Дьоһун.
Павлина  -    238
Д Ь О Һ У Н .

Олох олорорго, дьоллоох буоларга, үлэҕэ ситиһиилэнэргэ дьоһун наада. Дьоһун диэн тугуй? Киһи тутта-хапта сылдьара, быһыыта-майгыта, тыла-өһө үүннээх-тэһииннээх буоллаҕына, ол аата дьоһуна.
Оҕо сылдьан наһаа мэниктээтэххэ, күл да күл буоллахха, үлэлиири сүрэҕэлдьээтэххэ, ону-маны мээнэ саҥардахха биһиги дьоммут:"Дьоһуна-туокката суох буолумаҥ, түксү,"- диэччилэр.
Киһи дьоһуна киирбит ааҥҥын саба сылдьаргыттан, атаххын, таҥаскын дьиэҕэ тэбэнэн киирэргиттэн саҕаланар. Урут саха киһитэ ыалга кэллэҕинэ омуннаан эттэххэ уонча мүнүүтэ устата тэбэнэн, көхсүн этитэн баран ааны аһан:"Ыаллар, туох кэпсээннээххит?"- диэн киирэрин саастаах дьон бары билэн эрдэҕэ.
Дьоһуннаах киһи төһө да күүс өттүнэн мөлтөҕүн, чаҕылхай талаана суоҕун иһин, киһиргэс киэптээх, айылҕаттан күүстээх, талааннаах киһитээҕэр олоххо быдан ордук ситиһиилээх.Кини үлэтэ, олоҕо барыта уурбут-туппут курдук табыгастаах буолар. Дьоһуннаан үлэлээтэхпитинэ биһиги тугу барытын кыайабыт, сатыыбыт. Ханнык баҕарар үлэ түмүгүн дьоһун, санааны ууруу быһаарар. Санаанан кыаллыбыт, дьоһуннаан үлэлэммит үлэ хайаан да ситиһиилээх, үчүгэй түмүктээх буолар.
Дьоһун өссө биир көрүҥэ тылы туттуу, киһи саҥата-иҥэтэ. Тыл биһиэхэ өбүгэттэн кэлбит, олоҕу олорорго анаммыт көмөлөһөр күүстэртэн биирдэрэ.Олох оонньуур буолбатах. Бу олоххо санаа атастаһарга анаммыт, тапталынан угуттанан тиийэн кэлбит, босхо бэриллибит олох күлүүһэ, харысхал, киһи-аймах сүдү күүһэ - тыл. Туох босхо кэлбит ол аата биһиэнэ буолбатах диэн өйдөбүллээх, онон кинини туттуу эппиэттээх буолуохтаах. Ол быһыытынан биһиги тыл күүһүн салгыы биэрэр эбээһинэстээхпит.Дьэ, ол иһин, тылы туттарга дьоһуна-туокката суох буолуо, кинини киртитиэ, ыһыа-тоҕуо суохтаахпыт. Төһөнөн тылы ыраастык саҥарабыт, дьоһуннаан туттабыт да кини үйэтэ оччонон уһуур, көмөтө элбиир.Ол иһин мээнэ үөхсүү, этиһии, ойон туран олоҥхолоон барыы,Улуу куйаарга уһуутааһын, күн аайы, кыра аайы алгыһы туттуу сыыһа. Киһи алгыһынан эрэ олоро буоллар, биһиги төрүттэрбит үлэлээбэккэ эрэ булбуттарын сыыһын алгыс туһугар ыһан-тоҕон тоттук, күн кыһалҕата суохтук олорбут буолуо этилэр. Киһи алгыһы улахан дьыаланы саҕалыырга көмөлөһөр күүс быһыытынан олоххо биирдэ-иккитэ туттуохтаах. Бу киһи санаатын улахан дьыалаҕа түмэргэ анаммыт көмө күүс, Ытык тыл. Ону күн аайы туттуу, ыһыы-тоҕуу, бу тот олоххо олорон өссө уйгулаах олоҕу баҕарыы туһугар туттуу дьоһуна-туокката суох буолуу.
Күн бүгүн баар иллээх,тот, сайдыылаах олохпутун сыаналыыр, харыстыыр эрэ буоллахпытына, биһиги оҕолорбут олох олорор уһун айаннарын суолугар дьоһун, таптал, санаа, тыл диэн киһи-аймах, тус бэйэбит күүспүтүн, өбүгэбит үөрэҕин кэмигэр,сөбүгэр көрөн сатаан туһанары тиэрдиэхпит турдаҕа!
Үлэлиэххэйиҥ, саҥарыаххайын, олоруоххайыҥ дьоһуннаахтык!
Киһи-аймах кэҥиир-тэнийэр кэскилэ, уһуур тыына - дьоһуна!
Оҕолорбутугар олох ортоку суолунан олорорго холобур буолуохха. Туох барыта үүнэ-тэһиинэ суох бардаҕына дьарыктан дьаллыкка кубулуйарын өйдүөххэ. Бастаан бэйэбит олоҕу билиэххэ, көрүнүөххэ, көннөрүнүөххэ.
Олоҕу Орто дойду олохтооҕун быһыытынан, киһи буолан кэлбит дьон сиэринэн сөбүгэр оонньоон-көрүлээн, үөрэн-хомойон, үлэлээн-сынньанан,
кэмэ кэллэҕинэ ыал буолан, оҕолонон, сөбүн көрөн аһаан-таҥнан, бириэмэтин билэн эт-хаан, дууһа туһугар олорон, көрдүүрбүтүн эрэ билбэккэ, биэрэрбитин эмиэ билэн олоҕу сөпкө олоруохха!
Ийэ сири, бэйэбит күүспүтүн сөпкө туһаныахха, харыстыахха! Саргы!!!

Харыйалаах кыыһа.

Ахсынньы ый, 2006 сыл.
Ответов 11 Написать ответ
  • Тэмуджин
    14 мая 2013  

    Павлина Норуон Норгуй истин тылларгар бар5а махтал!!!

    0
    • тэмуджин
      14 мая 2013  

      :-) :-) :-)

      Чахчыта да оннук барыта ис турукпутуттан са5аланар буолла5а ис айылгыбытыттан сиэрдээх буолуубутуттан оското итини сахалыы тыллаах саха кун Айыы айыл5а о5олоро тутуьар буоллахпытына суду куустээх саха норуота буоларбыт чахчы. Саха тылынан саха буолбатах дуо? мин санаабар сахалыы толкуйдаах сахалыы санарар киьи саха дии саныыбын. Онон хас биирдии киьи киьини ытыгылаан сугуруйэн санаабытын уларытахха биьиги Айыл5а о5олоро буоларбыт костон кэлиэ бэл Японецтар айыл5а о5олоробут диэн ааттаналлар уьу. Оннук буолбакка аан дайды бары кэриэтэ айыл5а о5олоро сирбититтэн уопуттуттан ийэ сирбититтэн аьаан таннан олордохпут дии. Онон олорор сирбитин уоппутун бука диэн харыстаатахпытына оруьуйдэхпитинэ табыллар туох баар барыта тыынар тыыннаах бэл диэтэр туттар тэрилбит кытары иччилээх онон кинилэри да ытыгылыах тустаахпыт. Саха оркон ойо аьылынна5ына айыл5атын кытта алтыста5ына харысхаллаах комускэллээх буолара буолуо дии саныыбын. Ол барыта уоскуур торуотэ тапталтан оло5уран уоскуур. Киьи барытын таптаан ис сурэ5иттэн онорор айар тутар буоллага дии. Ол иьин мин санаабар барытын бэйэбититтэн таьаарыахха дьон хара курус санаатын ыраас тыынна кубулутуохха ол эбэтэр бэйэ сыьыанын дьон дьонно уларытыахха сырдык сайа5ас санаанан кэпсэтиэххэ. Кэлэр колуонэ оло5ор син биир а5а саастаах колуонэттэн холобур ылар буоллахпыт.

      0
  • ПАВЛИНА
    14 сентября  

    маннык дьикти оҕо баар этэ, өссө миэхэ эрийэн кэпсэппитэ, ханна тиийбитэ буолла. Аһара эдэргин, бастаан тус олоххун оҥоһун, билэр-кэрэр, саҥарар- иҥэрэр бириэмэ кэлиэ диэбиттээх этим.

    0
  • ПАВЛИНА
    14 сентября  

    Тэмуджин, аата да дьикти.

    0
  • ПАВЛИНА
    14 сентября  

    Тэмуджин диэн Чыҥыс Хаан диэн дуо? Суурбэтиттэн эрэ тахсыбыт дии санаабытым, олоҕу мин курдук, баҕар өссө ордук буолуо, анаарарын сөхпүтүм.

    Чыҥыс Хаан диэн туох суолталаах аат буолуой?

    Били саас Александр Уаров оттон уолаттарбыт хайдахтарый диэбитин санаан кэллим.

    Миигин ааҕар буолуоҥ баҕар. Дириҥник ырытан өйдүүр кыах киһи аайы бэриллибэт эбит. Ол иһин миигин үөҕэн бөҕө көрдүлэр, тоҕо диэтэххэ бастаан киһи бары мин курдук өйдүүр дии саныыр этим. Онуоха дьоннор мэйиитигэр таракаан киирбит да диэччилэр көстүбүттэрэ.

    Билигин суруйбаппын, ону-маны өйдүү-билэ сатаабат буоллум. Дьэ дьон тэҥинэн буоллахха, толкуйдуу сылдьар дьону араара билэбин, арыт аһынабын.

    Кыламан, тыҥырах, таҥас-иҥэс, танцуй, гуляй олох да үчүгэй эбит. С дураков спроса нет диэбит курдук эрээри, надеюсь это временно для меня. Олох барахсан эппиэттэппэтэ кэлиэ дуо? Но для равновесия иногда надо отрываться.

    Онон бэйэҕит эрэ тускутугар олорор тойоттор сороҕор для равновесия да толкуйдуур буолуҥ тугу туойаргытыҥ диэн үтүөнү баҕаран тугу да гынара суохпуттан тэһийбэккэ суруйа олоруум.

    Соҕуруу дойдуга түүн. Тула дьон бары утуйа сытар. Сороҕо саҥа пиибэлээн бүтэн барда. Ол эрээри массыына ыраах турар суолга тохтоло суох субуллара иһиллэр.

    0
  • ПАВЛИНА
    14 сентября  

    Муора диэн эр киһи дьүһүннээҕэ дуу, Хотун дуу дии саныыбын.

    Оттон улахан куораттар? Тугунан дьүһүйүө этилэр тыыннаахтыы ылынар дьон?

    0
  • ПАВЛИНА
    14 сентября  

    эрээри 2006 сыллаахха мин да эдэрим сыттаҕа, онтон бэттэх 11 сыл ааста. Өссө суруйуом иннигэр биир оччо толкуйдаатаҕым дии. Букатын отут сааспыттан. Онтуҥ дьахтар киһини сыаннан-арыыннан аҕаабат үлэ.

    Оттон салайар эр дьоммут саастара хаһый, хастарый? Омукка хамнас иһин үлэлээн төһөнү эптилэр?

    0
  • ПАВЛИНА
    14 сентября  

    Муора барахсан тохтоло суох долгулдьуйан оргуйан олорор олоҕо киһиэхэ кыаххын эбэр дуу, сылайбыккын устар дуу курдук. Үлэттэн сылайан ээл-дээл турукка киирбитиҥ ааһан, дойдугун ахтарыҥ, тугу эмит кини туһугар, дьоҥҥор-сэргэҕэр эбэр үтүө баҕаҕын уһугуннарар курдук буолан, үчүгэйгин булунан сиэттиһэн силбэһэн салгыы үтүө дьоннуун хардыылыах баҕаҥ баһыйар да, суруйа олордоххуна биир эмит мин аҕай диэбит кылгас өйдөөх киирэн үөҕэн ааһыан эмиэ сөп диэн сэрэхэчийэҕин. Ол айыллыы буолуо. Оннук дьаакыр туһугар эмиэ туһалаах курдук. Онтон атын устунан Олоҥхолоон Орто дойду күннээҕи олоҕуттан эмиэ арахсан барыах курдуккун.

    0
    • -Мила
      14 сентября  

      ПАВЛИНА, хайа омуктарын эр дьоно хайҕаатылар дуо?дьүһүннээх кэрэтэбин диэбитиҥ диsmiling face with open mouth and tightly-closed eyes

      0
  • ПАВЛИНА
    14 сентября  

    Таптал диэн тылтан кытта куттанар буолуохпар дылы билбит, бүгүҥҥэ дылы ааспатах, өссө атыннык күөдьүйбүт тапталым курдук, сурук диэнтэн эмиэ көҥөнөр дуу, куттанар дуу эбиппин. Суруйан саҕалыаҥ кэрэх, өйүн-санааҥ үөрүйэх устун көтө-дайыах курдук.

    Онон барыгытыгар этэҥҥэ буолары , дойдуга дьолу туойар олохтоох дьиикэй кыыллары, биһиэхэ дьиэлээх, онно төрүү- үөскүү мустар көтөрдөрү сыаналыы, харыстыы үөрэнэргитин баҕара хаалан, бэйэм бэйэбин эрэ кытта бииргэ буолар аартыкпын астыым.

    0
Ответ на тему: Дьоһун.
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Предложения и замечания