6 лет на форуме Топ пользователь 5000 просмотров Все
Награды
6 лет на форуме
6 лет на форуме
Топ пользователь
Топ пользователь
5000 просмотров
5000 просмотров
Саха тылын сайыннарыахайын ,сахалыы э5эрдэ тыллары
  21707
ба5абытынан суруйан иьиэхэйин эрэ.Олус наадалаах буолааччы араас презентацияларга,куоталаьыыларга (кыайбыттарга,кыттааччыларга анаан)араас мероприятияларга(тереебут куннэ,ыал буолууга,дьиэ малааьыныгар...)тута булан открытка5а суруйаргар.
Ответов 41 Написать ответ
  • .мил
    8 февраля 2012  

    Сахалыы уустаан-ураннаан суруллубуту истэргэ да учугэй.

    Саха уолун бастыҥа утуе санаа эрэ аргыстан,эдэр киьи оло5ун суола сырдык, ыраас буоллун...
    Маннык курдук кылгатан да киллэрдэххэ холбоон э5эрдэ бастына,кеме курдук тахсыан сеп дии саныыбын.

    0
    • .мил
      8 февраля 2012  

      Бу"День защитника Отечества"23кэ буолаары турар куустээх анардар куннэринэн сыаллаан са5алаатым.))

      0
      • .мил
        10 февраля 2012  

        Э5эрдэ

        Кунду биир дойдулаахтарбытын, кэлэн иhэр ...итиитик-истинник э5эрдэлиибит!!!! Ба5арабыт эhиги ...кэнииригэр, элбэх ситиhиилээх улэни,элбэх дьоллоох тугэннэри,...санааларгыт туолалларыгар!
        Санаабыккыт сатабыллаах буоллун,
        Туппуккут уйэлээх буоллун,
        Уурбуккут уйгулаах буоллун...

        0
        • сэр сэм
          10 февраля 2012  

          .мил э5эрдэ!

          Дьиҥинэн итинник бэлэм халыып элбэх буолбатах дуо? ТВ-га, редакцияларга?
          Э5эрдэ ис сүрэхтэн тахсар бэйэ тылынан этилиннэ5инэ эрэ истиҥ буолар.
          Сахалыы сатаан толкуйдаабат киһи ону ыарыр5атыан сөп, ол өйдөнөр.
          Ону сөргүтэр соруктаах ити "Туойсуу" диэн туоп аспыппын Чаачар СКЗ-га көһөрбүтэ хаһыс да күнэ үөһэттэн түспэтэ5э, дьон-сэргэ истэригэр иҥэринэ сылдьар уу сахалыы куттара уһуктарыттан киһи да үөрэр буолар эбит!Сорох-сорохтор көрөн турдахха "сайдаллар". Чаачар бааһынайыҥ онно тиийэн биир ча5ылхай "сулус" буолла.
          Хата, онно киирэн сэҥээрэн-кыттыһан көрбөккүн ээ? Бэйэҥ да элбэххэ үөрэниэҥ, дьоҥҥо да бэрсэрин баар буолуон саарбахтаабаппын.

          0
          • Чаачар
            10 февраля 2012  

            Оок манна өҥөйө сылдьан

            Үчүгэйи истэммин
            Үүнэр-сайдар быабар
            Үктэнэ түстүм быһыылаах
            Үүт
            Үкчү санаатым
            Үгүс киһи
            Үлэтэ
            Үллэн-баллан
            Үйэлэнэр туруктааҕын

            0
            • Чаачар
              10 февраля 2012  

              Сэр сэм этиитин ылын

              Бу саха тыла диэҥҥэ
              Туойсуу Эпиграммаҕа киирдиҥ да ити этэр баҕа санааҥ, халлаантан
              Ханнык баҕарар түгэҥҥэ хостонон кэлэрин ситиһиэххин сөп.
              СКЗ-га дублируйдуоххун сөп

              0
              • .мил
                11 февраля 2012  

                сэр сэм уонна Чаачар утуе кунунэн!

                Дьон кердеьуутун аа5ан баран инник санаа5а кэлбитим.Сыбаайба5а,юбилейга э5эрдэ тылла суруйан кемелеьуеххут дуо диэннэр элбэхтэриттэн.(Киьи барыта сурукка учугэй,о.э.айар талааннаах буолбатах буолла5а дии.)
                Субэ5ит иьин махтал буоллун."Туойсуу" диэн туобу керуе5ум.Хоьоон хоьуйар еттугэр учугэйэ суохпун.
                СКЗга кэнники кэмнэ бэйэ бэйэни кытта аахса сатааьын бе5ете буолбут курдук,позитив со5ус да топка арааьы суруйан ис туругун "алдьатан" кээьэллэр...

                0
                • сэр сэм
                  12 февраля 2012  

                  Үтүө күн буоллун.

                  Туойсуу дьэ ол иһин эмиэ итинник санааттан СКЗ-га көспүтэ үчүгэй, били эн этэр позитивкын элбэттин эбээт онно...
                  Онтон тус бэйэм итинник суруктары кыһаннахпына син суруйуом эбитэ буолуо да санаам барааччыта суох, хайдах эрэ айымньылаах өттүн ордоробун.

                  0
  • сельчанка
    14 февраля 2012  

    Эгэрдэ

    ...
    Суус сааскытыгар диэри
    Сарын санныгытъттан ейенсен
    Суьуохтээх эрэ сугуруйэр
    Суду ыала буолаарын

    0
    • .мил
      14 февраля 2012  

      сельчанка э5эрдэ!

      ...Айыы киһитин сиэринэн кэрэни кэрэхсии, үтүөнү үксэтэ, үйэлээҕи түстүү сырыт!

      0
  • мила
    27 октября 2012  

    уерэ-кете сылдьын, санаабыккыт сатанан истин, толкуйдаабыккыт туолан истин!

    0
  • мила
    27 октября 2012  

    санаабыт санаа5ыт сатаннын,бар5а ба5а5ыт туола туруохтун,сырдык эрэ сыдьаайдын!))

    0
  • Андрей
    29 октября 2012  

    Урууга этэргэ бу то5оостоох

    ,,,Тыл тылгытыгар киирсэр буолун,
    Санаа санаа5ытын ейдеьэр буолун.,,
    Бэттээхэй топ аьыллыбыт.

    0
  • blMblbl
    29 октября 2012  

    Сэр Сэм эҕэрдэ.

    Ол ханна баран саһан туойса сылдьаргыт буолла:)
    Саатар көрөн үөрүө этибит.

    0
  • Чаачар
    29 октября 2012  

    Бу хата былырыыҥҥы тобу ким эрэ хостообут...

    0
  • blMblbl
    29 октября 2012  

    Чаачарга,Пахай,букатын былыргы эбит дии.Туойсууну киирэн аахтым.

    Сыыһа халты суруллубуттар.Туойсуу -диэн дьахтар эр киһини,эр киһи дьахтары хайҕаан эбэтэр сирэн туойар ырыалара буоллаҕа дии.Сирэйдээн харахтаан,дьүһүннээн бодолоон,уҥуохтаан иҥиэхтээн,быһыылаан тутуулаан.

    0
    • Чаачар
      30 октября 2012  

      Ити саҕана хоһоон диэни саҥа интэриэһиргээн эрэр этим.

      Туойсуу эрэ туох эрэ ол туһунан өйдөбүл билигин да суох. Ону пахайа да суох быһаарыаҥ тэ буоллаҕа дии...

      0
      • blMblbl
        8 ноября 2012  

        Чаачарга.Ити туобу пахай -диэбэтэҕим ээ.Ааспыта ырааппыт кэм эбит диэммин.

        Ити топка үчүгэй хоһооннор бааллар ээ.Туойсуу хайдаҕын көрдөрө таарыйа манна эйиигин туойан көрдөрүөм этэ да,бука өйдүөхтэрэ суоҕа,баҕар бэйэҥ да өһүргэниэҥ.Куттанан кутум ыстаммыта ыраатта:).Ол кэнниттэн эн миигин хоһуйан туойдаххына эрэ туойсуу буолар буоллаҕа дии.

        0
  • Uigulana
    8 ноября 2012  

    Эҕэрдэ


    Эркээни, Энсиэли энсэллэр(?) хочолор
    Эрэли, эйэни эйиэхэ этэллэр.
    Булууттэн, Сунтаартан, Ньурбачаан сириттэн
    Эйээркэй эьиэкэй, уостубат оьуокай!

    хос ырыата:

    Э5эрдэ эйиэхэ, Туймаадам хочото,
    Мин дойдум сурэ5э - Дьокуускай куоратым!
    Ыраахтан, чугастан, ыччатын аатыттан,
    Эдэркээн сурэхтэн, э5эрдэ, Дьокуускай!

    Илинниир эйэттэн Мэнэлэр, Таатталар,
    Чурапчы, кыыс Амма чугдаара туойаллар.
    Буур5алаах Булунтан, чысхааннаах Чыыстайтан
    Дьукээбил кустуга дьиримнии сандаарар.

    Ус уостээх, сууруктээх Елуенэм кытыла
    Киэн куйаар иэннэрдээх олонхом дойдута
    Кэрэни-кэскили, сыламныыр сааскыны,
    Быстыбат быйаны,уйгулаах ыьыа5ы!!!

    0
  • Uigulana
    8 ноября 2012  

    Эҕэрдэ

    Эдэрдэргэ ыал буолбут ытык-мааны күҥҥүтүнэн, кэскил тэринэр кэрэ киэһэҕитинэн эҕэрдэ буолуохтун!

    0
  • Uigulana
    8 ноября 2012  

    Эҕэрдэ

    Күүрээннээх үлэнэн уонна Саха сирин олохтоохторун түмсүүлэринэн республикабыт инникитин да политическай, общественнай уонна омуктар икки ардыларынааҕы илгэ-эйэҕэ, Россия государствотын федеративнай тутулун бөҕөргөтүүгэ, нэһилиэнньэ олоҕун таһымын үрдэтиигэ, уйгутун үксэтиигэ кылаатын киллэриэ, итиэннэ социальнай-экономическай сайдыытын көрдөрүүлэринэн инники күөҥҥэ сылдьыа диэн эрэлбит улахан.бары олохтоохторугар кытаанах доруобуйаны, этэҥҥэ буолууну, дьолу-соргуну, үлэҕэ үрдүк ситиһиилэри баҕарабыт!

    0
  • .мил
    9 ноября 2012  

    *

    Эн сэмэй майгылаах,
    Уйаҕас дууһалаах,
    Үтүөкэн доҕорбут,
    Ытыктыыр киһибит,
    Уруйдан-айхаллан
    Төрөөбүт күҥҥүнэн!

    Күн бүгүн мустаммыт,
    Эйигин чиэстээммит
    Алгыс тыл үтүөтүн -
    Сүрэхпит үтүөтүн
    Бу кэпсээн эрэбит,
    Эҕэрдэ этэбит.

    0
  • Uigulana
    9 ноября 2012  

    Үтүө доҕотторбут! Саҕалаабыккыт, уурбуккут-туппуккут барыта биллэр-көстөр үтүө түмүктэнэн истин!”

    Инникитин даҕаны кыайыы-хотуу аргыстаах, үгүс үтүө доҕор-атас дьоннордоох, инникигэ эрэллээх үлэлээҥ!

    0
  • .мил
    10 ноября 2012  

    Кунду киьибитигэр киил мастыы кытаанах доруобуйаны,сырдык санаа5ынан ылыннарыылаах тылгынан

    салайтаран,муударай толкуйун биьиэхэ утуе холобур буолар.Биьиэхэ еруу дурда хахха буола сырыт.

    -1
    • .мил
      12 ноября 2012  

      Манна бэйэни билиьиннэриигэ элбэх киьи наадыйан суруйааччы этэ.

      Кимтэн кииннээ5ин (...),
      Хантан хааннаа5ын (...),
      Хайы сир маанылаах ыччата буоларын (...),
      Ким-туох идэлээ5ин(уерэнэрин)(...),
      Маннык киьи манна кэлэн
      кыттаары турабын(...).
      маны ессе ситэрэн суруйуохха баара.

      0
  • .мил
    13 ноября 2012  

    *

    Сардык санаан саргылаах сарсынныны сыдьаайдын!!!
    Куруук маннык үтүө тыл, сырдык санаа эҥээрдэстин!.
    Кэпсээнин сэнээриллэ,
    тутуспут суолун чэчирии турдун!

    0
    • соьуйбат
      17 ноября 2012  

      ба5арабын

      Ба5арабын,Алмаас курдук доруобуйаны
      Баар ба5а санаа5ыт туола турдун
      Бэйэ5ит кыаххытынан о5ону
      Баай тот оло5у

      0
  • Сахастрелец
    27 ноября 2012  

    Харысхал хоһоон.

    Татаар тыллаах талбытынан
    Тапталлаахпын таарыйбатын
    Татым, туора таһымнаах
    Таһынан да ааспатын!

    Үөннээх, албын дьаллыктаах
    Үөһээҕинэн өрө көппөтүн
    Ымсыы ынырык кыдьыктаак
    Ыалласпатын, ыҥырбатын.

    Хара дьайдаах санаалаах
    Хаарыаннаахпын үөхпэтин
    Кырыыс тыллаах кырыыһыттан
    Айыы буолан араҥаччылыым!

    Дом! Дом! Дом!

    [Сообщение редактировалось]
    0
  • .мил
    1 декабря 2012  

    Сахастрелец учугэй ба5айы алгыьы,харысхал тыллары суруйбуккун дии)).

    0
  • .мил
    22 декабря 2012  

    Кэлэн иьэр саргылаах сана дьылынан э5эрдэ!!!)))

    0
    • Куула
      22 декабря 2012  

      Саҥа сылынан!

      Саҥа сыл салаллыыта
      Сайдам сахам дьоно,
      Санааҕыт саппаҕырбатын
      Саҥа сыһыан сыһыннын,
      Сахабыт тыла салыйбатын
      Сандаардын сарыалбыт!
      Дом!

      0
      • соьуйбат
        22 декабря 2012  

        э5эрдэ

        Э5эрдэ эьиэхэ,кэлбит дьонно
        Эйэлээх оло5у,сэмэй сыьыаны
        Эн мин дэсиьэн,суолу тобулан
        Эппиккит туоллун,суьу8ххут уйдун
        Эьиэхэ ба5арабыт,дьоллоох оло5у

        0
  • Roflive
    1 апреля  

    юбилейга(ийэбитигэр) аналлаах эгэрдэ тылга кемелеьун эрэ

    0
  • олохтоох
    7 июня  

    миэхэ наьаа учугэй дьуегэбэр убулуейунэн эгэрдэтэ ыытын эрэ баьаалыста

    0
  • А.Хампа
    9 июля  

    Эҕэрдэ Сурук

    Ытыктабыллаах__________________________!

    Бу орто туруу-бараан дойдуга төрөөн-үөскээн____ сааскын томточчу туолбут кэрэ-бэлиэ кэрдиис кэмҥинэн, Эйиэхэ истиҥ иэйиилээх иһирэх эҕэрдэбитин, уруйдаах алгыспын тиэрдэрбитин көҥүллээ!
    Бу үөрүүлээх үбүлүөйгүн бэлиэтиир дьоро күҥҥүнэн биһиги Эйигин мэлдьи кыһамньылаах үлэһит, олох кыһалҕаларын өйдүүр, тулуурдаах, сымнаҕас майгылаах киһи быһыытынан үрдүктүк сыаналыыбыт уонна махтанабыт!
    Онно, эдэр оҕо сааскытыттан үлэҕэ эриллэн олоҕу сыаналыырыҥ чаҕылхай холобура буолар.
    Киэҥ-холку, чиэһинэй, хайдах да ыарахантан чаҕыйбат, ыктарыылаах да кэмнэргэ ыгылыйбат майгыҥ, тулалыыр дьоҥҥор-сэргэҕэр эйэ-дэмнээх дьиҥ чахчы доҕордуу сыһыаныҥ.
    Эн, ханна да үлэлээтэргин мэлдьитин күүскүн-уоххун, сатабылгын барытын уураргын, үлэҥ-хамнаһыҥ ситиһиилээх буоларыгар мэлдьи туруулаһаргын үчүгэйдик билэбит.
    Күндү___________________________, аймах-билэ дьонноруҥ, үгүс атастарыҥ-доҕотторуҥ махталларынан арыаллатан, бар дьонуҥ истиҥ сыһыаннарынан кынаттанан үтүөнү-кэрэни айа, үлэлии-хамсыы сырыт.
    Оҕолоргор, сиэннэргэр дурда-хахха, күүс көмө, эрэллээх эркин, тапталлаах ийэ, эбээ буолаҕын. Өбүгэлэрбит үгүс үйэлэр тухары аҕалбыт үтүөлэрин үксэтэ, сыраларын салгыы, кэскиллэрин кэҥэтэ тур, - диэн алгыыбыт! Толкуйдаабыккын тобула, санаабыккын саргылыы сырыт,- диэн алгыс бастыҥын аныыбыт!
    Ыарыы ыалласпатын, дьаҥ-дьаһах халты хаамтын, үтүө ыраҥ туолан, санаабытыҥ ситэн истин,- диэн айхаллыыбыт уонна оҕолоруҥ-сиэннэриҥ тапталларыгар бигэнэн өссө да уһуннук, дьоллоохтук сүһүөҕүҥ үрдүгэр сылдьан, үлэлээ-хамсаа, үгүс дьоҥҥун үөрдэ сырыт!
    Айыы киһитин сирдээҕи олоҕун сирдиир үтүө санаалаах Айыыларбыт Айыыһыт, Иэйиэхсит араҥаччылаан сырыттыннар! Эйигин кытары ситиһии сиэтистин, дуоһуйуу доҕордостун. Дьол-соргу тосхойдун, дьоһун олох туругурдун!

    Айхал, айхал!
    Уруй-туску!
    Туску!


    Эҕэрдэни кытары,

    0
  • А.Хампа
    9 июля  

    Үбүлүөй ырыата

    Үбүлүөй ырыата
    (наҕыллык)

    Үөрүүлээх аанньалыҥ күнүгэр,
    Эҕэрдэ кэрэтин ыытабын,
    Олоҕуҥ биир кэрдиис туолбутун,
    Алҕааммын алгыс тыл этэбин!

    Дьонноруҥ иннигэр бэлиэтээн,
    Астына эргитэ аҕалан,
    Дьоһуннаах сылларыҥ түгэнин,
    Аттааммын киэн тутта турабын!

    Эдэр саас эрчимин тутаҥҥын,
    Дьиҥнээхтик бэринэн үлэлээн,
    Көлөһүн тоҕоҥҥун тиритэн,
    Дьылҕаҕын уһансан кэлбиккин!

    Төһөтүн даҕаны чаҥчыккын,
    Кыраһа хаарыйдар бэлиэтээн,
    Барыта туоһулуур олоҕуҥ,
    Барҕа баай байылыат дьылҕаҕын!

    Дьаҥ-дьаһах хаарыйан ааспатын,
    Дьол-соргу иннигэр мэлдьитин,
    Эйигин кытары сиэтистин,
    Дуоһуйуу, астыныы тосхойдун!

    Сүһүөҕүн үрдүгэр сылдьаҥҥын,
    Сиэдэрэй олоххун ыралан,
    Айыыһыт, Иэйиэхсит арчылаан,
    Айхалаан уруйдуу туруохтун!
    А.Хампа,2016 сыл.

    0
  • А.Хампа
    9 июля  

    Малааһыҥҥа аналлаах

    Ытыктабыллаах….....................................................!

    Бу дьиэ малааһыныгар биир ыҥырыылаах ыалдьыт буолан кэлэн олорон, бука бары дьиэлээхтэри саҥа дьиэҕэ киирбиккитинэн итиитик-истиҥник эҕэрдэлиибит!
    Бу саҥа дьиэҕит ыраас, сырдык, сылаас буоллуохтун! Ааҥҥытынан үргүөр үргүйбэтин, үрдүгүтүнэн тымныы аргыарбатан. Дьиэҕит муннуга кырыарбатын. Унаар буруоҕут ыраахха дылы субуруйдун. Саҥа дьиэҕит оҕо саҥатынан дуорайдын, ил-илэ олохсуйдун, татаар тыллаах саҥарбатын, кырыы харахтаах кыһарыйбатын.
    Бу дьиэҕитигэр дьол эрэ тосхойдун. Дьиэҕит иһэ баайынан-дуолунан эбиллэн иһиэхтин!
    Холумтаҥа хамсаабатын, өһүөтэ үрэллибэтин. Хаар-ардах саппаҕырдыбатын. Ыалдьыт-хоноһо таптаан сырыттын. Минньигэс аскыт сандалыгыт туонатынан үллэ-алла турдун. Билии-үөрэх туругурдун, үлэ-хамнас үрүлүйдүн, санаабыккыт сатаннын, ситиһиигит тосхойдун. Быстыбат быйаҥнаныҥ, уостубат уйгуланыҥ.
    Үйэлэр тухары саҥа дьиэҕит барахсан дурда-хахха, күндү уйаҕыт буолан ахтылла, саната туруохтун!
    Элбэх оҕолоргут, сиэннэргит, сыдьааннаргыт үөскээн, иитиллэн, улаатан ууһуу тэнийэ турдуннар, киэҥ эйгэни баһылаатыннар. Куруук үөрэ-көтө сырыттыннар, кинини ааттан суоллаан кэлэ турдуннар. Суон өһүөҕут үрдээтин!
    Саха сиэринэн алҕаатахпыт буоллун!
    Туску! Туску! Туску!
    Дом! Дом! Дом!

    0
Ответ на тему: Саха тылын сайыннарыахайын ,сахалыы э5эрдэ тыллары
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Предложения и замечания