3 года на форуме Автор 3 уровня 1000 просмотров Все
Награды
3 года на форуме
3 года на форуме
Автор 3 уровня
Автор 3 уровня
1000 просмотров
1000 просмотров
Манчаары XX Оонньууларын — Үөһээ Бүлүү улууһугар ыытыахха
  881
Цитата:
«Урожай» спорт уопсастыбатын уобаластааҕы Сэбиэтин 1966 сыл сааһыгар буолбут отчуоттуур-быыбардыыр конференциятыгар Үөһээ Бүлүүттэн делегаттар Дмитрий Федотов уонна Николай Корякин «1932 сылтан ыла ыытыллан кэлбит Саха сирин норуоттарын спартакиадатын саха национальнай геройа Манчаары Баһылай аатын үйэтитэн, кини бириистэригэр ыытар буолуоҕуҥ» диэн туруорсан этии киллэрбиттэрэ. Үөһээ бүлүүлэр бу сиэрдээх туруорсууларын спорт биллиилээх тэрийээччилэрэ, «Урожай» ДСУо уобаластааҕы сэбиэтин бэрэссэдээтэлэ Афанасий Алексеев уонна Саха АССР Министрдэрин Сэбиэтин физкультураҕа уонна спорка комитетын бэрэссэдээтэлэ Семен Алексеев өйөөннөр ССКП обкомугар, Министрдэр Сэбиэттэригэр күүскэ туруорсаннар, анал дьаһал таһаартарбыттара.

Манчаары бирииһигэр бастакы Спартакиада 1968 с. Дьокуускай куоракка ыытыллыбыта. Онно 12 оройуонтан 253 спортсмен, ол иһигэр 23 ССРС уонна Саха АССР спордун маастардара кыттыбыттара. Спартакиада программатыгар атах оонньуута, хапсаҕай, мас тардыһыыта, оҕунан ытыы уонна спорт национальнай көрүҥүн быһыытынан биллэриллибит гиря спорда киллэриллибиттэрэ. Икки күн устата үрдүк таһымнаахтык, ньиргиччи ыытыллыбыт бастакы оонньууну уонунан тыһыынча дьон олус сөҕө-махтайа көрбүттэрэ, күрэхтэһии киэҥ сэҥээриини ылбыта. Дьэ ол иһин, эһиилигэр иккис Спартакиада Манчаары төрөөбүт дойдутугар, Мэҥэ-Хаҥалас Майатыгар, ыытыллыбыта. Үөһээ бүлүүлэр этии көтөхпүт оройуон быһыытынан үчүгэйдик тэринэн маҥнайгы, иккис спартакиадаларга хамаанданан түмүккэ бастакы миэстэлэри ылыталаабыттара.
Манчаары Баһылай аатынан Спартакиада саха сирин бары спортсменнарыгар ураты суолталаах күрэхтэһиинэн буолар. Манчаары спартакиадалара үрдүк өрө көтөҕүллүү, бырааһынньыктыы быһыыга-майгыга ыытыллаллар, кинилэргэ олимпизм тыына уратытык биллэр. Манчаары Спартакиадатын күүрээнэ үрдүгүнэн, олус хатыһыылаахтык барарынан спортсменнар үрдүк ситиһиилэнэллэр, үгүс рекортары олохтууллар. Олимпийскай хамсааһыны утумнаан, бу күрэхтэһиилэр чемпионнара титулларын мэлдьи илдьэ сылдьаллар, кыайыылаахтар ааттара Саха сирин спордун историятыгар кыһыл көмүс буукубаларынан суруллаллар. Дьэ, ити иһин, үрдүк көрдөрүүнү ситиһэр кыахтаах спортсменнар ураты сыал-сорук туруорунан, өр кэмҥэ бэлэмнэнэн, ох курдук оҥостон туран кытталлар. Спортсменнар бу күрэхтэһиилэргэ анаан-минээн бэлэмнэнэллэр, түөрт сыл устата утумнаахтык эрчиллэллэр. Түөрт сыл буола-буола ыытыллар бу күрэхтэһиилэргэ күөгэйэр күннэригэр сылдьар хайа да бэйэлээх спортсменнар 3-4 эрэ төгүл кыттан, чемпион үрдүк аатын ылыахтарын, рекорд олохтуохтарын сөп.
2005 сылга диэри иккилии сыл арыттаан ыытыллыбыт Манчаары Спартакиадата ити сылтан түөртүү сыл буола-буола ыытыллар үгэстэннэ. Онон бу күрэхтэһиилэр республикабытыгар, аан дойду үрдүнэн Олимпийскай оонньуулар курдук, түөрт сыл буола-буола ыытыллалларынан уратыланнылар.
Манчаары Спартакиадата ыытыллар улуустарыгар улахан сэргэхсийии, дьон-сэргэ өрө көтөҕүллүүтэ мэлдьи тахсар. Урукку өттүгэр күрэхтэһиилэргэ бэлэмнэниинэн сибээстээн, стадионнары өрөмүөннээһин, оройуоннар кииннэрин тас көрүҥнэрин тупсарыы, киэргэтии, ыраастааһын, көҕөрдүү эҥин курдук үлэлэр ыытыллаллара, онно нэһилиэнньэ, тэрилтэлэр олус көхтөөхтүк кытталлара, сүрүн болҕомто күрэхтэһии аһыллыытыгар, сабыллыытыгар уонна үрдүк таһымнаахтык ыытыыга ууруллара.
Саха Республикатын Президенинэн В.А.Штыров уонна Правительство Бэрэссэдээтэлинэн Е.А.Борисов үлэлиир кэмнэриттэн Манчаары Оонньууларыгар судаарыстыбаннай таһымнаах болҕомто ууруллар, бэлэмнэнии уонна тэрээһин үлэлэргэ республика бюджетыттан анаан-минээн үтүмэн үп көрүллэр, социальнай уонна спортивнай хайысхалаах улахан тутуулар ыытыллар буоллулар. Бу күрэхтэһиилэр тэрээһиннэригэр республика бюджетыгар сүрүн дохуоту киллэрэр «АЛРОСА», «АЛРОСА-Ньурба», «Анаабыр алмаастара», «Якутзолото», «Якутскэнерго», «Алданзолото», «Нерюнгри таас чоҕо» компаниялар, «Саха сирин тимир суоллара», «ЭПЛ Даймонд» ААУо-лар, о.д.а. бөдөҥ промышленнай тэрилтэлэр кыттан үп-харчы угар буоллулар. Республикабыт салалтатын итинник муударай быһаарыытынан, аан дойдуга Олимпийскай оонньууларга бэлэмнэнии курдук, ону утумнаан, Манчаары Оонньуулара буолар улуустарыгар республика бэйэтин кыаҕынан бюджетыттан үбүлээн, ону тэҥэ улахан промышленнай тэрилтэлэртэн үп көрдөртөрөн, аныгы ирдэбилгэ эппиэттиир дьоһуннаах спортивнай, культурнай, социальнай объектар тутуллар буоллулар.
Улуустар салалталара Манчаары Оонньууларын ыытыынан сибээстээн, аныгылыы үгүс объектар тутуллалларын, нэһилиэнньэ үлэнэн өрө күүрэрин, дьон-сэргэ үйэҕэ умнубаттык сынньанарын, сэргэхсийэрин иһин, күрэхтэһии сыраны-сылбаны эһэр тэрээһиниттэн даҕаны саллыбакка, бэйэлэрин улуустарыгар ыыттараары республика үрдүкү салалтатыгар хайдах сатанарынан, табылларынан күүскэ туруорсаллар. Манчаары Спартакиадата ыытыллар улуустарын быһаарыыга республика үрдүнэн бэлиэтэнэр суолталаах үбүлүөй дааталарын кытта сөп түбэһиннэрэллэрэ быһаарар оруолланар.
Манчаары спартакиадалара Мэҥэ-Хаҥаласка 5, Дьокуускайга 6, Бүлүүгэ 2 төгүл, Аммаҕа, Горнайга, Тааттаҕа, Хаҥаласка, Ньурбаҕа биирдиитэ, оттон Саха сирин норуоттарын спортивнай оонньуулара Уус-Алдаҥҥа, Хаҥаласка, Томпоҕо, Сунтаарга, Өлүөхүмэҕэ ыытыллыбыттара. Көстөрүн курдук, Манчаары Спартакиадата Үөһээ Бүлүүгэ эрэ ыытылла илик. Оттон бу улуус 20 тыһ. тахса нэһилиэнньэлээх, 21 нэһилиэктээх тыа хаһаайыстыбатынан дьарыктанар республика биир бөдөҥ улууһа буолар. Үөһээ Бүлүү республика экономиката, культурата, искусствота уонна спорда сайдарыгар үгүс үтүөлэрдээх улуус.
Саха сиригэр Үөһээ Бүлүүнү хапсаҕай төрөөбүт дойдутунан билинэллэрэ мээнэҕэ буолбатах. Ити бэйэлэрин кэмнэригэр сүһүөхтээхтэн бүдүрүйбэтэх, иннинэн сирэйдээхтэн охтубатах Буучугурас бөҕө уонна тыыннааҕар номоххо киирбит Бычырдаан төрөөбүт дойдулара буоларын эрэ иһин ааттамматаҕа. Саха олоҕор нуучча культурата күүскэ өтөн киирэр, бэл, ыһыахтар да ыһыллыбат буола сылдьыбыт кэмнэригэр, биһиги, үөһээ бүлүүлэр, үрүҥ тунах ыһыахтары ыһан уонна омук быһыытынан ураты оонньуубутун, хаарыаннаах хапсаҕайбытын харыстаан, хаттаан тилиннэрбит умнуллубат үтүөлээхпит, ол да курдук республика хапсаҕайга 104 маастара биһиги улуустан иитиллэн таҕыста. Хапсаҕайга республика 5 абсолютнай чемпионун таһынан сахалыы ыстаныыларга 5, гиряны анньыыга 1, чэпчэки атлетикаҕа 12 рекордсменнар Үөһээ Бүлүүттэн тахсыбыттара. Билиҥҥи кэмҥэ тустууктар Степан Тимофеев, Федор Данилов, Петр Александров, Айаал Анисимов, Увар Тимофеев, чэпчэки атлетикаҕа Диана Тартакынова, Сардаана Трофимова, Дмитрий Наумов, Дмитрий Иванов, хотугу многоборьеҕа Лариса Михалева, Тимофей Мойтохонов, атах оонньууларыгар Михаил Руфов, гиря спордугар Дмитрий Михалев, Степан Егоров, о.д.а. республика чиэһин мэлдьи ситиһиилээхтик көмүскүүллэр.
Үөһээ бүлүүлэр республика таһымнаах үгүс спортивнай күрэхтэһиилэри, араас тэрээһиннэри ураты тыыннаахтык,үрдүк таһымнаахтык ыыталларынан биллэллэр, онон Үөһээ Бүлүү улууһугар Манчаары ХХ Спартакиадатын ыытарга ханнык даҕаны харгыс, утарсар төрүөт суохтар.
2017 сылга үбүлүөйдээх ХХ Манчаары Спартакиадата ыытыллыахтаах сылыгар улууспут киинэ Үөһээ Бүлүү сэлиэнньэтэ төрүттэммитэ 380 сылын туолар. Бу кэрэ-бэлиэ даатаны үрдүк таһымнаахтык бэлиэтииргэ бэлэмнэниинэн сиэттэрэн уонна Манчаары ХХ Спартакиадатын ыытыыга бэлэмнэнии бэрээдэгинэн тэрээһин былаана торумнанан үлэлэрэ саҕаланнылар.
Ол курдук, Спартакиада 4 тыһ. кэриҥэ кыттыылаахтарын, судьуйаларын, үгүс ыалдьыттарын түһэрии, аһатыы чуолкайданан, Роспотребнадзор ирдэбиллэригэр толору эппиэттиир буолалларын хааччыйыыга былааннаах үлэлэр кэлэр сайынтан саҕаланаллар. Итини тэҥэ ыалдьытымсах үөһээ бүлүүлэр бэйэлэрин дьиэлэригэр үгүс ыалдьыттары түһэрэр, маанылыыр, нус-хас сынньатар усулуобуйалары олохтуохтара.
Дьокуускайтан Үөһээ Бүлүүгэ диэри тутулла турар 680 км усталаах федеральнай суолу республика салалтата 2017 сылга диэри асфальтаан бүтэрэрдии үлэлиир, бу сылга Таҥнары уонна Чыбыыда үрэхтэр муосталара ситэриллиэхтээхтэр, итини тэҥэ самолетунан, уунан сылдьыы сыллата тупса турар.
Спартакиада ыытыллыахтаах Үөһээ Бүлүү киинигэр элбэх саҥа объектар, ол иһигэр поликлиникалаах балыыһа, 4-с №-дээх орто оскуола, Культура дыбарыаһа, элбэх функциялаах Культура киинэ, автовокзал тутуулара 2014 сылга бүтүөхтээхтэр, итини тэҥэ 2017 сылга диэри өссө хас да социальнай, культурнай, спортивнай объектар тутуллуохтаахтар.
Спартакиада кэмигэр ыытыллар араас көрүҥнээх культурнай тэрээһиннэртэн ордук суолталаахтарынан Кэнтиккэ “Чап уустарын”, Ороһуга “Норуот педагогикатын”, Харбалаахха судаарыстыбаннас, норуодунай суруйааччы Николай Якутскай, Тамалакааҥҥа уонна Намҥа норуодунай суруйааччылар Сэмэн Руфов, Бүөтүр Тобуруокап музейдарын кытта билиһиннэрии буолуоҕа.
Түмсүүлээх уонна тэрээһиннээх Үөһээ Бүлүү улууһун олохтоохторо Манчаары Баһылай ХХ үбүлүөйдээх Спартакиадатын үрдүк таһымнаахтык тэрийэр кыахтаахтарын, тэрээһин үлэлэри номнуо саҕалаабыттарын учуоттаан уонна 2017 сылга Үөһээ Бүлүү сэлиэнньэтэ (Куорамыкы) төрүттэммитэ 380 сылын туолар үбүлүөйүнэн сибээстээн, республикабыт Президенэ, Правительствота, Физкультура уонна спорт министерствота көрдөһүүбүтүн ылынан, биһиги улууспутугар «Манчаары Оонньуулара» Спартакиадатын ыытыыны итэҕэйиэхтэрэ диэн эрэнэбит.

Уйбаан ЧЫЫЧААХАП,
СР норуотун хаһаайыстыбатын
үтүөлээх үлэһитэ,
Үөһээ Бүлүү улууһун бочуоттаах олохтооҕо, Россия
Суруналыыстарын сойууһун чилиэнэ.
Ответов 31 Написать ответ
  • -Эркин-
    4 апреля 2013  

    Кырдьык даҕаны бу саамай сөптөөх туруорсуу.

    Аныгыскы Манчаары оонньууларын Чурапчы кэннэ Бүлүү бөлөх улуустарын саамай ортотугар Үөһээ Бүлүү бөһүөлэгэр ыытыахха наада. Суол-иис да харгыһа суох дойдута, таарыччы улуус киинин сайыннарыы саҥа кэрдиискэ тахсыа этэ, а то Үөһээ Бүлүү курдук үтүө миэстэҕэ турар бөһүөлэк ыаллыы улуустартан улаханнык хаалла.

    0
  • Тайгер
    4 апреля 2013  

    Бэрт этии! Аҥардас Буучугурас уонна Бычырдаан хапса5айдьыттар ааттара аар-саарга аатырбыта.

    0
  • бигэ52
    4 апреля 2013  

    ыалларбын мин да өйүүбүн.

    0
  • хомусырыата
    4 апреля 2013  

    Уйбаан Дьөгүөрэбис этиитин икки илиибинэн өйүүбүн)

    0
    • -Эркин-
      4 апреля 2013  

      оннук бары икки илиибитинэн ёйуур буоллахпыт

      0
      • Тускун
        4 апреля 2013  

        Олус үчүгэй этии,сөбүлэһэбин.

        0
        • орто саас
          4 апреля 2013  

          Дьэ сөптөөх этии

          Икки илиибинэн куоластыыбын.Дьиҥэр Бүлүү кэнниттэн бу сылга буолбута буоллар өссө бэрт этэ.Бу санаатахха Үөһээ-Бүлүүгэ Манчаары буола илик эбит.Бүлүүгэ,Ньурбаҕа буолбута Сунтаарга Саха сирин норуоттарын оонньуулара буолбута.Улахан спортманеж,стадион тутуллан үөрүүбүт үгүс.Миэхэ Манчаары оонньуулара ордук суолталаах курдук.Саха сирин олимпийскай оонньуута.Кэккэ көрүҥнэргэ(хапсаҕай,мас тардыьыы,гиирэ)манчаарыга кыттар иьин путевка былдьаьыылааҕа уровен үрдээбитин көрдөрөр.

          0
          • минимила
            4 апреля 2013  

            оннук2, дьон-сэргэ да сэргэхсийиэх этэ...

            Урут тустуу курэ5э беге буолара, Республика таьымнаах тэрээьиннэргэ дьон, ыалдьыт, курэхтэьээчилэр мусталлара, кэлии-барыы, уеруу-кетуу буолара аххан. Билигин соччо уота-кууьэ суохтар...

            0
          • минимила
            4 апреля 2013  

            оннук2, дьон-сэргэ да сэргэхсийиэх этэ...

            Урут тустуу курэ5э беге буолара, Республика таьымнаах тэрээьиннэргэ дьон, ыалдьыт, курэхтэьээчилэр мусталлара, кэлии-барыы, уеруу-кетуу буолара аххан. Билигин соччо уота-кууьэ суохтар...

            0
  • Боотур уус
    4 апреля 2013  

    септеех этии

    кытаатын, үөһээҥҥилэри хайытыахха наада.

    0
  • вервил
    7 апреля 2013  

    Аныгыскы Манчаары спатакиадатын- Уеьээ-Булуугэ!

    О5олорбут кэлинни кэмнэ спортка урдук ситиьиилэнэн эрэллэрэ биьигини уердэр. Ол курдук, уонча хонуктаа5ыта Республика5а о5олор бокса5а чемпионаттарыгар 3 чемпион (холобур, Ньурбалартан- 1 чемпион), 2- урун кемус, 3-бронза призерданныбыт. Бугун куораттан эрийэн иьитиннэрбиттэринэн, о5олорбут остуол тенниьигэр хамаанданан бастакы, хапса5айга- бастакы, мас тардыьыытыгар- иккис миэстэ буолбуттар. Чэпчэки атлетика5а- 1 о5о чемпион, 1 бронза мэтээли ылбыттар. Быйылгы сылга киирэн баран биир кыыспыт Дальнай Востокка баран бастаан бокса5а спорт маастара буолла, остуол тенниьигэр саха кыргыттарыттан аан бастаан 2 кыыспыт спорт маастарыгар кандидат буоллулар. Онон, спорт Уеьээ-Булуугэ сайдан эрэр.

    0
    • 1
      7 апреля 2013  

      Уеьээ Булуу итинник мероприятиены ыытарга не заслуживает.

      Ньурба, У.Булуу Булуу белехтерге спорт еттугэр хаалан иьэллэр. Ити диэкиттэн Булуу уонна Сунтаар инники куеннэ сылдьаллар.

      0
      • орто саас
        7 апреля 2013  

        Вервил гиревиктэргин умнубуккун.

        Биир билэр киьим Үөһээ-Бүлүүттэм республиканскай турниртан кэллим диэтэ.Сотору буолуохтаах Россия чемпионатыгар кыттыахтаах республика сборнайа кэлэн кыттыбыт.Мин билэрбинэн Үөһээ-Бүлүүлэр республикаҕа наар бастыыллар, миэстэлэьэллэр.Манчаарыны ыллахтарына гиирэҕэ бастыыллара чуолкай.Дьэ кытаатан туруорсун,хамсанан иьиҥ!

        0
  • земляк
    7 апреля 2013  

    Эркин-саамай сопко эппит

    Үөһээ-Бүлүүгэ эрэ туох да тутулла илик,буола илик.Кэккэ улуустарбыт бары сайдан, сандааран а5ай эрэллэр.Ити төрүөтэ барыта улуус баһылыгар сытар.Куоракка Баскачыыны улаханна уурбаттар диэн истибитим бюджет харчы көрбөт буолта ырааппыт ,ол иһин эстии суолугар уктэнэн иhэр В-В.

    0
    • osipof
      7 апреля 2013  

      саамай сеп

      Чыычаахап саамай сепке суруйбут. Мин билэрбинэн Уеьээ Булуугэ эрэ Манчаары оонньуулара да, Олонхо ыьыа5а буола илик. Атын улуустарга улахан тэрээьиннэр бараллар а5ай. Наьаа Уеьээ Булууну "арыылаан" кээспэт буоллахтара.

      0
  • Земляку от земляка
    8 апреля 2013  

    И не надейтесь!

    "...бюджет харчы көрбөт буолта ырааппыт ,ол иһин эстии суолугар уктэнэн иhэр В-В". Бу атын улуус киьитэ суруйбут бадахтаах, земляк дэнэ-дэнэ. Бэйэбит да биир эмэ ущербнай киьибит буолуон эмиэ сеп. Уэьээ-Булуу улууьа эстии суолугар тиийэригэр наьаа да ба5араахтыыгыт, сордоохтор! Ол гынан баран, оннук ончу буолуо суо5а! Эрэнимэн да5аны.

    0
    • Земляк земляку
      8 апреля 2013  

      Уеьээ булуу эстэн буппутэ ыраатта.

      Эн ханна эрэ олороннун хантан билиэххиний. Саамай хаалан иьэр, сайдыыта суох улуус буолан буттэ. Хараххын ас, трезво кер буола турар быьыыны майгыны. Сымыйанан иллюзиянан олорума, бэйэни уоскутунан.

      0
      • вервил
        8 апреля 2013  

        "земляку"

        Аньыыны санарыма, "эстэн буппутэ ырааппыта" буолан. Хаалыы, экономическай-социальнай еттугэр, баар. Ону да ханнык улуустары кытта тэннээн керертен тутулуктаах. Холобур, Чурапчыттан, эбэтэр атын Илин энэр улууьуттан, суол-иис, тутуу еттунэн хаалан иьэбит, билиннитэ. Ону ким да мэлдьэспэт ини. Ол гынан баран, ол хаалыыбыт быстах кэмнээх дьыала. Эн этэрин курдук "эстэн бутэ" иликпит. Уонна эстиэхпит да суо5а дии саныыбын. Хомойуох иьин, эн курдук улуус ку6а5ан буоларыгар ис-истэриттэн ба5арар дьоннор, биирдиилээн эмит да буоллар,бааллар.

        0
  • ант
    11 апреля 2013  

    манчаары оонньуулара

    Манчаары оонньуулара Үөһээ-Бүлүүгэ буоларын сөптөөҕүнэн ааҕабын.Бу оонньуу сайдарыгар район-улуус улахан оруоллаах.Мин таайым бу оонньууларга иккитэ чемпионнаабыта.Сайын 2012 сылга,дойдубар Үөһээ-Бүлүүгэ тиийэ сырыттым.Дьаһанан олороргутуттан хомойдум,улуус киинэ көспүт Кэбээйи киинэ Кэбээйи селоҕа майгыннаттар.Администрацияҕа тиийбитим дьиэлэригэр киһи кыайан киирбэт чалбаҕа-бадараана,нэһиилэ эргийэн киирдим.Бириэмэтэ бэс ыйын 26 күнэ,дьиэ иһэ эмиэ оннук.Тахсан баран санаатым,тиэргэнин уонна дьиэтин кыайан дьаһаммат хаһаайын хаһаайын буотаҕын,киһи барыта билэр.Столовойга аһыы тиийбитим вообще дьаабы,70-с сыллааҕы столовой ырааһын,обслуживанията үчүгэйин санаан ыллым.Сбербан дьиэтигэр кииртим ханнык эрэ забегаловканы майгыннатта,хата ол оннугар суд дьиэтэ ырааһынан,иһинэн таһынан мас олордубуттарынан,инвалидтар киирэллэригэр диэн падустахтарынан арыый санаабын көннөрдө.Аэропортка бара сылдьыам дуу диэн баран көрбөккэ кэллим,оҕо сылдьан самолет кэтэһэн порт хонуутугар элбэхтик сыппыппыт,уонна столовойа минньигэстик да аһатар этэ.Мин санаабар ити наадалаах обьектар көнөр кыахтаах эрэ буоллахтарына республика дьонун ыҥырыахтарын наада.

    0
    • мааппа
      11 апреля 2013  

      саамай соптоох этии

      Манчаары оонньуутун Үөһээ-Бүлүүгэ ыытары өйүүбүн. Ону туруорсуу наада. Баһылыктар, депутаттар сити туһугар хамсаныахтар этэ. "Под лежачий камень вода не течет".

      0
  • -Эркин-
    11 июня 2013  

    Кэлэр 2017 сылга Манчаары оонньуулара Үөһээ Бүлүүгэ ыытыллар буолла. Уруй-айхал!

    0
    • олорбут
      11 июня 2013  

      глава5ыт ер буолла5ына буолар буолла5а.хотя итирэн баран

      көрсубэтин да5аны.ньурба буолла5ай.

      0
      • урсун
        11 июня 2013  

        бугун телевидение5э "Харах далыгар" кэлэр Манчаары оонньуулара

        УоЬээ Булуугэ буолар диэн эттилэр

        0
          • Уербут Уеьээ Булуу уола
            12 июня 2013  

            Манчаары биьиэхэ!!!

            Ну что "доброжелатели", выкусили? Манчаары у нас! Результат продуманной работы администрации улуса и ПВС лично. Это к тому: "Куоракка Баскачыыны улаханна уурбаттар диэн истибитим бюджет харчы көрбөт буолта ырааппыт ,ол иһин эстии суолугар уктэнэн иhэр В-В. ".

            0
            • dashy
              12 июня 2013  

              Вервил

              Мин мэнэ киьитэ Манчаары сиэнэ эмиэ уорэ иьиттим Уоьээ-Булуугэ буоларын. сайдыа этилэр бо! Наьаа арыылыыр сурэ бэт!

              0
  • Уйбаанабыс86
    12 июня 2013  

    хайдах да буолбутун иьин дойдуларын уе5эн тахсар дьоннор бааллар.

    Смердяковтар. ха0ан да харахтара туолбата ерунда, бэйэлэрэ дойдуларын сайдыытыгар тарбахтарын да хамсаппат. уеьээ булуугэ оннуктар олус элбэхтэр. ньурба диэки кереллер, ыйылаьаллар, Булуу диэки кереллер - ыйылаьаллар. Ытаан тахсаллар. Ол эрэн кэнники биэс сылга уеьээ Булуу курдук элбэх тутуу барбыт улууьа республика урдунэн суох. ону бары билинэллэр. Ил Ту4мэн депутаттара ордургууллар. Бу Поскачин, депутат Миронов, Айс, Габышева и т.д. биир хамаанда буолан улэлииллэрин туоьута.
    Оттон ытанньахтар салгыы ытаан.

    0
  • Тыа кыыһа
    12 февраля  

    үөһээ бүлүү оройуоннааҕы хаһыата оччолорго "коммунизым суолунан" хаһыат бирииһин иһин чэпчэки атлетикаҕа эстафета хас сыллаахха ыытыллыбытай?Ким билэрий?

    0
  • Б
    18 февраля  

    Сайын оонньуу буолбута дии хайдах тура тура Уэьээ Булуугэ ?наьаалаатыгыт дии ! Атын улуустар эмиэ бааллар !

    0
  • Старая переписка
    18 февраля  

    Ты на даты постов посмотри сначала, потом возмущайся, чудик!

    0
Ответ на тему: Манчаары XX Оонньууларын — Үөһээ Бүлүү улууһугар ыытыахха
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Предложения и замечания