хоһоон
афанасий  -    16782
Дьоллоох куорат дуо,Дьокуускай куорат?

Дьулаан да суолу түһээтим бөөлүүн-
Өлөрдүлэр миигин үлтү кулаан,
Кэтэһэн туран сабыта сынньан,
Соҕотох бэйэбин бүттүүн куолаан.

Үрдэ-анна биллибэт үлүгэр:
Илии-атах үллэҥнэс-күөрэҥнэс,
Кыараҕас уулусса куоттарбакка
Күөйэн биэрдэ олбуорун тоһуйан.

Илэ көһүннэ ийэм мөссүөнэ,
Охсуллан ааста аҕам хаһыыта-
Аһын,харыһый,көстөн абыраа,
Баар буоллаххына,тойон таҥара...

Салгын эстэн уолукпар тыыннарда,
Тиһэх кыланыым күөмэйбэр бөттө,
Өмүрэх ой дуораана уолуйан
Уулусса уҥуор ытыс таһынна.

Дьулаан да суолу түһээтим бөөлүүн-
Өлөрдүлэр миигин үлтү кулаан,
Кэтэһэн туран сабыта сынньан,
Соҕотох бэйэбин бүттүүн куолаан.
Ответов 403 Написать ответ
  • афанасий
    30 декабря 2012  

    хоһоон



    Тойук

    Мин өлүөм!Миэхэ утары
    Сүүрэн түһүө дуо ол сулус,
    Аан аһан көрсүө дуо ырай,
    Туойуо дуо мин туспар тойук?

    Суох буолуом!Кынат үүннэрэн
    Кутум көтүө өрө дайан,
    Эбэтэр түһүө таҥнары,
    Умса сааллан,кырыыс кыайан.

    Туох күүтэр антах тиийэрбэр-
    Аанньал буолабын,эбэтэр,
    Сибиэн өлүү аргыстаах үөр
    Манна хаалабын кэрийэ.

    Баар буолуом дьоммор-сэргэбэр-
    Үтүө өйдөбүл баһыйан,
    Истиҥ,иһирэх тылынан
    Мин аатым эмиэ ахтыллыа.

    Дьылҕа-хаан ыйааҕа тыйыс-
    Оҥоһуу,анабыл кылгас,
    Сүүрбэтэ миэхэ утары
    Суулунна бүгүн ,ол сулус.

    ...Ким эрэ сырдык дууһата
    Ийэ буорун ахтан киирдэ,
    Ханна эрэ ити аата
    Саҥа киһи күнү көрдө.

    0
    • афанасий
      30 декабря 2012  

      хоһоон




      Суланыы


      Хаарыан да дьону мин таҥнардым-
      Хобу-сиби былаах оҥостон,
      Кимиэхэ эрэ бэрт буолаары,
      Туох эрэ дьоһун аат ылаары.

      Кэрэ да куолары кэлэттим-
      Кураанах эрэли куустаран,
      Кубулҕат кэмэлдьим көймөстөн,
      Кэдэрги сигилим күөрэйэн.

      Үгүс да алҕаһы оҥордум
      Усталаах-туоралаах олохпор,
      Айыы-хара диэн аахсыбакка,
      Буруй-сэмэ да ылыммакка.

      Санаабар табыллар курдуга,
      Саатар биир күн миэхэ тахсара,
      Соҕотох хаалар сор быатыгар,
      Быралгы сылдьар ыар дьылҕабар.

      0
      • афанасий
        30 декабря 2012  

        хоһоон




        Сааһырыы


        Кэрийбэтим мин алаастары,
        Куулаттан киирбэтим таҥнары,
        Хомус саҕатынан сэрэнэн
        Хаампатым хадьымал хомуйан.

        Сыыйбатым быйыл үрэхтэри,
        Кэспэтим дулҕаны,талаҕы;
        Өҥөйөн көрбөтүм үөһэттэн
        Дойду хараҕа чүөмпэлэри.

        Суох буолла булт туһунан кэпсээн,
        Омун-төлөн аргыстаах ахтыы;
        Аҕыйаата дьиэбэр сүпсүлгэн,
        Өйүөҕэ ороскуот,атаарыы.

        Сиэлэ сылдьан саалааһын,аны,
        Букатын хааллаҕа кэннибэр,
        Мончуук долгуҥҥа оҕустаран
        Өрүтэ күөрэҥниир иннибэр.

        1
        • афанасий
          30 декабря 2012  

          хоһоон





          Доҕорбор



          Доҕорум барда бүгүн миигиттэн
          Дойдулаах киһиэхэ сөп даҕаны;
          Дьиэтэ-уота ыҥыра турдаҕа,
          Дьоно-сэргэтэ күүтэн эрдэҕэ.

          Хайыһан көрдө буруйдаах курдук
          Курус мичээрин кстии саһыаран;
          "Көрсүөхпүт"-диэтэр да,сир төгүрүк,
          Хам тутта түөһүм иһэ сайыһан.

          Суохтаабата куорат уулуссата
          Сарсыардаттан эйигин сүтэрэн,
          Сураспата ирдэһэр бэйэтэ
          Саҥата суох иһийбит төлөпүөн.

          Доҕорум барда бүгүн миигиттэн
          Дойду,алаас сылаас тыынын ахтан,
          Ылла,хомунна да түһэ турда,
          Ыйыппата,саараама,кимтэн да.

          Быйыл да буолбатар биллэр ини,
          Бу эрэлим,бука,туоллар ханнык,
          Этиэхпин баҕардым мин аймана
          Эн дьоллоохтук этэҥҥэ айаннаа.














          хэ сөп даҕаны

          1
          • афанасий
            30 декабря 2012  

            хоһоон






            Санаа


            Эн миигин кытта эрдэххинэ
            Олус да сырдыга күн сирэ,
            Элбэх да этэ сибэккитэ,
            Күлэрим да ордук хатана.

            Эн миигин кытта эрдэххинэ
            Сиккиэр күнү быһа сырсара,
            Сыһыыттан сибэкки үргэтэн
            Суһумнас суһуоххун өрөрө.

            Эн миигин кытта эрдэххинэ
            Этиҥ тыаһа сааллан сүрдээҕэ,
            Оҕотук соһуйбут харахха
            Омуннаах этэ чаҕылҕана.

            Эн миигин кытта эрдэххинэ
            Ардах да таммаҕа бөдөҥө,
            Көтөҕө сылдьыбыт санааҕа
            Кэтирээн көстөрө чалбаҕа.

            Эн миигин кытта эрдэххинэ...
            Билигин дууһабар хаар түһэр,
            Кыараҕас да эбит сир көхсө,
            Тыыным хаайтарда түөрт эркиҥҥэ.

            1
            • афанасий
              30 декабря 2012  

              хоһоон




              ***


              Күһүн санаа баттыга буолан
              Хатыҥ чараҥҥа тайанна,
              Туолбатах ыра санаам быстан
              Хаппыт лабааҕа ыйанна.

              Силбик курас киэһэ былыттар
              Иэйиибин илдьэ көстүлэр,
              Санаам ситим утаһыннара
              Тыалга уйдаран көттүлэр.

              Олоҕум өссө биир сайынын,
              Миэхэ анаабыт ырыатын,
              Чараҥҥа күүппүт эн күлүүгүн
              Көһөрөн барда бу күһүн.

              Тулам кэри-куру иһийэн
              Арахсыы санньыарын ыста,
              Күһүн санаа баттыга буолан
              Уйан дууһабын ытатта.

              1
              • Афанасий
                31 декабря 2012  

                хоһоон




                ***


                Эмиэ,сэбирдэхтэр быйыл эмиэ,
                Сылаас чуумпу күннэри баттаһа
                Санньыар санаа үрүмэччилэрэ-
                Сэбирдэхтэр сир диэки көттүлэр.

                Эмиэ,сэбирдэхтэр быйыл эмиэ,
                Сайыны кытта бырастыылаһа
                Арахсыы курус сибэккилэрэ-
                Сэбирдэхтэр сиргэ тэлгэннилэр.

                Эмиэ,мин соҕотохбыйыл эмиэ,
                Туран хааллым сэбирдэх ардаҕар,
                Төннүбэт саастарым ыар баттыгар
                Эйигинэ суох,эмиэ соҕотох.

                0
                • Афанасий
                  31 декабря 2012  

                  хоһоон




                  ***


                  Хааһахтан хостуур кэриэтэ бүгүн
                  Саҥа дьыллааҕы түүн оргууй наллаан,
                  Көтөх муҥунан кэһии оҥостон
                  Ааспыты ахтыам эйиэхэ анаан.

                  Сандал саас кэлэн ааспыт бэлиэтин,
                  Эйигин туойбут кистэл тойукпун,
                  Бэйэҕэр билиммэтэх тылларбын
                  Бүгүн ууруом барытын дьаарыстаан.

                  Оруом ордорбокко эн иннигэр
                  Самаан сайын күөрчэхтии эргийэр
                  Кыһалҕата суох куйаас күннэрин;
                  Тыаны,ууну,халлааны,эйигин.

                  Хостуом бу күһүҥҥү хомолтону,
                  Хоргуппут харах уулаах түүннэри,
                  Булан биэриэм бүгүн кистээбэккэ
                  Саппахтаах сатыы курус күннэри.

                  Хааһахтан хостуур кэриэтэ бүгүн
                  Өссө төгүл ааспыты санатыам,
                  Бары үтүөнү баҕара хаала
                  Саҥа дьылынан,саҥа дьолунан.

                  1
              • Афанасий
                31 декабря 2012  

                хоһоон




                ***


                Бөһүөлэктэн тахсар буор суол устун
                Барыста сайын эйигин кытта,
                Быһа охсуллубут быһаҕаһым
                Батыһан барда тилэх баттаһан.

                Хаалбата манна санньыар куруска
                Хайа тардыллыбыт аҥарым да,
                Арахсыы ыар аһыытын уйбакка
                Айан суолун тутта атах балай.

                Эйигин ахтан булан ылаары
                Эргийэ сүүрдүм сүтүк эрэйэн,
                Кэрийдим бииргэ хаампыт сирбитин,
                Көрдөөтүм сылдьан ааспыт бэлиэҕин.

                Туох да хаалбатах самаан сайынтан
                Тулабар эн тускунан санатар,
                Түүнү быһа сир-халлаан барыта
                Тэҥҥэ ытаста эн суоххун билэн.

                Бүтүннүү быһыта охсуллубут,
                Барыта хайыта тардыллыбыт,
                Бөһүөлэктэн тахсар буор суол устун
                Барыста санаам эйигин кытта.

                1
                • Афанасий
                  31 декабря 2012  

                  хоһоон






                  Өссө



                  Өссө бэҕэһээ,эн аттыбар,
                  Өйөбүл көрдүүр тирэх буолан
                  Эрэл угар күүс-күдэх этиҥ,
                  Эйэлээх ол бэйэбит бүгүн...

                  Өтөр-наар көнсөр суолтан туораан,
                  Отой туора дьон курдук туттан,
                  Өстөһөр биистэри санатан-
                  Турдубут өс-саас суолун тутан.

                  Өссө бэҕэһээ,мин тулабар,
                  Өҥүрүк куйаас ыһыах ыһан-
                  Тойугун туойбута-эн тускар,
                  Далбар тардар ол кэммит ааһан...

                  Эн биһикки ардыбыт эркин,
                  Сууллуо суох айылаах суорба таас,
                  Атаҕын укпатах ол эргин
                  Орто дойдуга үктэнэр саас.

                  Баар этэ биһиэхэ барыта-
                  Эрэл,Итэҕэл уонна Таптал,
                  Өссө бэҕэһээ эн аттыгар,
                  Өссө бэҕэһээ мин тулабар.

                  1
              • Афанасий
                1 января 2013  

                хоһоон




                Тыал



                Тугу бэлэхтиэм этэй эйиэхэ
                Истиҥ тылтан,тапталтан ураты
                Атын баайым тугум да суох миэхэ,
                Сиэппэр күүлэйдиир бу сайыҥҥы тыал.

                Дьоллоох этим ырыаҕа-тойукка,
                Ырай отууга,таптыыр буоллахха,
                Сыгынньах өссө ордук курдуга
                Тыал оонньуура биһигини кытта.

                Барда мэник тыал кэлбитин курдук
                Кэннигэр тугу да хаалларбакка,
                Үрдүлэр курас тыаллар курдары,
                Ааҥнаата хаҕыс кэм ыйыппакка.

                Харчы суох,үлэ суох-саргы хаамтым,
                Хаһыс төгүлүн кэллим кураанах,
                Күүтэр да кэмнээх,таптал да уостар
                Атын тыал ылла эйигин ыраах.

                Тугу бэлэхтиэм этэй эйиэхэ
                Истиҥ тылтан,тапталтан ураты
                Атын баайым тугум да суох миэхэ,
                Сиэппэр күүлэйдиир бу сайыҥҥы тыал.

                1
              • биэрэ
                8 января 2013  

                Учугэй да5аны,оьуоба бутэьик куплет.

                аа5ааччы буоллум.

                0
              • биэрэ
                8 января 2013  

                Бу хоьоон 4 куплета диэн суруйбутум.Наьаа учугэй

                0
              • биэрэ
                8 января 2013  

                этэрим да суох-харах уута суурдэ.

                0
          • Чэмэлиинэ_
            30 октября 2014  

            Доҕорбор, үчүгэй, истиҥ хоһоон, сөбүлээтим ))

            0
  • Афанасий
    1 января 2013  

    хоһоон



    Ааттал



    Барыс миигин кытта,муннарыам суоҕа-
    Мин билэбин Түүн саһар хаспаҕын,
    Тумнуохпут Былыт ытыыр,Тыал тоһуйар
    Харах уута көмүллүбүт Иинин.

    Барыс миигин кытта,хоргутуоҥ суоҕа-
    Мин билэбин Сулус төрүүр дьиэтин,
    Көрдөрүөм эйиэхэ сулус ардаҕын,
    Көрүөм хараххар уоттаах сулуһу.

    Барыс миигин кытта,толлон турума-
    Мин билэбин Күн хонор хайатын,
    Сардаҥа утаҕын күнтэн көрдөһөн
    Ыйдарыам эн Сүрэххэр аартыгы.

    Барыс миигин кытта.Олоҕум устун.

    2
    • Афанасий
      3 января 2013  

      хоһоон




      ***


      Баҕардым,эйигин өрүү кууһуохпун,
      Сэгэйбит уоскуттан сэмээр ууруохпун
      Биилгинэн охсуллар өрүү суһуоххун
      Ытыспар ылан туймааран туруохпун.

      Баҕардым,эн миигин өрүү кууһуоххун,
      Санныбар илиигин оргууй ууруоххун
      Долгуйар түөскүнэн сыста түһүөххүн,
      Өр да өр таала уоспуттан ууруоххун.

      Баҕардым,эйигин өрүү кууһуохпун,
      Баҕардым,эн миигин өрүү кууһуоххун...

      0
      • соьуйбат
        8 января 2013  

        таптаа

        Таптаатым эйиигин ыраахтан
        Таьырдьа ол кун ардыыра
        Томмуппун эн к8р8н ириэрдин
        Тапталга ол кунтэн хаптардым
        Туун аанньа утуйбат буолбутум
        Таптал диэн бу,буоларын таайбытым
        Таьырдьа тахсаммын к8рдуурум
        Таайтаран сурэ5им сордоото
        Тубэспит киьи диэн саныыбын
        Тапталбын к8рдуубун кун аайы
        Табыллан буларым ааста аны
        Тэьэйбэт буолан иьэбин
        Тэбиэьирэн к8рдуурум кууьурэр
        Тапталым ыбылы ылла дьэ
        Таптал диэн наьаа ыарахан
        Таптаабат арай кини миигин
        Туох буолабын оччо5о мин
        Мин эмиэ эн курдук холонобун ээ,хайда5ый эйиэнэ кэрэ? бу суруйдум ээ?

        0
        • биэрэ
          8 января 2013  

          Соьуйбат,привет.

          Кёрудьуёстэргитин олох умуннугут?!Туох да бэрт хоьоон.Мин маннык боростуой,киьи ёйдуур,сурэххэ киирэр хоьооннору а5арбын таптыыбын.

          0
          • соьуйбат
            8 января 2013  

            эн аа5аар

            Эн аа5аар суруйар хоьооммун
            Эйиэхэ эппэтэх тылларбын
            Элэститэр хонук тууннэрэ
            Эн суппэт сырдык мичээрин
            Бааргын ээ миэхэ 8руутун
            Бутэйдии олус таптыыбын
            Булларбын эйиигин ункуугэ
            Ба5абын толорон ынырыам
            Сырдатыа этэ харахпын
            Саатар биирдэ к8рд8рбун
            Сурэ5им кэтэьэр ол куну
            Соьуччу буолуо диэн эрэнэр

            0
  • Афанасий
    8 января 2013  

    хоһоон




    Илиибин уунабын эйиэхэ


    Маҕаһыын иннигэр күлүк турар.
    Буор дьүһүн,буор таҥас,буор барыта,
    Салҕа илиитин салгыҥҥа уунар,
    Солкуобай наада килиэпкэ саатар.

    Киһи дуу,кии дуу-туга биллибэт
    Ытыс тоһуйар харчы көрдөһөн-
    Эдэртэн,эмэнтэн,ким түбэһиэх,
    Ааспатар ханнык,бэристин эрэ.

    Киһи бары сиргэ кэлэр биирдэ,
    Олох олоро,оҕо төрөтө,
    Кими эрэ таптыы,таала,тылла-
    Оттон иннибэр эрэй,кыһалҕа.

    Хаһан эрэ оҕо тэҥэ оҕо
    Тэргэн аартыктан тэбиллэн тахсан,
    Тэпсиллэн,түһэриллэн,түҥнэстэн-
    Турар олох күлүк өртүн батан.

    Уунуохха баара илиини эрдэ
    Антах аспакка сырдыкка сиэтэн,
    Умулунна,уоһунна биир кэрэ...
    Маҕаһыын иннигэр күлүк турар.

    0
    • Афанасий
      8 января 2013  

      хоһоон





      Баҕарыы



      Туҥуй түөскүн томоруйбут киһи
      Умнуо этэ уһун түүн бүтүөҕүн,
      Хаҥыл бэйэҕин сыһыппыт киһи
      Саныа суох этэ сарсын үүнүөҕүн

      Сылаас күөҥҥүнэн сыстан ылларгын
      Сытыам суох этэ сүгүн тэллэххэ,
      Таалар имэҥҥэр түллэн ылларгын
      Түһүөм да суох этэ эйигиттэн.

      Сыгынньахтан, мин түүҥҥү тапталым.

      0
      • Афанасий
        8 января 2013  

        хоһоон




        Аттанар тойук



        Дьоммуттан-сэргэбиттэн арахсан
        Алаһа дьиэбиттэн тэлэһийэр
        Аламай маҥан күнүм арҕааттан
        Таҥнары тахсар күнэ тирээтэ.

        Аттанар буоллум алаас оҕото
        Аныгы үйэ олоҕун көрө,
        Чой төбө өйгө-төйгө таласта,
        Хоҥ мэйии үөрэх-билии тардыста.

        Аймах- билэ дьонум,айманымаҥ-
        Ама да үөрэх аатыртын иһин,
        Дьоҕойон уһуллан хаалбатахха
        Дьон тэҥинэн үөрэнэр инибин.

        Атастар-доҕоттор,айдаарымаҥ-
        Аһыы уунан утахтамматахха,
        Дьууппалаах өттүн тутуспатахха
        Дойдулаах эристиин төннүөм буолуо.

        Истиҥник таптыыр ийэм эмээхсин,
        Аһара ахтар аҕам оҕонньор,
        Эйэ дэмнээх этэҥҥэ олоруҥ,
        Эһиилгэ диэри буордаах бокулуон.

        0
        • Афанасий
          8 января 2013  

          хоһоон




          ***


          Оҕо сааһым суоххн аттыбар,
          Сиэттиһэр хатыҥмыт таһыгар,
          Кураххай күһүҥҥэ хаалларан
          Барбыккын соҕотох быраҕан.

          Хаһыҥҥа хатыҥмыт үлүйэн
          Субурхай суһуоҕун үрэйбит,
          Сыгынньах кэрэ кэммит ааһан
          Хайы-үйэ кэлбит күһүммүт.

          Хагдаҥ окко түһэр сэбирдэх
          Харах уутун ыган тоҕунна,
          Хараастыы,хоргутуу аргыстаах
          Айманыы сүрэхпэр кыланна.

          Баҕардым оҕобор түһүөхпүн,
          Хатыҥмар куустаран туруохпун,
          Баҕардым сайыным эргиллиэн,
          Өссө биирдэ тулам чэлгийиэн.

          Оҕо сааһым суоххун аттыбар,
          Булбатым эн суолгун тулабар,
          Эргийбэт дьыл-хонук быыһыгар
          Барбыккын соҕотох быраҕан.

          0
          • биэрэ
            8 января 2013  

            наьаа да маладьыаскын!

            0
          • Афанасий
            9 января 2013  

            хоһоон



            ***


            Утуйар уубун умнубут түүммэр
            Ырыа чыычаах буола кубулунан,
            Саараппыта тыймыыт түүнү быһа
            Санаабын эйигиттэн тэйитэн.

            Суох,мин эйигин таҥнарбатаҕым.

            Үс үйэҕэ биирдэ төрөөн ааһар
            Туйаарыма Куо субатын саптан,
            Киирэн кэлбитэ хоспор эриэн үөн
            Ийэттэн төрүү сыгынньахтанан.

            Суох,мин эйигин таҥнарбатаҕым.

            Сардаҥа утаҕын күнтэн уоран,
            Түннүк нөҥүө дьүһүн уларыттан,
            Саҥа турбут саһарҕа аатыран
            Өҥөйбүтэ түүн эйигин көрдөөн.

            Суох,мин эйигин таҥнарбатаҕым.

            Күн сиригэр киһи буолан төрөөн,
            Аан дойдуга уол оҕо айыллан
            Көрсүбүт дьылҕам тиһэх бэлэҕин
            Ама таҥнарыам дуо,мин Эйигин.

            Суох,мин эйигин таҥнарбатаҕым.

            0
            • Афанасий
              10 января 2013  

              хоһоон





              ***


              Үрүҥ куттан иһиэххэ дуу бүгүн,
              Миигин кытта манна курас күһүн
              Тэҥҥэ ытаста эйигин ахтан
              Түннүк нөҥүө түүнү быһа ардаан.

              Арбы-сарбы куорат асфальт иэнэ
              Күлүк курдук көстөн ааһар дьоно,
              Ыһыллаҕас дьиэм курус көрүҥэ
              Ыйыллары тарта санаам туомун.

              Уостар уһуга суох курдук этэ
              Эдэр саас дьикти кэрэ иэйиитэ,
              Умайар сүрэх тэҥҥэ тэбиитэ
              Эрэнэ күүтэр харахха таптал.

              Үөрүү-көтүү үрүүмкэ доҕуһуол
              Доҕор-атас иһирдьэ-таһырдьа
              Үллэн олорор үөгү,түрүлүөн
              Түмүк хобдох-иччитэх хаалла дьиэ.

              Олох олорон орто дойдуга
              Аат-суол алдьатан эйигинэ суох
              Сатаан сылдьыа да суохпун арааһа,
              Дьон сиэринэн дьаһанан,соҕотох...

              Хаһан да бүтүө суох курдук бүгүн
              Иэдэс устун сүүрэр харах уута,
              Өссө биирдэ куттуохха дуу үрүҥ,
              Халлаан сырдыа ыраах,түүн да уһун.

              0
              • Афанасий
                10 января 2013  

                хоһоон




                ***

                Тыл
                ыһыктабын,
                бас-
                баттах,
                Таас
                быраҕабын,
                бар-
                дьоммор.

                0
                • соьуйбат
                  10 января 2013  

                  аА5АБЫТ ЭН ХОЬООННУН

                  Аа5абыт эн хоьооннун
                  Айдарыылаах сэьэннин
                  Айыллан иьэр хостонон
                  Арыллан к8ст8р дуьунун

                  0
          • Афанасий
            10 января 2013  

            хоһоон





            ***

            Сааһыран истэҕим аайытын
            Салгыҥҥа туппут санаам уйата
            Суураллар өйбүттэн көөрөттөн,
            Сааһыран истэҕим аайытын.

            Суураллар өйбүттэн көөрөттөн
            Сир-халлаан мин туспар диэбит санаам,
            Соҕотох миэхэ күн диир майгым
            Суураллар өйбүттэн көөрөттөн.

            Соҕотох миэхэ күн диир майгым
            Сотуллар бу олоххо иэһинэн,
            Солбуллар үлэттэн үөрүүнэн-
            Соҕотох миэхэ күн диир майгым.

            Сааһыран истэҕим аайытын
            Салгыҥҥа туппут санаам уйата
            Суураллар өйбүттэн көөрөттөн,
            Суураллар,сотуллар,солбуллар.

            0
            • Афанасий
              10 января 2013  

              хоһоон



              ***



              Сор быата бүгүн быһа ыстанна,
              Кыламмыт хаһыым күөмэйбэр бөттө-
              Соһумар сурах түргэн үлүгэр
              Бөһүөлэк сыыһын имири сүүрдэ.

              Тыл өҕүллүбэт,санаа ытыллар,
              Эн...бүгүн...эмискэ...күн сириттэн...
              Сэрэнэн этиллибит бу тыллар
              Этиҥ буолан дэлби ыстаннылар.

              Санаабар эн ыраах ханна эрэ,
              Ырам ычата тиийбэт сиригэр
              Доҕотторгун кытта күлэ-үөрэ
              Сылдьаҕын,үлэ-хамнас үөһүгэр.

              Итэҕэйбэппин,эн күрэммиккин,
              Итэҕэй,тиһэх түгэҥҥэ диэри,
              Бөһүөлэктэн тахсар суол айаҕар,
              Оо,суоҕа буоллун даа...кылабыыһа.




              0
              • соьуйбат
                10 января 2013  

                кырыа

                Кыыьырбыт тымныыбыт бугун
                Кырыа буолан туннугум
                Кыайан к8рб8т онорбут
                Кыьыйан туьа суох, тонорбут
                Дьыбар да сурдэммит
                Дьиэ иьэ тымныйда
                Дьоннор иьэллэрэ к8стубэт
                Дьэ тохсунньу тымныыта
                С8лукууттэр тахсыбыттар
                Сэрэбиэйдэр кэпсииллэр
                Сана сылы арыйаллар
                Солун буолан соьуталлар
                Тымныы кинилэри тохтоппот
                Тэбиэьирэн туран улэлииллэр
                Томмот туьугар кочигардар
                Тохтообокко бара5аллар чо5у
                Улэьит дьоммут фермердэр
                Улуппэккэ хамнаналлар
                Уу баьар водовос эрэ
                Уутун сылаангата тонор

                1
              • биэрэ
                10 января 2013  

                Ооо,хомолто...

                0
                • соьуйбат
                  10 января 2013  

                  ***********

                  То5о киьи т8нн8руй
                  Тэн санаа5а киирэрий
                  Таптал аптаах тыллара
                  Таарыйда сэргэхсийэр
                  Тыыннаах тыл абылама
                  Тирэх куус буолан
                  Тэьитэ тэптэрэн
                  Тулуйбакка ылларан
                  Таптаа дуу миигин эрэ
                  Таптаа 8сс8 биирдэ эрэ
                  Таах хаалларан биьимэ
                  Таах ааьан хаалыма
                  Таптыыбын ээ эйиигин
                  Тохтоон суруйаар биирдэ
                  Тугу эрэ кыратык эрэ,миэхэ

                  0
          • Афанасий
            11 января 2013  

            хоһоон







            ***


            Өскөтүн бу түүн мин түүлбэр
            Чэрдээх үлэһит илиибэр
            Ытыс муҥунан түстүнэр
            Тырымнас түүҥҥү сулустар.

            Ол түһэн арай эттинэр:
            "Уол оҕо,сыыһа туттума,
            Эн дьолуҥ бэйэҥ илиигэр,
            Аналыҥ буолуо талбытыҥ".

            Оччоҕо оргууй ыҥырыам
            Олохпор Дьылҕа оҥостон,
            Түүн үөһэ сүрэхпин саҕан
            Таптал кыымын күөдьүппүтү.

            Көрдөһүөм Сир ийэ буолан
            Ол түүҥҥү уоттаах сулустан
            Доҕорум хараҕар тыган
            Дьол уотун уматарыгар.

            0
            • соьуйбат
              11 января 2013  

              Кэлээр манна амма5а

              Кэлээр манна амма5а
              Кэрийэ 8р8 устуохпут
              Кырылас тааьыгар хаамыахпыт
              Кыпкыьыл сардаана бэлэхтыам
              К8ст8р туруору хайалар
              Кэтэьэ бэлэхтии тураллар
              Кэьэн киирэн хаамаргар
              Киьи с8ту8лу8х ырааьа
              Кэпсиир киэн бааьыналар
              Кэккэлэьэ уумут бурдуктара
              Кэпсээннэ киирбит дьэдьэнэ
              Кэлээр манна амма5а
              Кууту8м эйиигин кытылга

              0
              • Афанасий
                11 января 2013  

                хоһоон




                Атын


                Эйигин атын уол атаарар,
                Миигиттэн атын,отой атын,
                Күлүмнэс күлүү аргыс буолан
                Дьиэҕэр тиэрдэн биэрэр күн ахсын.

                Атын уол,мин эрэ буолбатах,
                Эйиэхэ күн аайы тиэтэйэр,
                Атын уол тапталга билинэр,
                Эрэл кыымын сүрэххэр саҕар.

                Эн уоһуҥ атыны убуруур,
                Атыҥҥа тапталын сипсийэр,
                Эн уйан ууламмыт хараҕыҥ
                Атын уол иэдэһин илитэр.

                Куолаһыҥ кутуллар алыба
                Абылыыр атын уол сүрэҕин,
                Көрүүҥ хатыламмат куруһа
                Ананар соҕотох киниэхэ.

                Эйигин атын уол атаарар...
                Киниттэн атын,отой атын,
                Курус санаа күлүгэ буолан
                Дьиэҕэр тиэрдэн биэрэр күн ахсын.









                0
              • биэрэ
                11 января 2013  

                Амма кыраьыабай да сир!

                Кэпсээннэ киирбит дьэдьэнэ!Онтон бэс чагдата.Кустары онно эрэ кёрбутум

                0
                • соьуйбат
                  12 января 2013  

                  Сайын

                  Амма сайынын билэ5ин дуо?
                  Бастаан биьиги ургуубут
                  Буьан турар тубуктэни
                  Кини талахха уунэн
                  Кини олус минньигэс
                  Киьиэхэ олус туьалаах
                  Эмтиир эмиэ быьылаах
                  Онтон миннигэс дьэдьэни
                  Бары таптаан ургуубут
                  Ол кэннэ сугуммут
                  Ситэн т8кунуйэ буьар
                  Тэннэ хапта5ас кытарар
                  Тиин тинэлэ5э ситэр
                  М88ннь85он буьар
                  Дьэ онтон отон кэлэр
                  Бу дойду баайа диибин
                  Маннык аьата кундулуур
                  Аммам 8сс8 балыга
                  Кунду туулээ5э
                  Улахан бултара
                  Соболоох урэхтэрэ
                  Барыта амма5а
                  Таптыыбын олуьун
                  Бултуурбун с8булуубун
                  Урэххэ тахсан сынньанабын

                  0
          • соьуйбат
            12 января 2013  

            Дьиэ туттарга

            Бу дойду мастара
            К8н8л8р8 уьуна
            Дьиэбит тиитинэн
            Т8кунуктуу туппутум
            Тилэри тиийбитэ
            Муостатын бэьинэн
            Лаахтаан килэппиттэрэ
            Массаарданы тилэри
            Барыта бэьинэн
            Дьоннор кэлэн хоноллор
            Сымна5астык сыньаналлар
            Бэс сымна5ас мас
            Салгыны ыраастыырынан
            Саха сиэринэн бала5ан
            Хас биирдии ыалга
            Баар буолуон ба5арабын
            Бэйэм курдук сайын
            Бала5анна аьыахха
            Сарсыардьа ку8ччэхтээ

            0
            • Афанасий
              12 января 2013  

              хоһоон





              Киллэр


              Киллэр миигин дьиэҕэр,тулабар
              Аан туман үллэҥнэс үлүгэр-
              Тыын ылар да бокуой биэрбэккэ
              Түптэлэс тымныы от кэбиһэр.

              Киллэр миигин дьиэҕэр,таһырдьа
              Киэҥ халлаан оргуйан олорор-
              Аттыбар тиритэ-хорута
              Уот куйаас алаадьы эргитэр.

              Киллэр миигин дьиэҕэр,ааҥҥын ас,
              Көрдөһөбүн саатар эн,сэгэт,-
              Мин тула таһырдьа аан туман,
              Эн суоххар эргиччи уот куйаас.

              Киллэр миигин дьиэҕэр,сүрэххэр.

              0
              • Афанасий
                13 января 2013  

                хоһоон




                ***


                Мин эйиэхэ күнүс үөрэ-көтө
                Ааҥҥын тэлэччи аһан кэпсэтэ
                Кэлбитим тыал буолан аһаҕастык,
                Алҕас эбит,табыллыбат курдук.

                Мин эйиэхэ түүн ардаҕы кытта
                Хойутаан кэлбит хоноһо буолан,
                Баҕарбытым киириэхпин тоҥсуйан,
                Холус эбит,сатаныа суох курдук.

                Киирбэтим мин күнүс үөрэ-көтө,
                Аспатым ааҥҥын түүн кистии-саба-
                Сүрэххэр сааллан турар биллэрии:
                "Атын киһи киирэрэ бобуллар".

                Арай тыал буойбуту аахсыбакка
                Аһа сатаата ааҥҥын күүһүнэн,
                Хойутаан кэлбит ардах киирбэккэ
                Тоҥсуйда түннүккүн түүнү быһа.

                0
                • Taisia
                  13 января 2013  

                  Ахтабын

                  Эн билэ5ин эйиигин саныырбын Эн билэ5ин эйиигин ахтарбын Эн билэ5ин эйиигин суохтурбун Мин билбэппин эйиигин таптыырбын

                  0
          • Афанасий
            13 января 2013  

            хоһоон





            ***


            Кыстык хаар күнү быһа
            Сыһыыга,тыаҕа түһэр
            Оту-маһы бүрүйэн,
            Хагдарыйбыты кистээн.

            Сарсыардаттан санаабар
            Күөх сайыны үллүйэр
            Туолбатаҕы саһыаран,
            Кэрэ кэми харыстаан.

            0
            • Афанасий
              13 января 2013  

              хоһоон





              Кыһыҥҥы


              Тулам,чаҕыл күөх сыдьаай
              Тымныы толбоннорунан
              Тардыллан илибирии
              Турар дии,дьирибинии...

              0
              • Афанасий
                13 января 2013  

                хоһоон





                ***


                Отой да миигин таптаабат эбиккин.
                Аттыгар соҕотох курдук этим да
                Хараҕыҥ,аалсыһар дьону көрбүттүү
                Тохтообокко ааста,атыны көрдүү.

                0
                • Афанасий
                  13 января 2013  

                  хоһоон





                  ***


                  Умса түһэн уулуом куоһан утатан
                  Уоскун,түөскүн,моойгун-бука барытын
                  Уулуом кураҥхаран,тоһуй утары,
                  Ууруом ордорбокко уҥуох курдары.

                  0
              • Афанасий
                13 января 2013  

                хоһоон






                ***


                Тэлгэһэттэн тахсар суолу
                Харааста көрөбүн арыт:
                Хаста-хаста бардым-кэллим
                Сырыы ахсын Эйигинэ суох.

                0
                • Афанасий
                  13 января 2013  

                  хоһоон


                  Сулус


                  Кэннибэр хаалбыкка хайыспакка,
                  Ааһа көппүккэ төннөн көрбөккө
                  Түһэбин тэһэ,ааһабын курдат
                  Сууллар сулус буолан умса сааллан.

                  Уот сарадаҕы тулабар ыһан
                  Уматан барыам туҥуй сүрэххин,
                  Кытыастар кутаа төлөнүн кутан
                  Уйгуурдан ааһыам улук бэйэҕин.

                  Көтүс миигин кытта,куттаныма,
                  Көрдөһөбүн тутус,ыһыктыма,
                  Көтүөх иккиэн уот сомоҕо буолан,
                  Аныгы үйэ тэһиинин тутан.

                  Умайа,угуйа,дьону кытта
                  Курдат ааһыахха олох куйаарын,
                  Түһэн биэримэ,аара хаалыма
                  Өскө миигин таптыыр буоллаххына.

                  ...Кэннибэр хаалбыкка хайыспакка,
                  Ааһа көппүккэ төннөн көрбөккө
                  Түһэбин тэһэ,сыллары курдат
                  Сууллар сулус буолан умса сааллан.

                  0
                • соьуйбат
                  14 января 2013  

                  ***********

                  Бу ыарыы,арахпата
                  Булан ылбытым тургэнэ
                  Буккулуннум кун аайы
                  Билбэккин эн эрэ
                  Туохта эмэ туьалаабат
                  Тулуйарым ааьан эрэр
                  Т8б8м иьэ,эн эрэ
                  Таптал кууьун ылымматын
                  Сиргэ кэлбит буруйум дуо?
                  Сирэйим дьуьунун сирдин дуу?
                  Сэниэм эстэн,ас киирбэт
                  Сурэ5им арай суохтуур
                  Таптал кууьун билбэтэх
                  Таайа да сатаабат ини
                  Т8ь8 киьи мин курдук
                  Таах олох олордо

                  0
              • соьуйбат
                14 января 2013  

                ***********

                Талаан таах хаалара
                Тобуктаан олорон суруйаргар
                Тэйэн тэьэйбэт буолууттан
                Тохтоон сэнээрэр буолбаттан
                Аныгы аьа5ас санаалар
                Арыйдылар бар дьону
                Аны аахайбат киьи суох
                А5ала сатыы суруйуон
                Барыта табыллар диэн
                Бары билэр тылбыт
                Барыбытыгар туттуллар
                Баар оноро сатыыр
                Эн таптаа бар дьоннун
                Эйиэннэрэ эмиэ бааллар
                Эйэлээх сыьыан эргийиэ
                Эйиэнэ эмиэ кэрэ диэн

                0
                • Афанасий
                  14 января 2013  

                  хоһоон




                  Хаал


                  Хаал-көрдөстө санньыар-курус халлаан
                  Хоргуппут эн хараххын санатан,
                  Кэлэр-барар суолбун быһа сатаан,
                  Күнү супту санаан кэлэ ардаан.

                  Хаал-ааттаста кыараабыт хос иһэ
                  Килбик таптал биһигин көмүскээн,
                  Кэлэ охсубут күһүҥҥү киэһэ
                  Хойдон эрэр хараҥа күлүгэ.

                  Хаал!Барыма баһаалыста,бүгүн,
                  Хараҕыҥ көрдө харда эрэйэн,
                  Хаал миигин кытта муҥ саатар бу түүн,
                  Хонон тур,тапталы бэлэх тутан.

                  Хаал!

                  0
              • Ньукуу
                14 января 2013  

                Хоhоон Афанасий

                Хоhоонноргун сөбүлээн аахтым. ханна эмэ бэчээттэммитин дуо?

                0
                • Афанасий
                  15 января 2013  

                  хоһоон



                  ***


                  Куруук кэрэҕэ талаһа
                  Хаамабын олоҕум устун,
                  Ыра санаам мааны кыыһа,
                  Эн көрөн турарыҥ курдук.

                  Дьоҥҥо кыатана сатыыбын
                  Ордук-хоһу тылтан-өстөн,
                  Туттунабын,тардынабын
                  Эн истэн турарыҥ курдук.

                  Өйүм-санаам ыраастанар
                  Нүдьү-балай өртүн ылҕаан-
                  Быраҕар,илгэр,хаалларар
                  Эн көрөн турарыҥ курдук.

                  Ырыа-тойук,үөрүү-көтүү
                  Аргыс буоллун миэхэ куруук
                  Ыраахтан ньиргийдин өрүү
                  Эн истэн турарыҥ курдук.

                  Сылдьыбыт киһи бу сиргэ
                  Эн көрөн турарыҥ курдук,
                  Олорбут киһи олоҕу
                  Эн истэн турарыҥ курдук.

                  0
              • Афанасий
                15 января 2013  

                хоһоон




                Хаартыскаҕын көрө олорон


                Сибэкки дьөрбөтө кэһиилээх
                Утары сүүрэбин эйиэхэ,
                Билэбин бу илэ буолбатах-
                Санаабар,санаабар,санаабар.

                Сөтүөлүү киириэм эн хараххар-
                Көрүүй дуу, мин диэки мичээрэ,
                Дьолунан туолбут көмүскэҕэр
                Тимирэ,тимирэ,тимирэ.

                Уоскар уулуом уураһа туран
                Уос номоҕо оҥостор оҕом,
                Кэлиий дуу,миэхэ бүгүн илэ-
                Көрсүһэ,көрсүһэ,көрсүһэ.

                Дьүһүҥҥүн одуулуу олорон
                Сүтүктээн тулабын көрүннүм,
                Аттыбар турар курдук санаан-
                Аймана,аймана,аймана.

                Санаабар утары сүүрэбин
                Бэҕэһээ,бүгүн,сылы быһа,
                Сибэкки дьөрбөтө кэһиилээх-
                Сарсын,өрүү,үйэм тухары.

                0
                • соьуйбат
                  15 января 2013  

                  ***********

                  Таах хаалар тыллар
                  Туу курдук к8т8лл8р
                  Толорон арай мэлик
                  Тыастаах дор5ооннор
                  Ыллыыр ырыа ананан
                  Ыллатар эбиттэр киьини
                  Ыллыа5ын бу курдук
                  Ылбырхай тыллары
                  Кэрэ кыыс куоларга
                  Кинилэргэ ананыа
                  Кэтэьэр сурэхтэрбит
                  Куутэр до5отторбут
                  Куруук сибэккилэр
                  Кинилэргэ хоьуйуохпут

                  0
              • Афанасий
                15 января 2013  

                хоһоон




                ***


                Сэриигэ өлбүт уолун аһыйан
                Ийэ хараҕын уутун тохтоҕо,
                Ол кутурҕан тууһаммыт уутунан
                Ийэ дойдубут өр да сууннаҕа.

                Ол аһыы,аба хараҕын уутун
                Дьол хараҕын уута оҥордоллор,
                Өскөтүн дьон-аймах хомолтотун
                Үлүскэн үөрүүнэн солбуйдаллар.

                Бу атыйахтаах уулуу аймаммыт,
                Атаҕастаммыт аан ийэ дойдум
                Хаанынан нүөлсүйбүт сирин үрдүн
                Кырсын бүрүйэ сибэкки ыстын.

                0
                • Афанасий
                  15 января 2013  

                  хоһоон




                  Босхолоо


                  Саас түүлбэр киирэн хонон турбут кыыс,
                  Баһаалыста,бука диэн,сылдьан аас,
                  Умнубут биһилэххин ылан бар,
                  Көрдөһөбүн,утуйар уум көттө.

                  0
              • соьуйбат
                15 января 2013  

                Саас кэлиэ

                Сыллыыр куннээх саас кэлиэ
                Сыламнатан кундулу8
                Сылаас сурэхтэр тэбиэхтэрэ
                Сэниэлээхтик ыгыллыахтара

                0
                • Афанасий
                  16 января 2013  

                  хоһоон




                  Бар!


                  Бар!Киэр үүрдэ кумаламмыт таҥас,
                  Быраҕыллан сытар иһит-хомуос,
                  Холдьохто хомуллубатах орон,
                  Хос иһин бары тунуйбут хотуо.

                  Бар!Кииримэ,төнүн аан таһыттан,
                  Көрүмэ дьүһүн-бодо кэхтиитин,
                  Билимэ аат-суол,доҕор тостуутун,
                  Киэр!Кииримэ,көрүмэ,билимэ.

                  Баар суох доҕорум иһээччи буолла,
                  Кэргэнэ эмиэ түһэрсэр тэҥҥэ,
                  Бүтэһик тыһыынча хайы-сахха
                  Кэллэ биһиэхэ Саха аймахха.

                  Бу туох санаа хараастар,өй көтөр
                  Түүлгэ да киирбэт үлүгэр үүннэ,
                  Былаҕай былдьыырын көрөн туран
                  Тахсан барабын таһырдьа куотан.

                  Эт миэхэ,олорон ааһар үйэм
                  Саха туһугар атах тостуо дуо,
                  Эбэтэр туора тахсан тэйэн биэр,
                  Сытар таас аннынан уу сүүрдүө дуо?

                  0
              • Афанасий
                17 января 2013  

                хоһоон










                Атыы



                Үйэтин батыһан буоллаҕа,
                Биллэрии тахсыбыт хаһыакка,-
                "Көрүҥүм оскуола оҕото,
                Көссүү буолуом аҕам саастаахха".

                Уйан турар тимир остуолба
                Ыксаабыт кыыс тиһэх эрэлин,-
                "Дьиэлээх,иитиэм диэбит киһиэхэ
                Бэйэбин биэрэбин букатын".

                Төлөпүөн нүөмэрин биэрдилэр-
                "Кыыс оҕо кэрэтэ кэлиэҕэ,
                Кыһалҕалаах кэмҥэр эрийээр,
                Куттаныма ыарыы хабыам диэн".

                Суорумньу кулууба ыҥырар,-
                "Соҕотох сылдьымаҥ,холбоһуҥ-
                Эн-манна,кини-онно,биир баар
                Туох буолуой бүгүн көрсүбүтүҥ".

                Үйэтин батыһан буоллаҕа,
                Бары барыта атыыланар,
                Кыыс,чиэс,сиэр-майгы,ким кыахтаахха-
                Баар эрэ буол,харчы быһаарар.

                0
                • соьуйбат
                  18 января 2013  

                  Киьи соьуйбат

                  Аныгы уйэ5э тапталбыт
                  Атыыга сыаната туспут
                  Ааттарын суруйуох курдуктар
                  Ааннарын саппат эбиттэр

                  Олохпут бутуйда дьону
                  О5олуун сайдыбыт аатыран
                  О5о т8р88 харчыга
                  О5олорун атыыта харчыга

                  Суолга тур харчыгын
                  Барыта харчыттан
                  Суобас олох суохбуолла
                  Сэнээбиттэрин аахайбаттар

                  Бэйэн сыталгынан олор
                  Бул да аьаа
                  Бэлэм диэн суох
                  Бу оло5у хай5аа

                  0
              • Афанасий
                18 января 2013  

                хоһоон





                ***


                Өйбүттэн тахсан биэрбэт биир түгэн-
                Эн гитара тыаһыгар бигэтэн
                Доҕотторгун кытта оллоон тула
                Олороҕун,кутааны одуулуу.

                Ытыыр гитарам кутааны суохтуу,
                Ыытар аатталын өспүтү күөртүү-
                Күл-көмөр ыспыт күннэрин уоттуу,
                Күдэҥҥэ көппүт кыымнары көрдүү.

                Ытыыр гитарам Эйигин суохтуу-
                Ыра санаа төлөнө сыдьаайан
                Таптал иҥмит дьүһүҥҥүн сүтүктүү,
                Түүҥҥэ куустарбыт санааҕын таайа.

                Ытыыр гитарам кутааны суохтуу,
                Ытыыр гитарам Эйигин суохтуу-
                Төннүбэт ол кэм туоһута арай,
                Таһырдьа кыһын ааспыт хас да сыл.









                0
                • Афанасий
                  18 января 2013  

                  хоһоон




                  Дьол


                  Дьол харчыга буолбатах диэтилэр.
                  Сүрэх баастаах буолан дуу,эбэтэр,
                  Эйигин сүтэрбит абам көйөн
                  Өһүргэнэ иһиттим өр дөйөн.

                  Ханна да хайыс,уҥа-хаҥас көр:
                  Халыҥ харчы,үллэр үп үйэтэ,
                  Таһырдьа таҕыс эн,иһирдьэ киир-
                  Тула барыта харчы эрэйэр.

                  Харчы кумааҕы,куо кыыс кокуукка,
                  Таптал-баай-дуол,дьиэ уонна массыына,
                  Арай дохсун мин санаам бэриммэт,
                  Сырдык ырам сыаната биллибэт.

                  Оттон эн,күн тэҥэ күндү киһим
                  Ырам хайдаҕын ыйыппакка да
                  Быһа ааспытыҥ массыына диэки,
                  Дьоһуннук туттан,сыанаҕын быстан.

                  Тохтоппотум,туппатым,билэбин-
                  Олох киһиэхэ биирдэ бэриллэр,
                  Бэйэҥ талан ылбыт баара киһиҥ
                  Баҕар,эйиэхэ дьолу аҕалыа.

                  Дьол харчыга буолбатах диэтилэр.

                  0
              • соьуйбат
                18 января 2013  

                гитара

                Иьиллэр сымна5ас ырыалаах
                Гитарам тыаьыгар ырыалаах
                Уостан туспэт тыллардаах
                Бары ыллаан эрэллэр батыьан

                Сайылык иьигэр чимэчи
                Сырдатар уотугар ыллаьа
                Гитара тыаьыгар уйдаран
                Эн ыллаа чууппурар киэьэ5э

                Гитара ыллатан а5алла
                Сымна5ас ырыатын таптатан
                Ыллыахха бытаан тыаьыгар
                Уулларар таптал тыллара

                0
                • Афанасий
                  19 января 2013  

                  хоһоон




                  Сиэркилэ


                  Бүгүн кэлэн көрүннүм күлүкпүн-
                  Бэлиэр туора көрүҥ,туспа дьүһүн,
                  Сиэркилэҕэ атын киһи турар,
                  Сыллар нөҥүө миигин одуулаһар.

                  Ахтан кэллим сүр күүскэ эйигин
                  Илин-кэлин түһэ туллуктана,
                  Ситэн ааһаргын,хаалан күүтэрбин-
                  Эдэр да этибит ол саҕана.

                  Санаабар мин халлааҥҥа да ыттар,
                  Уу да устун сүүрэр дьоллоох этим-
                  Сибэкки дьөрбөтүн ууммут күммэр,
                  Уоскуттан уураабыт ол киэһэбэр.

                  Эдэр саас түргэн үлүгэр ааһан,
                  Көрдүм тохтоон,олохпун хайыһан-
                  Оттон эн ситтэрбэккэ иннибэр,
                  Кый ыраах дайа,барбыккын куота.

                  Сирдээн тимирэн,халлааннаан көтөн
                  Тиийбиккин мин үктэммэт дойдубар,
                  Ырам ычата санаммат уоругар
                  Атын аймах анала аатыран.

                  Бүгүн кэлэн көрүннүм бэйэбин
                  Сааһыран баран эйигин ахтан,
                  Сиэркилэттэн арай эн сэбэрэҥ
                  Кэтэһэр курдук миэхэ кыттыһан.

                  0
              • Ньукуу
                19 января 2013  

                Хоһоон Афанасий

                НаҺаа үчүгэй хоһооннор,Арчылаҥҥын дуо?

                0
              • Саргылаана
                10 февраля 2014  

                уолаҥҥа

                Сырдыгы тымтыктааан көрдөөтүм
                Сыныйан барытын син аахтым
                Ол эрэн биир да түгэҥҥэ
                Көстүбэт сырдыкка талаһыыҥ

                Ама дуу күннээҕи олоххор
                Үөрдэри көрбөтөх үһүгүөн
                Күн аайы күөгэйэр күммүтүн
                Былыттаах халлааҥҥа холуугун

                Уһугун эр киһи баразсан
                Ытаама мөлтөҕү үтүктэ
                Куруутун суланар уоланы
                Мин дьахтар буоллаҕым,сирэбин

                0
          • Мария
            19 января 2013  

            Мин бу хоьоону

            себулээтим. Таптал туьунан аа5арбын соччо себулээбэппин.

            0
          • км
            28 января 2015  

            хоьооннор

            Афанасий, хоьооннорун олус да курустар. Чахчы улахан таптал, дирин иэйии, соготохсуйуу иьиллэр. Тылын-еьун тэтимэ наьаа бэрт дии.Махтал.Дьоллоох буол.

            0
    • тупсууна
      19 ноября 2014  

      хоьоон

      Киьи дууьата ытыыр хоьооно

      0
    • рая
      31 декабря 2014  

      төлө көтөн тахсаллар

      Иһирдьэм иирэн иистиир

      Ардыгар, алҕас аалбыт
      Ахсым санаам айаастыыр,
      Тиэрэтин, тэҥҥэ тэлбит
      Талым тылым тардыастыыр.

      Таҥыыбын тыыра тарпыт
      Тиис талкылаан тыаһыргыыр,
      Суон сүһүөҕүн сыыһаан ыспыт
      Эбик иэйии сиэри ыыр.

      Күлүкпэр кир кээһээбэт
      Көрүн көҥөөн кээмэйдиир,
      Күрүөлээн, күөн күрээбэт
      Хахпын хаайа хааһаахтыыр.

      Илистэн, илбин ииппит
      Иһирдьэм иирэн иистиир,
      Кыбытан куорсун аспыт
      Кынатын симэ кистиир.

      Тобохтоон, тотон туолбат
      Тойон тылым тэһиэрэр,
      Омурдан, уоҕа уолбат
      Ийэ тылым иэттэрэр.

      Элэйиэм дуу, эргэрбэт
      Эҥин бэйэм бэлэстиир,
      Көҥдөйбүн көҥү көппөт
      Көлөөх көнүм көнтөстүүр.

      Сымыыттан сыраан соспут
      Чыычаах ~чыыбын~ чоочойдуур,
      Саҥарар саҥам сыыйа оспут
      Сарыы аанын аһаахтыыр.

      Оччоҕо, кыл субуйбут
      Кыҥыыр оҕум көс үктүүр,
      Син, симиттэн, сыа ньыһыйбыт
      Салаҥ саҥам тыл өттүүр.

      Кҥүлбүн кыырай кууспут
      Айар аалым айанныыр,
      Кэмчибин кэйэн кээспит
      Кэлим санаам саараҥныыр.

      Ахсынньы 11 күнэ. 2014 с.




      Дьикти дьарык хонуута

      Ырабын ыга баттыыр курдук
      Сааһым соһор ындыыта,
      Баҕабын баһан ылар ордук
      Сылым сыһар сындаата.

      Күлүкпүн кытта күөйэр үрдүк
      Санаа сүгэр сылаата,
      Сүтүкпүн сүһэн ылар сырдык
      Сүрэх тыгар кутаата.

      Хоһооммун хойо үктүүр сурук –
      Дьикти дьарык хонуута,
      Ырыабын ыкса ыырдыыр куруук
      Иэйэр иэтиим ханыыта.

      Бэйэбин уоран тыллар турук
      Тыыллан өр да ууһаата,
      Тулабын туойар көҥүл сорук
      Тиллэн үүнэ уһаата.

      09.12.14.

      0
  • Сахастрелец
    19 января 2013  

    Мин эмиэ кыттыһыым дуу? Баалаабат инигит?



    Үөрүттэн быстыбыт кулунчук буоламмын
    Үөрүүттэн – көтүүттэн мин халты хаамабын
    Үөс арыы кумаҕар чуумпуну көрдүүбүн
    Үөмэбин кустарга, хаастарга сыыллабын

    Үөт талах быыһыгар саныыбын кинини
    Үөрүнньэн майгылаах кэрэчээн киһини
    Үөр хаастар халлааҥҥа айманан ааһаллар
    Үөт - түрэх саабынан аһынан ыппаппын ...

    Үөс батаас биэрбэккэ хоһооммун айабын
    Үөһээ кый халлааҥҥа дьырылыыр күөрэгэй
    Үөхсүмэн булчуттар, ыппатым, айабыын
    Үөрэбин күммүттэн, ытыахха кэрэгэй ...

    Үөрэтээр тапталым эйиигин өйдүүргэ
    Үөннүрэн сороҕор соһуччу ууруоҕум
    Үөхсүмээр оччоҕо: дьэ, эммиэ – эн диэмээр
    Үөрүү - дьол аргыстаах сылдьыахха ээр – сэмээр .

    ***************************************

    Сөбүлээбэппин мин сэнииллэрин
    Элбэх буолан мөрөйдүүллэрин
    Буруйдаах да буоллун баҕардар
    Охторон баран көмөлүүллэрин.

    Сөбүлээбэппин сирэй - көрбөх
    Саһылыкаан албын мэйиилэри
    Иннибэр ньылаҥнас, хаптаннас
    Кэннибэр астына үөҕээччилэри.

    Сэбүлээбэппин сымыйаччылары,
    Албын - көлдьүн дьоннору
    Эппит тылларыгар да турбат
    Эрэдээхтээх эрэй эрэттэри.

    Астынабын айдаарсан да баран
    Ааккын - суолгун ыыппат дьону
    Айыкалыыр кэмнэргэр аахсыбакка
    Атастыы курдук көмөлөһөллөрүн.

    Сөбүлүүбүн ыарахан кэмнэргэр
    Сууллара сатаабат санаалаахтары
    Кыра да көмөну, иһирэх тыллары
    Ис сүрэхтэриттэн анааччылары ...

    ************************
    Харысхал хоһоон.

    Татаар тыллаах талбытынан
    Тапталлаахпын таарыйбатын
    Татым, туора таһымнаах
    Тааһынан тамнаабатын!

    Үөннээх, албын дьаллыктаах
    Үөһээҕинэн өрө көппөтүн
    Ымсыы ынырык кыдьыктаак
    Ыалласпатын, ынырбатын.

    Хара дьайдаах санаалаах
    Хаарыаннаахпын үөхпэтин
    Кырыыс тыллаах кырыыһыттан
    Айыы буолан араначчылыым!
    Доом, доом, доом!!!

    ******************************

    Аттыбар эн баарын буоллар дуу?
    Аймаммыт сүрэҕим уоскуйуо.
    Хараххын көрөрүм буоллар дуу?
    Хараастар хайдаҕын умнуоҕум.

    Умнуоҕум уот кураан сайынныы
    Уотунан хаарыйар сүрэхпин
    Умнуоҕум утуйар ууларбын
    Умнубут санаарҕыыр түүннэрбин.

    Өйдүүбүн, бу баардыы өйдүүбүн
    Бастакы көрсүбут күммүтүн
    Кыыс хатыҥ кэриэтэ килбиктик
    Киирбитин, көрбүтүн, бүппутүм ...

    Бүппүтүм, баар буолан сүппүтүм
    Бастаҕы уураһыы кэнниттэн ...
    Суппүтүм, илиигин сиэппитим
    Эр хааммын, дууһабын сиэппитим

    Өйбүн да эппин да сүүйбүтүн.
    Сүүйбүтүн, олохпун, дьылҕабын
    Уол оҕо уохтаа5а, ахсым ат айааһа
    Өлбүтэ ол киэһээ миэхэҕэ арааһа.

    1
    • Афанасий
      19 января 2013  

      хоһоон




      Сахастрелец,маладьыас.Афанасий.

      0
      • соьуйбат
        19 января 2013  

        эн хоьуй мин а5ыам

        Ааттыыбын холлоох дьоннору
        Хоьуйан суруйар тыллары
        Аа5арга эриллэн кэллилэр
        Аьыллан маарынныыр куннэрбит

        Суруйаллар сууллубат хатынныы
        Сырдыктан кэрэни ойуулаан
        Сахалыы сэниэлээх сэьэни
        Сиэттэрэн хаамтаран иьэллэр

        Айыл5а анаабыт талаанын
        Эн суруйан к8рд8рдун
        Оччонон ба5абыт ситэрин
        Сахабыт омугун онордун

        Бу сиргэ ба5алаах угуьун
        Билэбит биьиги аа5аммыт
        Бары да маарынныыр эбиттэр
        Булугас 8йд88хт8р к8ст8лл8р

        0
  • Мария
    19 января 2013  

    Маннык хоьоону суруйар аньыы. Саатар, дьоццо кердеруе суох этиц.

    Мин убайым маннык ис хоьоонноох хоьооно оруобуна туолбута. онон, кэбис.

    0
    • биэрэ
      19 января 2013  

      Афанасий,со5отох этэ.

      Элбээн эрэргит эмиэ да учугэй.Кун аайы киирэн аа5абын.Сахастрелец биллэр киьи,хоьооннорун таптыыбын.

      0
      • соьуйбат
        20 января 2013  

        зн хоьуй мин аа5ыам?

        мин бу суруйар дьонно анаабата5ым?
        сыыьа аа5ыман дуу?
        хоьоон араас 8йд8булу холуур
        дьон туьугар хоьуйаллар дьиэн этэ?
        сайда турарыгар ба5арбытым?

        киьи суруйарын тухары
        олоххо туьалаа5ы хоьуйар

        Кэлээр кэпсээн кэьиилээх
        Киирээр кэрэ солуннаах
        Кэпсэтэн аьаран иьиэхпит
        Кэтэьэн суохтаьар буолуохпут

        0
        • Афанасий
          20 января 2013  

          хоһоон





          Түүл


          Эн мин түүлбэр киирэн уот отуннуҥ
          Саҥата суох күүтэр курдук туттан,
          Оһох иннигэр өр да олордуҥ,
          Уунан туолбут хараххын куоттаран.

          Мин бөөлүүн түһээн төбөбүн сууннум,
          Элбэх да ууга сайҕанным киртэн,
          Эмиэ биир оннук өр да сотуннум
          Уонна кэтэстим эйигин кистээн.

          Эн мин түүлбэр киирэн уот отуннуҥ-
          Дьол түһэ буолууй бу түүл мин туспар,
          Мин бөөлүүн түһээн төбөбүн сууннум-
          Айыым-харам арахтын эн тускар.

          Дом!

          0
        • биэрэ
          20 января 2013  

          соьуйбат,барыта ёйдёнуллэрТо5о итиччэ элбэх ????

          0
          • Афанасий
            21 января 2013  

            хоһоон





            ***


            Атааҕа атаҕын кыайан
            Сэттэ сиринэн өҕүллэн
            Охтон түстэ кыра оҕом
            Ийэлээх-аҕатын куттаан.

            Санаатым-улаатан баран
            Киһи кэннигэр сөрүөстэн
            Турумаар Дьылҕа иннигэр
            Сэттэ сиринэн өҕүллэн.

            0
            • Афанасий
              22 января 2013  

              хоһоон





              Арахсыы



              Хаһан,ханна ситэн ылан
              Аймалҕан түөспүттэн аста,
              Хайдах,хантан саба түһэн
              Арахсыы ыар тыына ыкта.

              Өссө оҕо туҥуй сааска
              Имэҥ таптал ханна мунна,
              Өһөс,хадаар майгы тиллэн
              Илбис кыыһа уһугунна.

              Тыйыс,дьулаан суолу талан
              Быдьар тылынан тамнаһан,
              Тыын былдьаста биһигиттэн,
              Барда атах балай таптал.

              Бырастыы,быраһаай,бука,
              Дьон тэҥэ аймах тардыстан
              Бүттэхпит буруо таһааран,
              Дьиэ-уот туттан,ыал аатыран.

              Арахсар көһүннэ түгэн-
              Сатаммат этэ иллэһэр?
              Ааһыа.Оһуо.Күн-дьыл түргэн,
              Сыл-хонук,кэм-кэрдии эмчит.

              0
              • соьуйбат
                23 января 2013  

                ***********

                Сыталлар саната суох тииттэр
                Сууллубуттар кинилэр тыалтан
                Хас уйэни унуордаан
                Хай5аьа туран суохтар

                Кэрэ сайын,тымныы кыьын
                Т8ь8т8 хаарыйбыта буолуой
                Хастамматах хатырыга
                Арый бутэйдии эмэх

                Туох сыллар иьэллэрин
                Айыл5а эмиэ билэрин
                К8рд8р8р к8стуутэ
                Хайдах буолары ыйда5а

                0
              • Тымтык
                23 января 2013  

                Афанасийга

                Олус учугэй хоьооннор. тылын-еьуц хомо5ойо, анаарар ыыра киэцэ. Хоьоонноргуттан тус оло5уц ырылхайдык кестер -- олох эриирин-мускуурун билбэхтээбит киьи быьыылааххын. Хаарыан талаан.
                Соьуйбат бэрт мелтех хоьоонноргунан тобу буортулаабатыц эбэтэр атын топта арынарыц буоллар))))
                Афанасий, хоьоонноргун куутэбит, кэтээн керебут. Санаа5ын туьэрбэккэ олох суолун устун хорсуннук хардыылаан ис.

                0
                • соьуйбат
                  24 января 2013  

                  тымтык булума миигин,бэйэ5ин к8рун? мин эйиигин булбабпын ээ? эн суолун атын?

                  0
  • саргылаана
    10 февраля 2014  

    соһуйбакка

    хайдах буоллуҥ дойдум уола
    кыыһырыма сэгэртэй
    түбүктэлиир сирбитигэр
    сайын тиийэн көрсүөхпүт

    0
  • Ньукуу
    24 января 2013  

    хоhоон Афанасий

    Хоһоонноргун күн аайы киирэн ааҕабын, темаларын табыллан арыллаллар,мин эмиэ кыралаан суруйабын, ол гынан баран манна кыттыһар кыаҕым суох. Суруйан ис, биһиги ааҕааччылар элбээн иһиэхпит.Алҕас кинигэ таһаартардаххына биллэрээр,атыылаһыахпыт.Ситиһиини, элбэх хоһоонору!

    0
    • биэрэ
      24 января 2013  

      Аа5ааччы элбээтэ.

      Суруйар да дьон баар буолан эрэр.Тымтык,Наьаа да грубайдаама.Мин эмиэ Афанасий хоьооннорун аа5а киирэр этим.Соьуйбат гиэнэ куьа5ана суох.Ба5ар соьуйбат "Мин хоьооннорум"диэн туспа топ арыйдаххына? Кэпсээннэргэ?Бэйэн сборнигын!!Или манна же?!

      0
      • биэрэ
        24 января 2013  

        Афанасий ити вопроьу хайдах саныыгын?

        0
        • Афанасий
          25 января 2013  

          хоһоон





          Кулун тутар аҕыс күнэ


          Эппиттэрэ,эн,кэтэһэн,
          Миигин кэлиэ диэн эрэнэн
          Күүппүт үһүгүн ол киэһэ
          Сырдык санаа имҥэр кэйэн.

          Истибитим,эн,кэлэйэн,
          Мин туспар эрэлиҥ эстэн
          Турбут этиҥ саҥата суох
          Түннүк таһыгар туймааран.

          Тиийиэхтээх этим...хайаан да,
          Таптал тыллара кэһиилээх,
          Чараас мичээр махтал тута
          Дьөрбө сибэкки бэлэхтээх.

          Таҥнарбытым аара иирэн,
          Атын сүрэххэ сөрүөстэн,
          "Умнууга"хаалбыт ол киэһэ
          Ытыыр быаҕа туора хааман.

          Эппиттэрэ,истибитим.



          0
          • Афанасий
            26 января 2013  

            хоһоон





            Үрүҥ түүн


            Истиий дуу,мин күндү доҕорум,
            Сыһыыга сүүрбэккэ олоруох,
            Уу нууралы күлсэн аймаамыах,
            Үрүҥ түүн айылҕа уоскуйдун.

            Ол кэмҥэ долгуйа куустуһуох,
            Уос уоска даҕайсан уураһыах,
            Көрүөхтэрэ диэн куттаныма,
            Үрүҥ түүн дьон бары утуйуо.

            Көрүүй кистэлэ суох утары
            Имиҥ кыыһа,эн кыбыстыма,
            Килбигийэн туран хаалыма,
            Үрүҥ түүн эн биһиэнэ буолуо.

            0
  • Ньукуу
    26 января 2013  

    Хоһоон

    Сырыы аайы хоһооннорун тупсан иһэллэр,өссө суруй!

    0
    • Афанасий
      26 января 2013  

      хоһоон



      Иккиэн

      Саҥата суох турабыт.Иккиэн.
      Эн билигин эргиллиэҥ уонна
      Уу-хаар баспыт хараххын кистээн,
      Тыаһа суох тэйиэҥ умса туттан.

      Саҥарыах айылаах тыл эстэн
      Муҥу көрө турабыт иккиэн,
      Тоҕо эрэ туох эрэ тиийбэт,
      Бу курдук өр барыан сатаммат.

      Саҥата суох турабыт.Иккиэн.
      Мин эйигин таптыыбын уонна...
      Наһаа сылайдым диэтэхпинэ
      Оо,эн,туох диэҥ эбитэ буолла.

      0
      • Афанасий
        27 января 2013  

        хоһоон


        ***


        Бу туох таҥара кыраабыт түүнэй,
        Бу туох үлүгэрин оҥоһуннум,
        Тоҕо эйигин тиэрэ бырахтым,
        Талаатым кэрэ кыыс оҕо чиэскин.

        Эн ааттаабытыҥ:"Аһын...Тыытыма..."
        -Оҕо үөскүө суоҕа,куттаныма...
        Эн кыламмытыҥ:"Ыыт!Баҕарбаппын!"
        Тэллэх ыйыстыбыта ыһыыгын...

        Эн миэхэ эрэлиҥ,сырдык ыраҥ
        Курустаал таастыы үлтү ыстанна,
        Хоргутан,абаран эн ытаатыҥ
        Хараҕын уутунан сааккын сууна.

        0
        • Афанасий
          27 января 2013  

          хоһоон




          Таптал туһунан быстах санаалар


          ***

          Таптал эрэнэ күүтэр харахха
          Дьолунан туолбут көмүскэ уута,
          Таптал үйэлэр тухары этэ
          Иэйбит икки сүрэх холбоһуута.

          ***

          Тапталга кутун туттарбыт кыыска
          Орто дойдуттан ордорбута уол,
          Таптал уотугар умайбыт уолга
          Күн сиригэр көрбүтэ эрэ кыыс.

          ***

          Таптыыр хараҕынан көрбүт кыыска
          Ким хатыаҕай кырыылаах хараҕын,
          Тапталын билинэн эппит уолга
          Ким хонноруой сүлүһүннээх тылын.

          ***

          Эдэр уолан уоҕун билбит кыыска
          Сарсыарда күн хойутаан туруохтун,
          Куо кыыс ньылба этин көрбүт уолга
          Борук-сорук хаһан да үүммэтин.


          0
          • Афанасий
            28 января 2013  

            хоһоон




            Эн

            Эн-мин үөрүүм, Сахам сирин күнэ-
            Самаан сайына,ууллар куйааһа,
            Ырыам ымыыта,тыллаах чыычааҕа,
            Сир-халлаан,туох эргийэр барыта.

            Эн-мин муҥум,Сахам сирин ыйа-
            Кырыа кыһына,тостор тымныыта,
            Мин түүҥҥү түүлүм,туолбатах ырам,
            Киэҥ сибиир,тоҥ туундара барыта.

            Эн-мин дьолум,Сахам сирин тыына-
            Аһаҕас ыала,амарах дьоно,
            Уохтаах кымыһа,аһыы отоно,
            Киһи төрөөн көрбүтүм барыта.

            Эйиэхэ көрөбүн Сахам сирин,
            Эйиэхэ булабын күммүн-ыйбын-
            Билбэппин уонна туохха холуохпун,
            Арай тэҥнэһэр баар ини ырай.

            Эн-мин үөрүүм,мин муҥум,мин дьолум.







            0
            • Афанасий
              29 января 2013  

              хоһоон





              Көрдөһүү


              Сайыны көрөн туран
              Илэ көстө уостума,
              Харах уутунан сууна
              Эн кыһыны ахтыма.

              Тула от-мас тыллыыта
              Ньургуһун тоҕо сүттэ,
              Иинэ-хата үтүктэ
              Эн кыһыны ахтыма.

              Үөрүү-көтүү үрдүгэр
              Күөрэгэй тоҕо саста,
              Түннүк,аан нөҥүө бүгэ
              Эн кыһыны ахтыма.

              Көрдүү барыам тоҥ буору,
              Тобукпар диэри хаары,
              Саһан сытар чэҥ мууһу-
              Сайыны көрөн туран.

              Кытыастар кутаа оттон
              Төлөн буолан ириэриэм,
              Тоҥ муус,кырыа бэйэҕин
              Бүтүн бэйэм умайан.

              Сайыны көрөн туран
              Эн кыһыны ахтыма.

              0
              • Афанасий
                29 января 2013  

                хоһоон




                Суох буоллун!

                Суох буоллун сэрии,суох буоллун,
                Баҕар,баар да буоллун өлүү-
                Өлөрү мүччү түспүт суох
                Син хаһан эрэ кырдьабыт,
                Бу дойдуттан арахсабыт.

                Арай ийэ ытаабатын-
                Уолун уҥуоҕун туппатын,
                Арай оҕо эймэммэтин-
                Эмиий үүтүттэн маппатын,
                Арай дьон кыргыллыбатын-
                Кыа хааҥҥа тумнастыбатын,
                Арай таптал кыламматын-
                Харах уутунан суумматын.

                Арай баҕам туоллун.Сэрии
                Сир үрдүттэн симэлийдин,
                Оччоҕо мин этиэм этэ-
                Суох буоллун өлүү симиэрдэ,
                Сир үрдүн сибэкки ыстын.

                0
                • Афанасий
                  30 января 2013  

                  хоһоон





                  ***

                  Эн сибэкки эгэлгэтин
                  Хомуйан аҕалыый диэтиҥ,
                  Этиий дуу,тоҕо эрэйдиҥ
                  Кыс ортото кыаллыбаты.

                  Ханна үүммүтүн көрдүҥ эн,
                  Ким булбутун иһиттиҥ эн?
                  Хаарга түспүт харах уута
                  Тыллыбат сибэкки буолан.

                  Барбыт суолбун тибии типтэ,
                  Ааттыыр саҥан аара ситтэ:
                  "Этиий тоҕо,этиий туохтан
                  Аҥыы суолу дьылҕа ыйда".

                  ...Ардах түһүөн эрдэ этэ,
                  Сытар этэ сыһыыга хаар,
                  Кэлэ илигэ өссө саас,
                  Тылла илигэ сибэкки.

                  0
  • Афанасий
    31 января 2013  

    хоһоон





    ***

    Холоонноох "доҕорум" хоро таһан
    Хоонньоспут "үөрүүтүн" дьоҥҥо ыста,
    Аһара да чэпчэки сыанаҕа
    Аан дойдуга атыыга батарда.

    Абаккам,аһара да чэпчэки
    Абаккам,хайдах курдук ыарахан.

    0
    • Афанасий
      1 февраля 2013  

      хоһоон


      ***



      Отой билбэтим эйигин бүгүн...

      Эн "тапталы" эрэйэр хараҕыҥ,
      Ибили убахтаммыт эмиийиҥ
      Имиллибит-хомуллубут таһааҥ-
      Ыаммыт ынахтан атыныҥ тугуй?

      Таҕылларын тарҕата таарыйа
      Тэпсибиттэр эдэркээн бэйэҕин,
      Биэрэриҥ тухары быһа эмэн
      Ыабыттар этиҥ-сииниҥ сүмэтин.

      Көрөөт,сүрэҕим ытырбахтаата...

      0
      • Афанасий
        2 февраля 2013  

        хоһоон




        Албыннаа


        Албыннаа миигин,муҥ саатар биирдэ,
        Эн сатыыр этиҥ,эт сымыйа диэн-
        Киһилэммиккин туораттан истэн
        Турабын тымныы уунан ыстаран.

        Албыннаа миигин,итэҕэт эрэ,
        Умнуоҕум сааты,бар дьон саҥатын-
        Сөбүлэһиэм эйигин кытары
        Кытарбыт чоххо үктэнэн туран.

        Албыннаа миигин,тиһэх төгүлүн,
        Көрдөһөбүн хараххын куоттара-
        Эн саҥата суох эрэ турума,
        Албыннаа миигин,албыннаа бүгүн.

        0
  • Кустук
    2 февраля 2013  

    хоьоон хомуьуна

    Истин санаалаах хоьооннор, олус интэриэьинэй...

    0
  • лео
    2 февраля 2013  

    афанасий дорообо!

    миэхэ баьаалыста ырыа буолар хоьоонно суруй эрэ наьаа учугэй хоьооннор эбит махтал

    0
    • Афанасий
      3 февраля 2013  

      хоһоон




      Бэҕэһээ


      Хайы-үйэ хаар түһэн уулунна,
      Онтон мин өйбөр эн уонна күһүн
      Бэҕэһээ ааспыт курдук тилиннэ,
      Эйигин атаарбыт тиһэх күнүм.

      Арахсыы курус күнүн эрэйэн
      Нүөлүйдэ уйан сүрэхтээх түөһүм,
      Иһирэх тылынан ахта-саныы
      Төннүөн баҕардым бэҕэһээҥи күн.

      Атаарбытым эйигин бэҕэһээ,
      Уураабытым эйигин бэҕэһээ,
      Баарыҥ дии эн аттыбар бэҕэһээ,
      Хаалбытым мин эрэнэ бэҕэһээ.

      Ааһар дьыл-хонук отой мэлдьэстэ:
      Суоҕа бэҕэһээ,суоҕа ол күһүн,
      Итэҕэйимэ эн,эрэнимэ,
      Барыта умнуллуо,сүтүө-оһуо.

      Утарда сүрэх,ылыммат санаа-
      Кыс хаары,сааскыны нөҥүө түһэн,
      Үүнүө этэ дуо бу күн,бу сайын,
      Өскөтүн суоҕа буоллар бэҕэһээ.

      Атаарбытым эйигин бэҕэһээ,
      Уураабытым эйигин бэҕэһээ,
      Баарыҥ дии эн аттыбар бэҕэһээ,
      Эрэнэбин эйиэхэ,Бэҕэһээ.

      0
  • Maria_VV
    7 февраля 2013  

    хоьоон - Афанасийга

    хоьоонноргутун хаьыакка, сурунаалга таьаарыаххытын санаабаккыт дуо?

    0
    • Афанасий
      4 марта 2013  

      хоһоон

      ***



      Кэмэ-кэрдиитэ биллибэт күн-дьыл
      Күдэнэ,күдэригэ кэннибэр,
      Куулата,халдьаайыта көстүбэт
      Сыл-хонук тумарыга иннибэр.

      Аттыбар-олох туһа охсуһуу,
      Тулабар-кырдьык иһин кыргыһыы,
      Бииртэн биир субуллар хабыр үйэ,
      Ыраах быһыылаах киһи өйдөнүө.

      Сир ийэ,дьиҥэр,олус да кэрэ,
      Олох да хаалсыа суохтаах буоллаҕа-
      Былаас былдьаһан,мөккүөр төрөтөн
      Батан сылдьартан ааста дьон-аймах.

      Бу сиргэ биирдэ төрөөн ааһаары
      Мин үчүгэй олоҕу көрбөтүм,
      Киһи диэн ааты сүгэ сылдьаары
      Сэт-сэмэ баарын эмиэ билбэтим.

      0
      • Афанасий
        5 марта 2013  

        хоһоон






        Бүтэһик сурук


        Бүгүн туттум суруккун-
        Таптал тылларын ытаппыт хардаҕыҥ,
        Барытын умнубуккун-
        Тымныынан хаарыйар хас биирдии тылыҥ.

        Бардыҥ,сүттүҥ мин туспар,
        Арай санаам кыланна ылыммакка,
        Билиэҥ дуо,эн дьэ кэлэн
        Сүрэх ыалдьарын,түүн-күнүс ытыырын.

        Бу күнтэн ыла куруук
        Кэлбэт буоллаҕа кэтэһиилээх сурук,
        Тоҕо,туохха эрэнэн
        Суругу күүтэрбиний эйигиттэн...

        Эрэнэрим эн ааккар,
        Итэҕэйэр этим үрдүк аналгар,
        Эн этиҥ мин олохпор
        Сирдээҕи сулуһум,үҥэр таҥарам.

        ...Ааһыа күн-дьыл элэҥнээн,
        Өлбөөдүйүө өйбөр кэрэ дьүһүнүҥ,
        Арай өйдөбүл буолан
        Хаалыа миэхэ эн бүтэһик суругуҥ.

        0
        • Майя
          6 марта 2013  

          Аахтым,

          киьини толкуйдатар хоьооннор! Бутэьик сурук-бутэьик хоьоон буолбат ини?

          0
          • Афанасий
            6 марта 2013  

            хоһоон



            ***

            Охтубут манна суола суох сүтэр,
            Олорон эрэн,эмиэ,син этэ-
            Олох аартыгар олук үктэһэн
            Оймоон ааспыт ороҕум көһүннэр.

            Тура сылдьан барбыт быдан курдук,
            Туруулаһар баара ааттыын ордук-
            Таҥнары тиэллэн тахсыахха диэри
            Туох эрэ түмүк,кэриэс хаалларан.

            Сытан эрэн быстар суоһара бэрт,
            Сөһүргэстээн буоллун,тура сатаан,-
            Сата тылым тылбыллыан иннинэ
            Санаам ситимин саҥаран тэйиэм.

            Өлөр,төннөр да күммэр өсөһөн-
            Өйү эрэ ыһыктыбатах киһи,
            Өйөтөн да,баҕар,тыын былдьаһан,
            Өндөйөн көрүөм өссө өргөйөн.

            Охтубут манна суола суох сүтэр.

            0
            • Афанасий
              7 марта 2013  

              хоһоон



              ***

              Хардата суох тапталым
              Курус ырыатын ыллыам,
              Дьүүллээтин-күүтэр дьылҕам,
              Иһиттин-кэлэр кэмим.

              Санаабын сайа охсон
              Сандаарбыта сааскы кэм,
              Таптал ньургуһун буолан
              Тыллыбыта сүрэхпэр.

              Ыйыппытым сайынтан
              Тоҕо күөх сай ортото
              Хаһыҥнаата сүрэҕим,
              Хагдарыйда ньургуһун.

              Ааттаабытым күһүнү:
              Эн аһынан ытаама,
              Түннүгүм нөҥүө түүнүн
              Харах уутун тоҕума.

              Көрдөспүтүм кыһынтан:
              Аргыар тымныы тыыҥҥынан,
              Сойут сүрэҕим суоһун
              Умуор тапталым уотун.

              Хардата суох тапталым
              Курус ырыатын ыллыам.

              0
              • Сайын
                12 марта 2013  

                Хоһоону сөбүлээччи

                Ваши стихи трогают, волнуют. Гадаю Ваш облик, образ жизни... Все пережитое - в стихи? О стихотворчестве не хотите написать свои мысли. Извините, что пишу по-русски - так быстрее набрать текст. И еще под впечатлением:
                Олох түргэнник устар уутугар
                Умсаахтана, күнү-дьылы билбэккэ,
                Дириҥ толкуйга түспэккэ
                Олорортон арыт босхолонон
                Хоһоон ааҕар үчүгэй даҕаны -
                Ааспат-сүппэт үрдүк ыра,
                Сүдү сырдык үтүө санаа,
                Олоҕу түстүүр чаҕыл күүс,
                Аан Дойдуну көмүскэс,
                Мин дууһабын туруулас!

                0
  • Ньукуу
    12 марта 2013  

    Афанасий,

    дьэ уһуннук сүтэ сырыттын дии,күн аайы хоһоонноргун кэтэһэн көрдүү бара сыстым дии, суруйа сырыт, наһаа уһуннук сүтүмээр эрэ.Ыарытыйда5а дуу диэтим ээ.

    0
  • Тускун
    13 марта 2013  

    Афанасий, хоьоонноргун күүтэн иэдэйдим.

    0
    • Кыр
      13 марта 2013  

      Туох учугэйдээ5ий?

      Барыта ытаныы, биир кэм суланыы.. Автобиографическай суруйуулар: кыыhы кууhулээбитин суруйбут.. Ол учугэй дуо? Тыл сэттээх.., бу кэп туонуу... Ону учугэй диир дьон,- айыл5а5ыт дьу8рэлии буолла5а....((

      0
      • Афанасий
        14 марта 2013  

        хоһоон







        ***

        Таптаатым мин,чахчыта,таптаатым-
        Сүрэҕим түөспэр батартан ааста,
        Таһырдьа былдьаста тахса сатаан...
        Чабырҕай биир кэм кыстык тыаһа.

        Илибирэс илии тарбахтара
        Тутуохтара баара тугу эмэ,
        Сибигинэс уос тыллаах бэйэтэ
        Бүгүн кэлэн күөмэйэ бүөлэннэ.

        Иэним дьырылаан,тыынар тыастанан
        Ис түгэҕэ илбиһирэн турда,
        Хантан хамсыай хам хараҕаланан
        Хаамарын кытта умнубут атах.

        Сэрэйэ охсон санаабын таайан-
        Кыбыстар,толлор ыраах кыйданан,
        Имэҥ таптал дьалыҥа баһыйан
        Куустара түһүүй,мин күндү доҕорум.

        Таптаатым мин,чахчыта,таптаатым.

        0
        • Афанасий
          17 марта 2013  

          хоһоон





          ***

          Тэлэбиисэртэн омук дьахтара
          Туойар быһыылаах ырай олоҕун,
          Харах халтарыйар ото-маһа
          Хамсаан кэлэр курдук ол ырыаҕа.

          Хантан тэҥнэһиэй алаас хатыҥа
          Дьондо сотолоох туора омукка-
          Халлааҥҥа харбаһар,хаалдьык тостор,
          Дьороҕор бэйэлээх дьоһун дьоҥҥо.

          Ойууну батыһан антах быһан
          Олоруох баара сото кэбиһэн,
          Туспа дойдуга,атын санааҕа...
          Туох тутар миигин,манна,куруук...

          Күҥҥэ сыламныы сайыһа хаалбыт,
          Сайбайа үүммүт кыыс мааны хатыҥ-
          Күлүгүн көлүкэҕэ көрүнэр
          Суһуоҕун тараанар,күүтэр,ахтар.

          0
          • Сайын
            20 марта 2013  

            Кэмчи хоһоон

            Сүрэхпин толордо
            Толоон сытынан -
            Самыырдаан ааста
            Санаа-былыттан.
            Илиибин сиэттэ
            Сииктээх сиккиэр -
            Тэлэкэчиттэ
            Түбүктэн киэр...
            Хоһуйуллар курустан
            Хомуһун кута
            Дууһабын кууста.

            0
            • Афанасий
              20 марта 2013  

              хоһоон






              ***

              Сототунан оонньоон ааһа көттө
              Эдэр сааһым эргиллэн көрбөккө;
              Сырдык да санаа,чэбдик да салгын
              Сайҕаан барда саараабыт санаабын.

              Кыыс да кыыс хараҕынан тырымнаан,
              Кыламаныгар күнү түһэрэн-
              Кууһан ылла күлүмнэс мичээрэ
              Сүрэхпин көнньүөрдэ сылаанньытан.

              Быста-быста салҕанан,мин эмиэ,
              Уолукпунан тыынан уолан этим-
              Арыйда ахтылҕан аанын бүгүн
              Аттыбынан ааспыт эдэр сааһым.

              Баара сибэккилээх сыһыы..,баара
              Сиэттиһэн сырсар хатыҥнаах чараҥ,
              Үрэх үрдүгэр үмүрүйбүт үөт,
              Мин иннибэр тойбойо сүүрбүт кыыс.

              0
              • Афанасий
                23 марта 2013  

                хоһоон






                Дойдубар

                Өрүүтүн!
                Өйдүүбүн эйигин
                Соҕотох хааллахпына.
                Санньыар санаа куустаҕына,
                Сүрэх ыалдьарын биллэхпинэ.

                Алааһым!
                Көстөҕүн харахпар
                Дьоммун аҕыннахпына,
                Ахтан утуйбатахпына,
                Күн тахсарын көрүстэхпинэ.

                Өтөҕүм!
                Мин өйбөр,харахпар
                Ырыа ыллаатахпына,
                Үөрэн-көтөн ыллахпына,
                Хаһан тиийэбин диэтэхпинэ.

                0
  • Ньукуу
    24 марта 2013  

    хоһоон

    ааҕа сылдьабын, олус бэрт!

    0
    • Сайын
      25 марта 2013  

      Хоһоон

      Олус истиҥ хоһооннор
      Сүрэхпин нүөлүтэллэр,
      Сахам сирин тыатыгар
      Илдьэ барар курдуктар.
      Быыс буламмын, өйдөөн кэлэн
      Киирэ түһэн ааҕабын,
      Тырымныыр куруска сууланан
      Сиртэн тэйэн ылабын...

      0
      • Афанасий
        25 марта 2013  

        хоһоон





        Ыҥырыы

        Ханна эрэ үөрдүһэн
        Мин сулуһум устуһар,
        Күөх урсуну одуулуу
        Ыҥырдым ыйдаҥа түүн.

        Этэбин мин сулуһум,
        Эн миэхэ соҕотоххун-
        Эйигин эрэ Дьолум,
        Дьылҕам диир бырааптаахпын.

        Иккиэйэх эрэ устуох
        Киэҥ мэҥэ халлаан устун,
        Көрсөр мэһэйи туоруох
        Сүрүн үөһү да тумнуох.

        Билэбин мин сулуһум,
        Биһиги аналбытын-
        Эн эрэ миигин Дьолум,
        Дьылҕам диир бырааптааххын.

        0
        • Сайын
          26 марта 2013  

          Хоһоон



          ***
          Тоҕо эрэ көрүдьүөстэнэн,
          Тэбэнэттэнэн кэлэбин –
          Ааһан иһэр күнү-дьылы
          Элэктии көрөр курдукпун.
          Ол баҕар оҕотук санаа –
          Айылҕа биэрбитэ бүппэт диэн,
          Эбэтэр биир кэлим устар олохтон
          Салҕар дууһам ыарыыта…
          Эбэтэр – өссө да дьиктини күүтэр
          Айылгылаах санаам анала.

          0
          • Афанасий
            26 марта 2013  

            хоһоон




            Сураҕа суох...

            Олох өйтөн сүппэттэр,
            Оо,умнуллан хаалбаттар
            Ол хаан олбох күннэр,
            Ол сэрии сыллара.

            Ол кутааҕа киирбитэ
            Охтуом,өлүөм диэбэккэ
            Хоту дойдум ыччата,
            Хоһуун,хоодуот уола.

            Ол онно ханна эрэ,
            Ол онно хаһан эрэ
            Умайбыт ол сахха
            Умсубут ол саха.

            Сураҕа суох сүппүтү
            Сүрэх бааһа оҥостон
            Эдэр кыыс күүппүтэ,
            Эрдэ кэхтибитэ.

            Киирэн кэлиэ диэн ийэ
            Күн аайы кэтэстэҕэ,
            Сүүрбэччэ саастааҕа
            Сүрэҕэр сөҥнөҕө.

            0
            • Сайын
              28 марта 2013  

              Хоһоон



              ***

              Сарсыарда аайы ырыа ыллыыр
              Күнүм үүннэ – дьэ ол аата
              Самаан сайын чугуһаата,
              Халлаан чаҕылла оонньоото.

              Айылҕалыын тэҥҥэ уһукта
              Иэйиим эмиэ саҥаттан тыллар –
              Тулабын барытын киэркэтэ
              Хоһоонунан алгыс аныыр.

              Кыһынтан сылайбыт бар дьонум,
              Күн күлүмэр сөтүөлээҥ,
              Санньыары, куруһу киэр илгэн
              Ичигэс мичээри бэлэхтээҥ!

              0
  • Маайыс
    29 апреля 2013  

    Аа5абын уонна се5ебун

    МАхтал эьиэхэ суруйааччыларга
    Олох бары ерутун ойуулааччыларга
    Уран тыл ураанхай уустарыгар...

    0
    • Афанасий
      22 июня 2013  

      хоһоон




      ***

      Бэрт солуута да суохтан кыыһыран
      Эмискэ үлүгэр уларыйан,
      Эргиллэ түһээт,эн,тэйэ хаамтыҥ
      Тыйыс тыллары тулаҕар тамнаан.

      Эрэл кыыма тута умулунна:
      "Эрэйи көрүмэ атааран да"...
      Ким ааҕыай утуйбатах түүннэри,
      Аҕалыай аны,сылаас күннэри.

      Ааттаһан эйигин төннөрбөтө
      Эккирэтэн сиппит сырдык ырам,
      Суорба таас дьиэҕэ үлтү охсуллан
      Кирилиэс үктэлигэр оҕунна.

      Санаам таҥнаһынна түҥкэлийэ,
      Түстэ чөҥөрө үөдэн түгэҕэр,
      Ыас хара түүн тахсар суолун бүөлээн
      Ыйыһынна букатын иҥэрэн...

      Мин өйбөр уонна сүрэхпэр сөҥө
      Тэйдэр тэйэр,ырааттар ыраатар-
      Түүҥҥү куорат түлүк уутун аймаан
      Асфальт иэнигэр хобулук тыаһа.

      0
      • Сардаана сибэкки
        22 июня 2013  

        Афанасий

        наьаа учугэй хоьооннордоох эбиккин-).

        0
        • Афанасий
          29 июня 2013  

          хоһоон





          Ийэбэр

          Киирбэт күннээх оҕо сааһым,маамаа,
          Баар-суох көмүскэтэр киһим,маамуо,
          Күүтэр-ахтар,мэлдьи кэтэһэр,маа...
          Ийэм,ийэккээм,арай эн суоххун.

          Күнү быһа күнү кытта сырсан
          Көтө-дайа ойбут дьоллоох кэмим
          Күнүскү үүттээх чэй дыргыл сыта,
          Иэдэс устун харах уутун сүүртэ.

          Дьиэ бүтэн биэрбэт үгүс түбүгэ
          Миэхэ оҥорбут үтүө түмүгэ
          Олох суолун оҥкулун оҕуста-
          Махтал истиҥэ үйэм тухары.

          Ааспыт сыллары эргитэ санаан
          Төннүбэт бүгүн сыгынньах сайын,
          Саҥата суох өр сөҥөн олорон
          Уйадыйан ылабын,айманан.

          Арыаллыыр билигин олох устун
          Уоскутар наҕыл,холку куолаһыҥ,
          Имэрийэр ытыһыҥ сылааһа-
          Эн көрүүҥ хатыламмат мичээрэ.

          Киирбэт күннээх оҕо сааһым,маамаа,
          Баар-суох көмүскэтэр киһим,маамуо,
          Күүтэр-ахтар,мэлдьи кэтэһэр,маа...
          Ийэм,ийэккээм,арай эн суоххун.

          0
          • Афанасий
            5 июля 2013  

            хоһоон





            Олох

            Бастакы булду туһахтан ылан
            Билбэт буолар этим сири,үөрэн,
            Кэм-кэрдии аастаҕа быһа көтөн,
            Кэрдиллэн сытар ол арыы алар

            Маҥнайгы таптал килбик киэһэтэ
            Кэтэһэр этэ хатыҥ таһыгар...
            Маҥан сото,солко мааны чараҥ
            Куура хаппыта туоһа хастанан.

            Баранар уһуга суох курдуга
            Күөх тыа барахсан кыра оҕоҕо,
            Быстар бытаан этэ күн хаамыыта-
            Кылгас да эбит киһи олоҕо.

            Баар курдук мин өйбөр тиллэн алар,
            Оҕо бултуур онно билигин да,
            Били хатыҥ бүгүн да санаабар
            Ордон турар курдук эн аттыгар.

            0
            • Афанасий
              5 июля 2013  

              хоһоон




              Муус сүрэх кыыс

              Муус сүрэх кыыс,муус сүрэх,
              Таһырдьа тоҥорума,
              Уот төлөн уол,уот төлөн,
              Тапталын сойутума.

              Киэр кыйдаа эн,киэр кыйдаа,
              Хом санааҥ аргыстарын,
              Эн эрэн дуу,эн эрэн,
              Эдэр уол тапталыгар.

              Ыас хара түүн,ыас хара,
              Сыттыкка ытатыма,
              Дьол түһэ буол,дьол түһэ,
              Тахсар күн сардаҥата.

              Киэн тутун эн,киэн тутун,
              Умайар уот уолунан,
              Күүс-күдэх биэр,күүс-күдэх,
              Сүрэххин төлөрүтэн.

              Муус сүрэх кыыс,муус сүрэх,
              Саһыма,аһарыма,
              Уот төлөн уол,уот төлөн,
              Тапталын куоттарыма.

              0
              • Ньукуу
                29 декабря 2013  

                Афанасий

                хоьоонноргун суруйа сырыт.Сутэн хаалыма!Сана дьылынан!

                0
                • Афанасий
                  30 декабря 2013  

                  хоһоон





                  Имэҥ


                  Үрдүбэр күүскэ-күүскэ тыыммахтаан,
                  Ардыгар анныбар мускуллаҥнаан
                  Саҕаланна имэҥ-дьалыҥ түүнэ
                  Ийэттэн төрүү сыгынньахтанан.

                  Имэрийэн ыла-ыла сыллаан
                  Иэҕиллэ-иэҕиллэ супту түстүм.
                  Томоруйан ыла-ыла уураан
                  Үөһэттэн таҥнары үлбүрүйдүм.

                  Энэлийии диэнэ эгэлгэтэ,
                  Хабырыныы киэнэ хоччоххойо,
                  Итийии-кутуйуу манна буолла
                  Өрүтэ биэрии өссө сытайда.

                  Сиикэй эттээх тулуйбат ынчыга,
                  Истибит эрэ соһуйар хаһыыта,
                  Салҕар санаа чугаһаан көрбөтө,
                  Тохтуур толкуй саараама киирбэтэ.

                  Өй көтөн ырааҕынан кыырайда,
                  Харах хараҥаран түөрэ барда
                  Түгэҕэ суох чүөмпэҕэ тимирэн
                  Тулам барыта ууга уһунна...

                  ...Кулун курдук кистээн дьырылаттыҥ
                  Үс саха үөдүйэрин биттэнэн,
                  Атыыр оҕус буолан лоҥкунаттым
                  Түөрт саха төрүүр төлкөтүн түстээн.

                  0
  • Ньукуу
    30 декабря 2013  

    Афанасий

    тыый догоор, олус сурдээх дии!Харахпар илэ кеьуннун.

    0
    • Афанасий
      1 января 2014  

      хоһоон



      Ардыгар...

      Ардыгар ахтан-санаан ылабын
      Түүҥҥү куорат дьалхааннаах олоҕун,
      Эдэр саас "элэмэс" сырыыларын,
      Дохсун санаа холус алҕастарын.

      Испитим кутан биэрбит бакаалын
      Чэгиэн бэйэм толору тоһуйан
      Түҥкэтэх уулусса дьэбир суоһун,
      Күлэр болуоссат угуйар уотун.

      Көрү эрэ көҕүлүттэн тутан
      Күүлэй тэбэринэн муҥурданан
      Умнууга хаалбыт аттыбар туран
      Батыһа сылдьыбыт эн тапталыҥ.

      Баалаама,бүгүн,билбэтэх киһим,
      Атас-доҕор элбэҕэ да бэрдэ,
      Оттон мин "соҕотох" курдук этим,
      Төбөбөр тыал,харахпар дьэргэлгэн.

      Ардыгар ахтан-санаан ылабын
      Дьокуускай куорат түүҥҥү олоҕун,
      Өйдөөн кэлэбин,үөһэ тыынабын...
      Барыта ааһар,арай,эн суоххун.

      0
      • С.Т.Р.А.Н.Н.И.К.
        2 января 2014  

        .......

        Сылгы сылыгар, сэгэттэрбэр,
        Сүрэхпиттэн ситиһиилэри,
        Сиэтиһэр сэгэттэри,
        Сүүрсэр сырдык санаалары.

        Сүтэримэн, сылаас сыһыаны.
        Ситтэримэн, сор сырсары.
        Сымыйа сэргэстэспэтин,
        Саарбах симэлийдин.

        Саҥа сыллга,саҥалыы,
        Сып сырдык саналаах,
        Сылдьыаххайын Сахалар,
        Сахабыт сирин, сырдатан.

        0
        • С.Т.Р.А.Н.Н.И.К.
          2 января 2014  

          ........

          Санааларбын сахсытан суруйуом,
          Сэгэрбэр сэрэнэн суруктуом,
          Сиргэ симэлийбэт сыһыаммын,
          Сурукпар сааратан сипсийиэм.

          Сулустуу сандааран сырдыыгын,
          Сүрэхпэр сылааһынан сылдьаҥын.
          Сэгэрим саҥатын сэргиибин,
          Сайыҥҥы салгыҥҥа сэмээрэн .

          Сэгэриэм, сылайбат сүрэҕим,
          Сүүһүнэн сыллар сүүрдүннэр.
          Сэгэриэм,симэлийбэт сыһыаным,
          Сэргээбит санааҕар сахсыллан.

          0
          • ИЛДЬИТ
            3 января 2014  

            Толук камазыс.

            Даа, Туолугу хайгыылар,
            Дьэ, мэнээх буолбатах,
            Дьээбэтэ киирдэ5инньэ,
            Дьолун булаачы судургу.

            Дьоьунаах киьи, камазыс,
            Дойдутун туьугар охтор,
            Дохсуннук улэтин улэлээн,
            Дэхсилиэ ,суолу оннорон.

            Думайдыа биьги уолбут,
            Дуся хаччытын а5арын,
            Дастойна куутуе5э эрэли,
            Дьаьал,биэрэрин Уйбааны.

            Дьахтараймах, ахтар суотуур
            Дуоьуйар, камазыс Туолуктан,
            Дьолу биэриэ,тускулуо,эрэллиэ
            Дьэ, итинньк биьиги саарымыт.

            0
            • ИЛДЬИТ
              3 января 2014  

              Алгыстаах,суолбутун тутуһан.

              Туруоруммут сыалбытын ирдээн,
              Топка сурунан,тобулан ылсыьан,
              Туруорсар сыалбыт са5алланна,
              Туруннулар, суолу оннороочулар.

              Тас энэртэн кеме кердеетуллэр,
              Туораттан кенул ирдээтиллэр,
              Трасса суолун оннорор уолдьаста,
              Тиэтэллээх улэнньи модьуйдуллар.

              Туруорсулаахтык а5ылынна доклад,
              Тэрэьинньээх улэни ирдээтилэр,
              Таьымнаах ерумуеэн са5аланныа,
              Трасса алдьаммытын онотторорго.

              Туолук камазыс дьэ маладьыас,
              Тулуурдаах чэгиэн эр бэрдэ,
              Туобу быстала суох аатырдын,
              Толордун,быьыта эн былааннын

              Тиэрдэбин, эьиэхэ эрэли алгыьы,
              Тускулаах айанмыт суола аьылыа,
              Туругура турун, еруутун инньикии,
              Таьаарыылаах улэни ере тутан.

              0
            • .
              3 января 2014  

              Туолук камазыс. ИЛДЬИТ

              Дьахтар аймах,ахтар суохтуур.

              0
              • Алгыстаана
                3 января 2014  

                Иэйии умсулҕана

                Үргэлгэ, чолбонҥо холонон, оргууйдук.
                Үөһэттэн ,чаҕыллан сандаара турдарбын,
                Үп үрүҥ туман дуу,буоланмын силлиэрэн,
                Үргүйэн сэмээркээн эйигин куустарбын.

                Үтүөкээн доҕорбун ахтарбын санаамын,
                Үөскээбит түөлбэбэр суруйдум хоһуйан,
                Үгэс тыл күүһүнэн алҕаамын,арчылаан.
                Үүт сүөгэй кутаммын,чороонҥо унуоҕум.

                Уостубат тапталы хоһуйан холонон,
                Уунабын илиибин эйиэхэ доҕоруом,
                Уураан ылыам уоскуттан сылаастык,
                Уохтаах сылаас тылынан сибсийиэм.

                Умнуом суоҕа ааспыт кэминньэри,
                Уоскуйан тиэрдэбин санааны көнньүрдэн,
                Угуйар ситимниир эйгэҕэр киирэнмин,
                Уус уураан холонор хоһуйар бичиккэр.

                0
                • Афанасий
                  3 января 2014  

                  хоһоон




                  Хара суор

                  Бүгүн бөһүөлэк бастыҥ көтөрө
                  Сылы эргиччи тиэстэр хара суор,
                  Куолайынан оонньоон түһэр.дайар,
                  Тула өрүкүйэр быыл уонна буор.

                  Сиэрдийэ тохтон,олбуор ыһыллан
                  Сааһырбыт киһи киэбигэр киирэн,
                  Алдьаммыт түннүгүн кистии туттан
                  Тураахтыыр самналлан алаһа дьиэм.

                  Хара суор,эн,халаахтыы көтүмэ
                  Эстэр суолу эрдэттэн биттэнэ,
                  Быстыы аартыгын буллара сатаан
                  Алдьархай аанын астара охсон.

                  Билэбин,хара балаһа ааһыа
                  Көспүт,хамсаабыт дойдутун быһыа,
                  Эрэнэбин кэм-кэрдии эргиллиэ
                  Алаһа дьиэм буруота унаарыа.

                  Көрсүөҕэ аанын тэлэччи аһан
                  Оҕо сааһым оонньообут олбуора,
                  Мустуохпут сандалы тула түмсэн-
                  Ийэм,аҕам,биһиги оҕолор.

                  Хара суор,эн,халаахтыы көтүмэ.

                  0
      • Алгыстаана
        4 января 2014  

        Оо санаалар,санаалар.

        Санаалар үгүһү кистииллэр
        Сарбахтаан арылыбаттар,
        Сымайдаан этии тиһэллэр,
        Санаа күһүнньэн дайалар.

        Санааларбын этинньиэхпин
        Санаам буолбат кэчэһэн,
        Сүрэх кистэлэҥ иэйиитин
        Саһылаамын тиэрдиэхпин.

        Сымыйа санааны ыпсаран,
        Санаа күүһэгэр ылларан
        Сыпах быһах аллаарын
        Сүрэхпэр баас оҥосттон.

        Сыллар хонуктар ааһаннар
        Сыыйа барыта ааста аһыаҕа
        Санааны сааратан сүтүөҕэ,
        Симэлийиэ тумаан курдук.

        0
        • Ньукуу
          4 января 2014  

          Оо дьэ

          Алгыстаана, элбэх да сыыьалаах хоьоонньуккун,туох диэн суруллубутун таабырынныы сатыыбын

          0
          • .
            4 января 2014  

            Нькуу сыһаларбын балаама. Алгыстаана

            Ньукуу ,сыһаларбын бааллаама
            Сатаан суруйбапын билинньэбин.
            Санаа онньуурун таһаарынаары,
            Сыымайдыыбын сурунан саарыыбын,
            Сылайбыпын, сылаабын аһырдынаары.

            0
            • Афанасий
              5 января 2014  

              хоһоон





              ***


              Эн мин ааппын суруйбут хатыҥыҥ
              Эмэх буолан тоҕунна ыһыллан,
              Онно өссө баар этэ эн аатыҥ
              Оҕо сааһым маҥнайгы таптала.

              Таптал.Доҕордоһуу.Үйэлэргэ...
              Түөспэр кыым сахпыт бу төлөн тыллар
              Кытыастар кутааны оттубакка
              Кыраман кыйаарга көттөхтөрө.

              Суруллубут суоруллуо суохтааҕа...
              Туоһун хастатан,лабаа суйданан,
              Сулугур,сыгынньах төһө туруой,
              Төҥүргэс эрэ ол кэм туоһута.

              Ол кыыһы кытары барсыбыта
              Оҕотук мин маҥнайгы тапталым,
              Уонна хаһан да төннүбэтэҕэ
              Умуллубут кыым күөдьүйбэтэҕэ.

              0
      • Сэтэкэ
        15 мая 2015  

        Афанасий, бу хоһоонун ордук курдук, мин санаабар.

        0
  • Тускун
    5 января 2014  

    Афанасий саҥа дьыл эҕэрдэтин тут.

    Өр буолан баран дьэ көһүннүҥ дии.Дьэ кытаат,суруйан ис.Хоһоонноруҥ форуму киэргэттиннэр.

    0
    • Афанасий
      7 января 2014  

      хоһоон





      Тоһоҕо


      Тоһоҕо саайылынна батары;
      Бүттүбүт туора-маары хамсанан,
      Турабыт аны биир сиргэ бары
      Сатаммат хаамар да,уҥа-хаҥас.

      Тоһоҕо саайылынна батары;
      Саҕабыттан сахсыйан таһааран
      Иилэ эрэ быраҕыллар хаалла,
      Быа көрдүүллэр өһүөтэ булуллан.

      Тоһоҕо саайылынна батары;
      "Сэргэх" киһи кэмигэр түһэрэн,
      Күнүстэри тымтыктанан булан
      Тиирэ тардан кэдэрги кэлгийэн.

      Тоһоҕо саайылынна батары;
      Тиэйэн бардылар баайбын утары,
      Бэйэ баһын билиммэт оҥорон
      Соҕуруу ыал соругун толорон.

      Тоһоҕо саайылынна батары.

      0
      • Афанасий
        13 января 2014  

        хоһоон




        ***


        Саҥа дьыл үүнэр күнэ сааратан
        Сандаарта сандалы тула уотун,
        Сылааһа эппит сааһынан сайан
        Саба сүүрдэ санаабытын сайҕаан.

        Сэтэрбит тымныы саатыы сырыттын,
        Солуо хаар халыҥаан сыттар сыттын,
        Сир симэҕин курдук эн симэнэн
        Суулан миэхэ симиттэ налыйан.

        Сайыҥҥы таһааҥ сыта туймаардан
        Сүрэх баҕатын сүһүөх тулуйдар
        Сампаан бүөтэ төлө биэрэр түүнэ
        Соргу салайыа, дьолу тосхойуо.

        Түннүк сабыытын сыыйа түһэрэн
        Түүн кистэлэҥин биһиэхэ аһан
        Үтүөнү эрэ кэрэни түстээн
        Үүнүө саҥа дьыл, тыллыаҕа таптал.

        0
        • С.Т.Р.А.Н.Н.И.К.
          21 января 2014  

          Мин күндү киһим

          Үөрэбин ођом баарыгар
          Үңэбин таңара бэлэђэр
          Үүнэ турдун сибэкиим
          Үөрүүлэри эрэ биллин.

          Үрдуккэ тардыһан,
          Үрдүк үөрэҕи бүтэрэн,
          Үөрэхтээх киһи буолан,
          Үөрдэ турдун атастарын.

          Уоскуйбатын таптала,
          Уу чугас дьонугар,
          Уустук этэр тылларын,
          Уунан истин дођотторугар.

          Уот курдук харахтара,
          Умуллубатын хаһан да.
          Уста турдун олоҕо,
          Уохтаах таптал иэйиитигэр.

          0
          • Афанасий
            29 января 2014  

            хоһоон




            Саатта

            Сорум!Сорум эбит!Эппиттэрэ,
            Сэрэтэн,олоҕунан оонньоомо,
            Арыгыны эн аргыс оҥостон
            Унаардыаҥ суоҕа уһун буруону.

            Иэдээн!Иэдээн да суолу таллым мин,
            Итирбит икки иирбит икки биир,
            Иһит-хомуос,мал-сал - суоҕун тэҥэ,
            Ытабыл-соҥобул - оҕо,кэргэн.

            Саатта!Саатта кэһэй!Истибитим,
            Абата бэрт өйдөммөтүм сүрэ,
            Аахсар,арахсар тыл көтөҕүллэн
            Салгыҥҥа ыйанна хоруй күүтэн.

            Абам!Аанай-туонай абам-сатам,
            Аат аһыгар охтон ардым атан,
            Туохтаах буолан туруулаһыам баарай,
            Кимим кэлэн көмүскүө буоллаҕай.

            Этим умайда куоһа утатан,
            Сүрэх ыксатта тохтоору хаайан,
            Киһилии санаа киирбэтэ сүрүн
            Төбөм хайа барыах курдук бүгүн.

            0
            • Афанасий
              31 января 2014  

              хоһоон




              ***

              Эмиэ эдэр сааспын санаан ыллым-
              Уулусса мээрэйдээн түүн хаамарбын
              Бэргэһэбин умсары уурунан,
              Тиэриилээх хаатыҥкабын анньынан.

              Бөһүөлэк сыыһа биллэр буоллаҕа
              Аҕыйах атыл уһаты-туора,
              Алааһыттан тэйбэтэх киһиэхэ
              Ол да сөп киэҥ курдуга,биһиэхэ.

              Былчыҥ баара хайаан батан сылдьыай
              Боруок көрдөөн уҥа-хаҥас көрүү,
              Кулууп аана кыараҕаһа бэрдэ
              Үлтү суулаһан тахсар саҕана.

              Үҥкүү-битии оччоҕо да баара,
              Ырыа-тойук эмиэ ньиргийэрэ,
              Куустуһуу,эрийсии ханна барыай,
              Биир туспа кыайыы кыыһы атаарыы.

              Ама да аастар кэрэ кэм этэ
              Эдэр сааһым тиксибит кэрчигэ,
              Сүүрбэһис үйэ айбыт оҕото
              Санаан ыллым сылаастык манньыйа.

              0
              • АЛГЫСТААНА
                1 февраля 2014  

                Сахалыы сайаҕас санааннан.


                Сарсыардааҥы саһарҕа ,сайа
                Салгынын силиэрэр сиһигэр,
                Саҕах сардаҥата ,сыыйылла
                Субулан ,сүрэҕи сүөргүлэттэ.

                Сандаарар сулуһу сиэттэрэн
                Сымара систэри силлиэлээн,
                Суол суоран сииктээн субуйда,
                Сырайы салгын сабыта силбийдэ.

                Сахалыы сайаҕас саҥалаах,
                Саарыахха,сэһэргэһэн сэлэһэн,
                Санааны суруйсуох сүбэнньэн,
                Сүһүөхтээн сыыйа симиэххэ.

                Сүрэхпитин сиэттэрэн субэнньэн,
                Сыламнньыйа санаьан сипсиһэн,
                Суостаах суругу ситимнньээн,
                Сэгэрбэр саьылааммын ситэриэм.

                0
  • Харача
    1 февраля 2014  

    Афанасию.Конгениально.



            Дьоллоохтор хоhоон айбаттар
            Куннэрин дьылларын аахпаттар
            Сирдээ5и дьоллорун уhанар
            Куннээ5и тубуктэн оппоттор.
    33
            Арай мин тура5ас дьыл5алаах
            Туолбатах ырабын бигиибин,
            Уоскулан булбатах дууhабар
            Иччилээх тыллары иитэбин.

            Кохсубэр ол туспэт сугэhэр
            Ыарахан толугун билэбин,
            Кэм кэрдии тара5ай сууhугэр
            Куох кырыс уунэрин кэтиибин.

    1
    • Афанасий
      6 февраля 2014  

      хоһоон




      ***

      Туох ааттаах уһун тымныыта турда;
      Түүрүллэн,түүппэҕирэн,түҥнэстэн-
      Тумарык быыһыгар күн тимирэн
      Тумаҥҥа мунна бөһүөлэк иһэ.

      Биир кэм ааныттан аам-даам бурҕайан
      Быыс,хайаҕас көстүө диэн саараама,
      Болоорон бүдүө-бадыа чаҕытта,
      Бытарҕан тымныы тыына чачатта.

      Симиллэн түһэн күн да бөҕөтө
      Салгына хойуута тыыннарыа баара,
      Сэтэрбит курдук сытайан туран
      Сабардаата күдэрик сатыылаан.

      Аарыгыран,аҥнан,адаҕыйан,
      Аргыйар тымныытынан айбардаан,
      Арахсар санаата суох буулаата
      Айгыстан кэлбит бу кырыа кыһын.

      Дьиппиэрбит халлаан кытары тоҥон
      Дэлби барда дэриэспэ таас хайа,
      Тоһунна тоҥ мутук тулуйбакка,
      Таптал сууланна халыҥ таҥаска.

      0
      • АЛГЫСТААНА
        10 февраля 2014  

        КҮНҮҮ



        Эн миэхэ кыыьырбытты,
        Эмиэ хатыылаах харахыннан
        Эрэмэккэ кынчатыы көрөннун,
        Эрэлгин , итэҕэлгин сүтэрдин.

        Этиһэ быластаан хаыытаан,
        Этинҥэ уордайа кыйаханныҥ.
        Эппэт-кэлэ5эй буола суоһуран,
        Эрэллээх анналгын хомоттун.

        Элэс гыммыт күлүккэр ,соһуйа
        Эрэммэккэ одулуу көрүөлэтиҥ,
        Эйэргэьэн ааспыт доҕоргун.
        Элиэтии кыҥастаһа аһарттыҥ,

        Эрэлим оло5ум аргыьа.
        Эрэн кыһырыма уордайыма,
        Эйигиттэн ордугу олохпор,
        Эмиэ хантан булуомуй.

        0
        • Афанасий
          14 февраля 2014  

          хоһоон




          ***

          Эмиэ,сир халлаан икки ардыгар...
          Сууллан түстэ былыт билбит курдук,
          Хара сарсыардаттан таһырдьа,хаар,
          Санаам ситимин самнары баттаан.

          Өссө бэҕэһээ,эйигин ардах,
          Төннөрбөтөҕө көмөҕө кэлэн,
          Иэдэс устун сүүрэр харах уутун
          Саһыара сатаан тэҥҥэ ытаһан.

          Дохсун ардах барытын суурайар...
          Киирбэтим мин эйигин атаара,
          Көтөр аал тахсан тус арҕаа тутта
          Таптал тиһэх эрэлин ыйыстан.

          Тиийиэхпин баҕардым,былыт буолан,
          Эн дойдугар кыстык хаар түһэрэн,
          Тэлгэһэҕэр тиэрдэр суолу сабан,
          Туолбатах ырам ыллыгын көмөн.

          Эмиэ,сир халлаан икки ардыгар...
          Сууллан түстэ былыт билбит курдук,
          Хара сарсыардаттан таһырдьа,хаар,
          Санаам түгэҕэр сэллээбэт ардах.

          0
          • Афанасий
            25 февраля 2014  

            хоһоон



            Уйулҕан

            Мин доҕорум сүрдээх сэмэй этэ-
            Дьиэбэр кэлэрэ сарсыарда эрдэ,
            Күүтэр этэ,таһырдьа,кэтэһэн,
            Саҥата суох симиктик мичээрэн.

            Хомоторо кубархай дьүһүнэ
            Сэниэтэ суох хамсанар көрүҥэ,
            Санаа охсуллан ааһар хараҕа,
            Арыт хаалан мөҕүллэр атаҕа.

            Кини миигин батыһа сылдьара
            Биир тылы утары саҥарбакка,
            Ууну-хаары бүтүннүү бүрүнэн,
            Таҥас-сап да,барыта,баранан.

            Сатараан олороро тыа баһа
            Орой-мэник оонньууга кыттыһан,
            Күн кытары чаҕаарар курдуга
            Оҕо-аймах үөрүүтүн үллэстэн.

            Биир сарсыарда кини кэлбэтэҕэ...
            Нөҥүө күн эмиэ биллибэтэҕэ...
            Сарсын диэн киниэхэ үүммэтэҕэ...
            Истибитим...уһуктубатаҕын...

            Ойуур саҕатынан тыал кэрийэр-
            Хас лабааны ааҕа имэрийэр
            Сарсыарда аайы миигин кэтэһэн...
            ...Чаҕааран ылла оҕо саҥата.

            0
            • Ньукуу
              27 февраля 2014  

              Афанасий

              хоһоонноргун тиһигин быспакка суруйан ис, сүтүмэ,эн хоһооннорун чахчы киһи дууһатын таарыйар эбиттэр...Ситиһиини, саҥа айымньылары!

              0
    • сэтэкэ
      22 июня 2015  

      Харача, үчүгэй да хоһоону суруйбуккун. Салгыы саҥа суруйуу баар дуу?

      0
  • пузарий
    27 февраля 2014  

    Хоһоон

    Вокзалга токуллан тураахтыыр,
    Бөҕүөрбүт ытыһын тоһуйан
    Барыҥнас дьоннортон умналыы,
    Биир саха эдэркээн уолчаана.

    Сирэйэ дьэлтэйэ үллүбүт,
    Хараҕа кытарбыт, көҕөрбүт,
    Куурката ибили тэстибит,
    Атаҕын таҥаһа эстибит.

    Сүрэҕим кыланна ол онтон
    Хайдахтаах бу маннык турукка,
    Эдэркээн сахабыт уолчаана
    Олоҕун дьылҕата кэлбитэй?

    Аргылыыр дьаллыкка ылларан,
    Эбэтэр ыарахан ыарыыттан,
    Олоҕун тутулун алдьатан,
    Буруйу оҥорон хайыыттан?

    Олох диэн бутуурдаах, эндирдээх,
    Түһүүлээх, тахсыылаах, киирсиилээх.
    Кэрэҕэ, сырдыкка тардыһар
    Эрэлин сүтэрбит олоҕор?

    Ийэлээх аҕата хаһан эрэ
    Дьоллорун холбооннор ыал буолан,
    Иэримэ дьиэлэрин иччилээн,
    Уол оҕо бастыҥын төрөтөн.

    Иитэннэр такайан, үөрэтэн
    Силлиэттэн, будулҕан буурҕаттан
    Иҥнибэт буоларга алҕааннар,
    Эрэллээх кыымнары саҕаннар.

    Харахпыт дьүккэтэ дэһэннэр,
    Кэрэ тыл маанытын анааннар,
    Хайдахтаах эр бэрдэ буоларгын
    Эрэнэ, кэтэһэ хаалтара буолуоҕай?!

    Эдэркээн уолчааммыт барахсан,
    Оллуртан-буоллуртан иҥнимэ.
    Кэскилиҥ, олоҕун илиигэр,
    Харса суох хардыылаа иннигэр!

    Ытыһын тоһуйбут саха уола...
    А. Хампа.

    1
    • Афанасий
      7 марта 2014  

      хоһоон


      Сэгэрбэр

      Ыра санаам күөх дуолун кэрийэн
      Сиргэ сиэтэн киллэрбит сулуһум,
      Эрэммит илиигэр сүгүрүйэ,
      Махтанабын,эйиэхэ,мин дьолум.

      Алааспар тыллыбыт мин сибэкким,
      Алаһа дьиэм ылыммыт кийиитэ-
      Эн буоллуҥ мин олохпор,сэгэрим,
      Тойон сүрэҕим далбар хотуна.

      Ытыспар түһэрэн ылбыт ымыым,
      Уйа туттубут ырыа чыычааҕым,
      Оҕолорум көмүс ийэлэрэ,
      Кэргэним-күн анныгар эн эрэ.

      Толору чороон таптал куттаран
      Көтөҕүөм иллээх олох туһугар,
      Кыынньар кымыс айаҕын охторон
      Туойуом тойукпун эйиэхэ анаан.

      Үгүс үйэлэри уҥуор тэбэн
      Кэнэҕэс дьоҥҥо кэпсээҥҥэ киирэн,
      Номох буолан сэһэҥҥэ холбонон
      Олорбуттара эбитэ үһү...

      0
      • Харача
        23 мая 2014  

        Кириитиктэргэ

        Идэтийбит суруйааччылар,кириитиктэр,үтүөлээхтэр,норуодунайдар-ханнаҕытый,бааргыт дуо? Бу көһөҥө талааны тоҕо ким да өйдөөн көрбөт.
        Ырытыҥ,сүбэлээҥ,көмөлөһүҥ.Арчылаан даҕаны бэчээттиэн сөп этэ.
        Хонооһой хонон ааһар хоноһо буолбатаҕа тута көстөр.

        0
  • Хоносо
    7 марта 2014  

    Сэгэрбэр

    Кимин билбэппин, биллим бэйээтин,
    Афанасий хоһооннорун ааҕан,
    Ылынным кини арыллар иэйиитин,
    Арыт мичийэн, хомойон, долгуйан.

    Күүтэбин ол кэннэ хоһоон үүнэрин
    Уоһун сэгэппит ньургуһун кэриэтэ,
    Урааҥхай тылынан ураннык кэпсиирин
    Таптал мөссүөнүн күҥҥэ күөрэтэ!

    0
    • Афанасий
      31 марта 2014  

      хоһоон




      ***

      Түннүк нөҥүө элэс гынан ааһар
      Чыычаах көтүүтэ кылгас олоҕум
      Уҥуоргу халдьаайыта чугаһаан
      Түмүк эрэйэр буолла ардыгар.

      Мутугунан быраҕар мин үйэм
      Бэлиэр көстөн эрдэҕэ муҥура,
      Туох эмэ утары уунар уктан
      Тиийбит киһи өбүгэ сиригэр.

      Айанныыр киһи өттүк харалаах,
      Ахтыы киэһэтэ илии тутуурдаах,
      Кэнчээри ыччат кэпсээнин илдьэ,
      Аныгы үйэ тэтимин тиэрдэ.

      Лабаатын уунан уолун көрсүөҕэ,
      Лабачааны - өбүгэм үрэҕэ,
      Аҕам сүүрбүт сыһыыта тэлгиэҕэ
      Сандалы маанытын тэлгэһэҕэ.

      Көрсүөхтэрэ салгын кут аһыллан
      Үс үйэ саҕаттан быыс арыйан,
      Утум салҕаабыт уолларын көрө
      Өтөх аайыттан өбүгэлэрим.

      Түннүк нөҥүө элэс гынан ааһар...
      Мутугунан быраҕар мин үйэм...

      1
      • Афанасий
        3 апреля 2014  

        хоһоон




        Эн көр...

        Эн көр,атах сыгынньах чараҥы...
        Киирбит киһини көрсөр этилэр,
        Хатыҥнар күөх оһуор үҥкүүтүнэн,
        Кыргыттар,кылбаа маҥан сотолор.

        Ыһар этэ онно,сайын,ыһыах,
        Дьиэрэҥкэй тэбэрэ үөрэн,үөр лыах,
        Сөрүүкээн ааһара сынньанан,күн,
        Сэбирдэх быыһыгар хоноро,тыал...

        Туос оҥоһук-быыстапка толору;
        Иһирдьэ-атыы,таһырдьа-тутуу,
        Хайҕааһын,көрүү-истии -үрдэ суох...
        Хастанар,ойуллар,отуллар-туос.

        Кэрэхсии көрбөтүм иэйэ-куойа,
        Хараастан ылла,сүөм түстэ санаам,
        Харахпар тилиннилэр хатыҥнар,
        Хаанынан устар хара сотолор.

        Эн көр,атах сыгынньах чараҥы.



        1
        • Алгыстаана.
          7 апреля 2014  

          Куруук бииргэ доҕоруом.



          Кэбис да доҕоруом этимэ,
          Кэлэтии тылларын уунума,
          Кэхтибэт тапталы эт миэхэ,
          Кэрэхсээн кэрэҕэ тардыһа.

          Килбик санааҕа ылларан,
          Кистии сэмэй иэйииттэн,
          Киирэн уоскут дууһабын,
          Кистэлэҥ саспыт санааҕын.

          Күүтэр ахтар да эпиппин,
          Күүскэ таптыыр сүрэҕим,
          Күлүм гына уоскуйан,
          Күлэн үөрэн тийиэҕим.

          Куруук бииргэ буоларга,
          Кутаа уотун төллөннөөн,
          Кууһан сүрэххэр сыһыара,
          Куппун-сүрбүн аймаатыҥ.

          Кэнэҕэс буолар сыллартан,
          Кэнчээри үүннэр сайдыытын,
          Кэскиллээх олоххо тардыһан,
          Кэминэн олоруох дьоһуннаан.
          *Алгыстаана

          0
          • Афанасий
            9 апреля 2014  

            хоһоон



            Эрэ...эрэ...

            Бүт эрэ...алҕас тыллаһыма эн...
            Туманнаах сарсыарда сииги кэһэн
            Барыма миигиттэн тэйдэр тэйэн,
            Сэбэрэҥ омооно сүттэр сүтэн.

            Күүт эрэ...олоро түс аттыбар...
            Тиит чыпчаалын тиирэ көтөн тахсар
            Күн сардаҥатын иккиэн кэтэһэн
            Тахсыах бииргэ олох киэҥ аартыгар.

            Кэл эрэ...түөспэр төбөҕүн ууран,
            Уйаҕас хараххын оргууй симэн,
            Куустар сырдык ыраҕар уйдаран,
            Уйан дууһаҥ санаатын арыйан.

            Иһит эрэ...уонна тэҥҥэ тэбэр
            Сүрэҕи кытары сөбүлэһэн,
            Ибир уоскун иэдэспэр даҕайан,
            Бэринээр мин тапталбар бигэнэн.

            0
            • Алгыстаана
              10 апреля 2014  

              .

              *****
              Оо, мин таптыыр сэгэрим,
              Олоҕум аргыһа эн буолаҕын,
              Олоххо анаммыт тэҥнээҕим,
              Ол аартык суолун алтыһан.

              Бииргэ олоруох өйдөһөн,
              Биир санааҕа киирсиһиэх,
              Бигэтик олоҕу салайсан,
              Билгилээн төлкөнү тэринниэх.

              Тапталыҥ төлөн суоһунан ,
              Тулуурдаах киэҥ көҕүскүннэн,
              Тирэх күүс дурҕа буолаҕын
              Тиэрдэҕин модун күүһүн !
              ©Алгыстаана.

              0
              • Афанасий
                11 апреля 2014  

                хоһоон




                Балаһа

                Иннибэр-кэннибэр өрө көтө
                Буулаата тоҕо эрэ хара суор,
                Биттэнэр быһыылаах миигин түүйэн
                Барар-кэлэр ыллыкпын манаһан.

                Үрүҥ балаһа,хара балаһа,
                Ким эмэ быраҕыа дуо далаһа.

                Бурҕайар буор атаҕым анныгар
                Субуллар суол аара быраҕыллан,
                Эриллэр сыл-хонук умса сөрөөн
                Илиибэр-атахпар кыаһы баайан.

                Үрүҥ балаһа,хара балаһа,
                Ким эмэ быраҕыа дуо далаһа.

                Ким да бэйэтин быһа этиммэт
                Көбүөр суол киһи аайы тэлгэммэт,
                Табыллыбата хара ааныттан,
                Сатаммата олоҕум оҥкула.

                Үрүҥ балаһа,хара балаһа,
                Ким эмэ быраҕыа дуо далаһа.

                Күүтэр,арай,соҕотох сорсуйуу,
                Көһүтэр быралгы барыы муҥа,
                Куоттарбат миигин санаа кулута,
                Бэйэ баһын билиммэт да соро.

                Үрүҥ балаһа,хара балаһа,
                Ким эмэ быраҕыа дуо далаһа.

                Төлкөбүттэн көрдөһөр күттүөннээх,
                Дьылҕабыттан ааттаһар ахсааннаах-
                Муҥур тииккэ холоон суулларыма,
                Эмэх маска тэҥнээн охторума.

                Үрүҥ балаһа,хара балаһа,
                Ким эмэ быраҕыа дуо далаһа.

                0
                • Ньукуу
                  11 апреля 2014  

                  Афанасий

                  өр да буолан баран көһүннүн,хоһооннорун кэлин өссө тупсан иһэллэр, сүтэн хаалыма, баһаалыста, суруйа сырыт.

                  0
  • Афанасий
    15 апреля 2014  

    хоһоон




    Саас

    Алларааттан уу,үөһэттэн таммах-
    Муһунна муннук кэрийэн,чалбах,
    Оронно,күөрэйэн,хаар анныттан,
    Тарҕанна мин дойдубар,саас сыта.

    Уҥуор туорааһын улуу кыһалҕа,
    Отой уһунна уулусса туома,
    Бөһүөлэк бүттүүнэ ойуоккалас-
    Үктэннэ дойдубар күүтүүлээх саас.

    Көрөр тухары бырыы,бадараан,
    Ол быыһыгар кыбыллан,халтараан,
    Сэрэхтэннэ таһырдьа,тахсар да,
    Билиннэ дойдубар,эргийдэ,саас.

    Уунан туолла үрүйэ-харыйа,
    Үнүгэс аста тиллэн үөт,талах,
    Үрдэ суох үөрүүтэ,тэбэр сүрэх-
    Кэллэ дойдубар кэтэһиилээх саас.

    0
    • Алгыстаана.
      20 апреля 2014  

      .

      *****
      Сүрэхпитин холбуох догоруом,
      Сөбүлэммитин биллэриэх,
      Сүбэлэһэн сөпсөһөн сэгэриэм,
      Сүбэнэн дьолбутун оҥостуох.

      Оо мин таптыыр сэгэриэм,
      Олоҕум аргыһа буолаҕын,
      Олоххо анаммыт тэннээҕим,
      Ол аартык суолун арыйыах.

      Бииргэ олоруох өйдөһүөх,
      Биир санааны тобулуох,
      Бигэтик олоҕу салайыах,
      Билгэлээн төлкөнү төрүттүөх.

      Тапталбыт төлөнүн суоһунан,
      Тулуурдаах Киэҥ көгүстэн,
      Тирэх күүс дурда буоланҥын,
      Тиэрдиий модун күүскүнэн.
      ©Алгыстаана.

      0
      • Алгыстаана.
        20 апреля 2014  

        .

        чочуйан иккистээн таһаардым.

        0
        • Афанасий
          22 апреля 2014  

          хоһоон





          Сүтүк


          Билэр дуо,бу халлаан,кырдьыга,
          Ханна көтөн тиийбитин,чыычаах,
          Турабын санааҕа баттатан,
          Ытыһым иһиттэн куоттаран.

          Көтүтэн барда,арааһа,тыал,
          Ыаһыран кэлбит былыт ыган,
          Хараҕым далыттан сүтэрэн
          Ытыспын сотуннум букатын.

          Саһыарда быһыылаах,түлэй түүн,
          Хонноҕор-быттыгар кыбытан,
          Ытыс таһынар ыас хараҥа
          Мэлдьэстэ туруору ыйыстан.

          Көрөн ааста ини,күн,дьиҥэр,
          Кэрийэн иһэн кый үөһэттэн,
          Туспа дуолга,туора дойдуга,
          Ытыс үрдүгэр эн битиигин.

          Билэр дуо,ким эмэ,кырдьыга...

          0
          • Афанасий
            24 апреля 2014  

            хоһоон




            ***


            Эн барытын харанан ойуулаа-
            Күөх тыаны,ууну,унаар халлааны,
            Уонна тахсан тулаҕын одуулаа,
            Көрүөҥ суоҕа арылы кустугу.

            Эн барытын харанан ойуулаа-
            Хамсыыр харамай,тыыннаах айылҕа,
            Уокка былдьаммыт ойуур кэриэтэ
            Хоруонан көрө сытар эйиэхэ.

            Эн барытын харанан ойуулаа,
            Уонна тахсан хайдах да одуулаа,
            Көрүөҥ суоҕа кими да,тугу да,-
            Суугунуур чээл күөх этэ,мин тулам...

            Хараҥарыа өссө эрдэ этэ,
            Баарым мин,турбутум эн аттыгар,
            Сибэкки сэбирдэҕэр сууланан
            Дьэҥкир таммаҕы кытта силбэһэн.

            Эн барытын харанан ойуулаа.

            0
  • Афанасий
    29 апреля 2014  

    хоһоон





    Күнүү


    Күнүүлээн быһа сытыйдым бүгүн-
    Иһит-хомуос күөрэ-лаҥкы түстэ,
    Таҥас-сап уҥа-хаҥас кыырайда,
    Аан тыаһа киирэ-тахса сүрдэннэ.

    Киһи бөҕөтө ырытылынна,
    Барыҥныыр барыта хабылынна,
    Сүөдэҥниир бүтүннүү күтүрэннэ
    Бара сатаан күлүк мөҕүлүннэ.

    Туппутум туура-тамты тулунна,
    Тарпытым мүлчү-халты туттарда,
    Тугум да сатаммакка муҥнаата,
    Олох ыһылынна өйүм-санаам.

    Бииргэ үөскээбит оҕолор көрсөн
    Иллэҥ кэмҥин атаара барбыккар,
    Буолан турдум эбээт,бу айылаах,
    Киһиттэн таһынан кэбилэнэн.

    Билэбин ээ,миигин кэтэһэргин,
    Утуйбакка түүннэри күүтэргин,
    Баара суоҕа биир киэһэ тэйбиккэр,
    Сэгэрим сыыһа,ахтан иэдэйдим.

    0
    • Алгыстаана.
      1 мая 2014  

      Сүрэхпэр төлөнү күөдьүттүҥ..



      Сипсийэр тылларгын истэммин,
      Санаабын көнньүөртүҥ доҕоруом,
      Сүрэхпэр таптал суоһун аһанҥын,
      Сүргэбин , аймаатыҥ сэгэриэм.

      Таптаатым эйигин ыраахтан,
      Талааннаах,көнө майгыгын,
      Таптал кыымын астыҥ дууһабар,
      Тапталы сүрэхпэр хатаанҥын.

      Саныыр санаам эн буолуҥ,
      Санаабар аттыбар куруутун,
      Сүрэхпэр төлөнү аһанҥын,
      Сылаас кыымы күөдьүттүҥ.

      Таптыаҕым ыраахтан сэргээн,
      Тапталыҥ баарын тухары.
      Тапталбын эйиэхэ анаамын,
      Таптаһар сүрэх баарынан.
      ©Алгыстаана.

      0
      • Ньукуу
        2 мая 2014  

        Афанасий

        хоһооннорун киирэн куруук ааҕабын, наһаа табыллан тематын, рифматын табан суруйаҕын, саҥаттан-саҥаны айа-суруйа олор, күөх маай бырааһынньыктарынан!Алгыстаана хоһооннорун эмиэ тупсан иһэллэр кэлиҥҥи сырыыларгар, бэйэн туспа топта арый, биһи сүгүрүйээччилэр киирэн эмиэ эйиэхэ эҕэрдэ ыытыахпыт, бары үчүгэйи.

        0
        • Алгыстаана.
          2 мая 2014  

          Ньукуу махтал,мин топун кэлэн ааҕаргар көрдөһөбүн, ..Санааларга ..Хоһоонунан кэпсэтиэх хайдах этэй ...диэн.

          0
  • Субэтэй
    2 июня 2014  

    Лабачааны урэ5э диэн тыллары-

    олус да айма5ыргыы аахтым.Сааскы сурт диэн тугу эмэ этэр дуо???

    0
    • Евдокия
      14 июня 2014  

      Афанасий

      Наьаа учугэйдик суруйар эбиккин мин талаана суох буолан тылбынан сатаан эппэппин манна булан аа5ан бэл уйадыйдым

      0
      • Алгыстаана.
        15 июня 2014  

        Боруоба таах олоруохтааҕар


        Хараҥа былыт ыган кэллэ,
        Халлааны саба тэнийдэ,
        Хантан эрэ тыал чыскыйда,
        Холорук буолан мускуйда.

        Хатыҥ лабаатын сахсыйда
        Харыстанан кистии туппут
        Хампа күөх сэбирдэҕин
        Хайыы ыраахха эргиттэ.

        Харыстаабата тулатын ниһийдэ,
        Хатыҥнык этиҥ лүһүгүрээтэ,
        Хайа ыстанна чаҕылган уота,
        Халыс гынна, ардах курулаччы.

        Харыстан турдум, суохтаан эйигин,
        Харах уута сар түстэ иэдэспэр,
        Хам тутта сүрэҕим нүөлүйэн
        Харыстаан таптал мөккүөрүн.

        Хаалларыма миигин соҕотох,
        Халдьаайыга сыһыыга кээһимэ,
        Харыстаа мин уйан дууһабын,
        Хаххалаа модун күүскүнэн...
        ©Алгыстаана.

        0
        • афанасий
          27 июня 2014  

          хоһоон




          Хаастар...хаастар...

          Кынаппын тоһуттулар...таптылар...
          Хаҕыстык көрүстэ түллэр долгун,
          Ырааҕыан тыатын саҕата,алаас,
          Үүммэт быһыылаах бу эргин,хомус.

          Тулуурга уһуйбута туундара,
          Оннуттан суох сытан биэрэр санаа,
          Тыйыс дойду такайбыт көтөрө
          Охсуһан көрүөм олох туһугар.

          Орой үрдүттэн кутар куйаастан
          Тутан испитим тус хоту быһан,
          Киирбэт күннээх төрүт буорбун ахтан,
          Үөрдүһэн,уруу-аймах тардыһан.

          Күөл иэнэ кэҥээн биэрдэ мин туспар,
          Куотабын эрэлим кыымын илдьэ,
          Ааспыт үөрбүн батыһа кыланан,
          Түөлбэ сирбэр тиһэх илдьит тиэрдэн.

          Ситэн кэллэ ыһыы-хаһыы,ый-хай,
          Оргуйан олордо ууга ардах,
          Бүрүнэ түстэ сибиниэс таммах...
          ...Көрөн турда үрдүк мэҥэ халлаан.

          0
          • Ньукуу
            29 июня 2014  

            Афанасий

            дорообо, Афанасий! Үрүҥ тунах ыһыахтарынан! Дьолу-соргуну, доруобуйаны, саҥа хоһооннору,айар-суруйар талаанын арыллан истин, ааҕааччыларын элбии турдуннар!

            0
            • Алгыстаана
              14 июля 2014  

              *****


              Доҕорбор салгын буолан,
              Сайа охсон тийдэрбин,
              Унаара туманныра устан
              Сыстыам сэмээркээн сэгэрбэр.
              Сиккиэр, буоламмын, сипсийэн
              Сыллаан, уураан аастарбыан,
              Сып сылаас уоскуттан
              Манньыйа уулуннарбыан
              Итии сүүрээн дууһабар
              Чаҕылҕан буола күөдьүйэн
              Аналлаа5ым таптала бииргэ
              Холбоһон, этиҥ этэринии
              Ньиргийэ күөдьүйэ кыыстаран
              Таптал күүһэ холлоруктанан
              Икки сүрэх күөдьүйүүтэ
              Күүстээх төлөн буоллун дуу?.
              @Алгыстаана

              0
              • Афанасий
                15 июля 2014  

                хоһоон




                Кэп

                Орто туруу бараан дойдуттан
                Мин эйигин көрдөөн булбатым,
                Ыра санаам мааны оҕотун -
                Олоҕум Туйаарыма Куотун.

                Буруй барыта бэйэбиттэн...
                Баар этиҥ,ыраах,көстө-сүтэ,
                Туналҕаннаах ньууруҥ угуйа,
                Суолдьут сулус буолан ыҥыра...

                Кыыс Кыскыйдаан аара өрөтөн
                Орто дойдуну умуннаран,
                Көлдьүн таҕыла өйбүн сүүйэн
                Саараппыт абата баар этэ.

                Уот Уһутаакы айах тутан
                Идэмэрдээх аска ылларан
                Иирэ сылдьыбыт кэмим саата,
                Ама,ааһыа баарым тухары.

                Иэдээникпин да куудааныкпын,
                Абытайбын да халахайбын -
                Ааһар албас,куотар кубулҕат
                Үлтү сөрөөн киирэн биэрдэхпиэн...

                Орто туруу бараан дойдуттан
                Мин эйигин көрдөөн булбатым,
                Омоллоон олоҕор олорон
                Дьэргэстэй ыһыаҕын ыспатым.

                0
                • Алгыстаана
                  16 июля 2014  

                  Афанас оһуобаҋдык суруйар эбиккин,бары үчүгэйи баҕарабын.

                  0
  • Алгыстаана
    16 июля 2014  

    Бу,хоһоонуҥ сүрдээх киэҥ өйдөбүллээх, бу аһыы утаҕы мэннээх испэтэрин,олох алдьаннан дууһа кыланыытын көрдөрөр.....толкуйу биэрэр.хаһыатка. таһааттарыахха баар этэ...

    0
    • Афанасий
      17 июля 2014  

      хоһоон




      SOS


      Эн биһикки ардыбыт ыраатан
      Иитилиннэ арахсыы айата,
      Ыгым быһыы ычыгар симиллэн,
      Быстах санаа тыатыгар тоһуйан.

      Иннибит айа,кэтэһэр кылыы -
      Ким быыһыыр биһиги дууһабытын.

      Тардылынна обот соллоҥ айа,
      Күүтэр кылыы кыл саҕаттан иҥнэн,
      Эркээйи охсон ыллык суол ыйан
      Таһаарбыт киһи эйигин сиэтэн.

      Иннибит айа,кэтэһэр кылыы -
      Ким быыһыыр биһиги дууһабытын.

      Сииккэ сиэлэн мин,хаарга хааман эн -
      Муҥур уһукка тиийдибит иккиэн,
      Саараабыт санаабыт сиһигэр
      Муннардыбыт Тапталы киллэрэн.

      Иннибит айа,кэтэһэр кылыы -
      Ким быыһыыр биһиги дууһабытын.

      Барар сир бүгүн баҕана үүтэ,
      Кэлэр да сир,эмиэ,кэлии үүтэ -
      Кэм-кэрдии,дьыл-хонук тиэтэтимэ,
      Кыҥаан сытар кылыыга үүрүмэ.

      Иннибит айа,кэтэһэр кылыы -
      Ким быыһыыр биһиги дууһабытын.

      0
      • Афанасий
        25 июля 2014  

        хоһоон




        Сайын


        Күөх сайын ыһыаҕы кэрийдэ,
        Күөрэгэй күннүктээн битийдэ,
        Кэҕэ өрөөбөккө кэҕийдэ,
        Куйааһа сарсыардаттан кутта.

        От,өрө,алларааттан аста,
        Отуу ойуур саҕатын булла,
        Онно-манна оллоон буруота
        Омурҕан диэн баарын санатта.

        Хаарыан да сайын,хаарыан да кэм,
        Үүнүүтүн миэхэ туран биэрдэ,
        Хара көлөһүнүм тилиннэр
        Үрүҥ тыыммын өллөйдүө этэ.

        0
        • Ньукуу
          28 июля 2014  

          Афанасий

          Дорообо! Хоһоонноргун дуоһуйа ааҕабын.

          0
          • Далбарыйа
            28 июля 2014  

            хоьооннорун

            Наьаа душевнайа суохтар .Киьи ойугэр туппат тургэнник .А жаль Пушкин курдук боростой тылынан киьини абылыыр хоьооннор хаьан эбит суруллуохтара да .Хомойуман олохтон дьиннээзи кордуу сатыыбын.

            0
            • Ньукуу
              21 августа 2014  

              Афанасий хоһоонноругар

              Чахчы олоххо көстөр хартыыналары суруйар,киһини долгутар, арыт уйадытар хоһоонноро элбэхтэр. Далбарыйа сыыһа критикэлээбиккин.Афанасий, баһаалыста хоһоонноргун суруйа сырыт, биһи эн хоһоонноргун эрэ кэтэһэбит. Бары үчүгэйи кытта.

              0
              • Алгыстаана
                24 августа 2014  

                *****


                Сырдык санааҕа иҥэнмин
                Доҕорбор эйиэхэ тийиэҕим
                Сылаас уоскар даҕыллан,
                Сыллаан уураан аастарбыан
                Мүөттээх сибиэһэй сай
                Салгынна буолан иҥтэрбиэн,
                Сэгэриэм уостубат тапталыгар
                Уймана дуоһуйдарбыан.
                ©Алгыстаана

                0
                • Алгыстаана
                  28 августа 2014  

                  *****



                  Ситимнээн сииктии субуллар
                  Симэхтии сурук суруллан
                  Сиһилии сэмээр сэһэргээн
                  Ситэрэн сүһүөхтээн сааһылаан.

                  Сэгэрбэр сыстаммын сипсийиэм
                  Сөпсөһөр санаабын сиэттэрэн
                  Сылаас сыһыан сэҥээриитин
                  Сүрэхпитиннэн сөбүлэһэн.

                  Сарсыардааҥы сиикэ симэлийэн
                  Саһарҕа сандаара субулла
                  Сыһыыны сырдата саста
                  Сай салгына саба сүүрдэ.
                  ©Алгыстаана

                  0
  • АЛЕКСАНДР
    29 октября 2014  

    СЭҤЭЭРЭЭЧЧИ

    АФАНАСИЙ ХАЙДАХ СҮТЭН ХААЛЛЫҤ ?ЫАРЫТЫЙДЫҤ ДУУ ТУГУЙ ?ЭБЭТЭР ИТИ ДАЛБАРЫЙА ДИЭН КИРИИТИКЭЛЭЭБИТИТТЭН ТОХТООН ХААЛЛЫҤ ДУУ ?БААР БУОЛЛАХХЫНА БАҺААЛЫСТА ХОҺООННОРГУН ӨССӨ ТАҺААРАН ИС ЭРЭ СҮРДЭЭҔИН КЭТЭҺЭБИН ХОҺООННОРГУН НАҺАА СӨБҮЛҮҮБҮН ДАЛБАРЫЙА УЛАХАННЫК СЫЫСТЫҤ БЭЙЭҤ САНААҔЫН БЭЙЭҔЭР ТУТУОХТААХ ЭТИҤ !БИЛИГИН АФАНАСИЙ КУРДУК ҮЧҮГЭЙДИК СУРУЙАР КИҺИ БААРЫН БИЛБЭППИН ӨСКӨТҮН АФАНАСИЙ ЭЙИГИТТЭН СЫЛТААН МАННА СУРУЙБАТ БУОЛЛАҔЫНА НАҺАА КЫҺЫЫЛААХ !МИН САНААБАР ДАЛБАРЫЙА АФАНАСИЙТАН БЫРАСТЫЫ ГЫННАРЫАХТААХХЫН ЧЭ АФАНАСИЙ ХОҺООННОРУН БИИР СҮГҮРҮЙЭЭЧЧИТЭ ИТИННИК САНААЛААХПЫН

    1
    • Афанасий
      1 ноября 2014  

      хоһоон




      Дөлүһүөн

      Күөх сайын кустук өҥүнэн оонньоон
      Эдэр саас аастаҕа кэбэҕэһин,
      Дөлүһүөн өрүү суһуоҕун ыһан
      Хаҕыс тыал үрэйдэҕэ түргэнин.

      Эр киһи илиитин билэ илик,
      Саҥа ситэн,тыллыбыт эрэ кыыс,
      Эн дөлүһүөн сибэккитэ этиҥ,
      Сыстыбат курдуга,тэйэн,буор-сыыс.

      Буруйум буолуо,баҕар,харааннаан,
      Оҕо бэйэҕин харыстыы көрөн,
      Саараабыт күммүн,бука,баалаама,
      Көрдөһөбүн,санааҕар тутума.

      Итэҕэйбэт этим,сиргэ түһэр
      Үйэтэ кэлэн төннөр аналын,
      Миигинэ да суох кэм-кэрдии ситэн
      Кэрэ да дьүһүн кэхтэр эбитин.

      Эн,дөлүһүөн сибэккитэ этиҥ...
      Көмүскүө дии санаабытым хатыыҥ,
      Ким билиэ баарай,курас күһүн тыал,
      Быраҕан барыа диэн,сыгынньахтаан.

      0
      • Ньукуу
        1 ноября 2014  

        Дорообо, Афанасий!

        Эйиигин сүтэрбиппит, суохтаабыппыт ыраатта, өр да буолан баран көһүннүҥ, саҥа хоһоонноох кэлбиккэр үөрдүбүт, сүтэн хаалбакка суруйа, ыыта олор! Махтал!

        1
  • АЛЕКСАНДР
    1 ноября 2014  

    СЭҤЭЭРЭЭЧЧИ

    ОХОНООҺОЙ ЭҔЭРДЭ !ХОҺООҤҤУН ТАҺААРБЫККАР ТИИЙЭН КЭЛБИККЭР ҮӨРДҮМ ҮЧҮГЭЙ ДА ХОҺООН ПОЭТ ДИЭН ИТИННИК БУОЛУОХТААХ БУОЛЛАҔА ТЫЛ КҮҮҺҮНЭН ТЫЛЫ ТАБА ТУТТАН КИҺИ УЙУЛҔАТЫН ТААРЫЙАН . ӨССӨ ХОҺООННО ТАҺААРАН ИС . К ЭТЭҺЭБИН

    1
    • Афанасий
      2 ноября 2014  

      хоһоон





      Реквием

      Айанныыллар төннүбэттии дьонум,
      Бииргэ үөскээбит мин доҕотторум,
      Сирдээҕи олоҕум аргыстара
      Тиһэх остуолга миигин ыҥыран.

      Бараллар өйтөн сүппэт мөссүөннэр,
      Ситэ этиллибэтэх санаалар,
      Туолбатах атын эйгэ ыралар-
      Быралыйар быдан дьылларга.

      Хараастан,хомойон,айманан да,
      Төннүбэт бу сиргэ ким да,туох да...
      Түүлбэр дуу,илэ дуу,санаабар,
      Эһиги дьонум өрүү аттыбар.

      Арай...тыыннааҕым тухары ахтан,
      Сиргэ кэлбит сэрэбиэйим тардан
      Сылдьыам окко түспүт оҥоһуубар
      Эһиги ааккытын мин ааттатан.

      Баалаамаҥ дуу,дьонум барахсаттар,
      Билигин да малааһын үрдэ суох,
      Олоро түһүүм уруу уһугар,
      Тиһэх остуол миэхэ да тардыллыа.

      Күн да күн үүммүт,таһырдьа,бүгүн.

      0
      • Афанасий
        3 ноября 2014  

        хоһоон


        Хатааһын

        Тымныы да саас буолла хатаан түһэн,
        Тыал да тыал,садырыын уутун иһэн,
        Сарсыардаттан сата баһын тардан,
        Сир сиигин төрдүттэн симэлитэн.

        Хара хапсыыр хатааһын чолбоно
        Умайыктанна киэһэ эрдэттэн,
        Хаптаһын тоҥот эпсэри ылан
        Саарбах буолла,быйыл,күөх быгара.

        Халдьаайы хаһыҥа сылгы үөрэ
        Харанан көрбүт харалдьык кирдэ,
        Сыһыыга сылдьар субан сүөһүтэ
        Сарылаан туран хотоҥҥо киирдэ.

        Эрэл эрэ Ньукуолун ардаҕар,
        Сайыҥҥы сүллэр этиҥ тыаһыгар,
        Бөтүрүөп куйааһыгар от ситэн
        Сарсын да күн үүнүө диэн санааҕа.

        0
        • Афанасий
          4 ноября 2014  

          хоһоон




          ***

          Сайылыкка үрүҥ түүн үүммэтэ,
          Оонньууга оҕо дьон түмсүбэтэ,
          Түптэ сытынан кычыгылатан
          Ааспата кыыс сототунан оонньоон...

          ...Ыалларым сүөһүлэрин эстилэр,
          Дьону көрдөһөн сүүскэ саайдылар,
          Эмээхсин таһырдьа тахсыбата
          Тэҥҥэ сылдьыһан дьаһайсыбата.

          Аһыллыбат аны олбуор аана,
          Иһиллибэт буолла сайдыыр саҥа,
          Тулаайахсыйда тусаһа иһэ,
          Өссө бөгдьөйдө эмээхсин көхсө.

          Сааһырдахтара даҕаны,дьиҥэр,
          Кэм-кэрдии эмэн ылан истэҕэ,
          Арай өйбөр тиллэр атын сэһэн,
          Онно көстөр отой туспа түгэн...

          Унаарбат аны түптэ буруота,
          Титиик таһын бүрүйдэ эрбэһин,
          Охсуллар дьон-сэргэ сүрүн баттаан
          Иһийдэ сайылык өтөхсүйэн.

          0
          • Ньукуу
            4 ноября 2014  

            дьэ, кырдьык!

            0
          • Ньукуу
            4 ноября 2014  

            дьэ, кырдьык!

            0
            • Афанасий
              5 ноября 2014  

              хоһоон




              ***


              Көмүс күһүн көмүс сэбирдэҕэ
              Кэтэһэн көрө,тутуһан ыла,
              Турабын хагдарыйбыт лабааҕа
              Тыалтан тэлимнии эйигин күүтэн.

              Умнубуккун чараҥҥа ыллыгы
              Уһун сайын үктэнэн көрбөккө,
              Сэбирдэхтэр сиргэ тэлгэннилэр
              Силбик күһүн ардаҕар бэринэн.

              Истибэтим,быйыл,эн ырыаҕын,
              Кууһар,туймаардар тойук тылларын,
              Итэҕэй,тиһэх түгэҥҥэ диэри
              Күүттүм ахта лабааҕа тулуйсан.

              Бөөлүүн мин көттүм...сиргэ...өөр да өр...
              Буурҕаны,тыалы кытта алтыһан,
              Силлиэ,холорук өрө ытыйан
              Саабан хаары үрдүбэр түһэрэн.

              0
              • Афанасий
                6 ноября 2014  

                хоһоон




                Сэлээрчэх

                Кыыс оҕо нарын аатын ыытан,
                Кыбыстар,саатар суох киһитэ,
                Сэлээрчэх дьахтар аатын сүгэн,
                Сылдьыма,сиргидэх аатыран.

                Барбыт-кэлбит барыта батар,
                Быстахха-остоххо анньынар
                Баһырҕаһа эн эрэ буолан
                Бараама эдэр чэгиэн сааскын.

                Күрүө-хаһаа мэлигир дьоно
                Киирэ-тахса түүннэри тэпсэр,
                Кэлэ-бара ибили кэһэр
                Кэтинчэтэ буолан сытыма.

                Хоммут хоноһо бүттүүн уктар
                Угунньа тобоҕун санатан,
                Холлубут сиргэ быраҕыллан
                Уостума улаҕа анньыллан...

                Кимиэхэ да анаммат олох,
                Кимиэнэ да буолбатах таптал,
                Туохха да туһата суох көстүү,
                Таҕылга эрэ быстах көссүү.

                0
                • Афанасий
                  8 ноября 2014  

                  хоһоон



                  ***


                  Сарсыардаттан саҕалаан күнү быһа
                  Үөһэ айыылар тэллэхтэрин тэбээн,
                  Куобах түүтэ суорҕаннарын сахсыйан
                  Түһэрдилэр дойдубар кыстык хаары.

                  Күһүнү супту ытаабыт хара тыа,
                  Бөҕүөрэ дьагдьайбыт сыгынньах чараҥ,
                  Тааһыра тоҥмут сир кырсын үллүйэн-
                  Түһэр,үллүктүүр сымнаҕас көмнөх хаар.

                  Мин эмиэ ахтар сүрэхпин таһааран,
                  Турбут киһи,таһырдьа,хаар анныгар,
                  Сылаас куобах түүтэ суорҕан саптынан
                  Көрбүт киһи ааспыт сайыны түһээн...

                  Кэтэһэн көтө-дайа туллуктана,
                  Күүтэн көрө-истэ турар,эйигин,
                  Дьиэрэҥкэй тэбэ уйдара-дайдара
                  Иннибэр-кэннибэр түһэр чыычааҕы.

                  0
          • Ньукуу
            8 ноября 2014  

            Афанасий

            Бэртээхэй хоһооннор, булан суруйаҕын ди, дьэ!)))

            1
            • Афанасий
              9 ноября 2014  

              хоһоон



              ***


              Кэрээнэ да суох киһи эбиккин,
              Холоон да соҕус этиҥ эрээри
              Кэннибэр туран кэҕэ кыыл курдук
              Чоргуйар эбиккин мин олохпун.

              Суоттуур эбиккин ханан хаамарбын
              Үлэ оҥостон хардыыбын ааҕан,
              Үөрэтэр эбиккин хамсанарбын,
              Үөлээннээх,атас аатыра сылдьан.

              Эн ханна түбэһиэх уган биэрэ,
              Туох көстөрүнэн түһэрэн кэпсии,
              Кураанах куолу хойгурун туойан
              Тиэрдэр эбиккин тулаҕар ыһан.

              Эккирэттилэр кутурук уопсан
              Сиилиир саҥалар,үөҕэр хаһыылар
              Хоһулуур хоптор уйаларыттан
              Күөрэйэн тахсан,оронон туран...

              Хантан хааннаахпын хаһа тураары,
              Кимтэн кииннээхпин билэ охсоору,
              Айа кылыытын кэтии сылдьаары
              Харбыаластылар хара санаалар.

              Эккирэттилэр...

              1
              • Афанасий
                11 ноября 2014  

                хоһоон



                Муҥха


                Улуу добдурҕа атыыр муҥхата
                Күөл мууһугар киирдэ тыҥ хатыыта,
                Сэп-сэбиргэл хап-сабар сүөкэнэн,
                Бэрилиннэ ийэтэ,кыната.

                Баай Байанай илдьитэ хара суор
                Эргийэ көттө туона үрдүнэн,
                Күөл иччитэ Күөх Боллох алҕанан
                Ас уурулунна айах тутуллан.

                Муҥха тойоно дьоһуннук туттан
                Тоҥуу хаарга хаамта туона үктээн,
                Саҕаланна сытыы тыаһы кытта
                Улуу добдурҕа атыыр муҥхата.

                1
          • ситимсанаа
            14 февраля 2015  

            хоьооннор

            афанасий наьаа учугейдик суруйагын ,ологу кырааската суох туох баарынан суруйан ис.

            1
  • АЛЕКСАНДР
    12 ноября 2014  

    ХОҺООН

    АФАНАСИЙ ЭҔЭРДЭ ! ҮЧҮГЭЙДИК ДА СУРУЙАҔЫН ! ИТИ САЙЫЛЫК ТУҺУНАН ХОҺООҤҤУН НАҺАА ЧУГАСТЫК ЫЛЫННЫМ , ОЛОХ ХОС ХОС ААҔА ААҔА НАҺАА САНААРҔЫАХ , ЫТАМННЬЫЙЫАХ ДА КУРДУКПУН , ТЫА СИРИГЭР ТӨРӨӨБҮТ ҮӨСКЭЭБИТ САХА КИҺИТИН САЙЫЛЫК , ӨТӨХ УРУККУ ОЛОХПУТ ТУҺУНАН САННЬЫАР САНААЛАРЫН ОЛУС СӨПКӨ, ТАБАТЫК , КИҺИНИ ТААРЫЙАР , ТОЛКУЙДАТАР ГЫНА СУРУЙБУККУН , МАХТАЛ. ӨССӨ ДА ХОҺООННОРГУН ТАҺААРАН ИС , СҮТЭН ХААЛЫМА, КЭТЭҺЭБИН

    1
    • Афанасий
      12 ноября 2014  

      хоһоон



      Хаар түһэр...

      Ырыа кутуллар... омук тылынан...
      Хаар түһэр...хаар түһэр...ньуолах түү хаар...
      Эн кэлбэккин бу киэһэ көрсүһэ,
      Кэлбэккин сарсын,өйүүн,хаһан да...

      Эйигин атаарбыт түлэй түүммэр
      Хаар түһэрэ үрдүбэр,үллүктээн,
      Мин саҕа дьоллоох тулабар суоҕа,
      Аттыбар эн уонна хаар былааһа.

      Кэлииккэ таһа чигди таһааран
      Эрэл угара туҥуй сүрэхпэр,
      Көрүүҥ сылааһа миэхэ бэриллэн
      Уматара таптал кыымын саҕан.

      Хаар түһэр...хаар түһэр...ньуолах түү хаар...
      Кэлииккэ таһа ыраас маҥан хаар,
      Үктэммэтэх мин атаҕым онно,
      Хаалбатах эн да сылдьыбыт бэлиэҥ.

      Көрдүү сатаатым сэмээр кэрийэн
      Ыллыгым оспут хоруйун ирдээн,
      Хайан көрдүм,санаабар,аартыгы,
      Сураһан ыллым ааспыт сыллары.

      Умуллубут таптал күөдьүйбэккэ,
      Кэлииккэ таһыттан ырааппакка,
      Ыраас хаарга түһэр харах уута
      Ырыа тылынан миигин ытатта.

      Ырыа кутуллар... омук тылынан...
      Хаар түһэр... хаар түһэр... бүгүн эмиэ...
      Эн кэлбэккин бу киэһэ көрсүһэ,
      Кэлбэккин сарсын,өйүүн,хаһан да...

      1
      • Афанасий
        16 ноября 2014  

        хоһоон




        Аһын...

        Аһын даа,дьылҕам,көрүһүннэр,
        Алҕас тахсар киһиттэн эрэ,
        Айыым-харам элбэҕэ да бэрт,
        Аҕал биир түгэннэ,кыах биэрэн...

        Арай,мин,эйигин уолутан,
        Уулусса муннугар кэтиллэн,
        Куттанабын,көрсө түһэртэн,
        Харахпын куоттара туттартан.

        Сырдык мичээр уоскун сэгэтэн,
        Нарын,намчы бэйэҥ сэрэнэн,
        Чугаһыаҥ дуо, миэхэ утары,
        Эбэтэр,ааһыаҥ дьалты туттан?..

        Аһын...оннук эрэ буолбатын...
        Дьылҕам көрсөр түгэн биэрбэтин..,
        Аас олоҕум уҥуор өттүнэн
        Сайыһыам батыһа одуулаан.

        Билэбин уонна баҕарбаппын,
        Эн чараас уйулҕаҥ айманыан,
        Атыҥырас харахтар көрсөн
        Уйаҕас сүрэххин ытатыан.

        0
        • Афанасий
          22 ноября 2014  

          хоһоон



          Эн баҕар...

          Олох устар сүүрүгэр олорсон
          Уҥуор кытылы булла оҥочом,
          Күүтэн тураллар манна,кэтэһэн,
          Эстии уонна быстыы эҥэрдэһэн.

          Сир ийэм миэхэ сибигинэйдэ-
          Санааҕын түһэримэ... эн баҕар...

          Архааннаах аартык аара ыйдаран
          Төннөр аакка түстүм туос сатыы мин-
          Эрэй,кыһалҕа тэҥҥэ мэҥэстэн
          Тиийбэтим,булбатым ырай сирин.

          Сир ийэм миэхэ сибигинэйдэ-
          Санааҕын түһэримэ... эн баҕар...

          Тоҕо самынна санаам саргыта,
          Ханна мунна өбүгэм ырата,
          Дьол тааһа мин туспар көстүбэтэ,
          Мааны сандалы тардыллыбата.

          Сир ийэм миэхэ сибигинэйдэ-
          Санааҕын түһэримэ... эн баҕар...

          Эһэм аҕам туһа сүүһүн аҕаан...
          Аҕам миэхэ тилэҕин элэтэн...
          Аны уола иэс баайан оҕобор...
          Санааҕын түһэримэ... эн баҕар...

          Сир ийэм миэхэ сибигинэйдэ-
          Эн оҕоҥ баҕар тиийиэ... эн баҕар...

          0
          • Тупсууна
            30 ноября 2014  

            хоьоон Афанасий

            Хоьоонноргун таьааран ис,кэтэьэбит.Наьаа ис киирбэх,киьи кутун сурун татар,дууьатын аймыыр хоьооннордооххун.

            1
            • Афанасий
              27 декабря 2014  

              хоһоон




              Бэлэхтээ


              Бэлэхтээ эн миэхэ бу киэһэни
              Куорат бүппэт түбүгүттэн ордон,
              Атаарыах бииргэ чуумпу сир булан
              Туора харахтаах далыттан ойдон.

              Ааттаах омук арыгытын аһан
              Бакаал толоруох күүгэн оргутан,
              Зал түгэҕэр сипсийиэ музыка
              Наҕыл,холку киэһэни уһатан.

              Көтөҕүөм кэлэр кэскил туһугар
              Баҕа санаам бастыҥын туһаайан -
              Эйигиттэн эрэнэ кэтэһэ,
              Таптыыр харахпынан имэрийэ.

              Өҥнөөх уоттар сүүрдүнэр эргийэ
              Кэрэ таһааҕын өссө тупсаран,
              Сандалы туолуо бүгүн биһиэхэ -
              Ас мааныта тардыллыа эйиэхэ.

              Бэлэхтээ эн миэхэ бу киэһэни.

              0
              • Афанасий
                29 декабря 2014  

                хоһоон



                Сындыыс


                Быыһаабата биһигини сулус
                Халлаан оһуутугар да умайан,
                Түлэй түүн куйаары сыыйбыт сындыыс
                Сүттэ кыраман сиргэ умуллан.

                Ыарыытыан сууллар умса саайыллан
                Эйигин сиппэккэ аара хаалар,
                Көрүстэ сир хара буор бурҕайан
                Киһи аатыттан миигин аһаран.

                Куйаар устун кыйаар барбыт сындыыс
                Төннөн көрбөтө,тохтоон ылбата
                Ааһа турда күнү-дьылы сырсан
                Умайа,угуйа,уотун ыһа.

                Охтон баран турар этим,урут,
                Өсөһөн туран өссө өргөйөн,
                Оттон бүгүн сайыһа одуулуу
                Киирдим ийэ буорга кырыс эбэн.

                Тоҕо эрэ үөһэ атын сулус
                Сүүрбэтэ биһигини батыһан,
                Арай манна умулунна,курус,
                Мин эйиэхэ тапталым умнуллан.

                Быыһаабата биһигини сулус
                Халлаан оһуутугар да умайан...

                0
                • Ньукуу
                  30 декабря 2014  

                  Афанасий, дорообо,

                  Кэлэн иһэр саҥа дьылынан эҕэрдэ!
                  Кэтэһэбит өссө саҥа.хоһооннору, доруобай буол, тус дьиэ кэргэҥҥэр дьолу-саргыны!

                  1
  • Афанасий
    30 декабря 2014  

    хоһоон



    Рекбус


    Туора дойду туспа дуол оҕото
    Биирдэ бэриллэр дьылҕа бэлэҕин-
    Эн да,мин да өйдөөбөтөхпүтүн
    Халдьаайы быара билэн эрдэҕэ.

    Салаҥ уураһыы,холус куустуһуу
    Урууга-мааныга тиэрдибэтэ,
    Сатамньыта суох сатархай күлүү
    Кэлэр кэскил ырыата буолбата.

    Дойдум үтүө-мааны сибэккитэ
    Тыллыа дии санаабытым сүрэхпэр,
    Тоҥуй сыһыантан тоҥмут сиэмэтэ
    Үнүгэс аспата силис тардан.

    Арай сырдык ырам,ыраас санаам,
    Тапталы туойар баҕам баһыйан,
    Халлаан сиигин арыйан саһарҕа
    Сиэтэн аҕалла күнү сарсыарда.

    0
    • Афанасий
      31 декабря 2014  

      хоһоон


      Мин хоһооннорбун сэргээбит бары ааҕааччыларбын кэлэн иһэр саҥа дьылынан! Баҕарабын тус олоххутугар дьолу-соргуну,үтүөнү-кэрэни!
      Кэлэр сылга көрсүөххэ диэри.


      Мин


      Уорбатым,талаабатым,сырыттым-
      Саха киһитин сэмэй сиэринэн,
      Кэспэтим өбүгэм үгэстэрин,
      Таҥнарбатым үрдүк айыылары.

      Кэспэтим оонньоччу этэрбэһи,
      Кэппэтим даба ырбаахыны да,
      Билбэтим аас-туор олох хайдаҕын,
      Тиийиммэт-түгэммэт ыар дьылҕатын.

      Биллим мин ийэ-аҕа тапталын,
      Дьон-сэргэ өйүүр сылаас сыһыанын,
      Кэрэ аҥарга да сирдэрбэтим,
      Киһи да быһыыбын сүтэрбэтим.

      Аһардым - уйан сүрэҕим нөҥүө
      Кыаммат араҥа тыын кыһалҕатын,
      Иһиттим - харах уутун быыһынан
      Быралгы барбыт суоһар олоҕун.

      Көрдүм - ханна сорук онно солбук
      Күн быыһыттан ордубат түбүгүн,
      Ханна аһылык онно баһылык
      Дьоһун дьоннуун алтыһар түмүгүн.

      Уорбатым,талаабатым,сырыттым -
      Саха киһитин сэмэй сиэринэн,
      Кэспэтим өбүгэм үгэстэрин,
      Таҥнарбатым үрдүк айыылары.

      1
  • рая
    1 января 2015  

    сөҕө. махтайа олоробун

    31.12.2014 (20:22) (91.185.252.21)    

    Иһирдьэм иирэн иистиир

    Ардыгар, алҕас аалбыт
    Ахсым санаам айаастыыр,
    Тиэрэтин, тэҥҥэ тэлбит
    Талым тылым тардыастыыр.

    Таҥыыбын тыыра тарпыт
    Тиис талкылаан тыаһыргыыр,
    Суон сүһүөҕүн сыыһаан ыспыт
    Эбик иэйии сиэри ыыр.

    Күлүкпэр кир кээһээбэт
    Көрүн көҥөөн кээмэйдиир,
    Күрүөлээн, күөн күрээбэт
    Хахпын хаайа хааһаахтыыр.

    Илистэн, илбин ииппит
    Иһирдьэм иирэн иистиир,
    Кыбытан куорсун аспыт
    Кынатын симэ кистиир.

    Тобохтоон, тотон туолбат
    Тойон тылым тэһиэрэр,
    Омурдан, уоҕа уолбат
    Ийэ тылым иэттэрэр.

    Элэйиэм дуу, эргэрбэт
    Эҥин бэйэм бэлэстиир,
    Көҥдөйбүн көҥү көппөт
    Көлөөх көнүм көнтөстүүр.

    Сымыыттан сыраан соспут
    Чыычаах ~чыыбын~ чоочойдуур,
    Саҥарар саҥам сыыйа оспут
    Сарыы аанын аһаахтыыр.

    Оччоҕо, кыл субуйбут
    Кыҥыыр оҕум көс үктүүр,
    Син, симиттэн, сыа ньыһыйбыт
    Салаҥ саҥам тыл өттүүр.

    Кҥүлбүн кыырай кууспут
    Айар аалым айанныыр,
    Кэмчибин кэйэн кээспит
    Кэлим санаам саараҥныыр.

    Ахсынньы 11 күнэ. 2014 с.




    Дьикти дьарык хонуута

    Ырабын ыга баттыыр курдук
    Сааһым соһор ындыыта,
    Баҕабын баһан ылар ордук
    Сылым сыһар сындаата.

    Күлүкпүн кытта күөйэр үрдүк
    Санаа сүгэр сылаата,
    Сүтүкпүн сүһэн ылар сырдык
    Сүрэх тыгар кутаата.

    Хоһооммун хойо үктүүр сурук –
    Дьикти дьарык хонуута,
    Ырыабын ыкса ыырдыыр куруук
    Иэйэр иэтиим ханыыта.

    Бэйэбин уоран тыллар турук
    Тыыллан өр да ууһаата,
    Тулабын туойар көҥүл сорук
    Тиллэн үүнэ уһаата.

    09.12.14.

    0
  • рая
    1 января 2015  

    манна хоһоонунан киирэри көҥүллүүгүт дуо?

    манна бүтүн олох,
    киһи солото суох,
    иэйии кута бөлөх,
    кыынньа үллэр уох!

    0
  • рая
    1 января 2015  

    тулуйбаты, киирдим.

    Суорба таас очуостан дайаннар
    Көтөллөр уран тыл уустара,
    Өспөт тыл сүмэтин таланнар
    Иилэллэр сулуска ииттэрэ.

    Ол, үрдүк, дириҥ дуол киҥкиргэ
    Оллоонноох олбохтор көстөллөр,
    Кҥүл киэҥ киэлиттэн бу сиргэ
    Хоһµоону хоппото күөттүүллэр.

    Төрүтү түстэтэр төлкөү
    Иэттэни тистэрэн иэттииллэр,
    Саханы самнарбат саргыны
    Төрөөбүт тылынан ирдииллэр.

    12ч.53 м¼н. 29.12.14.

    0
    • Афанасий
      7 января 2015  

      хоһоон



      ***


      Быһыыта үйэбит уларыйан -
      Быгыаластылар муннук аайыттан
      Билгэһиттэр уонна бөлүһүөктэр
      Бэстилиэнэй тыһыынчаны үөйэн.

      Оронон таҕыстылар ойууттар,
      Онно кыттыстылар удаҕаттар,
      Олбохторо да элбэҕэ кыайда -
      Онолуйуу,кыырыы оройуттан.

      Сыһыы,алаас абааһынан туолла,
      Сир-дойду барыта иччилэннэ,
      Сибиэн күнүстэри илэ сүүрдэ,
      Сүллүкүүн,чөчүөккэ да маппата.

      Бөһүөлэк аайы көһүннэ ичээн,
      Бастыҥнара хайаан да көрбүөччү,
      Балаҕан хаалбата үөр буулаата,
      Быкпат буоллубут аһа суох аны.

      Өһүргэнэ санаатым,арай,мин,
      Өбүгэм олоҕун холуннаран,
      Өтөҕүм барахсаны түһэрэн
      Өйдөрө хойдоро дуу,кинилэр.

      0
      • Афанасий
        8 января 2015  

        хоһоон




        Хаһыытаан да...ааттаһан да...


        Хаһыытаан да,истибэтим буолуо...
        Олус ырааттым мин тэйдэр тэйэн,
        Аастылар сатыы сыллар субуһан,
        Сүттүлэр кэм-кэрдии тумарыгар.

        Ааттаһан да,төннүбэтим буолуо...
        Таптал тылларын аттыбар туран,
        Хараҕыҥ атын сири одуулуу
        Аһарар этиҥ кулгаах таһынан.

        Үтүмэн үгүс ардах баттаата
        Иэдэспиттэн арахпакка түһэн,
        Тайанна хаһыҥ хара баттахпар,
        Санныбар олордо хомурах хаар.

        Көрбүтүҥ дуо эн дьиҥнээх ардаҕы..?
        Тохтообот,иэдэс устун таммаҕы,
        Билиэҥ суоҕа эн үйэҥ тухары
        Сүрэххэ үллүктүүр кыстык хаары.

        Хаһыытаан да,истибэтим буолуо...
        Ааттаһан да,төннүбэтим буолуо...

        0
        • Лена
          15 января 2015  

          Сибэкки

          Үтүө күнүнэн! Баһаалыста, быһааран биэриҥ эрэ, биэс салаалаах бэрдьигэс от диэн тугуй? Эрдэттэн махтал.

          0
        • Лена
          15 января 2015  

          Сибэкки

          Биэс салаалаах бэрдьигэс от диэн ханнык үүнээйиний? Баһаалыста, быһааран биэриҥ эр.Эрдэттэн махтал.

          0
          • Ньукуу
            15 января 2015  

            Лена, арыыйда атын форумҥа киирбиккин,

            Манна хоһоон суруйааччылар, сэҥээрээччилэр баарбыт)), Афанасий, үтүө киэһэ буолуохтун! Саҥа сылга-саҥа хоһооннору күүтэбит, үчүгэйдик да суруйаҕын!

            0
            • тупсууна
              15 января 2015  

              хоьоон

              Сана ууммут сылынан!Афанасийтан сана хоьоонноргун куутэбин.

              1
            • тупсууна
              15 января 2015  

              хоьоон

              Сана ууммут сылынан!Афанасийтан сана хоьоонноргун куутэбин.

              0
              • Афанасий
                16 января 2015  

                хоһоон




                ***


                Эйигин дьиэҕэр диэри атааран
                Мин саҕа дьоллоох киһи бүгүн суох,
                Миэхэ кэлэн өссө көмөлөстө
                Аара ситэн ылбыт сылаас ардах.

                Кырыыһа үрдүнэн быһа түһэн
                Куоттарбата биһигини ардах,
                Эҕэрдэ кэриэтэ этиҥ этэн
                Тэйиэккэлээтэ тулабар таммах.

                Көрдөрөн туран туолла уулусса,
                Сүүрүктүү уһунна тута,чалбах,
                Оттон иннибэр суһуоҕун ыһан
                Үҥкүүлээтэ кыыс атах сыгынньах.

                Дьиэрэҥкэй тэптэ миигин эргийэ,
                Ойуолаан ылла таммаҕы кытта,
                Сиэттиһэн илиибиттэн тутуста
                Уонна оргууй сыһынна куустаран.

                Бүгүн мин саҕа дьоллоох киһи суох...
                Хатанна иҥэн өйгө-санааҕа
                Түүнү быһа түспүт сылаас ардах,
                Асфальт устун атах сыгынньах кыыс.

                0
                • км
                  28 января 2015  

                  хоьоон

                  Афанасий 60-с быьыылааххын дии санаатым. Еьургэммэт инигин. Эр киьи таптала куустээх да эбит. Ер да сурэххэр сенерен илдьэ сылдьар эбиккин. Буолуо. Ол сахха тапталгын эппэтэх эбиккин дуу диэтим. Киьи санаата араас. Мин маннык суруйуом этэ сатыырым буоллар. Олус учугэй хоьооннор. Бэчээттээн таьаар ээ. Билигин кыах толору.

                  1
                • км
                  28 января 2015  

                  хоьоон

                  Афанасий 60-с быьыылааххын дии санаатым. Еьургэммэт инигин. Эр киьи таптала куустээх да эбит. Ер да сурэххэр сенерен илдьэ сылдьар эбиккин. Буолуо. Ол сахха тапталгын эппэтэх эбиккин дуу диэтим. Киьи санаата араас. Мин маннык суруйуом этэ сатыырым буоллар. Олус учугэй хоьооннор. Бэчээттээн таьаар ээ. Билигин кыах толору.

                  0
  • Чэгиэн_
    19 января 2015  

    .

    Хонооһой хоһугар хоммотох :-(
    Хомоҕой хоһоонун хоторботох
    Хомойон хоҥкуйан хоргуттум
    Хоннохтон хостуурун көһүттүм.

    1
    • Алгыстаана
      26 января 2015  

      Иэйиим тылын тиэрдэбин.



      Соһуччу эн олохпор киирэн кэллиҥ
      Үөйбэтэх өттүтэн сырдык сарыалынан,
      Арылхай хараххар долгута ууллардыҥ
      Кэрэхсии сэҥээрдим сылаас тылгыттан.

      Сүргэбин көтөҕөн, дууһабын аймаатыҥ
      Тапталга бигэнэ ырыаҕа ыллаатым,
      Мичээргинэн уйулҕабын ууллардыҥ
      Сүрэхпэр өрүкүйэн уйадыйа долгуйдум.

      Сөпсөһөн тапталга билиниэм
      Уостубакка кэхтибэххэ хатылыам,
      Долгуйан чугастык сурэххэр ылыныан
      Сөбулээн сүрэххэр иэйэ тутуон.

      Эйиэхэ эрэ сэгэриэм иэйэбин
      Истиҥ таптал эйгэтин
      Күндү сэмэй доҕорбор аныыбын,
      Сүрэҕим сылааһын тиэрдэмин.

      Ырыабын ой дуораана тиэрдиэҕэ
      Итэҕэйэр, эрэнэр тыллардаах,
      Кэхтибэт тапталы уруйдуога
      Олоххо бэриллибит аналы харыстаан.
      ©Алгыстаана

      0
      • Далбарыйа.
        27 января 2015  

        Афанасий.

        Бырастыы гын.Бу саҥа киирдим хоьоонноргор.Ааспыкка дьиҥ иһигэр хоһоонноргун сөбүлээбитим.Хоһоонноргун дьон кэтэһэр эбит.Өссө төгүл бырастыы гыныҥ.Сыыспыппын.Ай суруй өрүү да.

        1
        • БиирСанаа
          27 января 2015  

          хата бу Рая сонун суруйуулардаах эбит

          0
          • Радион
            30 января 2015  

            Афанасийга

            Оһуобай дии хоһооннорун махтал ити хоһоонноргор!

            1
          • Радион
            30 января 2015  

            Афанасийга

            Оһуобай дии хоһооннорун махтал ити хоһоонноргор!

            0
            • Афанасий
              4 февраля 2015  

              хоһоон



              Сайылык


              Сайылыкка аны көстүбэттэр
              Саргылар,Сардааналар,Күннэйдэр,
              Сибэкки быыһыттан кэтэспэттэр
              Ыанньыксыт үрүмэччи кыргыттар.

              Хонон ааһар биирдэ эмэ биллэн,
              Түүҥҥү түүлбэр илэ курдук тиллэн
              Бостуук ыраахтан "сайдыыр"саҥата,
              Кыыс ырыата уонна түптэ сыта.

              Ыһылынна тохтон күрүө-хаһаа,
              Көтүлүннэ тоҕута сынньыллан-
              Эмэҕирдэ титиик хаптаһына
              Эрбэһиҥҥэ тулатын былдьатан.

              Киһи-сүөһү тэлгэһэ толору...
              Ханна барда хаһан уонна тоҕо,
              Түннүк-үөлэс ааныттан аһаҕас-
              Кыргыс толооно,манна,арааһа...

              Сайылыкка аны көстүбэттэр
              Саргылар,Сардааналар,Күннэйдэр,
              Сибэкки быыһыттан кэтэспэттэр
              Ыанньыксыт үрүмэччи кыргыттар.

              0
              • Афанасий
                7 февраля 2015  

                хоһоон




                Ый кыыһа


                Түһэн эрэбин үөдэн түгэҕэр-
                Тэбиллэн,тэпсиллэн,түһэриллэн,
                Чөҥөрө далай миигин кэтэһэр
                Олох дьэбэрэтигэр киллэрэн.

                Ийээ өрүһүй...аҕаа абыраа...
                Күн-ый буол айыы тойон таҥара...
                Оттон тутуһан,мастан тардыһан
                Турабын тыын быһаҕаһа тыынан.

                Буруйум дуо,мин,дьоммун талбатах,
                Үрдүк өһүөлээх дьиэҕэ киирбэтэх,
                Тоҕо манна ким эрэ таҥара маһа,
                Ким эрэ анала күрдьэх маһа.

                Кырыыстаах кэм кыраммыт оҕото-
                Үүммэтэ остуоруйам олоҕо,
                Муунтуйбут санаам ый суолун быста
                Оргуһуохтаах кыыс дьылҕатын батан.

                Муҥур уһуктан тахсар туһугар
                Тиһэх хардыы оҥоруом иннигэр,
                Ийээ өрүһүй...аҕаа абыраа...
                Күн-ый буол айыы тойон таҥара...

                0
                • Афанасий
                  8 февраля 2015  

                  хоһоон




                  Туруйалар


                  Тохтооҥ дуу,туруйалар,ааһымаҥ,
                  Тус соҕуруу үөрүнэн тутуһан,
                  Эбэ үөһүн үөһэнэн кырыйан
                  Миигин манна соҕотох хаалларан.

                  Кырыа хаһыҥ,дьыбардаах сарсыарда
                  Эрдэлээн эһигини ыксатта,
                  Эбэтэр туох кыһалҕа кыһайда
                  Ыраах айаҥҥа тэрийэн ыытта.

                  Ама көрүстэ дуо хаҕыс сыһыан
                  Олох оҥкула отуора хамсаан,
                  Эбэтэр түөрэҕим түөрэ баран
                  Ырай дойдута антах ыҥырда.

                  Түөрэккэй тыыбын тиирэ олорон
                  Киирдим эрдинэн үөскэ анньынан,
                  Эккирэттим ыраата сайыһан,
                  Эмиэ эһиги курдук сапсынан.

                  Тохтооҥ дуу,туруйалар,барымаҥ,
                  Сүтүмэҥ харах далыттан тахсан...
                  ...Арай санаам оҕунна хойуостан
                  Уҥуор куула кытылга анньыллан.

                  0
  • БиирСанаа
    8 февраля 2015  

    эмиэ суолгун быhа этинэн бардын..

    кэп туонуу.. киhи тугу суруйар, айар, саныыр - ол оло5ор туолар

    0
    • Алгыстаана
      9 февраля 2015  

      *****

      Тахсар күн күөрэйэ тыгыыта
      Сандаара кытыастар саһарҕа,
      Ыраах куйаар саҕахха
      Мэҥэ халааҥҥа тарҕанна.

      Сибиэһэй салгын дыргыйда
      Тымныы чысхааны илгийэн,
      Туманы бүрүнэн унаара
      Утуйбут айылҕаны бүөбэйдээн.

      Дьикти кэрэни түстээн
      Иһийбит айылҕа киэргэйдэ,
      Бүрүммүт маҕан үллүгүн
      Араас өҥүнэн күлүмнэттэ.

      Ойуур иһэ тупса сырдаан
      Уһуктубут тыаны сэргэттэ,
      Тыал ыксаабахха сугунаан
      Мэниктээбиттии сипсийдэ.
      ©Алгыстаана.

      0
      • Афанасий
        10 февраля 2015  

        хоһоон




        1937


        Эҕэрдэлээбитим мин,соҕуруу,
        Дойду үөһүгэр норуот өстөөҕө
        Өтөн киирбитин бохсо охсоору
        Сорунуулаах дьаһал тахсыбытын.

        Аахайбатаҕым,атын аатыран,
        Алдьархай ааҥнаабытын аттыбар;
        Биллэр дьон аҕыйаан испиттэрин,
        Бииртэн-биир дьаралык сүкпүттэрин.

        Кыһамматаҕым мин,ыалбын кэлэн,
        Саппыкылаах атахтар түүн үөһэ
        Үлтү түүрэйдээн барбыттарыгар.
        Көрбөтөҕө буолбутум,кырдьыга.

        Истибэтэҕим кэргэн иэдээнин;
        Оҕо,дьахтар ытыыр аймалҕанын,
        Тыыннаах тулаайах суоһар дьылҕатын-
        Дууһам сыыһын иһиттэн хатанан.

        Кутуйах хороонун кэҥэтэртэн,
        Хаарыйыа суоҕа диэн кэтэнэртэн,
        Бүтүннүү кулгаах-харах иччитэ-
        Олорон биэрбит абам баар этэ...

        ...Онтон миигин ыла кэлбиттэрэ.

        0
        • Афанасий
          11 февраля 2015  

          хоһоон




          Куоратчыт


          Куоракка киирбиппин билэ охсон
          Дьонунан туолла уулусса иһэ,
          Ханна да бар киһитэ үөмэхтэс,
          Төбө эргийэр,көрүү да истии.

          Санаабар бары миигин көрөллөр
          Батыһа сылдьан сыана быһаллар,
          Ээ,мин да киирэн бэрт,хаамыы-сиимии,
          Былаас биһиэнэ,тыл-өс да баһаам.

          Улахан үрүсээх туолуо ыраах-
          Сакаас,тайма букатын буолунай,
          Ийэбэр бэлэх -"крибейка"тараах,
          Балтым үлэҕэ-ытыыр куукула.

          Маны да таһынан араас элбэх,
          Барытын дакылааттыыр соло суох,
          Иннибэр күүтэр улуу дьыала
          Дойдубун булар сытыы боппуруос.

          0
          • Ньукуу
            12 февраля 2015  

            Афанасий, дорообо,

            Хоһоонноргун киирэн ааҕабын, олус бэркэ суруйаҕын))

            1
            • Афанасий
              19 февраля 2015  

              хоһоон




              ***


              Самыыр ибиирэр күнү быһа
              Сэбирдэх аайы таммах мунньан.

              Сир-дойду ибили сытыйда
              Сиигирэн таһынан халыйда.

              Кыламан ибирдиир кэтэһэн
              Көмүскэ уутунан сыыйа туолан.

              Ким миэхэ күүс биэрэн этитэр
              Кини миэнэ буолбатах дэтэр.

              Оо,халлаан,арылын,тыалынан,
              Ыгыллар уу тулам инчэйэн.

              Оо,дьылҕам,турума,хоруйдаа,
              Ытатыма эн,таһымнатан.

              Самыыр ибиирэр күнү быһа...

              0
              • Афанасий
                20 февраля 2015  

                хоһоон




                Nostalgie


                Суһуоҕун үрэйбит хатыҥ чараҥ
                Киллэрдэ миигин кумуччу туттан,
                Хаҕыс тыал,үргүөр үрэллэҥнэтэн
                Сөрүөһүннэ атахпар сэбирдэх.

                Сыгынньах түөһүн саһыара тутан
                Ууммата лабааларын кэлэйэн,
                Эйигин кытта бииргэ кэтэһэн
                Сайыны быһа аймаммыт чараҥ.

                Көтөҕөтүн түһэрбит хара тыа
                Көрүстэ тыйыһыра иҥиэттэн,
                Хаһан эрэ ыаллаһар бэйэтэ
                Хайыста киэр-эйигин көмүскээн.

                Көбүөр көтөҕө устун тыаһа суох
                Ыллык суолдьуттаах куотан тахсаары-
                Хатыйда миигин силис атахтаан,
                Кыйдаата хаппыт лабаа хаарыйан...

                Ыга кууста санньыар курус санаа;
                Тулабар эн сүрэҕиҥ былааһа,
                Хатыҥҥа эн иэдэһиҥ сылааһа,
                Сэбирдэххэ эн хараҕыҥ уута...

                0
                • Афанасий
                  21 февраля 2015  

                  хоһоон




                  Эдэр саас


                  Иһинэн-таһынан үктэнэн
                  Эмньик саас аастаҕа түргэнин,
                  Эриллэн-буруллан үөрэнэн
                  Эдэр саас алҕаһа элбэҕин.

                  Ахсым соҕус этэ айана,
                  Тиксэр этэ киниэхэ никсиэ,
                  Туораан оҕустарыы ыарыыта,
                  Батыллан олоруу абата.

                  Хаарыйбыта маҥнайгы таптал,
                  Ама да аастар,хаһыҥынан,
                  Тумнубатаҕа үтүө да кэм,
                  Таарыйбыта кынатынан дьол.

                  Суһала бэрт этэ сырыыта,
                  Кылгаһа сүрэ күнэ-дьыла,
                  Тохтоон көрбөккө элэстэннэ
                  Олохпор анаммыт кэрчигэ.

                  Төһө да кытыгырас буоллар,
                  Иннибэр ыраах куота бардар,
                  Аны,дьэ кэлэн ситтэрбэтэр-
                  Чаҕылхай да этэ,эдэр саас.

                  0
  • александр
    22 февраля 2015  

    хоһоон

    Афанасий эҕэрдэ буоллун !үчүгэй да хоһооннор ! Көрдөһөбүн сүтэн хаалыма , хоһоон баар буоллаҕына таһааран ис , хоһооннорун киһи дууһатын таарыйаллар , толкуйдаталлар , уйадыталлар, наадалаахтар , кэтэһэбин , чэгиэн туругу , бары үчүгэйи баҕарабын

    1
    • Афанасий
      25 февраля 2015  

      хоһоон



      Барыма...

      Арҕааттан анысханнаах аргыар тыал
      Аллараа өттүбүттэн аргыйда,
      Хотуттан үлүгэрдээх үргүөр тыын
      Үөлэһинэн үөһэттэн үргүйдэ...

      ...Эн,ааны сабан тахсан барбыккар.

      Силлиэ-буурҕа силбиэтэнэн турда
      Сири-дойдуну үлтү кумалаан,
      Хара буурай холорук ытыллан
      Халлааҥҥа тиийэ санаабын ыста...

      ...Эн,ааны сабан тахсан барбыккар.

      Сатыылаата соргубун тоһутан,
      Үллүктээтэ үс күнү быһа хаар;
      Улуйда түөрт хонугу тура тыал,
      Түннүк-үөлэс ордорбокко тибэн...

      ...Эн,ааны сабан тахсан барбыккар.

      Тымныытыан иччитэх дьиэм уораана,
      Чоҥкуйа тоҥмут ырам уйата;
      Толугуруу мөҕүстэ куоттаран
      Тулаайах хаалбыт тойон сүрэҕим...

      ...Эн,ааны сабан тахсан барбыккар.

      0
      • Афанасий
        17 марта 2015  

        хоһоон




        Күн хонор дьиэтэ


        Үөһээ-аллараа тыынан үүннэ түүн
        Кэтэмэҕэй киэһэни киэр үүрэн,
        Туттунар санаа туора анньыллан
        Тахсабын хараҥаны саптынан.

        Хараҥаны дьөлөр сырдык буолан
        Сирдээн илдьэр ыҥыра,угуйа,
        Ыраах көстөр түннүк симик уота
        Илиибиттэн сиэтэн,суолбун ыйан.

        Сыбдыйан сылдьар уоруйах таптал
        Хоонньугар угунна бүгүн эмиэ,
        Имэҥ-дьалыҥ кэтэһэр уоругар
        Күн хонор күлүмүрдэс дьиэтигэр.

        Дьылҕам!..Хас күн күнү кытта хонон
        Быстах билсии,көссүү аатын сүгэн,
        Тахсан барабын хонор хоноһо
        Сарсыарда ахсын күнү таһааран.

        0
        • Афанасий
          18 марта 2015  

          хоһоон




          Кыыс хараҕа


          Кистии-саба сэмээр эрэҥкэдийэ,
          Үөһэ тыына имин хаана кэйэ,
          Чараас мичээр уоһугар сыһыаран,
          Күүтэр,иэдэһин миэхэ саһыаран...

          Кэтэһэр-эрэммит кыыс хараҕа.

          Одуулуур күһүҥҥү хараҥаны
          Куйаар сулустарын ааҕа сатаан,
          Кыламана ибирдии уулана
          Харда иэйиини хоруй эрэйэн...

          Аттыбар-аймаммыт кыыс хараҕа.

          Хайдах эрэ алы көрөн,саатар,
          Нохтолоох бэйэм ыксары кууһан,
          Тыһы кылы тылым тыыра этэн
          Уоскутар киһи тэбиэс санааҕын...

          Утары-ууламмыт кыыс хараҕа.

          Билиммит киһи саҥа таһааран,
          Сата тылбынан сааһылыы ууран,
          Урааҥхай саха киэбин ылынан
          Үйэлээх тапталы бэлэх уунан.

          Кэтэһэр аттыбар,утары-кыыс...

          0
          • Афанасий
            26 марта 2015  

            хоһоон




            Hallelujah


            Мин сүрэхпэр өрөгөй ырыата
            Кутулунна таһынан таһымнаан,
            Санаабын кыйаар ыраах көтүтэн
            Кыырай халлааҥҥа өрө дабатан.

            Бүгүн сулус сорук оҕо миэхэ,-
            Мин туспар сыыйылла сүүрэр түүнэ,
            Алгыс тиэрдэр улуу чиэһи сүгэн
            Сиргэ аараан ааһар чааһа үүннэ.

            Дууһабар дойдум оһуор үҥкүүтэ
            Хахыйах чэчир сэлэлии аста,
            Түһүлгэ ыалдьыта сулус түһэн
            Баҕа санаа бастыҥын анаата.

            Сир-дойду олоччу иччилэннэ,
            Ото-маһа кытта саҥаланна -
            Истиҥ,иһирэх тылынан алҕаан
            Атаарда ийэм курдук бэрийэн.

            Эн - үс саха ууһун үксэтээри,
            Түөрт саха төрүөҕүн тэнитээри,
            Таалар таптал, ууллар имэҥ иэйэн -
            Киллэрдиҥ дьиэҕэр сүрэххин аһан.

            0
            • Афанасий
              29 марта 2015  

              хоһоон




              Ынчык


              Тоҕо бүгүн ырыам ынчык буолан
              Иһилиннэ испиттэн тахсаары,
              Кэлэҕэйдээн ылла тылын умнан,
              Матыыбын кытары уларытан.

              Табах хойуу буруотун быыһынан
              Көрөбүн дьон куотарын боруоктан,
              Арыгы дьаар сытынан тунуйан
              Олоробун олохпун сутуйан.

              Доҕор кэлиэ баара дуо,дьэ кэлэн,
              Таптал диэннэрэ дууһам түгэҕэр
              Түүл-бит,өй-төй курдук биллэн ааһар,
              Хаһан эрэ...ханна этэй...баара?..

              Ойо ыстаммыт кирдээх ыстакаан,
              Түгэҕэ көстөн эрэр бытыылка,
              Хаппыт килиэп,арыгы тобоҕо -
              Тирээн турар улахан кыһалҕам.

              Кыбыстар санаа баара буолуо дуо?.,
              Бэйэнии кэлэнии саата-суута,
              Эбэтэр охсуллан ааһыаҕа дуу
              Сырдыкка тардыһар баҕа санаа.

              Тоҕо бүгүн ырыам ынчык буолан
              Иһилиннэ испиттэн тахсаары...

              0
              • Афанасий
                31 марта 2015  

                Алдьархай


                Кини отой оонньуур курдук этэ..,
                Сытара тааһыран сиртэн тэйэн,
                Көтө-дайа сылдьыахтаах бэйэтэ
                Ааспат, арахпат аһыыга тэбэн.

                Бэҕэһээ кини баара дии манна,
                Кэһии эрэйэн ытыһын ууна,
                Көтөх көрдөөн илиитин даллата,
                Киирбит-тахсыбыт куттарын тута.

                Төһө эрэ айманна ийэтэ,
                Тугу саныыра буолуой аҕата;
                Этим саласта,куйахам күүрдэ,
                Хатыламматын бу сор хаһан да...

                Алдьархай үчүгэй диэн үөрэбит -
                Алдьархай диэн, дьэ, бу буолар, билиҥ,
                Ынырык көрүҥ диэн астынабыт -
                Ынырык дьүһүнэ маннык, көрүҥ.

                Кини отой аанньал курдук этэ...

                0
                • Афанасий
                  1 апреля 2015  

                  * * *


                  Сибэккиттэн сибэккигэ дайа
                  Кимиэхэ эрэ дьөрбө хомуйа,
                  Үрүмэччи көтөрүн саната
                  Тырымнаата иннибэр кыыс оҕо.

                  Хаһан эрэ маннык эмиэ баара,
                  Түһэр этэ үрүмэччи буолан
                  Сибэккиттэн сибэккигэ дайа
                  Кыыс оҕо миэхэ дьөрбө хомуйан.

                  Түөспэр анньыллыбыт ол сибэкки
                  Хонууттан хомуллубут дьөрбөтө,
                  Алааһым, дойдум дыргыл сытынан
                  Билигин да сүрэхпин сүүдүтэр.

                  0
  • Афанасий
    3 апреля 2015  

    * * *


    Эмиэ сыыстым... хаһан таба ытан
    Сааһыт, кыраҕы булчут дэтэбин,
    Омоон баар да харах суох киһитэ
    Аатыран - төһө өр сириллэбин.

    Кус көтүөх эбит, дьиҥэр, бу киэһэ,
    Куһугураан ылар кынат тыаһа,
    Ханна эрэ түспүт кус саҥата
    Этиҥ тыаһа сүрэхпин аймаата.

    Биир хаалбыт курдук, арааһа, сытар,
    Эбэтэр, лаҥха тобоҕо устар,
    Сыыйа - баайа хараҥаран эрэр...
    Мин көхсүбэр кураанах үрүсээх.

    Дьиэ ааныттан кэтэһэр харахтар,
    Санаабар манна чаҕылыстылар,
    Диэмэ, туһугар туспа кыһалҕа...
    Һук... уу тыаһаата... көһүннэ талаан...

    0
  • Афанасий
    3 апреля 2015  

    * * *


    Эмиэ сыыстым... хаһан таба ытан
    Сааһыт, кыраҕы булчут дэтэбин,
    Омоон баар да харах суох киһитэ
    Аатыран - төһө өр сириллэбин.

    Кус көтүөх эбит, дьиҥэр, бу киэһэ,
    Куһугураан ылар кынат тыаһа,
    Ханна эрэ түспүт кус саҥата
    Этиҥ тыаһа сүрэхпин аймаата.

    Биир хаалбыт курдук, арааһа, сытар,
    Эбэтэр, лаҥха тобоҕо устар,
    Сыыйа - баайа хараҥаран эрэр...
    Мин көхсүбэр кураанах үрүсээх.

    Дьиэ ааныттан кэтэһэр харахтар,
    Санаабар манна чаҕылыстылар,
    Диэмэ, туһугар туспа кыһалҕа...
    Һук... уу тыаһаата... көһүннэ талаан...

    0
  • Афанасий
    4 апреля 2015  

    Иһиттэххэ...


    Атаһым Уйбаан кэпсээнэ үгүс,
    Сэһэнэ тойо саар ыаҕас саҕа,
    Дэриэбинэ ырыган оҕуһа
    Кыайан тардыбат да таһаҕаһа.

    Сордоҥ балыга балтараа былас
    Ойбонугар батан тахсыбатах,
    Аһыы аһынан ньылбырыттахха,
    Биэриэ үһү - ас эрэ, мас эрэ.

    Икки моонньоҕону күөлгэ кыайан
    Далаһатын анныттан бултуйан,
    Итирдэр даҕаны дьону сүүрдэр -
    Моойдоох быһынна эрэ, кус эрэ.

    Туһаҕын куобаҕа эмиһэ диэн,
    Били маска сөрөнөн өртөнөн,
    Уойбута, аҥар буута булууска
    Билигин да сытар баран көрөөр.

    Охторбут тайаҕа хараҕа суох,-
    Былырыын таптаран ырааппакка,
    Түүтэ - өҥө баайтаһын мааныта,
    Сыата суор холото, аһылыктаан.

    Кырдьаҕастыын утарыта көрсөн
    Кыл мүччү куотар аакка да түстэр,
    Ойоҕолоон ааспатаҕа буоллар
    Иннибин биэрбэт этим диэн үөрдэр.

    Атаһым Уйбаан кэпсээнэ үгүс,
    Сэһэнэ тойо саар ыаҕас саҕа,
    Дэриэбинэ ырыган оҕуһа
    Сороҕун эһиил да аҕалыаҕа.

    0
  • Афанасий
    7 апреля 2015  

    Баалаама


    Баалаама дуу, сэгэриэм, баалаама,
    Хомойбут, хоргуппут хараххынан
    Кэлэйбиттии тонулу одуулаан,
    Ыксаан турар сүрэхпин ытатан.

    Хойутаан - көрсүбэтэх буруйбар,
    Ыкса түүн - атаарбатах айыыбар,-
    Онто да суох сэт - сэмэ ылынан
    Турабын иннигэр саат куттара.

    Үүтүн тохпут оҕо курдук туттан
    Муннук - ханнык кэйэ кымыстана,
    Муммут киһи муҥур киэбин кэтэн
    Барар - кэлэр тосхолбун сүтэрэ.

    Күнүм - ыйым эйигиттэн эрэ
    Илинтэн - арҕааттан күөрэйэрэ,
    Дьылҕам тосхойбут мааны оҕото -
    Уорда намырый, уоста уҕараа.

    Баалаама дуу, сэгэриэм, баалаама,
    Хомойбут, хоргуппут хараххынан.

    0
    • Афанасий
      8 апреля 2015  

      Хаамаайы


      Сирэй - харах көҕөрө кырбанан,
      Эт -сиин, ис - үөс ибили сынньыллан,
      Муннук - ханнык кэйэ, көрдүү сатыы
      Турабын киһи аатыттан ааһан.

      Бэйдиэ сылдьар ыттан атына суох
      Килэтэбин аһыыбын мин эмиэ,
      Бэйэбэр маарынныыр кыылы көрсөн
      Быдьар тылынан утары үөхсэ.

      Күннээҕи үтэм - бөх тоҕор дьааһык
      Ас тобоҕун төһөнү бэрсэрэ,-
      Кимтэн да, тугу да ыларым суох,
      Биэрэр да суох ини бу дойдуга.

      Сылаас сир булан иттэр туһугар
      Ойоҕоско анньылла, үөҕүллэ,
      Симиллэбин маҕаһыын дьиэтигэр,
      Килиэпкэ саатар, бу баар бэргэһэм.

      Туохха туттарым кимиэхэ наада -
      Ыстаары эрэ, иһээри эрэ,
      Онто да суох мин олоҕум наара -
      Киирээт да тахса - тахсаат да киирэ.

      Сирэй - харах көҕөрө кырбанан,
      Эт - сиин, ис - үөс ибили сынньыллан,
      Муннук - ханнык кэйэ, көрдүү сатыы,
      Хас сыл барабын, бу кэбилэнэн.

      0
      • Афанасий
        9 апреля 2015  

        хоһоон




        Санаама... ахтыма...


        Санаама миигин, ахтыма алҕас...
        Туспа кутаа төлөнүн одуулуу,
        Атын ырыа тылыгар кытыаран
        Туора дуолга дьүһүммүн ойуулуу.

        Мин босхо сылдьар бастаах урааҥхай,
        Төлө барбыт тыллаах бороҥ саха -
        Көҥүл боотурабын, алҕаһаама,
        Бостуой санааҕын аралдьытыма.

        Ама ааспытын иһин, кэмигэр,
        Ытаабакка - соҥообокко эрэ
        Сыттыгы да наһаа инчэппэккэ,
        Баар этэ күн - дьыл уонна бириэмэ.

        Мин түөрэҕим түҥнэри кэбиһэн
        Бардым атын дь