1 год на форуме 1000 просмотров Все
Награды
1 год на форуме
1 год на форуме
1000 просмотров
1000 просмотров
Детсад саастаах оҕо ааҕарыгар анаан ,хоһооҥҥо холонуоххайыҥ эрээ
13 ноября 2013 21:43   3554

Бу урут суруйбуппун аҕаллым.


Эбэм миэхэ кэһиитин
Дьэдьэн ургээн аҕалбыт
Сап -саһархай ыаҕыйаҕа,
Күөх айылҕам бэлэҕин.

Сайын күндү быйаҥа,
Кыhыл-тимэх дьэдьэнэ,
Минньигэсчээн сытынан,
Дьиэбит иһин тунуйда.

Эбэм куерчэх ытыйыа,
Дьэдьэн кутан тупсарыа,
Кытыйаҕа кутаттаан,
Биһигини күндүлүө

Чээн...эчи элбэхтэриэн,
Чээн... эчи буспуттарыан.
Ответов 91 Написать ответ
  • Alaya
    13 ноября 2013  

    Миэнэ оҕо ааҕарыгар буолбатах, төрөппүттэр ааҕалларыгар)))


    Биһи дьиэҕэ оҕуруоттан
    Оҕо булан аҕалбыттар.
    "Ууруҥ илдьэн төптөрү"
    Диирбин отой буолумматтар.

    Хайа ийэ эрэйдээх
    Оҕотун хаалларан бардаҕай?
    Аны миигин оҕуруоттан
    Эмиэ булбут буоллахтарай?

    0
  • blMblbl
    13 ноября 2013  

    Хайаа,үчүгэй дии.

    0
    • Курулгэн
      13 ноября 2013  

      Ымыы эгэрдэ..

      Толкуйдаан баран суруйуом..
      Эн хоьоонун бэрт багайы эбит..Мин коннору,тобобор котон тустжэ суруйабын..
      Сорогор..вдохновение киирэр диэххэ))))..кырдьык-хордьук, дьиннээх курдук))

      0
    • Курулгэн
      13 ноября 2013  

      Ымыы эгэрдэ..

      Толкуйдаан баран суруйуом..
      Эн хоьоонун бэрт багайы эбит..Мин коннору,тобобор котон тустжэ суруйабын..
      Сорогор..вдохновение киирэр диэххэ))))..кырдьык-хордьук, дьиннээх курдук))

      0
      • Чаачар
        13 ноября 2013  

        Ээ чэ

        Мин кыра оҕобун
        Буукубаны билэбин
        Көмпүүтэргэ оонньуубун
        Контактыыры сатыыбын.

        Эһээлиин сороҕор
        Контрастрайк оонньуубут
        Кыайааччы куруутун
        Мин эрэ буолабын.

        0
  • blMblbl
    13 ноября 2013  

    Хаар киһи

    Талах илии,төгөрүк төбө-
    Моркуоп мурун,чох харах.
    Күһүн аайы тиллэн кэлэр,
    Сылааска ууллан хаалар.
    Кини ким эбитий?
    Хайа, ким этэрий?

    0
    • Даасынка
      13 ноября 2013  

      Ымыы, э5эрдэ!

      Наһаа үчүгэй топ арыллыбыт, миэхэ наадалаах))) эһиги көҥүллээһиҥҥгиьинэн туттуохха сөп дуо?

      0
      • -Айисена.
        14 ноября 2013  

        оксиэ чаачар ер да буолан баран кеьуннэ, бирибиэт)) ымыы, э5эрдэ.

        сатаан хоьоон хоьуйбат киьи аа5абын эрэ. аргыыйдык конега буолуохтаах. курулгэн да хаалсыбат, даасынка емурдэ5инэ эмиэ бэркэ суруйар ээ)))

        0
  • blMblbl
    14 ноября 2013  

    МИэхэ эмиэ наадалаах топ:)Кытаатыҥ кыттыһын.Кыра дьоҥҥо кыра да наада дии:)

    0
  • Аргыыйдык
    14 ноября 2013  

    Хаһан эрэ иитээччилэргэ анаан хоһоон сакаастаабыттара, кырачааннарга үөрэтээри.

    Интэринээт, дьыссаат да
    Иитээччитэ суох сатаммат
    Иилиир - саҕалыыр көҕүлүүр
    Иитэр - үөрэтэр, дьарыктыыр

    Иһирэх - амарах санаалаах
    Имигэс, сатабыл илиилээх
    Итии минньигэсчэй астаах
    Иитээччилэргэ анааммын

    Истин - иһирэх тыллары
    Иитиэхтээбит иэйиибин
    Ис сүрэхпиттэн астына
    Иитээччилэргэ аныыбын

    Иитэр - такайар оҕолоргут
    Иэйиилэринэн кынаттанан
    Иһирэх - истин санааланан
    Иитин Сахабыт кэскилин!    

    Хайа, хайдаҕый, доҕоор барсар дуо?

    0
  • Аргыыйдык
    14 ноября 2013  

    Манныгы эмиэ оҕолорго анаан суруйан турабын.

    14 января

    Ийэм күөрчэҕэ

    Ийэм ытыйбыт күөрчэҕэ
    Минньигэстэн минньигэс
    Имигэсчэй илиитэ
    Сымнаҕастан сымнаҕас

    Күнүн аайы күөрчэх сиибин
    Күүс – күдэх эбинэммин
    Күнүм – ыйым дэтэммин
    Күннэтэ мин күүһүрэбин

    Туһа киһитэ буоламмын
    Туһалыаҕым дьоннорбор
    Уубун хана утуйан
    Улаатыаҕым түргэнник.

    **************************

    Эбээм, эбэккээм
    Элбэххэ да үөрэтэр
    Эчикийэ да астыгын
    Эбэккэм алаадьыта

    Эрдэ мин тураммын
    Эбээбэр көмөлөһөн
    Алаадьы астаһыам
    Алаадьы амсайыам

    Эчи да бэрдиин
    Эбээбин үөрдэрим.
    Эбээбин, эбэккэбин
    Сыллаан ылыаҕым.

    0
  • Чаачар
    14 ноября 2013  

    .

    Эрдээ, хаһан эрэ,
    Эдэр сырыттахха,
    Эбээ оҕото эрдэххэ,
    Эккирии оонньуу сылдьан
    Электрическэй чаанньык тумсун
    Эмти түһэрэн баран,
    Эргиллэн көрбүтүм
    Эбээ элэмэс курун
    Элэстэтэн аҕалан
    Эмэһэбин таһыйаары
    Эргичиҥнэтэ турар эбит.

    Салгыытын толкуйдааҥ...

    0
  • blMblbl
    14 ноября 2013  

    Куобахчаан


    Ойуур тыаҕа олохтаах
    Оҕуруо харах куобахчаан-
    Ойуоккалаан ойоҕун,
    Олус куттас үһүгүн,

    Оһуор суолу хаалларан
    Онно-манна куотума,
    Оҕолортон саһыма,
    Оонньуу кэл биһиэхэ.

    0
  • Timirkhan
    14 ноября 2013  

    http://forum.ykt.ru/viewtopic.jsp?f=161&id=1452920

    0
  • blMblbl
    14 ноября 2013  

    Хайа Тимирхаан олох хоһоон кылааттаах эбиккин дии:)

    Үчүгэйдик оҥостон олорон ааҕыаҕым.

    0
  • blMblbl
    14 ноября 2013  

    .

    Мин эмиэ үлэлээхпин,
    Чоппууска аһатабын.
    Туорах бурдук биэрэбин,
    Иһиккэ иэдьэгэй кутабын.


    Мин эмиэ үлэлээхпин
    Сибэккигэ уу кутабын.
    Кып-кыра лейкалаахпын,
    Онтукабын нэһиилэ кыайабын.

    Мин эмиэ үлэлээхпин
    Ийэбэр көмө буолабын.
    Оҕуруокка сыыс үргүүбүн
    Оҕурсу быһан киллэрэбин.

    0
    • Saaschaana
      14 ноября 2013  

      Утуо киэьэ айар куттаах хомо5ой хоьоонноох до5оттор)

      Наьаа да учугэй хоьооннор, баьаалыста ыламмын аа5ан эрэр о5олорбор 1 кыл. туттуохпун соп дуооо? о5о аа5арыгар чэпчэки тыллардаахтар) Тимирхан ити ссылканан киирэн аа5абыт дуо?

      0
  • blMblbl
    14 ноября 2013  

    МИэннэрин ылар буоллаххына ыл.Атыттар да көҥүллүүллэрэ буолуо ээ:)

    0
  • blMblbl
    14 ноября 2013  

    Ити инникигэ.Мин анал үлэлээхпин диэххэ баар эбит.

    Биэс ынахпыт ыас ыстыыр,
    Биэс ньирэйбит ыас ыстыыр.
    Арай миэхэ биэрбэтэхтэр,
    Кистээн аҕалар эбиттэр.
    Ийэм кэлэрин күүтүөҕүм,
    Ханна уурарын көрүөҕүм.

    0
    • Курулгэн
      14 ноября 2013  

      Утуо киэьэнэн

      Ымыы хоьоон суруйа таарыйа..иллэн бириэмэ буллаххына-мин топпар "Сана кунунэн" диэннэ киирэн Таатта сонунун кэпсээн ааьаар.киирэн сынньана таарыйа сэлэьэн тахсаар,хоьоон суруйа олорон даганы..сэлэьэр багайыта))

      0
  • Чаачар
    14 ноября 2013  

    .

    Биири өйдөөтүм:
    Биэс саастаах сылдьаммын
    Бириискэ кыайаммын
    Бирээнньик сиэрибин...

    салгыытын умуннум :-(

    0
    • Курулгэн
      14 ноября 2013  

      Боруобаланабын))

      Оскуолага барарбын
      Мин куннэтэ куутэбин
      Аагарга.суруйарга
      Уорэниэхпин багарабын

      Ага диэн А буукуба
      Ийэ диэн И буукуба
      Бииргэ биири эбэри
      Куннэтэ хатылыыбын

      Дьонум тылын истэбин
      Киэьэ эрдэ утуйабын
      Куруук 5 сыана ыламмын
      Уордуом мин ийэккэбин.

      0
      • Saaschaana
        14 ноября 2013  

        Ымыы махтал!)

        Сарсыннаттан са5алаан эбии дьарык оностон аа5ыахпыт хомо5ой хоьоонноргун, ырыа айар эбээбитин кордоьон матыып айдаран ыллыахпыт да соп, онтон эьиги Стрелец, Курулгэн конуллуугут дуу хоьоонноргутун уруоктарбар туттуохпун?)....

        0
  • blMblbl
    14 ноября 2013  

    Saaschaana,хата көрөөр ,ити бастакы ырыаҕа анаммыта.

    0
  • blMblbl
    14 ноября 2013  

    Саасчаана ити бастакым ырыаҕа анаммыта.

    Оччоҕуна ырыаһыт эбээлээх буоллаххытына маны көрдөрөөр эрэ.Бу былырыыҥҥы.

    Чуҥкуйбут дьиэм иһин
    Көр-күлүү толордо.
    Саҥа дьыл киэргэлэ
    Харыйа сандаарда.

    Үрдүбэр хаар ардах,
    Күлүмнүү оонньоото.
    Түһүөхчэ түспэккэ
    Салгыҥҥа ыйанна.

    Кырачаан хаарчаана
    Үҥкүүлээн тэлээрдэ.
    Мап-маҥан куобахчаан
    Ойуолуу оонньоото.

    Үчүгэйиэн!Саҥа дьыл
    Салаллар түүнүгэр,
    Дьиэм иһин толору,
    Дьол илэ киирбитэ.

    0
    • Saaschaana
      14 ноября 2013  

      Уоаай, наьаа учугэй хоьоон, сана дьыл да чугаьаата, хайаан да кордоруом, ырыа айарын собулуур а5ай,

      махтал Ымыы)

      0
      • Курулгэн
        15 ноября 2013  

        Утуо сарсыарданан

        Саасчаана эгэрдэ))))..Хата кулэ санаатым..Айакка)))"Конуллуугут дуо?"))))Олох улахан "Суруйааччы-поэт" курдук сананным..
        Таак-с диэххэ! Землячкам буоларын быьыытынан..сыта-олоро толкуйдаан баран-конуллуубун..ьуу))))))))..

        0
        • Чаачар
          15 ноября 2013  

          Хайа бу оҕо саадын оҕолоро сынньаммытар дуу?

          0
          • .Дарина.
            15 ноября 2013  

            А5ам күүстээх илиилэрэ (экспромт)

            А5ам күүстээх илиилэрин
            Кэтээн көрө сылдьабын
            Сатыыллара элбэ5иттэн
            Мэлдьи сөҕө саныыбын.
            А5ам күүстээх илиилэрэ
            Уһаналлар,туталлар,
            Бултаан-алтаан аһаталлар
            Кыайбаттара туох да суох.
            А5ам күүстээх илиилэрэ
            Ийэм суо5ар астыыллар
            Таҥас сууйан элээрдэллэр
            Ыраастыыллар,харбыыллар.
            А5ам күүстээх илиилэрэ
            Кытаанахтар, чэрдээхтэр,
            Арай,охтор түгэннэрбэр,
            Сымна5астык хабаллар.

            0
            • Saaschaana
              15 ноября 2013  

              Курулгэн, махтал) туох диэн эттэ5ин, хаьан эмит ырыа буолан ыллана сылдьарын иьиттэххинэ хоьооммун

              уорбуттар диэн туруон дии, а так конул баар буолла5ына хоьоонун Курулгэн тыллара, ким эрэ мелодията диэн буолуо дии))))))))))... ьууу))).........
              Тимирхан, махталитет тчк ))....
              )аны Даринаттан конул кордоьобун)

              0
              • Стрелец этим
                15 ноября 2013  

                Саасчаанаҕа махтал, хата биир көҥүл көрдүүр киһи баар эбит

                Мин хоһооннорбун уорбуттара ыраатта, кэрэчээнэлэргэ бэйэлэрэ суруйбут курдук бэлэхтииллэр эбит. Өссө миигин сымыйаалаабатын, Мэҥэҕэ хоһоонньут суох сирэ дииллэр үһү, кыһыылапх да хайыахпыный

                0
  • Даасынка
    15 ноября 2013  

    Кырачааннарбар анаан сатаан суруйбат эбиппин...

    Солуута суох киьи киэнэ кэм солуута суохтар эрэ тахсаллар:)))) хата эьиги хоьоонноргутун туьаныам конуллэппит курдук сананан баран:)))

    0
  • Аргыыйдык
    15 ноября 2013  

    Сахастрелец диэн аат күүскэ да иҥэн хаалбыт эбит. Аргыыйдык диэни дьэ тоҕо

    сөбүлээбэтигит, ылымматыгыт? Биир кэрэчээнэ өссө куһаҕан ааты талбытын сэттээх - сэлээннээх буолуо диэн куттаан турар. Дьикти дии эрэ диирбэр тиийэбин.

    0
  • blMblbl
    15 ноября 2013  

    Мин эмиэ итьинник суруйабын ээ.Ардыгар көннөрөбүн,ардыгар баҕар ыытарым буолуо.

    0
    • Saaschaana
      15 ноября 2013  

      )) Эр киьиэхэ хайдах эрэ дии Стрелец, Аргыыйдык куба курдук устан хаама сылдьар кыыьы

      представляйдыыбын, эйиэхэ барсыбат ба5айы, эн образкын атыннык дьуьуннуубун, билэбин да диэххэ соп, заочно)))))....

      0
  • blMblbl
    15 ноября 2013  

    Дарина,Аҕам күүстээх илиилэрэ-диэн хоһоону наһаа сөбүлээтим.

    Аҕа туһунан хоһоон баар буолуохтаах эбит.

    0
    • Курулгэн
      15 ноября 2013  

      Стрелецкэ

      Аргыыйдык диэн кырдьык хайдах эрэ эйиэхэ барсыбат...без обид..Сахастрелец диэннэ уорэнэн хаалбыппыт..э
      Бу,холобур-Ымыыга..барсар..эмиэ кыыьырара буолуо))..Аргыыйдык диэн оннугар атын САХАЛЫЫ бэйэгэр барсар никта талан кор ээ..эбэтэр Сахастрелецкинан хаал.

      0
    • .Дарина.
      16 ноября 2013  

      Сөбүлээбит буоллаххына махтал.

      Бэйэм суруйбуппун хос киирэн аа5ан баран сөбүлээбэт идээлэхпин.Бу хоһоон курдук эмискэ төбөбөр киирбити суруйан чалыгырытан баран тахсан хааларбын ордоробун,итэ5эстэрбин көрдөөтөрбүн эрэ туормастыырым биллэр,ол иһин.

      0
  • Аргыыйдык
    16 ноября 2013  

    Мин да көрдүргээн уларыппатаҕым ээ. Билигин аны такой ник уже существует диир.

    Онон хайыырым эбитэ буоллар дьэ билбэппин?

    0
  • Аргыыйдык
    16 ноября 2013  

    Суох, төптөрү буолуо, сороҕор уот знактаах буоламмын резкайбын

    Ол кэмҥэ өйдөөн, ардаарсыбатах, алы гыммыт киһини дьиҥэ олус убаастыыбын, билинэбин. Хайдаах ааттанаҕын да оннук буолаҕын дииллэрин иһин сааһырбыт киһи быһыытынан аргыыйдык да сылдьар кэм кэллэ ини дии санааммын итинник ааттаммытым.

    0
      • .Дарина.
        16 ноября 2013  

        Хайа эрэ постановка5а детсакка барыан ба5арбатах о5о оруолугар аахтарыахха сөп )))

        Сымна5ас ороммор
        Сууланан сытыахпын
        Ийэккээм, тыытыма,
        Туруора сатаама.
        Таһырдьа тымныыга
        Тумарык тумаҥҥа
        Соһума дьыссааппар
        Салааска көлөннөн.
        Ыччака,барбаппын,
        Ороммор сытыа5ым,
        Киэһээҥҥэ диэритин
        Утуйа сатыа5ым.

        0
        • Кылап
          16 ноября 2013  

          Дорооболорун! Мин о5олорго хас да сыл

          ийэ туьунан хоьоон суруйтарабын. Бэйэбит кыра кинигэ онорон суруйбут о5олор ийэлэригэр бэлэхтиибит. Маны дьаарыстатыахпын Сахастрелец комолоьуон дуо?

          0
          • alex.nik
            16 ноября 2013  

            Дьыссаат саастаах о5олорго суруйар дьон тылларын суолтатыгар бол5ойоллоро буоллар диэн ба5а санаалаахпын.

            Арай сиэммэр хоьоон уорэтэ олоробун, онно маннык баар "Сарсыарда алааьым аныйар" Бу маны хайдах ойдуоххэ собо буолла. Аныйар, анылыйар диэнтэн кылгаппыттар дуу диэх курдук, оннук буолла5ына алаас то5о сарсыардаттан анылыйыай?! Онон тыл суолтатыгар бол5омто наада.

            0
  • -Айисена.
    16 ноября 2013  

    ничего святого у людей...некоторых(((((

    0
  • blMblbl
    16 ноября 2013  

    Адмнарга эппитим сотторуохтара.

    0
  • Аргыыйдык
    17 ноября 2013  

    Кылапка этэбин, кыах тиийэринэн көмөлөһө сатыыр буоллаҕым

    тугу эмиэ улахан мэтр курдук даххаһыйа, мээтиргии олоруохпунуй. МАнна, эбэтэр туспа топ таһааран ол оҕолор хоһооннорун уктаххына мин эрэ буолбакка бары да көмөлөөн дьаарыстыыр инибит. Биир төбө үчүгэй, элбэх өссө ордук дииллэр.

    0
    • Кылап
      17 ноября 2013  

      Ватсап ордук буолуо бу куннэргэ соло буллахпына ыытыам

      0
  • Alaya
    17 ноября 2013  

    Туһа киһитэ


    Икки сааспар ийэм миэхэ
    "Туһа киһитэҕин" диэбитэ.
    Бэйэм аһаан, сатаан таҥнан
    Үөрдүбүтүм аан бастаан.
    Сарсыарда аайы тииспин суунан,
    Утуйбут ороммун хомуйан,
    Үс сааспар аҕам хайҕаан
    "Оо, оҕом улааппыт" диэбитэ.
    Түөрт сааспыттан убайым
    Көмпүүтэригэр оонньуубун.
    Ону көрөн эһээм сөҕөн,
    "Өйдөөх да сиэннээхпин" диэн үөрбүтэ.
    Эбээм - иистэнэрин үтүктэн
    Куукулабар тикпиппэр,
    "Ии,туйах хатарааччым,чыычааҕым"
    Диэн сыллаабыта кэтэхпиттэн.
    Биэс сааспын туолар күммүн
    Бырааһынньыктыыбыт бары бүгүн.
    Улааттым аайы туһам элбээн
    Үөрдэ туруом дьоммун өрүү.


    1
  • blMblbl
    17 ноября 2013  

    Уопсайынан да үчүгэйдик суруйаҕыт.Миэхэ куобахтан,кууруссаттан атын өйбөр киирбэт:)

    0
  • Аргыыйдык
    18 ноября 2013  

    Кылапка, ватсаапка кыаллыбат. Кырата бэрт көрөргө, суруйарга миэхэ сөбө суох.

    Онно мин эйиэхэ туһата суохпун, баалаама.

    0
  • Эр_бэрдэ1
    21 ноября 2013  

    Сэттэлээх киhи.

    Сиэркилэ иннигэр тураммын,
    Саарбахтыы барбакка этэбин,
    Сэттэбин мин бүгүн туоламмын,
    Соhуччу улаатан хаалбыппын.

    Сотору үөрэнэ барыа5ым,
    Саҥаны билиэ5им-көрүө5үм.
    Сүһүөхтээн аа5ары сатыа5ым,
    Суруксут мин бэрдэ буолуо5ум.

    Сүүһүнэн ахсааны сыымайдаан,
    Суоттуо5ум холкутук араастаан.
    Сэттэлээх уолчааммын билигин,
    Саманнык туhалаах киhибин.

    0
    • Saaschaana
      21 ноября 2013  

      Астык хоьооннор, Тимирхан хоьоонун кладовойугар киирэн аахтым, астынным, суруннум)..махтал Тимирхан)

      ити хоьоонноргор хомуурунньук онотторон таьаарбытын дуо? ханна эмит бэчээттэммиттэрэ дуу?

      0
      • Даасынка
        22 ноября 2013  

        ол кладовой ханна баарый?

        кинигэлээх буолуохтаах)))

        0
        • Saaschaana
          22 ноября 2013  

          Даасынка привет) ити ссылкатынан киириий, элбэх ба5айы, астык тэттик хоьоон бо5о баар, кинигэлээ5ин

          билэбин ити кыра о5олорго хоьооннорун хомуурунньук онотторон таьааттарбытын дуо диэн ыйыта сатыыбын да бу диэки онойбот:)))))

          0
  • Аргыыйдык
    22 ноября 2013  

    Кылааттаах кыладыапка ссылката үөһээ баар этэ.

    Уо, дьээ эммиэ киэһээтин аайы
    Утуйа оҕус чаас ыраатта диигит
    Уум кэлбэтин кэннэ сырыы аайы
    Утутаары күүскүтүнэн эрэйдиигит?

    Уон да чаас буола илигин билэҕит,
    Уонна сарсын өрөбүлгэ үөрэммэппин.
    Уон сааһын томточчу туолла оҕобут
    Уол да уол молоруйан диэн үөрэҕит

    Улааттым буотта, улар саастанным
    Умнуман, аны дьэ бэйэм эрэ билэбин
    Уордайдахпына аны мин мөҕүтэлиэҕим
    Уҥа - хаҥас бэрээдэги мин олохтуоҕум

    Убайбыттан эрэ арай салларын буолуо
    Улаханыын кыыһырдаҕына сутуруга, айыка
    Уоннааҕыларга өссө да кырабын туһанан
    Уора-көстө кыралатык атаахтыыр буоллаҕым

    Уоскуйун эрэ, утуйбаппын хайаабаппын
    Уоту умулларан утуйуоҕун бары оччоҕо
    Уостарбын туллатан ачаалыым ээ кыратык
    Улааттахпына билэбин, атаахтаан бүтэрбин.

    0
  • Аргыыйдык
    22 ноября 2013  

    Кылааттаах кыладыапка ссылката үөһээ баар этэ.

    Уо, дьээ эммиэ киэһээтин аайы
    Утуйа оҕус чаас ыраатта диигит
    Уум кэлбэтин кэннэ сырыы аайы
    Утутаары күүскүтүнэн эрэйдиигит?

    Уон да чаас буола илигин билэҕит,
    Уонна сарсын өрөбүлгэ үөрэммэппин.
    Уон сааһын томточчу туолла оҕобут
    Уол да уол молоруйан диэн үөрэҕит

    Улааттым буотта, улар саастанным
    Умнуман, аны дьэ бэйэм эрэ билэбин
    Уордайдахпына аны мин мөҕүтэлиэҕим
    Уҥа - хаҥас бэрээдэги мин олохтуоҕум

    Убайбыттан эрэ арай салларын буолуо
    Улаханыын кыыһырдаҕына сутуруга, айыка
    Уоннааҕыларга өссө да кырабын туһанан
    Уора-көстө кыратык атаахтыыр буоллаҕым

    Уоскуйун эрэ, утуйбаппын хайаабаппын
    Уоту умулларан утуйуоҕун бары оччоҕо
    Уостарбын туллатан ачаалыым ээ кыратык
    Улааттахпына билэбин, атаахтаан бүтэрбин

    0
    • Курулгэн
      22 ноября 2013  

      .....

      Мин кыракый бырааппын
      Наьаа-наьаа таптыыбын
      Кып-кыракый илиилээх
      Кып-кыракый атахтаах

      Сарсыарда того ытыыр?
      Бырааппын аьынабын
      Тоботуттэн имэрийэн
      Уоскутабын,сыллыыбын

      Сотору улаатыага
      Ытаан бутуо оччого
      Оскуолага барыахпыт
      Сиэттиьэммит бырааппынаан.

      0
  • blMblbl
    22 ноября 2013  

    Мин быраатым Рома Таатта Ырыа бэргэнэ этэ.Кылгас олоҕор 40-ча ырыалаах эбит.

    Ону санаатым.Оҕотугар анаан айбыт этэ.

    Көрүүй бу,көрүүй бу
    Кып -кыра илиилээх.
    Көрүүй бу,көрүүй бу
    Кып кыра атахтаах.

    Хомойуох иһин ити ырыатыттан итини эрэ өйдүүр эбиппин.

    0
    • .Дарина.
      23 ноября 2013  

      ***

      Кынаттаа5ым буоллар мин
      Көҥүл чыычаах буоламмын
      Кыырай халлаан устунан
      Көтүө-дайыа да этим.
      Халлаан далай түөһүгэр
      Устар ма5ан былытын
      Курдат түһэ көтөммүн
      Оонньуом этэ көрдөөхтүк.
      Ытыыр кыра кыысчааҥҥа
      Саннытыгар олорон
      Чыыбыгырас куоласпынан
      Ыллыам этэ сааратан.
      Сатаан хаампат уолчааҥҥа
      Иннитигэр түһэмммин
      Ойуоккалыы оонньооммун
      Үөрдүөм этэ элбэхтик.
      То5о чыычаах буолбаппын
      Кынаттанан көппөппүн?



      .

      0
      • Мээнэ
        23 ноября 2013  

        Дарина, вы с ДАРОМ! Наьаа учугэй хоьоончоон дии;-);-);-)

        0
        • .Дарина.
          25 ноября 2013  

          Комплимеҥҥар махтал...)))

          Бу эмиэ төбөбөр көтөн түспүтү суруйдум да наһаа о5о5о анаммыт хоһоон курдук буолбатах быһыылаах )))

          Сиэн ыра санаата

          Эбээ,эбээ,хайа,этиий
          Хаарбыт түстэ,тымныйда,
          Хаһан кэлэр Саҥа дьыллыын
          Тымныы Моруос о5онньор?
          Эбээ,эбээ күүтэн биэрдим,
          Түүһээн көрдүм элбэхтик
          Кэрэ дьуолка аннытыгар
          Ууруллубут кэһиибин .
          Эбээ,эбээ,этэ охсууй,
          Наһаа күүскэ мэниктээбэккэ
          Сылдьыбыппын билэр ини
          Тымныы Моруос о5онньор?
          Эбээ,эбээ,билэ5ин,
          Тугу күүтэ сылдьарбын:
          Киистэлэрдээх кыраасканы
          Элбэх араас өҥнөөҕүн.
          Эбээ,эбээ,этэбин,
          Туохха ону туттарбын,
          Мээнэ-мээнэ уруһуйдаан
          Бараабакка буоларбын.
          Кыраасканнан кыһалламмын
          Хартыынаны суруйуом,
          Кыахтаах дьоҥҥо атыылааммын
          Мөлүйүөнү оҥоруом,
          Иккиэн билиэт ылынаммыт
          Москуба5а көтүөхпүт,
          Балыыһаны көрдөөн булан
          Атахтаргын эмтиэхпит,
          Оччо5уна,эбээ,дьэ,
          Кэлэр сылга дьуолка5а,
          Сиэттиһэммит бараммыт
          Хоробуокка кыттыахпыт.
          Эбээ,эбээ, хайда5ый
          Былааммыттан үөрдүҥ дуо?
          Харахтарыҥ ууламмытын
          Сотуум эрэ, сэрэнэн...

          0
          • Мээнэ
            25 ноября 2013  

            О5о барахсаныа! Аьынным а5ай... Эн хоьоонноргунан

            0
            • Мээнэ
              25 ноября 2013  

              Эн хоьоонноргунан киьи клип оноруон сеп эбит, киьи ейугэр оннук бутун кэпсээн буолан киирэр, дьикти

              ба5айы...

              0
              • .Дарина.
                25 ноября 2013  

                Махтанабын,үтүө тылларгар :)

                0
                • .Дарина.
                  25 ноября 2013  

                  уонна...

                  Бу манна:

                  Эбээ,эбээ,этэ охсууй,
                  Наһаа күүскэ мэниктээбэккэ
                  Сылдьыбыппын билэр ини
                  Тымныы Моруос о5онньор?

                  диэҥҥэ бу курдук:

                  Цитата:
                  Эбээ,эбээ,этэ охсууй,
                  Мэниктээбэккэ көрсүөтүк
                  Сылдьыбыппын билэр ини
                  Тымныы Моруос о5онньор?


                  диэн көннөрөн эрэр курдугум да5аны уларыйбатах эбит ди.

                  0
  • Яна18
    25 ноября 2013  

    Кыттыһыахха))


    Детсадыттан киирэн кэллэ
    Олус дьоһун мааны уол
    Дахаа сонноох, саарпыктаах
    Министири санатар,
    Бартыбыала эрэ суох)
    Миигин көрдө, атаахтаата
    Тиэрэ түстэ тэбиэлэннэ
    Харахтарын арыйда
    Бай, ким да кыһаммата
    Олордо,толкуйдаата
    Хоһун диэки тоотоҥноото
    Толлойбут уостарынан
    Сымыйаннан сыҥырҕаата))

    0
  • blMblbl
    25 ноября 2013  

    Наһаа бэрт.Киһи киһи тус туһунан суоллаах диэн маны этэн эрдэхтэрэ.Миэхэ кыайтарбат.

    Таптал туһунан эмиэ:(

    0
    • Даасынка
      26 ноября 2013  

      Махтал, кыргыттаар. Бугун распечаткалаан кыргыттарбар биэриэм.

      Тимирхаан кладовойун дьэ булан аахтым, наьаа учугэй хоьооннор))) сакааьынан эмиэ суруйар эбит.

      0
  • Аргыыйдык
    26 ноября 2013  

    Мин сахалыы учебник онорорум буоллар маннаа5ы хоһоннору сорохторун киллэриэ эбиппин

    Дарина хоһооно по всем статьям онно киириэхтээх.

    0
  • blMblbl
    26 ноября 2013  

    Миэнэ оруобуна оннук буолуохтаах этэ.Детсад оҕолоругар.Дьэ онтукам тахсыбат.

    0
    • .Дарина.
      26 ноября 2013  

      Хай5алтан кыбыстар эбиппин )))

      Тугу эрэ суруйбут киһи дуу диэн киирэн баран төттөрү дьөгдьөрүйдүм )))Кэлин киириэм...)))

      0
      • Даасынка
        27 ноября 2013  

        дарина, то5о кыбыста5ын?)))

        Эйиэхэ оссо атын махтал!))) Тимирхаанна эмиэ махтал!)) Суруйан иьиннитиий, аа5абыт ээ.

        0
        • Даасынка
          29 ноября 2013  

          Ымыы, Кыымы аахтым))))

          0
          • _анна.
            30 ноября 2013  

            холонон керуеххэ дуу

            куклабар нарыйага
            мааны танас тигэбин
            ийэм мааны былаатын
            ыламмын кырыйабын
            эбээм иннэлээх сабын
            холбуйаттан таьаардым
            кырыйбыт лоскуйдарбын
            тикпитинэн барабын

            0
  • blMblbl
    30 ноября 2013  

    Даасыҥка ,көрбүккүн дии.Мин суруйбутум тахсыбыт дуу,суох дуу?

    0
  • Наталья
    13 мая  

    Сайылык са5атынан алаас.........?
    о5о саната чугдаарбат буоллагына
    самаан сайын кэлбэтин да5аны.......салгыыта наада

    0
  • Туртас_
    13 мая  

    Уооаай...
    Наһаа үчүгэй топ...
    Эчи, сырдыгын... :))

    0
  • Наталья Попова
    10 августа  

    Мин кыра буоламмын
    Билбэтим элбээх.
    Ону маны ымсыыраммын
    Былдьаьа сатыыбын.

    0
  • Анна
    31 августа  

    Остуол аннынан орон аттынан
    о5о тобото лэкээрбэт буолла5ына
    дальше билбэт эбиппин

    0
  • Баала
    6 сентября  

    Онтон топ автора ханна барда?

    0
Ответ на тему: Детсад саастаах оҕо ааҕарыгар анаан ,хоһооҥҥо холонуоххайыҥ эрээ
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Предложения и замечания