа Бэргэнэ Роман аварияҕа түбэһэн суох буолбута үһүс сыла.Кини ырыатын доҕоро Виталий Очиров ыллыыр.Олус үчүгэй ырыа.Биһиги аймахтара Виталийга наһаа улахан махталбытын тиэрдэбит.Оҕобут бэйэтэ ыллыырын курдук санаан уйадыйдыбыт,үөрдүбүт.

    www.dobun.biz/mp3-Бу сахалыы ырыа сайтыгар.Бэҕэһээ биир сутка устата 470 скачайдаммыт.Кыракый уолчааммар-диэн ааттаах.Киирэн көрүҥ,истиҥ.

    0
  • blMblbl
    12 февраля 2014  

    Алтан сэргэ-2014с тохсунньу

    ТҮҮЛ ДУУ,ИЛЭ ДУУ?

    Түннүгүнэн ый уота тыгара
    Түлүк-бараан уубун аймыы.
    Түүҥҥү хараҥа муннуктан үөмэрэ,
    Түүлээх илиитинэн саба харбыахтыы.
    Түбүктээх үлэбин бүтэрэн,
    Түүрүллэн ороммор сыппытым.
    Түҥнэри-таҥнары эргийэн,
    Түлэкэдийэн барбытым...

    Түүл эбитэ дуу...илэ эбитэ дуу...
    Түргэн айаннаах туйах тыаһа,
    Түптэ түлүөн түһэрэн
    Түннүгүм анныгар кэлбитэ...

    -ТҮллэх- гыммыт үрүҥ күдэрик
    Түллэн аанынан киирбитэ,
    Түгэх тиийэн иҥнэ түһээт
    Түөрэ эргийэн сүппүтэ,
    Түүнүк сытынан тунуйан
    Түүлээх арбаҕас устубута,
    Түнэ этэрбэс сырдыҕаан
    Түөрэҥэлээн кэлбитэ,
    Түрдэстигэс сүүс анныттан
    "Түөллүгэн" харах көрбүтэ,
    Түүтэх курдук барыйбыт күлүк
    Түөһүллэн ,аттыбар олорбута,
    Түһэҕиттэн таҥнары тайанан
    Түөһэ эппэҥнээн ылбыта,
    Түһүмэх,түһүмэх түһэрэн
    Түс-бас саҥалаах буолбута-
    -Түҥкэтэх дойдубун илдьи кэһэн,
    Түптээх уубун аймаатыгыт!
    Түөлбэ сирбэр түөн ууран,
    Түтүм үөһээ түһэрдигит!
    Түөкэй омугу буулатаҥҥыт
    Түрбүөн бөҕөнү тартыгыт!
    Түһээн,кутуу үрдэтэҥҥит,
    Түптүр-күтүр дэлэттигит....

    Түксү...,түксү сөп буолуо
    Түҥүр,хотоҕой мустаҥҥыт,
    Түөрэххитин кэбиһиҥ!
    Түһүлгэни тэнитэҥҥит,
    Түптэ буруотун унаардыҥ!
    Түүйэ -биттэнэ барбакка
    Түскүтүн түмэн кэбиһиҥ!
    Түҥнэри төлкөнү көннөрөн
    Түмсэн бары холбоһуҥ!
    Түгэн түргэн,ааһан иһиэ-
    Түөлбэҕитин чэлгитиҥ!
    Түспэдийиҥ..өйдөнүҥ,
    Түстээҥ Сахам саргытын!...
    ......................
    Түөһүм иһэ хам тутан
    Түҥ-таҥ тэбиэлээн ылбыта...
    Түүл дуу... илэ эбитэ дуу?
    Түүл дуу ,эбэтэр илэ дуу?
    Түргэнник ойон тураммын
    Түүлбүн арыйан көрбүтүм
    Түспүт кыраһа кылбайара
    Түөрт эҥээри ый сырдатара....
    Түүнүк сыта тунуйбут хоспор,
    Түүҥҥү хараҥа үөмэрэ.....

    0
  • blMblbl
    12 февраля 2014  

    Алтан сэргэ.2014 тохсунньу

    САЙЫН КЭЛИИТЭ.

    Күһүҥҥүттэн ыла,
    Күлэрин көрдөрбөккө,
    Күрэммит үрүҥ күн,
    Күндээрэн тахсан,
    Күн сирин үрдүн,
    Күлүмүрдэппитинэн барда.

    Ааспыт кыһын тухары
    Арахпыт күн
    Арылыйан тахсан,
    Аан ийэ дойдуну,
    Аламай сырдыгынан,
    Айхаллаабытынан барда.

    Илин диэкиттэн,
    Иҥиэттибит хара былыт,
    Иҥнэһийэн тахсан,
    Илгэлээх ардаҕы ,
    Ибиирдэ барбакка
    Иҥнэри кутта.

    Хоту диэкиттэн,
    Халҕаһа былыт,
    Халыһыйан тахсан,
    Хаппыт сир үрдүн,
    Харыстыы барбакка,
    Халыччы түстэ.

    Инньэ гынаатын...
    Көтөҕөнөн бүрүллүбүт,
    Көҥкөлөй хара тыа,
    Көрдөрбүтүнэн туран,
    Көҕөрө, көҕөрө,
    Көтөҕүллүбүтүнэн барда.

    Аҥаарыйа иһийбит,
    Атарахсыйбыт алаас
    Алларыйбыт арҕаһа
    Ача,кырыс тардан,
    Амтаннаах быйаҥынан
    Арыллыбытынан барда.

    Дьэргэлгэн кустук,
    Дьэндэйэр халлааҥҥа,
    Дьэргэйэн тахсан,
    Дьэрэкээн өҥүнэн,
    Дьирбии кур буолан,
    Дьирибинии турда.

    Өҥ бөҕөтө өрө аста,
    Күөх бөҕөтө күөгэччи үүннэ.
    Сибэкки арааһа,
    Ситэри ситтэ.
    Көтөр бииһэ
    Көччүйэ көттө....

    Сайаҕас бэйэлээх
    Сайыммыт кэллэ.

    0
  • blMblbl
    12 февраля 2014  

    Алтан сэргэ.2014с.тохсунньу.

    Холбоһуҥ тылларым,
    Хоболуу чугдаарыҥ,
    Хоҥкүнүү ыллааҥҥыт
    Хомоҕой бэйэлээх
    Хоһооммор тыллаарыҥ.

    Холбоһуҥ тылларым,
    Хоһуйа ытыллыҥ-
    Холорук буолаҥҥыт
    Хомуһун аптанан
    Хоһооммор хонооруҥ.

    Холбоһуҥ тылларым
    Хотоойу күүстэнэн-
    Хотойдуу көтөҥҥүт,
    Хотторбот куттанан
    Хоһооммун булаарыҥ.

    Холбоһуҥ тылларым
    Холкутук,наҕыллык-
    Хомуллан,мунньустан,
    Хостонор баай буолан,
    Хоһооммор кистэниҥ.

    0
  • blMblbl
    12 февраля 2014  

    .

    АҤНАЙГЫ ХААР

    Кылбаарыһа кыыдамныыр,
    Кып -кыракый кыырпахтар
    Кыраман үөһээттэн түһэннэр,
    Сирим үрдүн саптылар

    Мин дойдум алыптаах көстүүтэ-
    Маҥан хаар,маҥан хаар

    Кылбачыйан,чаҕылыйан,
    Тулам үөрэ сандаарда.
    Күлүмүрдэс саҥа хаарга,
    Күнүм түһэн оонньоото.

    Мин дойдум ураты көстүүтэ-
    маҥан хаар,маҥан хаар.

    Нарын -намчы, куруһуба-
    Кырыа буолбут лабаалар
    Маҥан хаары бүрүнэн
    Дьикти оһуор астылар.

    Мин дойдум дьиктилээх көстүүтэ-
    маҥан хаар,маҥан хаар.

    0
  • blMblbl
    13 февраля 2014  

    Барыгытын Ийэ тыл күнүнэн эҕэрдэлиибин!Туймаада2013с.н158

    Төрөөбүт тылбыт туһунан тохтообот тойук.

    Арахпыт үйэбит,
    Адьас барбыт өртүттэн
    Ааспыт дьылларбыт,
    Анараа түгэх кэмиттэн-
    Аҕалбыт эбит өбүгэм,
    Аҕа,ааспыт көлүөнэм-
    Аҕыйаппакка,айгыраппакка,
    Аартык аайы ыйаабакка,
    Аара ыһан кээспэккэ-
    Арыы сүөгэй аллыбыт,
    Айыы ,таҥара бэлэҕин-
    Араас мандар дэгэттэнэн,
    Айыллыбыт тылбытын.

    Баҕарар эбиппин олустук,
    Билбэппин барытын билиэхпин.
    Бараммат быйаҥнаах өҥ тылбыт,
    Баайыттан толору сомсуохпун-
    Байылыат ,кистэммит кылааттан,
    Балымнык мин тиксэ түһүөхпүн.

    Дабааннаргын өрө ыттан,
    Дабайаммын тахсыахпын.
    Далай,дириҥ ууларгар,
    Далбаарыйа устуохпун,
    Дорҕоон буолан эбиллэн,
    Дьиэрэһийэ түһүөхпүн-
    Дьэдьэн курдук минньийбит,
    Дьирим кэрэ тыллары,
    Дьикти айбыт айылҕам,
    Дьэ эрэ, миэхэ бэрсэ түһүүй,
    Дэлгэм,уйгу быйаҥтан,
    Дэлэмсийэн бэрсээриий.

    Ийэлии иһирэх тыллары,
    Иннин кэннин ырытан,
    Иҥэн-тоҥон буламмын
    Иилэн тутан ыламмын,
    Иилээн саҕалаан истэрбиэн.
    Ис испиттэн иэйэммин,
    Имэҥирдэн,илбиһирдэн,
    Итиинэн илгийэр,
    Ириэнэх хааннааммын,
    Истиэхтэн үчүгэй,
    Илгэлээх тыыннааммын,
    Ирэ хоро ааҕыллар,
    Истиҥ хоһоон гыннарбыан.


    Кини баар эбээт сүрэхпэр,
    Күннэтэ күүһүрэр кутаа уотум,
    Күрэммэт,уостубат тапталым-
    Күүһү эбэр,өрө күүрдэр,
    Күндү көмүс тылларым.
    Көрдөһөбүн,куотумаҥ
    Күлүккэ былдьаҥҥыт сүтүмэҥ,
    Киэһээ барыарга барымаҥ,
    Киргэ буорга сыстымаҥ,
    Кыһын мууһураҥҥыт тоҥумаҥ.
    Куруук тупса турдаргыат,
    Күннүү тыгар буолларгыат,
    Киһи аайы,сүрэх аайы,
    Киирэн уйа булларгыат

    Модунтан,модун,
    Модьуттан модьу,
    Мындыртан мындыр,
    Минньигэстэн,минньигэс-
    Муҥурун уһугун булларбат,
    Мин төрөөбүт төрүт тылым!
    Мөлбөйө үксүү тур,
    Муҥутуу сайда тур.

    Наһаа даҕаны үөрэбин-
    Нарын таптал тылыттан.
    Нуһараҥ сааскы киэһээлии,
    Наҕыл , кэрэ кэпсээнтэн.
    Накылдьыйар оһуохай,
    Намыраабат тойугуттан.
    Нам-бааччы иһиллэр,
    Намыын,холку саҥаттан.

    Ойуу- уран тылларым,
    Оһуу-тоһуу түсүһэн,
    Оһуор-дьарҕаа таһааран,
    Оҕуруолуу тиһиллэн,
    Оторой-моторой оҕо саас,
    Орой мэник кэмнэрин,
    Омун -төлөн эдэр саас,
    Омнуоламмат тапталын,
    Оргуйа ааспыт олоҕум,
    Омоох суолун булаҥҥыт,
    Остуоруйа оҥорон,
    Оҕо-ыччат дьоннорбор,
    Оргууй тиэрдэр буолаарыҥ.

    Өйдөөбөппүн,сирэбин,
    Өбүгэ үгэһин кэһэри.
    Өспөт, сүппэт тылбытын,
    Өлбөөдүтэ сатыыры.

    Өрүү төрүт өйөөбөппүн,
    Өбүгэ өтөҕүн тумнары.
    Өлөн алдьанан эрэри ,
    Өрүһүйбэт буолары.

    Өһүргэнэ көрөбүн,
    Өбүгэ өлбүгэ сирдэрин,
    Өһүк,салҕыыр удьуора,
    Өлүү-өлүү ыһарын.


    Сииктии сүтэн симэлийэн,
    Сиппэрэҥҥэ көтүспэт,
    Сири кытта сир буолан,
    Сиксик буолан сытыспат,
    Сирэлийэн хата ордук,
    Силистэнэн,ситэн- хотон,
    Сирэм күөххэ силис тардан,
    Силигилээн өрө үүнэр.
    Симиин кымыс утахтыы,
    Сириэдийэн, сайдан иһэр,
    Саха үүнэр саргыта-
    Самныбатах тыллара.



    Төрөөбут тылгын билэр эрэ буоллаххына,
    Төҥкөйбөккө ,төбөҕүн үөһээ тутуоҥ.
    Төрүөҕүҥ кэскилин туһугар,
    Төлөрүйбэт иэскин төлүөн.

    Тылбыт кэхтибэт кэскилэ,эн илиигэр,
    Төлкөҥ түһүн түстүүрүҥ, эн иннигэр.


    Удьуор саха төрүөҕэ!
    Уйгу тылы,тыыннаах тылы,
    Уутуйан тураҥҥын,
    Умсугуйан эн үөрэт.
    Урааҥхай ыччата!
    Улдьаара барбакка,
    Удьуоруҥ үгэһин,
    Уйан куккар эн иҥэр, оччоҕо,
    Уһун олоҕуҥ тухары,
    Уран тылы дьаарыстыаҥ.
    Улуутуйан олорон,
    Улуу тылы уурталыаҥ.



    Үрдук күн күлүмүн анныгар-
    Үрүҥ санаа үрүлүйэрин туһугар,
    Үчүгэй үгэс үксүүрүн туһугар,
    Үүнэр ,кэнэҕэс ыччаппыт
    Үгдэрийбэтин туһугар-
    Үҥэр таҥара гынаммыт,
    Үксэтэ туруоҕуҥ,
    Үрдэтэ туруоҕуҥ,
    Үтүө мааны тылбытын,
    Үйэттэн үйэҕэ,
    Үлбүрүйэн,тириэрэн,
    Үмүөрүтэ түмүөҕүн.


    Хайдах даҕаны кэмнэргэ,
    Хаарыан тылбытын умнумуох.
    Ханнык даҕаны түгэҥҥэ,
    Хаалларан,сүтэрэн барымыах.
    Ханна даҕаны буолларбыт,
    Ханарытар буолумуох.
    Хаһан даҕаны кистээбэккэ,
    Хата өрө анньан көрдөрүөх.
    Хайа да бэйэлээх дойдуга,
    Хайаан да илдьэ сылдьыах.

    Чиргэл мас кэриэтэ,
    Чэчирии сайдаҕын,
    Чолбон сулус буолаҥҥын,
    Чаҕылыйа сырдыыгын,
    Чэлгиэн, ыраас салгынныы,
    Чэбдигирдэ охсоҕун-
    Чөҥөрө чүөмпэ,уолбат ойбон,
    Чуҥкуппат,чугуйбат,
    Чулуу тыл-төрүт тылым.



    Эҥин ,эгэлгэ тылларбын
    Эриэ- дэхси сааһылаан
    Эдэр ыччаппар аныыбын.
    Эһиги буолаҕыт, кэлэр кэм,
    Эрэнэр эркиннэрэ.
    Эһиги буолаҕыт сахабыт,
    Эстибэт удьуора.
    Эриэкэс,эйэҕэс,
    Эгэлгэ тылбытын,
    Этээриҥ кэнчээри ыччакка.

    0
    • никита
      13 февраля 2014  

      хоьооннор

      наьаа учугэй хоьооннор!саха буолар бэлиэбит,ийэ тылбыт кунунэн эйиигин эмиэ эгэрдэлиибин!ахтан,суохтаан кэллэхпинэ,дойдум барахсаны кууьуохпун багарабын.кыаллыбата биллэр.хоту–согуруу сырыттым,алаастарым,таатта урэгим курдугу коро иликпин.танара маанылаабыт сиригэр олоробут.хоьоон сатаан суруйбаппын.соччо аахпаппын.алампаны урут тута сылдьан аагарым.улуу убайдарбытын баппыккын.оскуола оголоругар аагыаххын наада эбит.багар биир эмит ого дьарыктаныа этэ.тылын наьаа баай!уут–суогэй курдук инэриниэхтэрэ.саха хаана баар буо.багар хааннара тардыа.наьаа уратылар ойдоро–санаалара.

      0
    • никита
      13 февраля 2014  

      хоьооннор

      наьаа учугэй хоьооннор!саха буолар бэлиэбит,ийэ тылбыт кунунэн эйиигин эмиэ эгэрдэлиибин!ахтан,суохтаан кэллэхпинэ,дойдум барахсаны кууьуохпун багарабын.кыаллыбата биллэр.хоту–согуруу сырыттым,алаастарым,таатта урэгим курдугу коро иликпин.танара маанылаабыт сиригэр олоробут.хоьоон сатаан суруйбаппын.соччо аахпаппын.алампаны урут тута сылдьан аагарым.улуу убайдарбытын баппыккын.оскуола оголоругар аагыаххын наада эбит.багар биир эмит ого дьарыктаныа этэ.тылын наьаа баай!уут–суогэй курдук инэриниэхтэрэ.саха хаана баар буо.багар хааннара тардыа.наьаа уратылар ойдоро–санаалара.

      0
  • blMblbl
    13 февраля 2014  

    Уой,Никита...Мин бүгүҥҥү Ийэ тыл күнүгэр саамай улахан бэлэҕи туттум-ол эн тылларыҥ.

    0
  • blMblbl
    13 февраля 2014  

    Бүгүн,Ийэ тыл күнүнэн бэчээккэ бара иликтэрбин таһаарыам.

    Толугуруур сүрэҕим
    Тохтоон хаалбат таптала,
    Тоһуттубат өйүм-санаам
    Тордоҕурбат иэйиитэ-
    Тоҥ,муус үллүктээх, Сахам сирэ-
    Төрөөбүт дойдум барахсан.

    Тостор, томороон тымныылаах,
    Тохтоон бүппэт чэлгиэннээх,
    Тоҥкуруун,тыйыс көрүҥүн,
    Тохтор кырыа сэбэрэҥ-
    Тоҥорбот ириэнэх иэйиибин.
    Тохтоппот эйиэхэ тапталбын.

    Томтордордоох алааһым
    Томторҕолоох ньуурдарын,
    Толоон сыһыы кылбайар
    Толбоннурар сырдык иэнин-
    Толомон сырдык кэрэтин
    Туохха тэҥниир үһүбүөн.

    0
  • blMblbl
    13 февраля 2014  

    .

    КӨТӨБҮН ЫРАБЫН БАТЫҺА.


    Күлүгэ суох ыраас халлааным
    Күндээрэ көҕөрөр күөнүгэр,
    Күн суолун батыһа көтөбүн
    Күлүмнэс үрдүккэ талаһа.

    Муҥутах санаабын умнаммын,
    Көҥүллүк мин үөһээ дайабын
    Муүһүрбут мин куппун ириэрэн,
    Көччүйэ,көрүлүү оонньуубун.

    Күөгэйэр салгыҥҥа уйдаран
    Муҥутуур иэйиигэ умсабын.
    Күөдьүйэр саһарҕа утаҕын,
    Мунньаммын мин ырыа тиһэбин.

    Күйгүөрэр эриэкэс дорҕооҥҥо,
    Музыка буоламмын холбоһуом.
    Көтүөҕүм биллибэт үрдүккэ,
    Муҥурун булларбат ырабар.

    0
  • blMblbl
    13 февраля 2014  

    Тааттабын туойабын.Арааһа ханна эрэ таҕыста быһыылаах этэ.

    Аччыгый,кыра киһи,
    Атыллаан хаамтаҕына
    Атаҕыгар эриллэр,
    Ача күөэ кырыстаах,
    Орто ,обургу киһи,
    Олук үктээн киирдэҕинэ
    Ойоҕоһунан охсуллар,
    Оһорсун оттордоох,
    Талыы,бөдөҥ киһи,
    Тамаһыйан аастаҕына
    Такымыттан тардыһар,
    Тамылҕан талахтаах
    Талба талыы Тааттабын
    Талан ылан таптыыбын.

    Килбик симик кийиит дьахтар
    Киэргэллэрин иилинэн,
    Кэмчиэрийэн киирбитинии
    Кэккэлэспит хатыҥнардааж,
    Ыллам-дьэллэм ырыалаах
    Ылгын,кыччыгый эдэр дьон
    Ыксалаһан ылбыттарыныы
    Ыркый курдук ыарҕалардаах,
    Нарын кэрэ кыыс оҕо,
    Намылдьыйа нуоҕайар
    Намчы ,наҕыл таһаатыныы
    Наскылдьыйар үөттэрдээх
    Намыын, холку Тааттабын
    Наһаа даҕаны таптыыбын.

    Күөгэл-нусхал талбаарар,
    Күүгэннирбэт сүүрүктээх.
    Күлүмүрдүү суһумнуур,
    Күөгэлдьигэс уулардаах
    Удьуор саха төрөөбүт
    Угут,торҕо кытыллаах,
    Урааҥхай бииһэ ууһаабыт,
    Уйгу-быйаҥ алаастаах,
    Олоҥхо өрөөн тохтообут,
    Оһуохай ордон хаалбыт,
    Олох дьоло түстэммит
    Остуоруйа дойдутуттан
    Ордук ,кэрэ Тааттабын
    Олуһун даҕаны таптыыбын.

    0
  • Натааьа
    13 февраля 2014  

    ымыы наьаа учугэй хоьоонор маладьыас таатта аатын аататан ис :-*

    Сүтүмэ, сулуһум
    Сүпсүлгэн түмүктээх,
    Сүгүрүйэр сүрэх
    Сүтэриэн баҕарбат.

    Сүүстэ хатылыаҕым:
    "Сүүйбүтүҥ эн миигин"
    Сүрэҕим бэринэр
    Сүппэт эн тапталгар.

    Сүтүмэ, сүтүмэ
    Сулуһум барахсан,
    Сүрүннээхтик киирэн
    Сүүрүктүү барыма.

    Сүүс үйэ эн биһи
    Сүрбүтүн холбооммут,
    Сүрэхпитин истэ
    Сүбэлэһэ туруох.

    Сүрэхпин сүүйбүккүн
    Сүктэр кыыс - аналым,
    Сүһүөхпүн сымнатан
    Сүгүрүйэр мин буоллум. ватсаптан буллум биллибэт ааптар :-)

    0
  • Натааьа
    13 февраля 2014  

    ымыы наьаа учугэй хоьоонор маладьыас таатта аатын аататан ис :-*

    Сүтүмэ, сулуһум
    Сүпсүлгэн түмүктээх,
    Сүгүрүйэр сүрэх
    Сүтэриэн баҕарбат.

    Сүүстэ хатылыаҕым:
    "Сүүйбүтүҥ эн миигин"
    Сүрэҕим бэринэр
    Сүппэт эн тапталгар.

    Сүтүмэ, сүтүмэ
    Сулуһум барахсан,
    Сүрүннээхтик киирэн
    Сүүрүктүү барыма.

    Сүүс үйэ эн биһи
    Сүрбүтүн холбооммут,
    Сүрэхпитин истэ
    Сүбэлэһэ туруох.

    Сүрэхпин сүүйбүккүн
    Сүктэр кыыс - аналым,
    Сүһүөхпүн сымнатан
    Сүгүрүйэр мин буоллум. ватсаптан буллум биллибэт ааптар :-)

    0
  • blMblbl
    13 февраля 2014  

    Натааһа махтал.Эн курдук хоһоону сэҥээрэр дьон баарыттан үөрэбин.

    0
  • blMblbl
    14 февраля 2014  

    (Туймаада2013 н169)

        

    САХА БАЛАҔАНА.

    Сааппыт курдук саһан тураҕын,
    Самнайбыт саха балаҕана,
    Сабардыы үүммүт эрбэһин отунан
    Саба тардынан бүрүммүккүн.

    Саныыгын быһыылаах ол кэми...

    Саһархай маһынан кэккэлээн,
    Сандаара кылбайан турбуккун .
    Сайдам ыал-уйата буолаҥҥын.
    Саламаат сытынан туолбуккун.

    Саныырыҥ дуу ,эбэтэр?

    Салбырҕас саадьаҕай оҕустаах,
    Сатархай ырыалаах эр киһи
    Сарсыарда от кээһэ барарын,
    Сайыһа одуулаан хааларгын.

    Саныырыҥ буолаарай, эбэтэр ...?

    Сарымтах ыстааннаах уол оҕо
    Сайыыга туу уга киирэрин.
    Салыҥнаах мундуну тымтайга
    Саккырыыр уулары сүгэрин?

    Саныырыҥ дуу,эбэтэр...

    Саймаархай саҥалаах кыыс- дьахтар
    Сайыҥҥы уу-нуурал чуумпуга,
    Сайылык алааһын нөҥүөттэн
    -Сайдыыр-чуор-хатан куолаһын?

    Саныырыҥ буолаарай эбэтэр...

    Самныбат санааны ылынан
    Саргылаах суолунан,ол дьонуҥ,
    Саппыт ааннарын баттатан
    Сатыылаан ыраата баартарын...

    Санаа эргимтэтэ оҥостон
    Сабыста түннүккүнэн көрөҕүн.
    Санаарҕыы кэтэһэн эрдэҕиҥ,
    Санньыйар, мунчаарар курдуккун...



    АРЫЛЫН АЙАНЫМ ААРТЫГА(Туймаада2013 н169)

    Айаҥҥа аттанар түгэммэр
    Арыалаа аттыбар, аанньалыам.
    Арахпат аргыһым буолаҥҥын
    Алгыстаах суолунан эн сирдээ.

    Ардаабыт халлааным астаҥҥын,
    Арылхай күҥҥүнэн мичээрдээ.
    Анысхан тыалларым тохтооҥҥут,
    Аҥаархай уу-нуурал сатыылаа.

    Ахсымнык сыыйыллар айаммар
    Аҥардас үөрүү эн, аргыстас.
    Ааһыахтаах суолларым тухары
    Ахсаабат күүскүттэн аҥардас.

    Айаҥҥа аттанар түгэммэр,
    Арҕааҥҥы саҕаҕым эн сырдаа.
    Араҕас сулуһу батыһа,
    Арылын айаным аартыга .

    ***

    Орто дойдуга анаммыт
    Олоҕум кэмнэрэ ааһыаҕа.
    Онтон бу сир хаалыаҕа,
    Ордук, өссө тупсуоҕа.

    Ол эрээри син-биир тумнуо суоҕа,
    Оччугуй эрэл кыымын саҕа,
    Олус кыра...отон саҕа
    Орто дойдуга хаалыах баҕа.

    Ороһуйа кэтэһэр санааҕа
    Олох күндү да буоллаҕа...
    Ол эрээри санаам бөҕө-таҕа,
    Оҕом ааппын ааттатыаҕа.

    Ол курдук, аатым ордуоҕа,
    Өссө сүүс сыл олоруоҕа,
    Онтон сүтэн умнуллуоҕа....
    ...Оннук буолуохтаах да буоллаҕа.

    0
  • blMblbl
    14 февраля 2014  

    Туймаада 2013с.н169

    МИН БҮГҮН....(сиппэтэх хоһоон)

    Мин бүгүн букатын атыммын,
    Мичилийэ үөрэбин,көнньүөрэммин.
    Милкийэр санааны киэр кыйдаан,
    Мичээрдии сылдьар буолбуппун.

    Мин бүгүн тэтэркэй дьэдьэммин,
    Минньигэспин,ууллаҕаспын....

    ХОДУҺАҔА.

    Дьикти даҕаны буоллаҕын
    Дьэҥкир курдук холорук.
    Дьээбэлэн тула көтө,
    Дьэргэстэнэ сүүрэҕин.

    Дьиппинийэн,ыаһыран,
    Дьиэгэнийэн барбаккын.
    Дьиэрэҥкэйдээн ытылла,
    Дьирибинии көтөҕүн.

    Дьилэй эттээх буоламмын
    Дьиксиммэппин ,саспаппын.
    Дьиибэргээммин көрөбүн,
    Дьик-дьах туттан куоппаппын.

    Дьалын күүстээх холорук,
    Дьахтар куттаах курдуккун,
    Дьалты баран хаалбаккын,
    Дьаалыгынан оонньуугун.

    0
  • эн хоөоонноргун аагаары киирдим
    14 февраля 2014  

    кинигэ таһаартарбытыҥ дуо? хантан булуохха сөбүй

    өтөрүнэн мвннык тыл сүөгэйигэр сөтүөлээбэтэҕим. суруйа тур,өссө даҕаны

    0
  • blMblbl
    15 февраля 2014  

    Кинигэм суох ээ,баҕа санаа эрэ баар.

    Үтүө тылларыҥ иһин махтанабын.

    0
  • blMblbl
    15 февраля 2014  

    Алтан сэргэ 2014с.Тохсунньу.

    МИН ДОЙДУМ УРАТЫ КӨСТҮҮТЭ
    МАҤАН ХААР.

    Дорообо саҥа хаар, дорообо!
    Дойдубут ураты көстүүтэ.
    Кылбаарар, кыыс-кэрэ айылҕам
    Кылбайар сып-сырдык урсуна.

    Дьиэрэҥкэй үҥкүүлүүр маҥан хаар,
    Дьиримнии ыһыллар кыырпаҕа,
    Дьиктини ырааһы түстүүгүн-
    Дьиҥ-чахчы сахалыы ырыаҕын.

    Долгуйар ыраас хаар кыыдамын,
    Долгуйа күүтэбин сыл ахсын.
    Доҕорбун көрсүбүт кэриэтэ
    Дьоллонон, сүрэхтиин үөрэбин.

    0
  • blMblbl
    15 февраля 2014  

    Таатта 25.10. 2013с. -Дьоллоохпун. Тыл оонньуута -Үөрүү-Сэргэ.

    ОҺУОР ОЙУУ АЙЫЛҔАМ.
    (омоним)
    Оҕобунаан оһуор анньабыт,сабынан,
    Көстүөҕэ алааһым сибэккинэн сабынан.
    Халлааммыт көҕөрөн чээлэй күөх,
    Тиллибит айылҕам куөх да күөх.
    Дойдубар кэлбит,уйгу-өҥ,
    Дьүөрэлээн түһүөҕэ үгүс өҥ.
    Күнтэн сардаҥа тохтуоҕа,
    Сиргэ тиийбэккэ тохтуоҕа.
    Отоьунан үрэхпит устуоҕа,
    Оҕом ону ойууттан устуоҕа.
    Элбэх да өҥү талаҕын,
    Дьикти да буолуо талаҕын.
    Бэттэх тигиэхпит сэргэ,
    Хаһы да тэҥинэн ,сэргэ.
    Анныгар ууруохпут саахымат көбүөр,
    Кытыйаҕа көстүө арыылаах көбүөр.
    Бээ тохтоо...болҕойон иһит
    Баар буоллун ,өссө сахалыы иһит.
    Мунаардар миигин биир суол,
    Ханан ааһыаҕай,манна суол?
    Оҕом иискэ олус сүрэхтээх,
    Кэрэни анаарар нарын сүрэхтээх.
    Кэккэлэһэ олорон оһуор анньабыт,
    Сылайан ардыгар,тэйиччи анньабыт.
    Эйиигин абылыа иис,
    Кэнники тупсуоҕа суол-иис.

    0
  • blMblbl
    15 февраля 2014  

    Форумҥа күрэскэ бастакы миэстэни ылбыт хоһооннорум.Быраабыланы барытын тутуһан.



    Сайыҥҥы уу-нуурал сатыылаан
    Сайылык чуумпурда иһийэн-
    Сардаҥа тоҕунна илгийэн
    Сарпа-кыым уотунан ыспахтаан.

    Сардаана сибэкки арыллан
    Санаабар ситэри киэркэйэн-
    Салаалаах күөх оту силэйэн
    Сандаарда сүрэхпин абылаан.

    Сайбаччы киэргэммит хатынчаан
    Саспыттыы тураҕын сэгэйэн-
    Саҥардыы тыллыбыт кэрэчээн,
    Сарадах хахыйах кыыскынаан.

    Сарсыарда саҕахха им сырдаан
    Сайаҕас күн үрдүү тэмтэйэн,
    Сандааран таҕыста мичийэн
    Салаллар күммүтүн айхаллаан.

    Салгыҥҥа мүөт сытын ыймахтаан.
    Саргылаах ырабар мин тиийэн,
    Санньыйбыт санааттан дьэ тэйэн
    Сахалыы туойдум мин аан бастаан.


    Бу 11 сүһүөххэ Вальс.11с.суруллара ыарахан эбит.Условията оннук этэ.



    Налыйа кутуллар ырыа, истээриий..
    Намыыннык уйгуурта, куппун долгута.
    Нарыннык эн миигин сиэтэн киллэриий,
    Наҕыллык вальска эргитиий дуоһута.

    Тулабыт барыта сүтэн, умнуллан,
    Туймааран көттүбүт ыга куустуһан.
    Туманнаах харахпыт үөрэ көрсүһэн,
    Турдубут утары, түгэн түбэһэн.

    припев.
    Санаабар эдэр саас миэхэ эргийэн,
    Сааскылыы үөрдэ дии күлэн мичийэн.
    Санныгар тайанан,өйүү бигэнэн,
    Салгыҥҥа уйдаран дайдым тэлээрэн.

    Хайдахтаах күүскэ таптыыргын дьэ биллим,
    Харыстыам үйэ саас күндү иэйиигин.
    Харгыһы туорааммын эйиэхэ кэллим,
    Хаһан да мин умнуом суоҕа эрэлгин.

    Махтана санаатым үтүө дьылҕабар,
    Манньыйа мин диэки эмиэ көрбүккэр.
    Махтана санаатым ,истиҥ тапталгар,
    Маннык тулуйан дьолбутун күүппүккэр.


    Бу эмиэ ол күрэстэн.


    Дьиримнии маҥан хаар ыһыллар,
    Дьиибэлии уолукпар симиллэр.
    Дьиэрэҥкэй үҥкүүлээн тэлээрэр-
    Дьиктитик мин куппун уйгуурдар.

    Эргийиий,эбиллиий эн түһүүй,
    Эрэли сүрэхпэр кутаҥҥын.
    Эргийбэт тапталым суолларын,
    Эриэкэс өҥҥүнэн бүрүйүүй.

    Уунабын илиибин утары,
    Ууллаҕас кыымнары тутаары.
    Уурайан ,эн тохтоон хаалыма,
    Ууллаҥҥын сүтүмэ,уостума.

    0
  • blMblbl
    20 февраля 2014  

    Уопсай бааҥҥа түбэһэн суруйбакка сырыттым.Алтан сэргэ 2014с.2.18.

    Төрөөбүт дойдум барахсан.Көтөбүн ырабын батыһа.

    0
  • blMblbl
    20 февраля 2014  

    .

    ҮЧҮГЭЙИЭН.

    Үчүгэйиэн ,үөһии үөһээ,
    Үрдүк халлаан чээл күөҕэр
    Үөмэхтэспит былыттардыын
    Үрүҥ күммүт күлэрэ .

    Үчүгэйиэн, хойуу ньаассын
    Үүммүт кырыс сиппитэ,
    Үтүө-кэрэ самаан сайын
    Үкэр куйаас күннэрэ.

    Үчүгэйиэн үрүҥ түүҥҥэ
    Үллүк туман көтөрө.
    Үллэн тахсан күөлүм үрдүн
    Үксүү -хойдо сабара.

    Үчүгэйиэн сүрэх иэйэр
    Үтүмэннээх үөрүүтэ-
    Үгэннээбит айылҕам
    Үүнэр- тупсар кэмнэрэ.

    0
  • blMblbl
    20 февраля 2014  

    Алтан сэргэ 2014с.2.18.

    Кэрэҕин даҕаныы...
    Кыһыҥҥы айылҕам-
    Кылбаара унаарар
    Кыыс тунал урсунуҥ.

    Кырыалаах лабаалар
    Кылбаарар оһуордар-
    Кыраһа бүрүнэн,
    Кыырайа көппүттэр...

    Кылдьыылаах алааһым,
    Кыҥнаҕар ньууругар,
    Кыталык хатыҥнар,
    Кыс-хаарга саспыттар.

    Кэрэҕин даҕаныы...
    Кыһыҥҥы айылҕам

    0
    • аав
      22 февраля 2014  

      сугуруйуу

      эрхаан концерыгар коро сатаабытым да чугастан учугэйдик кордорботохторо стрелец диэнниин олонхо суруйбуккун аахпытым дьоьун сааска. Тылын баайа барамматын. оруу айа тур. Биир туспа талаан, кимиэхэ да майгыннаабат.

      0
    • Оҕо сааьын дьүөгэтэ
      4 марта 2014  

      Ымыыга

      баҕарабын айар үлэгэр өссө үрдүк ситиьиилэри кэлэр сылга кинигэ таьааттараргар Бэрэбит оҕо сааспыт умнуллубат кэмнэрин туьунан саҥа хоьоон күүтэбин доруобуйаны тус олоххор дьолу

      0
  • blMblbl
    23 февраля 2014  

    Махтанабын.Үтүө тылларыҥ иһин.

    0
  • Ымыы-1
    7 марта 2014  

    Туймаада.2013с.12ый.Бу хаһыаты сатаан булбатаҕым.Онон тугу ыыппыттарбыттан.

    Хатыҥчааным барахсан. - blMblbl11.02.2014 (22:21) (80.83.239.62)    

    Наҕыл тыалга бигэнэн,
    Наскылдьыйа хамсыыгын.
    Намылыйар суһуохтаргын,
    Наардыы тарыыр курдуккун.

    Нарыйаана- кыыс хотун.
    Нарыын-нарын хатыҥчаан.

    Нарыланан,киэргэнэн,
    Наҥнайаҥҥын үүммүккүн.
    Намыын суугун түһэрэҥҥин.
    Наһаа даҕаны кэрэҕин.

    Нарыйаана- кыыс хотун.
    Нарыын-нарын хатыҥчаан.

    1
  • Ымыы-1
    7 марта 2014  

    Туймаада 2013с.12ый.

    САЙЫН.
    Күөҕэ ситэн ,айылҕам
    Күөгэлдьийэ тылынна.
    Күөрэйэ көтөр күннээҕим
    Күөлэһийэ уһунна.
    Күөдьүйээхтиир саһарҕам
    Күөлү кытта куустуста.
    Күөрэгэйдиир чыычааҕым
    Күө-дьаа ырыа ыллаата.
    Күөмчүлэммэт куйааһым
    Күөх сайыны эргиттэ.
    Күөйэ кэлэр күннэрим
    Күндү кэмэ эргийдэ.

    0
  • Ымыы-1
    7 марта 2014  

    Туймаада.

    Дьүкээбил уотунан күндээрэн,
    Дьиримнии умайда харыйам.
    Мөһүүрэ толбонун түһэрэн,
    Мичээрдии күлүмнүү сандаарда.

    Дьол-үөрүү сыдьаайар кэмигэр
    Доҕоруом,сиэттиһэн туруохха.
    Тымныыны билиммэт тапталбыт
    Тылларын сипсийэн этиэххэ.

    Сүүһүнэн уот сулус быыһыгар
    Саҥа дьыл кэлэрин көрсүөххэ.
    Саргылаах бу күндү түгэҥҥэ
    Саҥалыы дьолбутун түстүөххэ.

    Эргий эн... эргийиий харыйам
    Эрэли бар дьоҥҥо бэлэхтии.
    Дьүрүһүй дьиктилээх музыкам
    Саҥа сыл,саҥа дьол туһугар.



    ......................



    Чүмэчи үҥкүүлүүр сырдыга
    Хараххар түһэрин көрөбүн.
    Аанньалбыт чугаһыыр кэмигэр
    Аттыбар бааргыттан үөрэбин.

    Саҥа дьыл бэлэхтээ миэхэ эн,
    Олохпор анаммыт үөрүүнү,
    Саҥа дьыл,бу үүнэр саҥа сыл,
    Дьол таптал иэйиитэ үктэллэн.

    Таһардьа тахсаммыт хаамсыахха,
    Ый тыгар туналын анныгар.
    Хаар үрдэ күлүмнүү оонньуурун,
    Сөҕөммүт долгйа көрүөххэ.

    Дьиктилээх бу үтүө түгэҥҥэ,
    Олохпут алыптаах түүнүгэр
    Көй үгүс сулуһу арыйан,
    Саҥа дьыл түһэрин көрсүөххэ.


    .........................


    Чуҥкуйбут дьиэм иһин,
    Көр-күлүү толордо.
    Саҥа дьыл киэргэлэ
    Харыйа сандаарда.

    Үрдүбэр хаар-ардах
    Күлүмнүү оонньоото.
    Түһүөхчэ түспэккэ
    Салгыҥҥа ыйанна.

    Кырачаан хаарчаана
    Үҥкүүлээн тэлээрдэ,
    Мап маҥан куобахчаан
    Ойуолуу оонньоото.

    Үчүгэйиэн!Саҥа дьыл
    Салаллар түүнүгэр
    Дьиэм иһин толору
    Дьол илэ киирбитэ.

    0
  • пузарий
    8 марта 2014  

    хоһоон

    Ытыһын тоһуйбут саха уола

    Вокзалга токуллан тураахтыыр,
    Бөҕүөрбүт ытыһын тоһуйан
    Барыҥнас дьоннортон умналыы,
    Биир саха эдэркээн уолчаана.

    Сирэйэ дьэлтэйэ үллүбүт,
    Хараҕа кытарбыт, көҕөрбүт,
    Куурката ибили тэстибит,
    Атаҕын таҥаһа эстибит.

    Сүрэҕим кыланна ол онтон
    Хайдахтаах бу маннык турукка,
    Эдэркээн сахабыт уолчаана
    Олоҕун дьылҕата кэлбитэй?

    Аргылыыр дьаллыкка ылларан,
    Эбэтэр ыарахан ыарыыттан,
    Олоҕун тутулун алдьатан,
    Буруйу оҥорон хайыыттан?

    Олох диэн бутуурдаах, эндирдээх,
    Түһүүлээх, тахсыылаах, киирсиилээх.
    Кэрэҕэ, сырдыкка тардыһар
    Эрэлин сүтэрбит олоҕор?

    Ийэлээх аҕата хаһан эрэ
    Дьоллорун холбооннор ыал буолан,
    Иэримэ дьиэлэрин иччилээн,
    Уол оҕо бастыҥын төрөтөн.

    Иитэннэр такайан, үөрэтэн
    Силлиэттэн, будулҕан буурҕаттан
    Иҥнибэт буоларга алҕааннар,
    Эрэллээх кыымнары саҕаннар.

    Харахпыт дьүккэтэ дэһэннэр,
    Кэрэ тыл маанытын анааннар,
    Хайдахтаах эр бэрдэ буоларгын
    Эрэнэ, кэтэһэ хаалтара буолуоҕай?!

    Эдэркээн уолчааммыт барахсан,
    Оллуртан-буоллуртан иҥнимэ.
    Кэскилиҥ, олоҕун илиигэр,
    Харса суох хардыылаа иннигэр!

    Ытыһын тоһуйбут саха уола...

    * * *


    Эр киһи барахсан, умнумаар
    Тосхолуҥ, аналыҥ атынын.
    Сахабыт омугун тэнитэр,
    Сүҥкэннээх сүгэһэр ылбыккын.

    Күн ахсын үксэтэн, элбэтэн
    Олоххун киэркэтэн тупсаран,
    Дьоһуннаах сыал сорук туруоран,
    Дьоллоохтук иннигэр хардыылаан!

    * * *

    Саҥа дьыл киэһэтэ

    Кэрии хара тыабытттан
    Киллэрбиттэр харыйаны
    Кэрэчээн да гына
    Киэргэппиттэр кинини.

    Оҕо аймах мустаннар,
    Оонньуу көрүн тарпыттар.
    Араас мааска кэтэннэр,
    Маскараадтаан сүүрбүттэр.

    Тымныы кыһын оҕонньор,
    Торуоската тоһурҕаан,
    Хаарчааналыын кытары
    Тиийэн кэлбит ол онно
    .
    Харыйа тула хааманнар,
    Оҕолордуун сиэттиһэн
    Үгүс элбэх ырыаны
    Ыллаабыттар аарааһы.

    Ыраах сиртэн аҕалбыт
    Бэлэхтэрин түҥэтэн
    Барыларын аатыттан
    Барҕа махтал ылбыттар.

    Саҥа дьылы уруйдаан,
    Алгыс тылын түһэрэн
    Эһиэкэйдээн үҥкүүлээн
    Эҕэрдэлээн турбуттар.

    Айаннаары сылдьаннар,
    Кэскил тылы эппиттэр.
    Эһиил кыһын баччаҕа,
    Эргиллиэхпит диэбиттэр.

    Кэлэр сылга баччаҕа,
    Күүстэ уохта эбиниҥ.
    Үөрэххитин кытаатыҥ,
    Үүнүҥ сайдыҥ дэспиттэр.

    Онтон олус үөрэннэр,
    Ойуокалаан ыстанан,
    Харахтарын сыысчаана,
    Чоҕулуҥнуу умайбыт.

    * * *

    Сахам Далбар Хотуннара,
    Сайа мааны кыргыттара,
    Сахалыы таҥаһы таҥнаҥҥыт,
    Сиэдэрэй симэҕи иилинэн,
    Сибэкки арааһын быыһынан,
    Дьэрэкээн лыахтарым кэриэтэ,
    Салгыҥҥа күүлэйдии көтөөрүҥ.
    Кынаккыт сыыһынан тэлимнээн,
    Сапсынан тэлээрэн ылаарыҥ.

    Хатыҥнаах чараҥым быыһыгар,
    Алааһым тупсубут кэмигэр,
    Айылҕам маанылаах күнүгэр.
    Сайыным туналы күөнүгэр,
    Кыталык кэрэтэ дугунан,
    Кыҥкынас куолаһы дьиэрэтиҥ,
    Кэрэтик салгыҥҥа уйунан,
    Кылбаҥныы үҥкүүлээн дайбаныҥ,
    Дьиэрэҥкэй дьоһунун түһэриҥ!

    * * *

    Баайааным доҕорум барахсан

    Байааммын иилинэн сүгэммин
    Сценаҕа бар дьонум иннигэр
    Музыка алыптаах эйгэтин
    Ыллатан – дьиэрэтэн ылыаҕым.
    Байааным доҕорум барахсан.
    Оҕо саас санаатын абылын,
    Аҕам саас аҕыммыт, кэтэспит
    Баҕатын суумэрдээн толорон
    Сайыҥҥы нуһараҥ киэһэтин.
    Байааным доҕорум барахсан.
    Ардыгар уол кыыска билиммит
    Бастакы кистэлэҥ тапталын.
    Ардыгар балысхан бааллардыы
    Түһүүлээх тахсыылаах долгунун.
    Байааным доҕорум барахсан.
    Ардыгар ол саньньыар ырыаны
    Тылларын таһааран ыллыаҕым,
    Дьиэрэҥкэй дьоһуннаах үҥкүүтүн
    Дьиэрэтэр тойугун түһэриэм.
    Байааным доҕорум барахсан.
    Үлэҕэ – хамнаска ыҥыран,
    Күргүөмнээх сүргэни көтөҕөн,
    Үйэлээх олоххо баҕаран
    Үгүһу, эрэли угуйуом.
    Байааным доҕорум барахсан.

    * * *
    Сиэркилэм

    Сарсыарда эрдэлээн тураммын
    Сиэркилэм аттыгар тиийэммин
    СоҺуйа аймана көрөбүн
    Сирэйбин, быһыыбын, күлүкпүн.

    Бэлиэртэн кыыдамнаан ылбыттар
    Чанчыкпар хаар маҥан хаһыҥнар.
    Ханнаный хаарыаннаах саастарым
    Эдэркээн бэйэлээх дьүһүнүм.

    Оҕо саас ол дьоллоох саастарым
    Улаатан, үөрэнэн, үлэлээн
    Тириппит-хоруппут күннэрим.
    Дьоһуннаах, күүрээннээх кэмнэрим.

    Билигин даҕаны олоҕум
    Иннибэр кэлиэҕэ турдаҕа,
    Балыгы түөһэйэн араарбат,
    Тоҥхоҥнуур кырдьас буолуоҕум.

    * * *

    Киэһэ борук буолуута
    Үлэбиттэн бүтэммин
    Оҕолорбун ахтаммын
    Бэлэх-туһах тутуурдаах
    Асфальт суолун устунан
    Автобуска олорон,
    Ахсым аттыы сиэллэрэн
    Айаннатан иһэбин.

    * * *

    Учууталбар

    Бастакы кылаасстан,
    Бүөбэйдээн үөрэтэн,
    Билиини уһуйан
    Биэрбитиҥ үөрэҕи.
    Учууталыам, Учууталыам.

    Кылаасстан кылаасска
    Кэрэҕэ тардыһан,
    Кыһаллан такайан,
    Киэҥ суолга таһаартыҥ.
    Учууталыам, Учууталыам.

    Эн куруук мэльдьитин
    Эриэккэс сулустуу
    Сүрэхпэр иҥэҥҥин
    Сырдаттыҥ иннибин.
    Учууталыам, Учууталыам.

    Мин бардым үөрэххэ
    Идэҕэ уһулла
    Үрдүктэн үрдүккэ
    Эн тэлбит суолгунан.
    Учууталыам, Учууталыам.

    Эрэлгин толорон
    Эргилиэм дойдубар,
    Эн ааккар махтанан
    Элбэхтик аатттыаҕым.
    Учууталым. Учууталым.

    Үйэлэр тухары
    Үөрэммит кэмнэрбин
    Ахтылҕан эҥээрдээх
    Алгыспын аныаҕым
    Учууталым, Учууталым

    Дьонноруом эһиги күн ахсын
    Дьолоохтук үөрүүнэн олоруҥ
    Толкуйу, эйэни куруутун
    Тутуһар буолуоҕуҥ мэлдьитин!

    * * *

    Түүлбэр

    Түүлбэр түһээммин көрөбүн
    Хотойдуу кынаппын иилинэн
    Халлааммар хорсуннук сапсынан
    Сир шарын эргийэн ыларбын.
    Ол онно барыта көстөллөр
    Бу баардык сыыйыллан ааһаллар
    Будулҕан долгуннаах байҕаллар,
    Халлааҥҥа харбаспыт хайалар,
    Сүүрүктээх, балкыырдаах өрүстэр,
    Көбүөрдүү тэлгэммит тайҕалар,
    Кырылас кумахтаах куйаардар
    Ардыгар соһуйа көрөбүн
    Адаарсан айманан мустубут
    Былаахтаах, суруктаах дьоннору.
    Эргиллэн түһэрим саҕана,
    Уоттартан куттанан, сэрбэнэн
    Аргыыйдык сэрэнэн түһэрбин.
    А.Хампа

    0
  • хонуу
    8 марта 2014  

    Ымыы

    Ымыы диэн ааттааххын
    Мин бүгүн эрэ биллим
    Ырыа-хоһоон дьарыктааххын
    Ыалларбыттан иһиттим

    0
  • А. Хампа
    8 марта 2014  

    Хоһооннор

    Быраһаай

    Күн аайы итирик кэлэҥҥин,
    Көмүскэм уутунан суунабын,
    Төлкөбүт ыратын хаалларан
    Мин бардым ийэлээх аҕабар.

    Эрэлбин сүтэрэн, таҥнаран,
    Бытыылка ойохтоох буолбуккун.
    Көрдөһөн этэрбин, тыынарбын,
    Дыыгыныыр кумаарга холуугун.


    Оҕоҕун, кэргэҥҥин санаабат
    Аргыһыт дьаллагын сүкпүккүн,
    Олохпүт торумун алдьатан,
    Өйдөөбөт буолбуккун букатын.

    Бараһаай мин бардым дойдубар
    Бүтэһик быһаары ылынан.
    Өйдөнөн турарыҥ саҕана
    Көрдөөмө, сүүрүмэ, булума.

    * * *
    Таптыыбын олорор олохпун,
    Араастаан күлүмнүүр дьүһүнүн.
    Хатыҥнаах чараҥнаах ааларын,
    Халлааҥҥа харбаспыт хайатын,
    Хотугу байҕалбар тардыспыт
    Сүүруктээх, долгуннаах өрүһун
    Хаар суорҕан үллүктээх тайҕатын.
    Сиэдэрэй сибэкки симэммин
    Алааһым арылы кустугун.
    Лыахтарым күүлэйдии дайарын.
    Көтөрүм- сүүрэрим чуопчааран,
    Дьиэрэҥкэй дьүһүйэр тойугун.
    Олонхо иһиллэр дуораанын,
    Наҕыллык ыллынар ырыатын.
    Сахалыы таҥныбыт дьоннорбун,
    Ыал буолан олохпун салҕааммын,
    Миччээрдээн үөрдүбүт оҕобун.
    Дьарыктаах үлэлээх буоларбын
    Күннэтэ дуоһуйуу ыларбын.
    Барытын олустук таптыыбын,
    Барытын эһиэхэ аныыбын.

    * * *
    Гитарам

    Табахтарбын уобаммын,
    Буруо-тараа быыһынан,
    Санааларбын сайҕаары
    Гитарабын ылабын.

    Элбэх толкуй күөйэ тутан,
    Дууһам олох эрэйэн,
    Тарбахтарым кыһыйан,
    Нарын дорҕоон таһааран,

    Алааһыгым иһигэр.
    Үүтээникпэр олорон,
    Ыйдаҥалаах түүннэрбэр,
    Утуйарбын умнаммын,

    Күөмэйикпин чөллөтөн,
    Ырыа дуораан таһааран,
    Үгүс ырыа матыыбын
    Толоруоҕум, ыллыаҕым.

    0
  • Хампа
    10 марта 2014  

    Салгыыта

    Дьүрүһуй хомуһум

    Дьүрүһүй, дьүрүһүй хомуһум
    Дойдугун туойаҥҥын хоһуйан.
    Оҕо саас ол дьолллоох күннэрин,
    Айылҕам кэрэкэ кэмнэрин.

    Кыыс уолга билиммит тапталын,
    Сэрэнэн сипсийэн эппитин.
    Сандааран, мичээрдээн ылбытын,
    Сүрэҕин кистэлэҥ иэйиитин.

    Ардыгар олоҥхо тойугун,
    Бухатыыр охсуһан, көмүскээн,
    Киирсиһэн, хапсыһан кыайбытын,
    Олоххо кэпсэнэр номоҕун.

    Алҕааҥҥын өрөгөй ырыаҕын,
    Эбэтэр саньньыарбыт түгэҥҥин.
    Ситиһии тосхойбут үөрүүгүн,
    Сандал саас эргийбит сырдыгын.

    * * *

    Халымам халлаанын анныгар,
    Улуукан өрүһүн устунан,
    Долгуннаах сүүрүгүн өксөйөн,
    Кэпсээннээх айаннаан иһэбин.

    Биэрэгэ арастаан көстөрүн,
    Айылҕа кэрэтин сөҕөбүн.
    Мотуоркам тыаһыгар бигэнэн,
    Аргыыйдык ылыыбын, туойабын.

    Ол онно барыта иһийэн,
    Иһиллиир курдуга сэрэнэн.
    Тыалара барыта уруйдаан,
    Нөрүйэн кэриэтэ көрсөрүн.

    Бэлэхтиэм сүрэҕим эйиитин,
    Умнубат түгэҥҥин биэрбиккэр.
    Махтаныам күлүмнэс күннэргин,
    Ахтыаҕым сайаҕас дьонноргун.


    * * *


    Эйэни түстүөҕүҥ

    Умнумаҥ, умнумаҥ дьонноруом,
    Өстөһүү ол туохха тиэрдэрин,
    Төлкөбүт төттөрү эргийэн
    Харахпыт уутунан сууннарын

    Сир ийэ кэлэйэн хайыһан,
    Аччыктаан сордонон өлөөхтөөн,
    Олорбут түөрэхпит түҥнэстэн
    Эрэйгэ сор муҥҥа дьылҕаҕа.

    Этэллэр куруутун, мэлдьитин
    Олохпут кээмэйэ кылгаһын.
    Тымтыкка күлүмнээн умайбыт
    Уоттарбыт сөҕөрө түргэгин.

    Барыта кыраттан үөскүүрун,
    Үөхсүһуу, ахсыһыы, охсуһуу.
    Итинник дьаллыкка кииримэҥ
    Илгиэҕин ыраахха букатын.

    Эйэлээх олоҕу тутуһан,
    Түстүөҕүн саргыны, үлэни.
    Күлүмнүүр халааммыт анныгар
    Дьолбутун уһансан ылыаҕыҥ.

    * * *

    Бу дьоро киэһэҕэ, доҕоттоор!
    Бу дьоллоох түгэҥҥэ, дьонноруом!
    Долгуйан бэлиэтиир кэрдиискэ,
    Истиҥник санаһан ылыаҕыҥ.

    Хос ырыата:
    Чэй эрэ, чэй эрэ ыллыаҕыҥ,
    Дууһабыт бу истиҥ иэйиитин.
    Үҥкүүлээн, эргийэн ылыаҕыҥ,
    Музыка алыптаах тыаhыгар.

    Үтүөкэн үөрэммит күннэри,
    Олоххо көрсүбүт түбүгү.
    Күн көмүс саастарбыт түгэнин,
    Кэпсэтэн, ахтыһан ааһыаҕыҥ.
    Хос ырыата.
    Өлүөнэ эбэбит дуолана,
    Будулҕан ол устар долгуна.
    Дойдубут олоҥхо тойуга,
    Куруутун саната туруоҕа.
    Хос ырыата.
    Ийэ сир барахсан салгына.
    Халлааммыт күлүмнэс сырдыга.
    Ыччаппыт олохпут кэскилэ,
    Төлкөбүт инники эрэлэ.
    Хос ырыата.
    Сардаана сибэкки мичээрэ,
    Алааска күөрэгэй ырыата.
    Айылҕа эгэлгэ дьиктитэ,
    Барыта олуһун кэрэтиэн.
    Хос ырыата.
    Бу күндү киэһэҕэ ыалдьыттаар,
    Үөрүүгүт, көтүүгүт чыпчаала.
    Сүрэххит алгыһын сылааһа,
    Үйэлээх махталым буолуохтун!
    Хос ырыата.

    * * *

    Сайыһа хаалыаххыт

    Кэрэгэй ычалаах эбиккит
    Этиһэн, адаарсан, охсуһан
    Олоххут оҥкулун алдьатан,
    Инники кэскили сарбынан.

    Аҕалаах ийэҕит, дьонноргут
    Өстөөҕү кыайаарга дьулуһан
    Төһөлөөх эрэйи сор муҥун
    Көртөрө, билтэрэ буолуоҕай.

    Ол ону барытын умнаҥҥыт,
    Түҥнэри дьылҕаны ылбыккыт.
    Майдааны- айдааны тэринэн
    Аймалҕан ааннарын аспыккыт.

    Кэлиэҕэ эһиэхэ сотору
    Кыһалҕа эрэйин көрөргүт,
    Буруйгут халыҥын уйбакка
    Сайыһа хаалыаххыт өлбүккэ.

    Кэрэгэй ычалаах эбиккит...
    А.Хампа

    0
    • Мичийэ Хотун
      11 марта 2014  

      Ымыыга

      сурэхтиин уорэ, дууьалыын долгуйа аахтым хоьоонноргун бар дьонно анаабыккын Саха тылын истинин, кэрэтин искэр инэрэн, таскар таьааран айан ис бар дьоннун Эн уордэ! Айар аартыгын арылыннын, айар тылын илбистэннин!
      !

      0
    • Мичийэ Хотун
      11 марта 2014  

      Ымыыга

      сурэхтиин уорэ, дууьалыын долгуйа аахтым хоьоонноргун бар дьонно анаабыккын Саха тылын истинин, кэрэтин искэр инэрэн, таскар таьааран айан ис бар дьоннун Эн уордэ! Айар аартыгын арылыннын, айар тылын илбистэннин!
      !

      0
  • Салгыыта
    11 марта 2014  

    456

    Сайыһа хаалыаххыт

    Кэрэгэй ычалаах эбиккит
    Этиһэн, адаарсан, охсуһан
    Олоххут оҥкулун алдьатан,
    Инники кэскили сарбынан.

    Аҕалаах ийэҕит, дьонноргут
    Өстөөҕү кыайаарга дьулуһан
    Төһөлөөх эрэйи сор муҥун
    Көртөрө, билтэрэ буолуоҕай.

    Ол ону барытын умнаҥҥыт,
    Түҥнэри дьылҕаны талбыккыт
    Айдааны-майдааны тэринэн
    Аймалҕан ааннарын аспыккыт.

    Кыһалҕа эрэйин ылбыккыт.
    Кэлиэҕэ сотору ытыыргыт.
    Буруйгут халыҥын уйбакка
    Сир Ийэ кэлэйиэ турдаҕа.

    Кэрэгэй ычалаах эбиккит...

    0
  • Ымыы-1
    11 марта 2014  

    Хоһоон бөҕө киирбит,Истиҥ тыл этиллибит.Наһаа үөрдүм..

    0
  • Ымыы-1
    11 марта 2014  

    Оруобуна биир сыллааҕыта -Кистэлэҥ күүс-сурунаалга биир улахан үлэм

    _Былыргы олохтон-диэн бэчээттэммитэ.Ол манна баппат.Ол иһин ,бу күннэргэ ити журналга хоһооннорбун ыыттым.Онтон Алтан сэргэҕэ көрдүүллэр.

    Кинигэ таһаарар баҕа санаалаахпын.Баҕар хаһан эмэ ол санаам олоххо киириэ:)Спонсор буллахпына.
    Редакциялааһыныгар,критикалааһынарыгар,Аан тылыгар,бэчээттэнэригэр,ырытыытыгар -көмөлөһөбүт- диир дьоннор бааллар.Кинигэҕэ бэлэмнээ-диэбиттэрэ.

    0
  • Ымыы-1
    13 марта 2014  

    Бүгүҥҥү үлэ:)

    САЙЫН,

    Хампа күөхпүт өрө анньан,
    Хара сири бүрүйбүт.
    Халдьаайыга сибэкки
    Ханыылаһа тыллыбыт.

    Хатыҥ намчы ытарҕатын,
    Хардарыта ыйаабыт.
    Халбаҥ-нарын сэбирдэҕэ,
    Хамсыы,хамсыы тыллыбыт.

    Харах таптыыр өҥүнэн,
    Халыҥ тыабыт симэммит.
    Хатыы-иннэ мутукча
    Хаарыан сыта тунуйбут.

    Хаттыгастаах киэҥ халлаан
    Хаарыс солко тардыммыт.
    Хаҥыл кэрэ былыттара,
    Хараабыллыы устубут.

    Хайгыыр кэрэ сайыным,
    Хараан кэмэ эргийбит.

    0
  • Ымыы-1
    13 марта 2014  

    Саас кэлиитэ

    Сааскы күммүт күлүм аллан,
    Сарадах уотунан ыспахтыыр.
    Сандаарыччы күлэ-үөрэ,
    Салгыбакка мичээрдиир.

    Сандал сааспыт эргиллэр,
    Сайаҕас тыынынан илгийэр.
    Сарсыардаттан миигин көрсөн,
    Сатаан булан бүөбэйдиир.

    -Саамай мааны кыыһым-диир,
    Санныбыттан кууспахтыыр.
    Салгынныран тула көтө,
    Саатыы-оонньуу эриллэр.

    0
    • бигэ52
      16 марта 2014  

      ЫМЫЫ-элбэҕи суруйбут эбиккин. Хоһоонноргун барытын кыайан көрбөтүм да буоллар аҕыйах тылга

      иҥинним-били ыарыыбын билэҕин. Баалаайаҕын.Сүгүрүйэбин-айдарыыгар. Сахалыы тыыны олохтуур туһугар улуускут олохтоохторун барыгыт көрүүтүгэр бастакы кэпсэтии сүнньүн таһаардым. Өйөөр эрэ

      0
  • А.Хампа
    16 марта 2014  

    Юбилейга

    Бу дьоро киэһэҕэ, доҕоттоор!
    Бу дьоллоох түгэҥҥэ, дьонноруом!
    Долгуйан бэлиэтиир кэрдиискэ,
    Истиҥник санаһан ылыаҕыҥ.

    Хос ырыата:
    Чэй эрэ, чэй эрэ ыллыаҕыҥ,
    Дууһабыт бу истиҥ иэйиитин.
    Үҥкүүлээн, эргийэн ылыаҕыҥ,
    Музыка алыптаах тыаhыгар.

    Үтүөкэн үөрэммит күннэри,
    Олоххо көрсүбүт түбүгү.
    Күн көмүс саастарбыт түгэнин,
    Кэпсэтэн, ахтыһан ааһыаҕыҥ.
    Хос ырыата.
    Элиэнэ эбэбит дуолана,
    Будулҕан ол устар долгуна.
    Тааттабыт олоҥхо дойдута,
    Куруутун саната туруоҕа.
    Хос ырыата.
    Ийэ сир барахсан салгына.
    Халлааммыт күлүмнэс сырдыга.
    Ыччаппыт олохпут кэскилэ,
    Төлкөбүт инники эрэлэ.
    Хос ырыата.
    Сардаана сибэкки мичээрэ,
    Алааска күөрэгэй ырыата.
    Айылҕа эгэлгэ дьиктитэ,
    Барыта олуһун кэрэтиэн.
    Хос ырыата.
    Бу күндү киэһэҕэ ыалдьыттаар,
    Үөрүүгүт, көтүүгүт чыпчаала.
    Сүрэххит алгыһын сылааһа,
    Үйэлээх махталым буолуохтун!
    Хос ырыата.

    0
  • Ымыы-1
    18 марта 2014  

    Бигэ ,ити ханнык тыллары этэргин билэбин.Биир эмэ буолуо,хайа да суруйааччыга ,поэтка кыбыллаллар

    буоллаҕа.

    0
    • эр киьи
      21 марта 2014  

      Ымыы кун сырдыгын батыьа,куёх уунэрин кэриэтэ,эн хоьоонноргун истэ,мин батыьаам этэ

      0
    • бигэ52
      21 марта 2014  

      билэбин, сэрэйэбин. Ол да буоллар атыттары билбэппин. Эйигин билэр курдукпун. Ол иһин тылыҥ

      туһугар кыһаллабын. Соруйан бааһыы буолбатах-доҕордуу көмө диэххэ дуу атын дойду хараҕа диэххэ дуу-бэйэҥ бил)))

      0
  • Ымыы-1
    21 марта 2014  

    Махтанабын Эр киһи үтүө тылларыҥ иһин.Эр дьон хоһоону сэҥээрэрин тухары эрэллээхтик иннибит диэки

    барабыт:)

    0
    • эр киьи
      24 марта 2014  

      Ымыы-1

      суруй,ай кэтэьэбин,куутэбин)

      0
      • соьуйбат
        28 марта 2014  

        эҕэрдэ эйиэхэ ымыы,дьигинэн олус билэр киьим эбиккин,суруйаар өссө элбэхтэ)

        0
  • Ымыы-1
    5 апреля 2014  

    Таптыыбын төрөөбүт дойдубун .

    Тэлибириир-илибириир,
    Тэбэнэттээх тэтиҥнэрдээх,
    Хоҥкул-иҥкил куоҕаҥныыр,
    Хотун-мааны хатыҥнардаах,
    Үөрэ-көтө үрэллэҥниир
    Үтүө- кэрэ үөттэрдээх,
    Иэйэ-куойа иэҕэҥниир,
    Имэрийэр иирэлээх,
    Тимир-чиргэл көрүҥнээх,
    Тилэри киэптээх тииттэрдээх,
    Бэйэ-бэйэттэн сиэттиһэр
    Бэртээхэй бэс мастардаах,
    Хамсыы-хамсыы өрө үүнэр
    Халыҥ харыйа тыалардаах,
    Аҥаарыйа күөгэйбит
    Айгыр-силик алаастардаах,
    Сиэдэрэйдик симэммит
    Сибэккилээх сыһыылардаах,
    Толору өҥүнэн тупсубут
    Толуу-кэрэ толооннордоох,
    Күлүм-чаҕыл үрүттээх
    Күөгэлдьийэр күөллэрдээх,
    Үрүмэччи долгуннаах
    Үчүгэйкээн үрэхтэрдээх,
    Өрөгөйдүү субуллар,
    Өҕүллэҕэс өрүстэрээх,
    Сандаарыйа мичээрдиир
    Сайаҕастай сайыннаах,
    Кылбаарыйа суһумнуур
    Кындыа,тымныы кыһыннаах
    Оҕо буолан төрөөбүт,
    Орто туруу дойдубун-
    Олус кэрэ Сахам сирин,
    Олуһун даҕаны таптыыбын.

    0
  • Ымыы-1
    5 апреля 2014  

    Саҥа хоһооннор.

    Алгыс уонна кырыыс тэҥ күүстээхтэр,
    Абырыыр да,алдьатар да кыахтаахтар.
    Иккиэн тыл күүһүттэн тиллэллэр,
    Иэнигийэн,илбиһирэн бараллар.

    Алгыс иҥтэҕинэ, өрөгөйдүөҥ.
    Аал уоккун күөдьүтэн унаардыаҥ.
    Кырыыс түстэҕинэ эн өһүөҥ,
    Кырыс сиргэ кубулуйуоҥ.

    Киһи барахсан...эн өйдөөрүүй,
    Дьыбардаахха мээнэ тыынымаарыый.
    Хата,дьоҥҥо үтүөнү эрэ баҕар
    Оччоҕо төннүө үөрүү, бэйэҕэр.

    0
  • Ымыы-1
    6 апреля 2014  

    .

    Көрсө түстүм,соһуччу,
    Эргииргэ,олоҕум суолугар,
    Өтөр көрсүбэтэх киһибин,
    Оҕо сааһым доҕорун.
    -Дорообо,туох кэпсээн?
    Саҥаран иһэммин,эмискэ
    Көрдүм үөрбүт хараххын-
    Муҥурун булларбатах таптал,
    Мууһурбатах иэйиитин,
    Арахпатах ахтылҕан,
    Ааспат аалар ыарыытын.
    Соҕотох сорсуйбут,
    Туруйа буолаҥҥын,
    Аҥардас тапталгын,
    Бүөбэйдээн ииттэҕиҥ.
    Ханыыта үүммэтэх,
    Хахыйах кэриэтэ,
    Хаарыаннаах олоххун,
    Халтайга ыыттаҕыҥ.
    Бырастыы гын дуу...
    Бырастыы гын, эн миигин.
    Күлүгэ суох эдэр саас,
    Күрэммит тапталын,
    Сүрэҕим атыны талбытын,
    Сирдээҕи олоҕу билбитин.
    Үөрүмэ даа...үөрүмэ
    Соһуччу көрсүһүүттэн-
    Аны кэлэн тиллибэт,
    Тапталбыт иккистээн эргийбэт

    0
  • Кыйы патриота
    7 апреля 2014  

    Ымыы

    дойдубут сылдьыбыт курдук сананным, олус учугэй хоьооннор. Кытаат , эссэ суруй, эн айымньыларгын кэтэьэбин

    0
  • Ымыы-1
    7 апреля 2014  

    Эн истиий...

    Истиий...олох диэн күндү даҕаны,
    Саҥа күн тахсарын үөрэ көрсөр.
    Эйиигиннин өрүү бииргэ буолан,
    Таптыыр,таптатар дьолун билэр.

    Истиий...олох диэн күндү даҕаны,
    Күннээҕи түбүктэн дуоһуйар.
    Үлэттэн сылайан дьиэбэр кэлэн,
    Оҕом үөрэн мичээрдиирин көрөр.

    Истиий...олох диэн күндү даҕаны
    Сайыҥҥы куйаас,кыһыҥҥы тымныы.
    Саас айылҕа чэчирии тыллара,
    Күһүн көмүс чуумпу долгураҥ.

    Истиий...олох диэн күндү даҕаны,
    Олоруохпун баҕарабын уһуннук.
    Куһаҕаны умнан,үчүгэйтэн үөрэн,
    Хомойбут дьоммун бырастыы гынан.

    Истиий...кэнники,барар түгэммэр
    Харыстыыр аанньалгыт буолуоҕум.
    Араҥаччылыам,эһигини көмүскүөм,
    Олоххутугар сулустуу сырдыам.

    0
  • Ымыы-1
    7 апреля 2014  

    Икки хоһоонум ырыа буолбуттарын туһунан үчүгэй сураҕы иһиттим.

    Биирэ таптал туһунан-Ыра Чаҕаан ыллыыр.Бэҕэһээ Викторияҕа сүрэхтэммит буолуохтаах.Биирин Андрюша Николаев диэн кыра киһи-Үрүйэчээн-үөһээ баар,ыллыахтаах.Ол өссө клиптаах буолар үһү.

    0
  • Ымыы-1
    15 апреля 2014  

    Тапталлаах Тааттам.


        
    Имэрийэр салгынныын,
    Илгийэр сылаастыын,
    Илгэлээх алаастыын,
    Ибирдиир долгуннуун,
    Истиҥҥин,кэрэҕин,
    Тапталлаах мин Тааттам.

    Илибириир тэтиҥниин,
    Имигэс талахтыын,
    Иилистэр иирэлиин
    Иһирик ойуурдуун,
    Истиҥҥин,кэрэҕин,
    Тапталлаах мин Тааттам.

    Иэйиилээх ырыалыын,
    Иэйинньэҥ дьоннордуун,
    Иһийбит чуумпулуун,
    Ичигэс киэһэлиин,
    Истиҥҥин,кэрэҕин,
    Тапталлаах мин Тааттам.

    0
    • эр киьи
      17 апреля 2014  

      Ымыы хоьоонноргун ааган таптаан кээстим

      0
      • Ымыы-1
        18 апреля 2014  

        Оонньуу -көр кэриэтэ.Эр киһиэхэ

        Сөбүлээтим ээ -диэҥҥин,
        Сэрэн,миэхэ этимэ.
        Умуллубатах кыымнарбын,
        Уһугуннара сатаама.
        Кутаа уот сылааһыттан,
        Куотуом -дии санаама.

        Аҕынным даҕаны-диэҥҥин,
        Аһыннара этимэ.
        Чуумпу уу дириҥин,
        Чуҥнаабакка кииримэ.
        Чугас турар кытыл-диэн,
        Чуолкай этэр буолума.

        Суохтаатым эрэ-диэҥҥин,
        Суланар буолума.
        Оттуун ,мастыын угуйар,
        Оборчоҕо кииримэ.
        Оронуоххун санаабакка,
        Оройгунан түһүмэ

        Таптаатым эйиигин-диэҥҥин,
        Таайтара этэр буолума.
        Тайыы кылаан уһугар
        Таарыйтара сатаама
        Таптарбакка куотуоххар,
        Олус наһаа эрэнимэ)))))))))))))))))

        0
  • Ымыы-1
    18 апреля 2014  

    :)Бэрт дии,




    БЭЙЭМ ТУСПУНАН.

    Дьэҥкир муора дьирибинии,
    Күөгэл -нусхал талбаарар.
    Ардыгар уордайан кэлбиттии
    Кытыл кумаҕар охсуллар.

    Үрүҥ күүгэнинэн күүрбэхтии,
    Долгун үллэн бөгдьөйөр.
    Онтон эмиэ сүтэрдии,
    Түгэх түһэн дьалкыйар.

    Эгэлгэ өҥүнэн киэмсийэрдии
    Сибэкки арааһа чэлгийэр.
    Кэрэтинэн киһиргиирдии
    Дьикти айылҕа дьэргэйэр.

    Чээлэй күөҕү сирбиттии,
    Пальма өрө харбаһар.
    Таптыы кууһан эрэрдии,
    Лиана маска эриллэр...

    Бу дьиктини билиммэттии,
    Турар балкоҥҥа,биир дьахтар-
    Хара баттаҕа үрэллэҥнии,
    Ыраах саҕаҕы одуулуур.

    Сүүһүгэр дьураа дьирбии
    Өссө ордук дириҥиир.
    Хараҕын тулатыгар бороҥ ии,
    Күлүк буолан болоорор.

    Муус- маҥан нарын илии,
    Хараҕын уутун соттунар.
    Кыламана илибирии
    Көтүөх курдук сапсынар.

    -Ырааххыан,уо... ырааххын ньии!-
    Аргыый кини өрө тыынар.
    -Дойдубар тиийбит киһи дии
    Тапталлаах алааспар.

    Онно күһүн,көмүһүнэн симии,
    Хаамтаҕа чараҥым быыһыгар.
    Иирэ талах ибигирии,
    Турдаҕа үрэҕим үрдүгэр.

    Айылҕа налыйдаҕа иһийбиттии,
    Тыаллыын кытта уоскуйан
    Күндү күммүт тэйбиттии,
    Мээнэ сырдыы умайан.

    Дьахтар турар тэһийбэхтии-
    Дьикти дойдуну одуулуур.
    Бу сири санаабат кини,тэҥнии
    Төрөөбүт Сахатын сиригэр.

    Бэйэтиттэн кэлэйбиттии,
    Кини ааҥҥа эргиллэр.
    Мантан ыла эмиэ кэтэһии,
    Тууйар муҥа эрийэр.

    0
  • Ымыы-1
    18 апреля 2014  

    .

    Таах олоруохтааҕар



    Эн тиит эбитиҥ буоллар,
    Хатыҥ буолан, сыста үүнүөм этэ.
    Эн күөл эбитиҥ буоллар,
    Хомус буолан суугунуом этэ.
    Эн таас хайа эбитиҥ буоллар,
    Тыал буоламмын кууһан ылыам этэ.
    Эн сүүрүктээх өрүс эбитиҥ буоллар,
    Далаһа буолан тардыһа сытыам этэ.
    Эн сулус эбитиҥ буоллар,
    Ый буоламмын имэрийэн ылыам этэ.
    Эн күн эбитиҥ буоллар,
    Былыт буоламмын ууруом этэ
    Эн күнүс эбитиҥ буоллар,
    Түүҥҥү хараҥаҕа суурайыам этэ
    Ону баара... эн киһигин
    Көрүстэрбин умса көрөн ааһыам этэ.

    0
  • Ымыы-1
    18 апреля 2014  

    Ыраах айаҥҥа бардым.Ый аҥаарынан кэлиэм.

    Бу ыйга Кистэлэҥ күүс-журналга тахсыбыттар,Хоһооннорум

    0
  • Ымыы-1
    18 апреля 2014  

    Миитэрэйгэ.

    Көрүүй мин диэки, Миитэрээй!
    Тоҕо эмиэ кытарда сирэй.
    Сиэрэй сонун нэлэккэй
    Туттуу,хаптыы мааны-дэлэгэй.

    Саҥан- иҥэн бүгүн дьэ дэлэй,
    Ол эрээри кыратык кэлэҕэй-
    Эйиигин кытта ким тэҥнэһиэй
    Эн бааргын, өрүү сибэтиэй.

    Кэпсээниҥ да ол тэҥэ-сиикэй.
    Хамсыыр уоһуҥ -сыалаах тэллэй.
    Ханньаҥныыр,ырбаҥныыр сирэй
    Тугуҥ эмиэ минньигэс мичээрэй.

    Эн обургу сырыыгын ким ситиэй,
    Кутуйах хороонун кэҥэтиэй.
    Хайа кыыс илиигиттэн сиэтиэй,
    Сирэй -харах анньыллан сириллиэй.

    Бүгүҥҥү санааҕар баҕар эн киэркэй,
    Эн баҕаҕын ким кэлэн мэһэйдиэй...
    Хайа сарсын эмиэ күн үүнээрэй
    Уруу аймах сэмэлээрэй.

    Маннык туруккун хайа киһи сэргиэй
    Чэ бар тургэнник,дьиэҕэр тиэтэй.
    Арыгыны иһимэ,хата таптаа-иэй
    Киһи бэрдэ буолуоҥ, итэҕэй.

    0
    • эр киьи
      19 апреля 2014  

      Ымыыга

      спасибо,астынабын агай.супер.суруйууй миэхэ

      0
  • сугуруйэр
    27 апреля 2014  

    ымыы

    Олус да учугэй хо5ооннор ки5и дуу5ата сынньанар санаата кэлэр уоруох котуох санаам кэллэ. Кер эрэ Таатта5а тахсан эрэр биир ча6ылхай сулус баар эбит диэммин ердум.Чэ кытаат суруйан ис. Сорох хо5оонноргун аахпыт эбиппин уонна бу бугун аа5аммын дьин чахчы дуо5уйууну ыллым.Махтал эйиэхэ эн талааннарсугуруйдум. Кинигэ5ин кэтэ5эбин,эрэнэбин,итэ5эйэбин маннык талаан таах хаалыа суо5ар дьон сэргэ билиниитин ылыаххар.Ба5арабын туох баар кэрэни дьолусоргуну,сырдыгы ыраа5ы

    0
    • семен
      29 апреля 2014  

      хоьоон

      Сэргэх, сонун санаалар, тыл-ес учугэй. ымы онтон бэйэн теье кэрэ5иний? лирика5а сыьыаннаах айар киьини биьиги эр дьон хаьан ба5арар сэнээрэрбит биллэр суол. Билигин кинигэни таьаартарар диэн проще простого буолла5а дии.Харчы эрэ наада, онорор тэрилтэни бэйэн тала5ын, кэпсэтэ5ин....

      0
      • дайаана
        1 мая 2014  

        ымыы

        миирнэй таатталарыттан истин-иьирэх хоьооннорун иьин махтал!саха тылын сумэтин инэриммит чахчы да учугэй хоьооннор.астынным.кытаат оссо да айа тур!о5олорун-кинигэлэрин кун сирин кордуннэр!бары сырдыгы утуону ба5арабын.

        0
  • Ымыы-1
    3 мая 2014  

    Дьэ кэллим ыраахтан,омук сириттэн.Наһаа да үчүгэй тыллар кэтэспиттэр эбит.

    Барыгытыгар махтанабын.Уонна бу бүгүҥҥү хоһооммун таһаарабын.Баҕар сиикэй буолуо:)


    Аҕынным даҕаныы... эйиигин,
    Тапталлаах төрөөбүт дойдубун.
    Сүрэхтиин ,дууһалыын тардыһан
    Эйиэхэ талаһар эбиппин.

    Баҕардар кырыанан кылбайдын,
    Бүтүннүү хаарынан да бүрүннүн.
    Баҕардар тымныынан оргуйдун,
    Сытыы чысхаан да тыалырдын.

    Ама хайа дойду тэҥнэһиэй,
    Сандаарар сыып-сырдык дьүһүҥҥэр.
    Ама хайа дойду тэҥнэһиэй,
    Кылбайар ураты көстүүгэр.

    0
  • Ымыы-1
    3 мая 2014  

    Сиппэтэх хоһоон.

    Сөҕөбүн айылҕа уһуктар,
    Сөҕүмэр аптаах күүһүн.
    Сөҥөн сыппыт Сир ийэ
    Сөллөн тыллан тахъсарын.

    Сөбүлүүбүн,сөрүө- күрэҥ,
    Сөкү,дулҕа алааска
    Сөмүйэ төбөтө түү мээчик
    Сүүһүнэн ньургуһун быгарын....

    0
  • Ымыы-1
    7 мая 2014  

    Саас

        

    Чээн...
    Сирбит кырса көҕөрбүт-
    Эриэккэс сытынан тунуйбут.
    Түүлээх төбө ньургуһун,
    Сиртэн быган сэрбэйбит.

    Халаадаайа тэлээрэн,
    Саас сэгэйэн кэллэҕэ.
    Хардыылаабыт сирин аайы,
    Күөх от өрө астаҕа

    Чараас солко былааттаах,
    Чараҥ устун хаамтаҕа.
    Оргууй,оргууй хара тыаны,
    Имэрийэн ыллаҕа.

    Алаас,сыһыы иэнигэр,
    Сибэкки оһуорун астаҕа.
    Таалалаабыт сиригэр,
    Таптал кыымын сахтаҕа...

    Чээн....
    Сирбит кырса көҕөрбүт-
    Эриэккэс сытынан тунуйбут.

    0
  • Ымыы-1
    8 мая 2014  

    Сакааһынан хоһоон

    Күөх сааһы мин үөрэ көрсүөхпүн,
    Күөрэгэй көтөрүн көрүөхпүн,
    Күлэр күн уотугар умсуохпун,
    Күөгэйэр долгуннуун устуохпун

    Доҕоруом мин диэки эн көрүүй,
    Долгуйа мичээргин бэлэхтиий.

    Күйгүөрэр чыычаахтыын ыллыахпын,
    Күүлэйдиир чараҥҥар тыллыахпын,
    Күндээрэр халлааны сөҕүөхпүн,
    Күлүмнүү-сандаара түһүөхпүн .

    Доҕоруом мин диэки эн көрүүй,
    Долгуйа мичээргин бэлэхтиий.

    Күүтүүлээх тапталбын булуохпун,
    Күүстээх эн илиигэр ууллуохпун,
    Күндү сиик-оҕуруо буолуохпун,
    Күлүмэх иэйиигэ сүтүөхпүн.

    Доҕоруом мин диэки эн көрүүй,
    Долгуйа мичээргин бэлэхтиий.

    0
  • Ымыы-1
    14 мая 2014  

    .

    Доҕоруом бэлэхтээ,
    Иэйиилээх тыллары.
    Ып-ыраас тапталгын-
    Сүрэххин кытары.
    Оччоҕо дьоллонуом,
    Сыллары курдары.
    Махтаныам эйиэхэ,
    Үйэ- саас тухары.

    Кэлбитим бу сиргэ,
    Аналбын булаары
    Чаҕылхай сулуһу,
    Ытыспар тутаары.
    Өр да өр күүппүтүм
    Үөрүүттэн тыллаары.
    Таһымныыр дьолунан
    Толору туолаары

    Мин бүгүн ыллыыбын,
    Тапталы туойаары,
    Ол ырыам тылларын
    Эйиэхэ анаары.
    Сэгэрбэр тиийэммин,
    Этиэҕим хардары.
    Уулларыах даа,бииргэ
    Түһүөхтээх хаардары.

    0
  • Ымыы-1
    14 мая 2014  

    Баарбын аһа.Тапталлаах Тааттабыттан харыс да халбарыйар санаам суох:)

    0
  • Ымыы-1
    15 мая 2014  

    .

    Тууйуллабын ,хаайтарабын,
    Тумнаста да сыһабын.
    Тулуйбаппын,сылайабын
    Туймаарыйан барабын.

    Туллук буолан көтүөх тылбын,
    Тууйдахпына,хаайдахпына.

    Тууга киирбит балык курдук,
    Турукка мин киирэбин.
    Тула өртүм туманныран
    Тууйуллабын ,ыксыыбын.

    Тууһугуран барыах тылбын,
    Тута баттыы хаайдахпына.

    0
  • Ымыы-1
    15 мая 2014  

    Ити черновигын ыыппыппын)))))))))))

    Тууйуллабын ,хаайтарабын,
    Тумнаста да сыһабын.
    Тулуйбаппын,сылайабын
    Туймаарыйан барабын.

    Туллук буолан көтүөх тылбын,
    Тууйдахпына,хаайдахпына.

    Тууга киирбит балык курдук,
    Турукка мин киирэбин.
    Тула өртүм өлбөөдүйэн
    Тумарыкка мунабын

    Тууһугуран барыах тылбын,
    Тута баттыы саптахпына.

    0
    • эр киьи
      15 мая 2014  

      Кунду Ымыы

      ис сурэхпиттэн махтанабын хоьоонноргор.Таастан ууну ыгардыы,тыл аптаагын,амтаннаагын,огуруо курдук тиьэннин,дьоннор,сэргэгэр аныырын,сырдыктан,сырдык,кэрэттэн,кэрэ)номербын хааллардахпына биллиэн?
      айылгалаах бэйэгин билиэхпин багарабын..

      0
  • Ымыы-1
    17 мая 2014  

    төрөөбүт тылбын таптыырым бэрт уонна биллэн турар Тааттабын.

    Төрөөбүт дойдум

    Толугуруур сүрэҕим
    Тохтоон хаалбат таптала,
    Тоһуттубат өйүм-санаам
    Тордоҕурбат иэйиитэ-
    Тоҥ,муус үллүктээх, Сахам сирэ-
    Төрөөбүт дойдум барахсан.


    Тостор, томороон тымныылаах,
    Тохтоон бүппэт чэлгиэннээх,
    Тоҥкуруун,тыйыс көрүҥүн,
    Тохтор кырыа сэбэрэҥ-
    Тохтоппот эйиэхэ тапталбын
    Толору истиҥ иэйиибин.

    Томтордордоох алааһым
    Томторҕолоох ньуурдарын,
    Толоон сыһыы кылбайар
    Толбоннурар сырдык иэнин-
    Толомон сырдык кэрэтин
    Туохха тэҥниир үһүбүөн.

    0
  • blMblbl
    20 мая 2014  

    .

    Күөрэгэй дьырылыыр,
    Күөх быйаҥ алааһым,
    Күөгэйэ долгуйар,
    Көбөөбүт отторун,
    Көҕөччөр күөх атым
    Күөнүнэн кэстэрэн,
    Көтүөхтүү сиэллэрэн,
    Көтүтэн иһэбин.

    Көҥкөлөй хара тыам,
    Көмнөҕүн уулларан.
    Көҕөрөн кэлбитэ,
    Көрүөххэ кэрэтиэн.
    Күөл наҕыл урсуна
    Күөх мууһун бүтэрэн
    Күндээрэ күлбүтэ
    Кэрэтин эбитиэн.

    Күлүмэх айантан
    Көлөһүн аллыбыт
    Күүстээх мин доҕорум,
    Көнтөһүн тутаммын,
    Көмүстээх ыҥыырбар
    Күн уотун оонньотон
    Киириэҕим тиэргэммэр,
    Көһүппүт сэгэрбэр.

    0
    • Хаачылаана
      22 мая 2014  

      куорэгэй

      Айылга барахсан уьуктар кэмин хомогой тыллаах хоьооннорун иэйиини оссо диринэтэн суолталаан биэрэллэрэ эчикийэ кэрэтиин!

      0
      • эр киьи
        22 мая 2014  

        ааппын кеьуппут сэгэрин дэнэбин аны)

        браво!туран эрэ таьынабын,спасибо)

        0
  • blMblbl
    23 мая 2014  

    Саҥа хоһоон тахсарын көһүтэриҥ бэрт буоллаҕа дии,сэгээр:)

    Бүгүҥҥү үлэм.

    Күнтэн көмүс кыырпахтар,
    Күлүмүрдээн тохтоннор,
    Күөлбүт ньуурун устунан,
    Күлүм-чаҕыл ойбуттар.

    Кылбачыйа ыһыллар,
    Кып-кыракый кыымчааннар.
    Күнтэн түспүт кыргыттар,
    Кырадаһын кыымчааннар,

    Күөгэлдьигэс долгуҥҥа
    Көтөхтөрөн сүүрэллэр.
    Кытыл отун таарыйаат,
    Кылыыҥкайдаан куоталлар.

    Күөх сайынтан дуоһуйан,
    Күөлбүт үөрэн сандаарбыт,
    Күүтэр,ахтар кэмэ кэлэн
    Күндээрийэ мичээрбит.

    0
    • бэһиэлэйдэр
      25 мая 2014  

      ымыы

      маладьыас биһи эйиигинэн киэн туттабыт ,. өссө да күнтэн күн элбэх айымньынылаах үлэни. дьүөгэлэри

      0
    • о5о саас дьуегэтэ
      28 мая 2014  

      сана хоһооҥҥо

      Бэрэбит күөлүн хоһуйдун махтал хомоҕой тыллаах хоһоонун иһин

      0
  • blMblbl
    30 мая 2014  

    .Бу хоһоонум ыоыа буолан бэҕэһээ сүрэхтэннэ.Марианна Романова-Тайыына мел.Бүөккэ Бөтүрүөп аранжиров.

    СЭГЭРБЭР.

    Сиэдэрэй киэргэлбин
    Ситэри иилинэн,
    Симэхтээх аппынан
    Сэргэҕэ кэлэрбин,
    Сүрэхтиин манньыйа
    Сэҥээрэ көрүөҥ дуо?

    Долгураҥ сирэмҥэ
    Долгуйа устарбын,
    Дугуй күөх алааспар
    Дугунан хаамарбын,
    Доҕорум эн- диэҥҥин
    Дуоһуйа көрүөҥ дуо?

    Талыыкан айылҕам,
    Талба күөх үөһүгэр,
    Таһымныыр иэйииттэн
    Таһыччы долгуйан,
    Тапталым эн -диэҥҥин
    Таайтара көрүөҥ дуо?

    Тэһии,сиэр аппытын
    Тэһиинин тутаммыт,
    Тэҥкэ тиит үрдүнэн
    Тэмтэйэр күн суолун
    Тэлэммит барыахпыт,
    Тэҥнээхтэр булсаммыт.

    0
  • blMblbl
    30 мая 2014  

    .Бу хоһоонум ыоыа буолан бэҕэһээ сүрэхтэннэ.Марианна Романова-Тайыына мел.Бүөккэ Бөтүрүөп аранжиров.

    СЭГЭРБЭР.

    Сиэдэрэй киэргэлбин
    Ситэри иилинэн,
    Симэхтээх аппынан
    Сэргэҕэ кэлэрбин,
    Сүрэхтиин манньыйа
    Сэҥээрэ көрүөҥ дуо?

    Долгураҥ сирэмҥэ
    Долгуйа устарбын,
    Дугуй күөх алааспар
    Дугунан хаамарбын,
    Доҕорум эн- диэҥҥин
    Дуоһуйа көрүөҥ дуо?

    Талыыкан айылҕам,
    Талба күөх үөһүгэр,
    Таһымныыр иэйииттэн
    Таһыччы долгуйан,
    Тапталым эн -диэҥҥин
    Таайтара көрүөҥ дуо?

    Тэһии,сиэр аппытын
    Тэһиинин тутаммыт,
    Тэҥкэ тиит үрдүнэн
    Тэмтэйбит күн суолун
    Тэлэммит барыахпыт,
    Тэҥнээхтэр булсаммыт.

    0
  • belex83
    30 мая 2014  

    харагым сылайыар дылы аахтым... астык ди...:)))

    0
  • blMblbl
    1 июня 2014  

    Бүгүҥҥү үлэм.

    КЫСЧААММАР.

    Кып-кырачаан кыысчааным,
    Сүрэҕим улахан таптала.
    Илиибэр ылан көтөхпүт
    Сиргэ булбут мин дьолум.

    Түөспэр ыксары кууһабын
    Нарын-намчы сэгэрбин.
    Оргууй сыллаан ылабын-
    Минньигэс да сыттааххын,

    припев.

    Истиий, ийэҥ эйиигин,
    Күүскэ да күүскэ таптыыр.
    Кып-кыра бэйэҕин
    Күҥҥэ ыйга тэҥниир


    Эн олохпор кэлэҥҥин
    Миигин толору дьоллоотуҥ.
    Эйиигинэ суох мин хайдах
    Олорбутум эбитэй.

    Сүрэҕим өр күүппүт үөрүүтэ,
    Дьолум,иэйиим барыта
    Эн эрэ буоллуҥ кыысчааныам
    Эн эрэ,эн эрэ кырачааныам

    припев.

    Истиий, ийэҥ эйиигин,
    Күүскэ да күүскэ таптыыр.
    Кып-кыракый бэйэҕин
    Күҥҥэ ыйга тэҥниир

    0
  • эр киьи
    1 июня 2014  

    привет печкага бааргын?

    0
  • blMblbl
    2 июня 2014  

    Эҕэрдэ.Печка диэни истибитим.Былыр:)

    0
  • blMblbl
    4 июня 2014  

    Дьүөгэбэр

    Санааргыыр мунчаарар кэмнэргэр,
    Санныбар төбөҕүн хоҥкутан
    Санньыйан олоро түһэҥҥин,
    Санааҕын этэриҥ буоллар дуу.

    Саҕаһа саҕаммыт күөдьүтүөх,
    Самныбыт ырабыт кутаатын.
    Сабыылаах куппутун сэгэтэн
    Сайаҕас иэйиини киллэриэх.

    Саарбахтыы,саараҥныы барымыах
    Сарсыҥҥы күн үтүө буолуоҕар.
    Саһарҕа кыымынан ыспахтаан,
    Сарсыарда үрүҥ күн тахсыаҕар.


    Сатаммат эбээт эн биһикки
    Самнарбыт,тосторбут,сүтэрбит-
    Сайыҥҥы куйааһы эргитэн,
    Сайдам ыал тирэҕэ аатырыах.

    Саспыты,ааспыты,сүппүтү
    Сайыһан тохтооммут турумуох,
    Саманнык мэлдьитин өйөһөн
    Салгыахха олохпут аартыгын.

    0
  • blMblbl
    5 июня 2014  

    Хоһоону сэҥээрэриҥ наһаа үчүгэй.Киһи санаата көтөҕүллэр:)

    0
    • эр киьи
      6 июня 2014  

      хайдах сэнээриэм суогай.бэйэм кыратык кистээн хоьоон суруйабын

      нуемэрбин?

      0
  • ЫМЫЫ
    18 июня 2014  

    .

    Хопто айманар хаһыыта,
    Санаабын бүтүннүү аймаата.
    Доҕорун ыҥырар саҥата,
    Мин уйан дууһабын уйгуурта.

    Истиий дуу эн, доҕоруом
    Таптал хаһан да уостубат.
    Бу олохтон барар кэмҥэ,
    Үөһээ көтүө, хопто буолан.

    Ханнык да ыардары уҥуордуур,
    Күүстээх таптал баар, бу олоххо.
    Дьылҕа хаан ыйааҕар бэриммэт,
    Өрүү сырдык аналлаах иэйии.

    Истиий дуу эн, доҕоруом
    Таптал хаһан да уостубат.
    Бу олохтон барар кэмҥэ,
    Үөһээ көтүө, хопто буолан.

    Хоптолор кылбаара көттүлэр,
    Ситтэрбэт ыраны батыһан.
    Холкутук талбаарар урсуннаах,
    Хомо күөх долгунун үрдүнэн.

    Истиий дуу эн, доҕоруом
    Таптал хаһан да уостубат.
    Бу олохтон барар кэмҥэ,
    Үөһээ көтүө, хопто буолан.

    0
    • эр киьи
      18 июня 2014  

      наьаа учугэй хоьоон)Спасибо*

      0
      • Ымыы
        23 июня 2014  

        Эбэм хатыҥа уонна Үрүйэчээн диэн мин тылларбар

        ырыаларга вилеоклип устан эрэллэр үһү :-)

        0
  • blMblbl
    27 июня 2014  

    Эйиэхэ

        
    Улахан тапталым
    Уохтарын көбүтэн
    Ууллардыҥ сүрэхпин
    Уот кутаа күөдьүтэн .

    Угуйар мин кутум
    Уоскуппат, утуппат.
    Уонна дьэ хантан
    Уоскулаҥ булуомуй?

    Уо, араас санаалар
    Уон араас өҥнөнөн
    Уот кустук буоланнар
    Уйгуурда аймыыллар.

    Уолукпар саһыарбыт,
    Улахан тапталым
    Умнуллуон кэриэтэ,
    Умуллуом буоллаҕа.. .

    0
    • луна
      27 июня 2014  

      ымыы

      дьэ, доо, бэрт хоһооннор быһх, эмиэ да, эчи элбэҕин.

      0
    • Ымыы-1
      17 ноября 2014  

      .

      КЫРДЬЫЫ! ЭН ОЛОХ ЫКСААМА....


      Кырдьыы эн кыыһыраҥҥын,
      Кыламаҥҥын арыйаҥҥын
      Кырыктананан,уордайан ,
      Кынчарыйа көрүмэ.

      Кыыс оҕолуу хап-хара,
      Кылбачыгас суһохпун
      Кырымахтаах өҥүнэн
      Кырааскалыы сотума.

      Кыра оҕо сааспыттан
      Кылыыҥкайдаан улааппыт
      Кырдалларбын булаҥҥын,
      Кырыа оһуор анньыма.

      Кырыымпалаах ыллыы түһүүм,
      Кыталыктыы көтө дайыым
      Кыратык эн күүтэ түһүүй
      Кырдьыы! эн олох ыксаама.

      0
  • blMblbl
    3 августа 2014  

    .


    Кыталык үҥкүүтүн көрдүм мин
    Кырдалым күөх унаар иэнигэр.
    Киэргэнэн чэлгийэ тыллыбыт
    Кытылга киэҥ эбэм үрдүгэр

    Кырпай от үрдүнэн кылбаһан
    Кынтаһан кылыыҥкай ойдулар
    Кытархай атахтар кылыйан,
    Кырыска тэҥ оһуор астылар.

    Кыыс кэрэ,бу дьикти көтөрдөр
    Кыраман үөһэттэн түһэннэр
    Кырдьык дьэ, дьолунан толорон
    Кыракый сүрэхпин үөртүлэр

    Кылбаарар кынакка уйдаран
    Кытылы кырыйа дайдылар
    Кыҥкынас ырыаны түһэрэн
    Кыйааран үрдүккэ көттүлэр.

    0
  • blMblbl
    6 августа 2014  

    Саҥа хоһоон

    Өр да буолан баран дьэ кэллим
    Оҕо сааһым ааспыт сиригэр.
    Сибэкки арааһын бүрүммүт
    Күөх,уйгу быйаҥнаах алааспар.

    Кып-кыра кыысчаан бу манна
    Сибэкки быыһынан сүүрэрим
    Күөх нуолур оттору кэһэммин
    Дьэрэкээн лыахтары сырсарым.

    Ийэлээх аҕабар сиэттэрэн
    Бу ыллык устунан хаамарым
    Санаабар ол кэмҥэ миигинниин
    Күн кытта мичээрдиир курдуга.

    Мин бүгүн дьэ кэлэн турабын
    Ахтылҕан абыгар куустаран.
    Тапталбын долгуйа этэбин,
    Төрөөбүт алааспар,дойдубар.

    1
  • Үйэбэр батакы хоһоонум
    14 августа 2014  

    Быыбар

    Бэрэсидьиэн бэрдэ
    Бэрииһэп бэйэлээх
    Быстатык сананан
    Билиигэ бэрдэрэн
    Баар бары бастыҥын
    Былдьаппат былаантан,
    Баһылык буолууга
    Быһалыыр баҕатын
    Буучуҥҥа биллэрэн,
    Быыһык быыс болдьоххо
    Баһылык быраабын
    Бэрт бүөмнүк бэрдэрдэ.
    Бэлиитик Бэрииһэп
    Бэйэтэ бэрийбит
    Быыбарын быраабын
    Букатын билбэттии
    Болҕомто биэрбэккэ,
    Былааһы барытын
    Бүтүннүү былдьаары,
    Баһылыыр баҕаттан
    Бастакы буолаары,
    Баар бары быһыыны
    Букатын билиммэт.
    Бэрээдэк буорайбыт,
    Билиитэ буомурбут.
    Бэркиһиэх быатыгар
    Букатын буорайбыт.
    Биэтэги былдьаһа
    Быһалыы баттаһа
    Быыбары биллэрии
    Быданын билбэккэ
    Буулдьалыы барбыта
    Быданнаата былааннаах.
    Баһылык буолары
    Былдьаһар баарыныы,
    Бириэмэтин билбэккэ
    Быһаастан бэрдин
    Буут быста быыппаһынна.
    Быыллыйбыт бырысыыптан
    Бииһирбит буочарынан
    Бырагыраамманы
    Былааннаан бооччойдо,
    Быстахтык бэчээттээн
    Былакаат бырахта:
    “Баһылык буолларбын...
    Буолунай буолуоҕум
    Биллибэтэх, булбатах
    Баараҕай баай баарын
    Бүтүннүү барытын
    Бэйэбит былдьыахпыт.
    Былыр, бу билигин
    Билбэтэх баайгытын
    Барытын булуоҕум.
    Байылыат бөҕөтө,
    Барыыстаах бастыҥа
    Бааьынай буолуоҕа.
    Буучуну буккуйан
    Бүддьүөтү бойумнук
    Быстарыам, байытыам
    Бүддьүөттээх барыта
    Байарга барыаҕа.
    Бэтэрээ биэрэккэ
    Быһалыы быыппастан
    Буруолуо боробуос.
    Боччум баай быйаҥнаах
    Буолуоҕа бэрэбиэс.
    Бородуукта бөҕөтө,
    Бириллийээн бэрдэ,
    Баҕарбыппыт барыта
    Баар буолуо барыта.
    Баьылык буолларбын...
    Барыгыт байыаххыт!”
    Былаанын биллэрэр,
    Бырыһыан былдьаһа
    Бырда быста быыппаста
    Быданнаабыт барбыта.
    Булуҥнаах Баатаҕай,
    Бүлүү, Байаҕантай,
    Быралыйар Бытантай
    Бары быдан бөһүөлэк
    Быыбар буолар бэлиэтин
    Билбиттэр бэриэтин.
    Бириэмэтэ бэлиэрин
    Бэркиһииллэр бүтэйдии.
    Быраабы билбэттии,
    Баар балаһыанньанан
    Бүөмчутук биликтээн
    Баалкылыыр былааннаах,
    Быыбары былдьаһыы
    Буолла, барда быһыыта!
    Бээрэ, бэрдин баҕаһын,
    Бэйэтэ бэйэтинэн
    Бэрээдэги быһалаан
    Бэриэттээн былдьаһа
    Бэтэрээнэн былаанын
    Билэ-билэ “билбэттэргэ”
    Билиһиннэрдэ, бэрийдэ.
    Биири, баардыы бэлиэтиир:
    Бэрииһэп бэрэсидьиэн
    Былаас бэрдин биэрбит.
    Барыларын быыһаабыт
    Баһылыкпыт бастыҥа
    Буолбут быһа-бааччы.
    Баар балаһыанньаттан
    Барытыттан биллэххэ
    Барыыһаппыт быһата
    Бэртээхэй бэдэри
    Бэриэскини бөрөөрү,
    Бэриннэрэр баҕаттан
    Бырыһыанын байыта,
    Быраап бастыыр былааннаах
    Былдьасыһа, бысыһа
    Бэркэ билэ-билэ
    Бэриэттиирэ билиннэ!

    0
  • Ымыы-1
    31 августа 2014  

    Бастакы кинигэм-Көтөбүн ырабын батыһа-диэн ааттанан тахсар Балаҕан ыйыгар күн сирин көрүө.

    Таҕыстаҕына манна биллэриэм.Ылан ааҕаарыҥ.400 экз.тахсыаҕа.

    0
  • хоьоон аагааччы
    16 сентября 2014  

    хоьоон

    ОО дьэ ытыктабыллаах Ымыы хоьооннорун учугэй истин багайы ис хоьоонноохтор астына аага олорон бутэьигэр БЕА уогэн суруйбуккун ааган сирэйгэ бэриллибит курдук сананным. Олус хомойдум БЕАны итинник куьуган буолуо дии санаабаппыт уонна оттон таатталары олох ыкса оссо биир оройуон курдук саныыр этим чугастык.Ч э ол гынан баран киьи мненията арааьынай да наьаа баьан суруйбуккун дии.Чэ ситиьиилэри оссо да учугэй ис хоьоонноох айымньылары айаргар. Чурапчыттан эбээ

    0
  • Ымыы-1
    16 сентября 2014  

    Уой,ити мин хоһоонум буолбатах ээ.Бэйэтэ да быһаарбыт дии.Үйэбэр бастакы хоһоонум диэн.

    0
  • эбээ
    17 сентября 2014  

    хоьоон

    Аа ити киирэн атын киьи суруйбут хоьооно диэ ээ оччо бырастыы гын мин просто корбокко аллара ааган киирэ турбутум.

    0
  • Ымыы-1
    17 сентября 2014  

    Ааһа атын дьон киэннэрэ быыһыгар бааллар ээ:)

    Арай оҕо буолан иккистээн төрүүм,
    Арай бу сиргэ иккистээн төннүүм
    Талыам этэ дуо бу олохпун
    Табыллыбыт дуу табыллыбатах дуу дьылҕабын?

    Арааһа..түгэн да тохтуу түспэккэ,
    Кыратык да саарыы барбакка,
    Кэлиэм этэ таптыыр дьоммор,
    Ийэбэр,аҕабар.Тапталлаах Тааттам сиригэр.

    Талыам этэ күндү доҕотторбун,
    Бииргэ төрөөбүттэрбин,оҕолорбун.
    Ыраах,чугас аймахтарбын,
    Соҕотох таптыыр киһибин.

    Ол аата...ол аата бу олохпор,
    Кэмсиммэт гына олорбуппун.
    Ол аата киһи буолан төрөөммүн
    Дьолу билбит эбиппин.

    0
  • Садайаана
    10 ноября 2014  

    Бу хоьооннору

    ырыа онорон ыллыахха соп дуо?Баьаалыста номергытын хааллара5ыт дуо?

    0
  • саха уола
    12 ноября 2014  

    ымыы дьонтон ылыма тыллары

    учугэйдик улэ5ин толор. сугун улэлээбэт дииллэр хоьоон айарга

    0
  • Ымыы-1
    17 ноября 2014  

    Киһи киһини ордук саныыра куһаҕан.Киһилии сирэйгин сүтэримэ хайа да түгэҥҥэ эдэр киһи.

    Хоһоонум хомуурунньуга таҕыста.Көтөбүн ырабын батыһа-диэн ааттаах.Ытык Күөлгэ -Тысячи мелочей маҕаһыыҥҥа баар.Куоракка Арчы дьиэтигэр уонна Дойдубар улахан тэрээһиннэр,кинигэм презентациялара буолан аастылар.Дойдум дьонугар,аймахтарбар,доҕотторбор уонна мин үлэбин сэҥээрээччилэргэ махталым муҥура суох

    Ырыа хоһоонугар үлэлээбитим биир сыл буолла.Отучча хоһооҥҥо мелодия сурулунна.Өссө биир оччону күүтэбин.
    Эһиги биир дойдулааххыт Ирина Колодезникова-Ымыы тел-89841093386.

    0
  • Pioner_14
    4 июня 2015  

    ырыа суруйуох баара эбит

    0
  • андрей333
    5 октября 2015  

    Ымыы бу мин эйиэхэ ыалдьыттыым дуу кылгастык.

    андрей333
    Куех тыам сэбирдэгин, куьунну тыал тонообут.
    Мэник тыал , мэниктээн оонньообут эргичийэ.
    Уеьээ куех халлаанна тиийдэрбит Диэбиттии.
    Тиит мастар , тупсан ,дьыраллан ыксаласпыттар.
    Хатын мастар , томмуттуу , кумуччу туттубуттар.
    Хаарыан куех солко, сэбирдэхтэрин суохтаабыттыы.
    Хаьан бу дьыл,урун хаар , сагынньагынан буруйэрин.
    Куутэллэр эбээт бука бары тымныыттан саьаары.
    Алаас куелэ лынкыныы томмут , долгуна саспыт.
    Хара тыа ырыаьыт чыычаахтарын суохтаан ,иьийбит.
    Арай Ханна эрэ тонсогой тоьугуратар тохтообокко.
    Кемнех устун оносто оносто хаамаллар куртуйахтар.
    Улар барахсан улуутумсуйан,олоотуур тулатын .
    Тиит модун лабаатыгар олорон, ененнуур дьиппиэнник.
    Ааьан иьэр айанньыт тохтоон , ол сууллубут маска.
    Олордум сынньана , быыкаа моготой уербуттуу.
    Тобукпар олордо ,ытыспыттан килиэп тоорохойун.
    Уллэстэр ардыгар ыксаан муччу тутаахтыыр.
    Куьунну кун кылгаьыан , кун номнуо ырааппыт.
    Санныбар кылбаа кыьыл кепсеркей кутурук тииннэрим.
    Сырыстылар ахтыбыттыы , кулгаахпар сибигинэьэн .
    Кэпсииллэр омуннаах сонуннарын , утуруьэ анньыалаьа.
    Атаардылар Хардан эьэлэр , арыаллаан оргууйдук.
    Сырсаллар берелерум эрэллээх доготторум тулабар.
    Кукаакы тойон ,мэкчиргэ харысхал аттыбар кетеллер.
    Хара тыам , хоьоон остуоруйа дойдута долгуйа.
    Аны хаьан кэлэгин , кэтэьиэм Диэбиттии нагыллык.
    Эргиллэн далбаатаан , сотору диэтим мин уйадыйа.
    сырдыгы былдьаьан инним диэки тиэтэйдим дохсуннук.
    Андрей333 , 2015 сыл,

    0
  • UIY92
    6 октября 2015  

    Тайах, таба муоьун атыылаьабын, мэлдьи, любой туруктаа5ы. тел 89141137969, смс звонок.Тайах, таба муоьун атыылаьабын, мэлдьи, любой туруктаа5ы. тел 89141137969, смс звонок.Тайах, таба муоьун атыылаьабын, мэлдьи, любой туруктаа5ы. тел 89141137969, смс звонок.Тайах, таба муоьун атыылаьабын, мэлдьи, любой туруктаа5ы. тел 89141137969, смс звонок.

    0
  • андрей333
    7 октября 2015  

    андрей333
    Ол етех самналлан турарын , кереммун.эргиллэн.
    Оргууйдук сэрэнэ хааман тиийдим , кэриэстээн.
    Балаган иьигэр киириэхпин , буолуммат сурэгим.
    Хараарбыт сэргэтэ кэпсиирин , иьийэн иьиттим.
    Ердеегутэ бу киэн алааска баара олох,таптал, эрэл.
    Тахсар куннуун сырсар, хоьуун улэ дьоно ,хоьууннара.
    Дьол , ыраас ыра санаа , уеруу кетуу ньиргиэрэ ..
    Ол эрэн , хара былыт сабардаан даххаьыйан ыадастан.
    Буелээбитэ кун сырдыгын , уотунан этиннээн лунсуйэн.
    Харана балаган иьигэр кыырара аарыма ойуун.
    Сырдыгы кэрэни быыьаары кыаьаана кыланара
    Дунурэ дирбийэрэ суолун ыйара этини баьыйа .
    Хатаннык хаьыытыыра абатыттан ол суорун .
    Хабалага баттанар , ыар сугэьэри сугэр Кэм кэлбититтэн!
    Хамылла охсон эр бэртэрэ сытыы кылыс батыйаланан.
    Хааннаах улуу ыьыагы ыьан,хааннаах андагар этэн.
    Улуу ойуун илбиьин утаппыттыы инэринэн инэрсийэн.
    Бу киэн сыьыыны толору туолан ,тегуруччу сэлэлээн.
    Кыргыс унуутун куерэччи кетеген этиттэрэн илгистэн.
    Аттаммыттара куен керсе ол адьырга дьабайдыын.
    Хочоттон хочо ахсын , алаастан алаас ахсын угуйа.
    Сэрии кыргыс уолаттар, батыйа кылыс хорсуттар.
    Туруммуттара бере буолан улуйа эьэ буолан хаьыытаан.
    Хараарбыт кырдьагас сэргэ кэпсиирэ абаран сатаран.
    Андрей 333 . ебугэм кыланар ол ааспыт уйэлэри унуордаан .

    0
  • андрей333
    9 октября 2015  

    Хараарбыт сэргэ , ол туманна саспыт дьыллары ,
    Сиик буолан симэлийбит аргыардаах кэмнэри .
    Ол курдук кэпсии турбута , хараастан уйадыйа.
    Улуу ойуун кыырара , куну дьылы билиммэккэ.
    Халын сэрии иннигэр , суохтаах илбиьи инэрэ!
    Кемус кыаьаан кулумнуурэ кун , ый сырдыгар.
    Кыайыыга эрэл ,уостубат дохсун санаа кутаатын.
    Уматан инэрэ , куустэригэр куус уох кыах эбэрэ.
    Туруммуттара саха хоьуун уолаттара сэриигэ.
    Аан дойду куех кырыьын тогута уктээн хорсуннук.
    Сири дайдыны иннэри, илдьи уктэнэн чинник.
    Улуу ураанхайдыы уруй ньиргиэрэ сатарыыра!
    Айылга ийэ хотун соьуйан иьийэн саспыта уолуйан.
    Хаан тохтор кыргыс кэмэ ,кэлбитин сэрэйэн .
    Оргууй кистээн ытыыра ити балаган иьигэр кэрэ кыыс.
    Куммут ыйбыт ону кытта титирэстии ерутэ мехсере.
    Ити курдук кэпсии тыына турбута былыргы сэргэ.
    Андрей333

    0
  • UIY92
    16 октября 2015  

    ▬♦▬♦▬♦▬♦▬♦▬♦▬♦Куплю рога, бой рогов, куски рогов Оленя, Лося.▬♦▬♦▬♦▬♦▬♦▬♦▬♦ В любом состоянии и виде. Оплата наличными СРАЗУ!!! Тел. 89141137969 в любое время▬♦▬♦▬♦▬♦▬♦▬♦▬♦▬♦▬♦▬♦▬♦▬♦▬♦▬♦Куплю рога, бой рогов, куски рогов Оленя, Лося.▬♦▬♦▬♦▬♦▬♦▬♦▬♦ В любом состоянии и виде. Оплата наличными СРАЗУ!!! Тел. 89141137969 в любое время▬♦▬♦▬♦▬♦▬♦▬♦▬♦

    0
  • Ымыы
    17 октября 2015  

    Андрей ,Дьоһун саас Түһүлгэҕэ ааҕааччыбын.:)Тааттаҕын дуо

    0
  • андрей333
    17 октября 2015  

    Ымыы утуе кунунэн. Суруйарга олус да учугэй дьыл кэмэ кэллэ . сылаас оьоххо ейенен олорон , остуоруйа кыьыны туойуох, ааспыт сайынны сайыьыах. Олох кэрэтин этиэх. Кэпсиэх бар дьонно..эн хоьоонноргун аагабын олус учугэйдэр .Айан ис .чэгиэн буол.

    0
  • андрей333
    17 октября 2015  

    Ханнагыный сулус кыымчаан.
    Ханнагыный сэмэй кыысчаан.
    Ханнагыный уураабатах тапталым .
    Ханнагыный таптаспатах тапталым.

    Хаар кыыдамныыр тулабар
    Хаар. Кистиир суолгун буруйэр.
    Хаар кыыс сэбэрэтин бурунэн.
    Хаар вальсыгар ынырар.угуйар.

    Ункуулуубут урун Хаар кыыстыын.
    Ункуулуубут урун хаары ерекутэн.
    Ункуулуубут хочону тула эргичийэ.
    Ункуулуубут айылганы симиибит.

    Таптыыр дойдубутун суулуубут.
    Таптыыр урун Хаарым вальсынан.
    Таптыыр сурэгим уерэн долгуйар
    Таптыыр догорбун буламмын керсееру.

    Сырдык Хаар ыытыый кердеьебун
    Сырдык Хаар кыысчаана ейдеерууй.
    Сырдык Хаар кемелес тапталбын буларбар.
    Сырдык Хаар дууьабын эн уердэннин.
    Андрей333

    0
  • андрей333
    30 октября 2015  

    Чэ , багар буоллун , суурэр сулус кэриэтэ.
    Чумэчим соьуйан умуллубутун санатан.
    Чэ , ол эрэн кылгастык да буоллар ымманыйа
    Чыычаах Кетен ааьарыныы, кестен ааспыккар
    Чэбдик салгыны инэрэн , манньыппыккар.
    Чиргэл тиит мастыы , холоон ааспыккар .
    Чэгиэн буолуу , дохсун кынатын анаабыккар.
    Чин тылгын алгыска холоотум , арыллан.
    Чагыл куммун керерум, сыралыгар сыраллан.
    Чыныс хаан , сугуруйбут халлаана баарын тухары
    Чугдаарыам арыллан , аьыллан , айыллан .
    Чолбон Сулуска холоотум эйигин Сыралыма.
    Чараас санаам тууйуллар саппагырар тугэнигэр.
    Чугас сылдьан ейуен этэ дуо ? Кынаттаан.
    Чулуу дойду хоьуйар далбар хотуна .
    Андрей 333 2015,

    0
  • andrey4661696
    24 сентября  

    СЫЛГЫ КИСТИИР СЫҺЫЫТЫГАР,
    ЫНАХ МАҤЫРЫЫР ТОЛООНУГАР,
    АЛГЫС
    ТЫЛЫН ЭТТЭҔИМ ,
    САРГЫНЫ САЛАЙДАҔЫМ,
    САЛГЫН КУППУН АЙМААММЫН,
    АЙЫЫЛАРТАН ААТТАСТАҔЫМ,
    УУ КУППУН УЙГУУРДАН,
    УЛУУЛАРТАН КӨРДЬӨСТӨҔҮМ ,
    БУОР КУППУН УҺУГУННАРАН ,
    БААРАҔАЙ ИЧЧИЛЭРТЭН КӨҤҮЛЛЭТТЭҔИМ,
    САХА БУОЛАН САТАРААН ,
    УРААНХАЙ БУОЛАН УРУЙДААН ,
    ХАЛЫҤ БЫЛЫТЫ СЫҔАРЫТАН ,
    ТОҤ ДОЙДУ ОҔОТО ,
    ДУОРААННААХ ТЫЛЛАРБЫН,
    САХА ОЛОҔО ТУПСАРЫГАР,
    САХА ДЬОЛО ҮКСҮҮРҮГЭР,
    ҮТҮМЭН ҮТҮӨ ҮКСҮҮРҮГЭР,
    ҮТҮӨ АЙЫЫЛАРТАН,
    ААН АЛАХЧЫН ХОТУНТАН,
    КӨРДЬӨСТӨҔҮМ БУОЛЛУН.
    САХА САМНЫБАТ САНААЛАН ,
    ХОҺУУН ХОРСУН СҮРЭХТЭН,
    УОТТААХ ХАРАХТАН САЛЛЫМА,
    УОРДААХ ТЫЛЛААХТАН ТОЛЛУМА,
    БАР ДЬОНУҤ ,АҔА УУҺУН ТУҺУГАР,
    АЛБАН ААТТАН СУОН СУРАҔЫР,
    ЧАҔЫЙАР КЭХТЭР ДИЭНИ БИЛИМЭ,
    УЛУУ АЛГЫС АРЫАЛЛАСТЫН,
    ЧЭЛГИЙЭ САЙДА ҮҮНЭ ТУР.
    ОХТОР ДА ТҮГЭҤҤЭР,
    ААТТАҺЫМА ХАҺАН ДА ӨСТӨӨХТӨН .
    АЛГЫС АЛГЫҺА АРАҤАЧЧЫЛААТЫН,
    АЛГЫС АЛГЫҺА ХАРЫСХАЛА АНАННЫН .
    ОННУК ОННУОК ДИЭН ЭТТЭҔИМ,
    УЛУУ ДУОМ СИРДЭЭТИН .
    АЛГЫС 696 .АНДРЕЙ .24.09.2017 сыл

    0
    • qwerty
      Вчера, 11:03  

      andrey4661696, неприлично писать ПРОПИСНЫМИ буковками... как то так... А так - нормалёк. Да, кстати, "КӨРДЬӨСТӨҔҮМ" - "Көрдөстөҕүм", "УРААНХАЙ" - "Урааҥхай". Удачи !!!

      0
  • Ымыы
    24 сентября  

    Туобум үөһээ тахсыбытынан туһанан ,бу ый 28 күнүгэр күнүс 2 чаастан театрга ,кинигэм биһирэмигэр ыҥырабын.
    Ырыа,хоһоон,кинигэни ырытыы ..Кинигэлэрбин атыылыам.
    Кэлэн көрөөрүҥ:)

    0
Ответ на тему: Тааттам олохтоохторугар айар үлэбин билиһиннэрэбин.Хоһооннор.
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Предложения и замечания