Ёжик ёлка
timirxan  -  18 ноября 2010 19:53   1557
Баалааман, кэлэн иьэр Сан,а Дьылынан))) эьиэхэ киирэн кыттыьыам дуу, арыый бырааьынньыктыы санаалаах тумсуугэ. Ёще, суруйар-суруйбат, сатыыр-сатаабат да буолун, кырачааннарбытыгар тэттик хоьооннору суруйуоххайын, эрэ.Эрдэттэн барыгытыгар бырааьынньыктыы сырдык санааны,дьиэтээ5и дьолу-соргуну, кердеех-нардаах олохтоох уерэн -кетен сан,а сылга уктэнэргитигэр)))
Ответов 46 Написать ответ
  • timir
    18 ноября 2010  

    Биһиэхэ.

    Саҥа Дьыл күнүгэр
    Дед Мороз кэлбитэ.

    Биһиэхэ аҕалбыт
    Кэһиитин биэрбитэ.

    Ёлканы эргийэ
    Уҥкуулээн хаамсабыт.

    Киэргэнэн – симэнэн
    Дьоммутун үөрдэбит.

    0
    • timir
      18 ноября 2010  

      Ёжик ёлка.

      Харыйа лабаата
      Инньэнэн хаарыйар,
      Күөх ёжик кэриэтэ
      Сытыытык таарыйар.

      Симэннэ уотунан
      Саҥа Дьыл күнүгэр
      Ойуурга олохтоох
      Лаглайбыт харыйа.

      Сүүс араас чараас таас
      Күлүмнүүр оонньуурдар
      Дед Мороз аҕалбыт
      Ёлкатын симииллэр.

      0
      • timirxan
        18 ноября 2010  

        Тиийэн кэллэ Саҥа Дьыл.

        Тиийэн кэллэ Саҥа Дьыл
        Сахам сирин үрдүнэн,
        Үтүө истиҥ сонуннардаах
        Бары дьоҥҥо кэһиилэрдээх.

        Тиийэн кэллэ Саҥа Дьыл
        Саҥа ырыа матыыптаах,
        Хоһоон ааҕар, хомус тардар
        Бастыҥ буолар оҕолордоох.

        Тиийэн кэллэ Саҥа Дьыл
        Тымныы о5онньор сыарҕатыныын,
        Хаарчааналыын бииргэ үөрэр
        Оҕо-аймах күлүүтүнүүн.

        Тиийэн кэллэ Саҥа Дьыл
        Саҥа күүтэр үөрүүлэрдээх -
        Дьоһун киһи аатын ылан
        Оскуолаҕа киириэм быйыл.

        0
        • timirxan
          18 ноября 2010  

          Билбэтчэй

          Ытым аата
          Эриэккэс,
          Ханна да суох
          Быһыыта.

          Ким ааттаабытын
          Эппэппин,
          Кини аата –
          «Билбэтчэй»

          0
          • timirxan
            18 ноября 2010  

            Мунаах баҕа.

            Мечта нашего таракана

            Ыаллар бары оҕолоохтор,
            Ийэлээхтэр, аҕалаахтар,
            Куоскалаахтар, ньирэйдээхтэр,
            Оонньоколуур ыт оҕолоохтор.

            Арай миэхэ тиийбэт эбит –
            Кыра балыс, биитэр ини.
            Дьонум дьону күүппэккэ
            Быһа да ылыах эбиттэр.

            Төһө эрэ учугэй буолуо этэ -
            Саҥа – иҥэ буолан иккиэн,
            Кэннибиттэн саппай уопсан,
            Мэлдьи бииргэ оонньуу сылдьар!

            Ба5арабын куруук миэхэ
            Саллаат буолан тэҥҥэ сылдьыан…
            Чэ, ол эрээри, бараан үүтүн
            Бэйэм сиирим ордук курдук

            0
            • timir
              18 ноября 2010  

              Улаатыахпыт.

              Аҕам бытыга
              Хатыылаах,
              Харыйа курдук
              Инньэлээх.

              Сыллаан ылар
              Кэмигэр
              Кычыгалатар
              Наһаатык.

              Үөрэр кэммэр
              Мин аҕам
              Мэлдьи этэр
              Ийэбэр:

              «Уолбут күлүүк –
              Сырдык куттаах,
              Дьон киһитэ
              Буолуохтаах»

              Оннук сырдыы
              Дьону үөрдэ
              Улаатыахтаах
              Эбиппит.

              0
              • timirxan
                18 ноября 2010  

                Тымныы оҕонньор кэьиитэ.

                Саҥа Дьылга кэлиэхтээх
                Кэмин күүтэ, күнүн ааҕа
                Тымныы оҕонньор кичэйэн
                О5олорго кэһиитин
                Мунньан бэрийэн эрдэҕэ.

                Аны Тымныы о5онньор
                Мөһөөччүктээх кэһиитин
                Улааппыппын билбэккэ,
                Булан ылан биэрбэккэ
                Илдьэ баран хаалыаҕа.

                Сүүрэн тиийэн киниэхэ:
                «Баарбын, баарбын, бу баарбын.
                Улааппытым, көрүүй бу,
                Мэник буолан бүппүтүм,
                Сүгэһэргин сүөрүөх,» - диэҕим.

                Ыллаан-туойан, уҥкуулээн
                Ыалдьыттары үөрдүөҕүм,
                Итии истиҥ тыллардаах
                Саҥа хоһоон тылынан
                Эҕэрдэбин этиэҕим.

                0
    • ***
      17 декабря 2012  

      ._.

      0
  • timirxan
    18 ноября 2010  

    Барби баҕата.

    Саҥа Дьыл
    Салаллан
    Кэлиитэ
    Мин баҕа
    Санаабын
    Этэбин –

    Баарбыскам
    Сахалыы
    Саҥаран
    Миигинниин
    Кэпсэтэ
    Киэргэниэн.

    Мин өссө
    Ба5арар
    Эбиппин
    Убайым
    Тыыттарбат
    Оонньуутун –

    Өлбөккө
    Кылааты
    Булуохпун,
    Сир дьонун
    Барытын
    Дьоллуохпун.

    0
    • timir
      19 ноября 2010  

      Баҕарабын.

      Баҕарабын
      Ийэм, аҕам
      Куруук эдэр
      Буолуохтарын,
      Кинилэри
      Хомоппокко
      Киһи буола
      Улаатыахпын,

      Ийэм сылаас
      Мичээринэн,
      Аҕам таптыыр
      Куолаһынан
      Үөрэ – көтө
      Мэлдьи бииргэ
      Саҥа Дьылы
      Көрсүөхпүтүн.

      0
      • timirxan
        19 ноября 2010  

        Улаатаммын.

        Улаатаммын
        Дьиэбэр дылы,
        Бэйэм сүүрэн
        Кэлэбин.

        Салааскабын
        Эрэ ийэм
        Үөрэ – көтө
        Соһон кэлэр.

        Ааһар тыаллыын
        Арыт бэйэм
        Туста оонньоон
        Сылайабын.

        Улаатаммын
        Дьоммун үөрдэр
        Тустуук бэрдэ
        Буолуом,- диибин.

        0
        • timir
          19 ноября 2010  

          «Тыллар» - оонньуу.

          С-тан ханнык тыл тахсарый?
          Сардаана, сардаҥа, саас,
          Суһуох, сырдык, саaхар –
          Сылаанньытар сылаас тыллар.

          Т-тан туохтар баалларый?
          Тымныы, тимир, телевизор,
          Техника, трактор –
          Тыыммат төһүү, тыын тэриллэр.

          Х-тан тахсар тыллары.
          Харчы, харыйа, хаартыска,
          Хаас, харах, хаар, холууп –
          Хаарыан ханыы, харыһык тыллар.

          И-тэн са5аланар тыллар –
          Ийэ, илии, иис, иэмэх,
          Итии, илгэ, ичигэс,
          Имэрийэр истиҥ тыллар.

          К-тан туох сурулларый?
          Күн, күлүү, күлүмэн,
          Киинэ, кинигэ, көрүдьүөс –
          Күлүмүрдэс, көрдөөх тыллар...

          0
          • timir
            19 ноября 2010  

            Симэммит харыйа.

            А5атаам
            Харыйа
            А5алла,
            Саала5а
            Лаглаччы
            Туруорда.

            Убаайым
            Уотунан
            Киэргэттэ,
            Эдьиийим
            Таас оонньуур
            Симээтэ.

            Ийэбит:
            «Чэ, холбоо»,-
            Диэбитэ –
            Саҥа Дьыл
            Биһиэхэ
            Сандаарда.

            0
            • timir
              19 ноября 2010  

              Хоһоон ааҕар оҕоҕо.

              Тымныы о5онньор Хаарчааналыын
              Тиийэн кэлэн Саҥа Дьылга
              «О5олоргут улааппыттар,
              Маладьыастар!» - диэн этэ,

              Мэниктээбэт, көрсүө-сэмэй
              Хоһоон ааҕар оҕоҕо
              Сылы быһа муспут кэһии
              Оонньуурдарын биэриэхтэрэ.

              «Өссө элбэх хоһоону
              Үөрэтэҥҥит көрсөөрүҥ,
              Эһиил элбэх кэһиилээх
              Эргиллиэхпит,» - диэхтэрэ.

              0
              • timir
                20 ноября 2010  

                Үүт кэрэ хаар

                Бастакы хаар,
                Мэлдьи сылаас,
                Харах саатар -
                Сырдык ыраас.

                Хаар үҥкүүтэ
                Өрө күүрдэр,
                Булдун күүтэ
                Суолдьут үөрэр.

                Кырпайданна
                Сонор суола,
                Кыс хаарынан
                Саха уола)))

                Дойдум кута –
                Кырпай кыс хаар,
                Күөн туттуута –
                Үүт кэрэ хаар!

                0
                • timirxan
                  20 ноября 2010  

                  Кэрэ да тыл

                  Дор5оон тылга тиһиллэн
                  Араас омук тыла үөскүүр.

                  Тылтан этии түмүллэн
                  Хоһоон буолан суруллар.

                  Ийээ, аҕаа, үрүҥ күн –
                  Кэрэ да тыл – сахам тыла!

                  Ийэ тылбын билэрбинэн
                  Киһиргиибин о5олуу.

                  0
          • Тимирхаан
            20 ноября 2010  

            Эьээм миэнэ

            Эһээм миэнэ бухатыыр курдук,
            Куотан кэлэн кини кэннигэр
            Көҥүл тыына саһар сирим.

            Эһээм миэнэ оонньуур курдук,
            Бытыктара ойуурдар, харахтара көлүйэлэр,
            Кулгааҕыгар куобах саһар.

            Эьээм миэнэ аптаах курдук,
            Сүгэн кэлбит соболоро оппоҥноһон:
            Улаата охсууй,- диир эбиттэр.

            0
            • timir
              20 ноября 2010  

              Кэбис.

              - Саахар сиэхпин баҕардым,
              Хамыйаҕынан баһа - баһа.
              - Кэбис, тииһиҥ эмиэ түһэн,
              О5онньорго маарыҥныан.

              - Бу куһунан булчут буола,
              Сүгэ – көтөҕө оонньооторбун.
              - Кэбис, а5аҥ булда кэхтэн
              Тугу да аҕалбат буолуоҕа.

              - Бухатыыр буолан ньирэйбин
              Миинэн баран ойуттарбын.
              - Кэбис, үргүүк – куттас буолан
              Ыраах баран сүтэн хаалыа

              - Улааттахпына ырыых – ыраах
              Дьоллоох сиргэ барыаҕым.
              - Кэбис, алааскыттан ахтылҕаннаах
              Күн сиригэр күндү суох.

              0
              • Тимирхаан
                20 ноября 2010  

                Куттанабын.

                Улаханнык эстэр тыаһы
                Олох ончу отойун
                Сөбүлээбэт эбиппин.

                Сэриилэһиилээх киинэни,
                Куттал, айдаан буоларын
                Адьас көрбөт курдукпун.

                Арай, биири билэбин –
                Оҕо сааны тыытыа суохтаах,
                Сааттан ыраах сылдьыахтаах

                0
                • timir
                  21 ноября 2010  

                  Саарыктарым көттүлэр.

                  Ыраас маҥан кумааҕыга
                  Кыһылынан кыһанаммын
                  Төгүрүгү оҥороммун
                  Кырааскалаан кэбистим.

                  Кини аттыгар өссө иккини
                  Халлаан уонна от өҥүнэн
                  Кырааскалаан бараммын
                  Хара быабын көрдөөтүм.

                  Оҥостон олорон үһүөннэрин
                  Кыра гына алларааттан
                  Холботолоон кэбистим –
                  Саарыктарым көттүлэ-эр!

                  0
          • timirxan
            21 ноября 2010  

            Отой суох.

            Суох,суох, суох. Отой суох.
            Испэппин мин бу үүтү.
            Эбээм миэхэ мэлдьи этэр:
            «Үүттэн киһи тыаһа тахсар»

            Суох,суох, суох. Отой Суох.
            Утуйбаппын олох ончу.
            Дьиэбэр куруук утуйбакка
            Эбээбиниин дьаарбайабын.

            Суох,суох, суох. Отой Суох.
            Устубаппын танаспын.
            Аа, бэйэм устар кыаҕым суох.
            Харахчааным утуйда.

            0
            • timirxan
              21 ноября 2010  

              Куобах сыла.

              Манан түүлээх куобахчааннар
              Аан дойдуга барытыгар
              Куобах сыла кэлэр диэннэр
              Куттас буолан бүппүттэр.

              Куобах буолан о5олор
              Киһиргииллэр эккирэһэ.
              Моркуобтарын кирэ-кирэ
              Биһиги сылбыт кэллэ,-дииллэр.

              0
              • timir
                21 ноября 2010  

                Кини эмиэ.

                Түннүккэ турар сибэккибэр
                Сэрэнэммин уу кутабын.
                Кини эмиэ буора хатан
                Утаппытын көрөммүн.

                Кыһын буолан кини эмиэ
                Тоҥмут курдук иьийбит,
                Харахпын үөрдэр сибэккитэ
                Ханан даҕаны суох буолбут.

                Кини эмиэ биһиги курдук
                Сааһы күүтэн иэдэйдэҕэ,
                Сырдык, сылаас, ыраас күнүн
                Күүтэ – күүтэ нухарыйда5а.

                0
                • timir
                  21 ноября 2010  

                  Ыллыахпын ба5арабын.

                  Мин ыллыахпын баҕарабын.
                  Ийэм сылаас мичээринии
                  Үөрдэр - көтүтэр көр ырыаны.

                  Мин ыллыахпын баҕарабын.
                  Аҕам оттуур алааһыныы
                  Ураты тыыннаах чуор ырыаны.

                  Мин ыллыахпын баҕарабын.
                  Эбэм буһарар алаадьытыныы
                  Дыргыл сыттаах бэрт ырыаны.

                  Мин ыллыахпын баҕарабын.
                  Эһэм оҥорор чороонунуу
                  Ураты истиҥ биир ырыаны.

                  Мин ыллыахпын баҕарабын.
                  Сахам дьонун киэн туттуута -
                  Кылыһахтаах дьол ырыатын.

                  0
          • timir
            21 ноября 2010  

            А5ам кэллэ.

            Ыппыт үрэр: «Оҥ,оҥ,оҥ.
            Эмиэ киһи кэллэ»,- диэн.

            Ийэр этэр :«Тахсан көр.
            Аҕан кэлтэ буолуо»,- диэн.

            Тахсыбытым аҕам турар.
            Кустаах, өссө ньургуьуннаах.

            0
            • timir
              21 ноября 2010  

              Сарсыарда.

              Былыт кэлэн
              Күммүт бүгүн
              Көстүбэт дии,
              Адьаһын.

              Тыала суохха,
              Чуумпу буолан
              Оргууй а5ай
              Хаар түһэр.

              Сылаас буолан
              Чыычаах үөрэ
              Хаарга сууна
              Сырсаллар.

              Саҥа хаарга
              Суолбун уура
              Тэрилтэбэр
              Мин кэллим.

              0
              • timir
                21 ноября 2010  

                Үөрүү.

                Кыһын үөрүүтэ – Сана Дьыл
                Эмиэ үөрдэ тиийэн кэллэ.
                Харыйа чаҕыл уотунан,
                Оҕо күлэр үөрүүтүнэн.

                Улааттыбыт эмиэ биир сыл.
                Сатаан ааҕар, ахсаан суоттуур,
                Хоһоон да ааҕар буоллубут -
                Иитээччибит көрөн үөрэр.


                Мэниктээбэт дьоһун буола
                Иитиллэбит детсадка,
                Көрдөөх-нардаах дьоро киэһэ
                Бары кэлиҥ Саҥа Дьылга!

                0
                • timir
                  21 ноября 2010  

                  Ахсаан.

                  Биир аата биир,
                  Чороҥ со5отох
                  Баҕана курдук.

                  Икки диэн икки,
                  Бииргэ оонньуур
                  Доҕордоох курдук.

                  Үс аата үс,
                  Сүүрэр кэмҥэ
                  Чэ,- диир курдук.

                  Түөрт диэн түөрт,
                  Дьыл кэмнэрин
                  Эргиирин курдук.

                  Биэс аата биэс,
                  Кириэмил тыгар
                  Сулуһун курдук.

                  Сааһым эмиэ
                  Биэһим буолла,
                  Ахсаан онон туолла.

                  0
          • timir
            21 ноября 2010  

            Бэлэх ылыам.

            Тымныы тыыннаах
            Кыһын кэллэ,

            Ыччуу, ычча,
            Дэлби тоҥнум.

            Сана Дьылбыт
            Хата, кэлиэ,

            Бэлэх ылан
            Үөрүөм – көтүөм.

            0
            • Timirkhan
              10 декабря 2010  

              Бэлэх

              Эйиэхэ аанньалыҥ күнүнэн
              Дыргыл сыт үтүөтүн талбаппын,
              Чаҕылхай өҥүнэн тэтэрэр
              Сибэкки дьөрбөтүн ылбаппын.

              «Сүрэхпин эйиэхэ биэрэбин» -
              Этээппин оҕолуу хомойуоҥ,
              «Дууһабар кутаалыыр иэйиибин
              Тутан үөр» - диэтэрбин сонньуйуоҥ.

              «Оччоҕо, дьэ, тугу?» - диэтэргин,
              Сиэтэммин таһааран көрдөрүөм –
              Лаглайбыт харыйа оҕотун
              Тунал хаар ньууругар көҕөрдүөм.

              Саҥа Дьыл күүтүүлээх көстүүтэ
              Эрдэттэн биһиэхэ илгийиэ,
              Тырымнас уоттардаах харыйа
              Күүтэр дьол кистэлин арыйыа.

              Эйиэхэ күнү көрбүт күҥҥэр
              Сыаналаах бэлэҕи ууммаппын,
              Күлүмнэс санааны кынаттыыр
              Тыыннаах күөх кэрэни аныыбын.

              0
          • XX
            19 ноября 2010  

            Тимир, э5эрдэ! Хоьооннор учугэйдэр, махтал. Аны аьыыр ас, асчыт туьунан суруйан боруобалаан кер эрэ?

            0
            • timirxan
              19 ноября 2010  

              ХХ

              Форумн.ар гимн курдук дуо)))Идэьэ кунэ бугун уунэн, Кемулуннум сыа5а- арыыга))) Махтал) За что-оо?((( Уурбэтэххэр) и ааьан иьэн хай5аабыккар!

              0
  • Марико
    20 ноября 2010  

    Тимирханна

    Тимирхан бэртээхэй хоьооннору суруйар эбиккин. Хата о5обор уерэтиэм:)

    0
  • эрэл
    15 декабря 2010  

    тимирхан наhаа учугэй хоhооннору суруйар эбиккин

    сана дьылга юбилейдаах, 50 саастаах киhиэхэ анаан кылгас хоhоон э5эрдэ суруйуон дуо? Махталы кытта, эрэл.

    0
    • timirxan
      17 декабря 2010  

      Сан, Дьылынан барыгытын)))

      Ааьан эрэр дьыл утуетун баттаьа,
      Салаллан иьэр саргылаах Сана дьылы керсуьэ-
      ___ Улаханнык ытыктыыр-
      (О5о буолан оонньоон – керулээн
      Тэгил сааспытын тэн,н,э атаарбыт)
      Утуе мааны до5орбут _____________,
      Оло5ун, орто омур5анынан –
      Кемус сааьын, дьоро кунунэн
      Итии истин, э5эрдэ! 

      (Бииргэ уерэммит) Утуе до5отторун,
      Арыы тыа курдук арыаллаан тураммыт
      Айхаллаах алгыспытын
      Анаатахпыт буоллун!
      Тумул тыа курдук сэлэлээн кэлэммит
      Ураанхай саха уостубат уйгутун
      Эьиги дьиэ кэргэн,н,э
      Ытык кун,н,эр анаан туран
      Арчылаатахпыт буолуохтун!

      Иэйиилээх санаа сайа5аьын этэн,
      Уруйдаах тыл уранын уунан,
      Саргылаах иэйии истинин иэйэн
      Истин, - иьирэх э5эрдэни,
      Айыы амарах алгыьы
      Домноотоххут буоллун.
      Дом ини дом!

      0
  • эрэл
    18 декабря 2010  

    тимирхан махтал эйиэхэ

    хоhоон суруйбуккар. Эйигин кэлэн иhэр Сана дьылынан э5эрдэлиибин. Бары учугэйи,дьолу, уорууну, доруобуйаны эйиэхэ уонна эн дьиэ кэргэннэр. Махталы кытта, эрэл.

    0
  • хаар
    6 декабря 2011  

    кыс хаар түстэ, киһи түүтүн ыста!!!

    0
  • ньургуйаана куо
    8 декабря 2011  

    ас-уол

    баьаалыста аьыыр ас туьунан реклама хоьооннно суруй эрэ

    0
  • ньургуйаана куо
    8 декабря 2011  

    ас-уол

    тимир баьаалыста аьыыр ас туьунан реклама хоьооннно суруй эрэ

    0
  • ньургуйаана куо
    8 декабря 2011  

    ас-уол

    тимирхан баьаалыста аьыыр ас туьунан реклама хоьооннно суруй эрэ

    0
    • Сакааскын кэлин керуем)
      6 февраля 2012  

      ИЙЭЭ, АСТАА

      Ахтан кэллим, ийээ астаа -
      Саламааттаах алаадьыта,
      Оҥо сааспын санатыахтыы,
      Дьоро күнүн эргитиэхтии.
      - Ийээ, астаа – сииргэ астык,
      - Уруккулуу минньигэстик.

      Тѳрүт сирим – сайылыгым
      Ойбут күнүн уотун кѳрсѳ,
      Саҥа буспут ас сытынан
      Тулаһам тулата туолла.
      - Ийээ, астаа – сииргэ астык,
      - Ахтылҕаммын минньигэстик.

      Оҕо сылдьан оонньоон - күлэн
      Тэҥҥэ турбут алаас уола,
      Сарсыардааҥы сииги кэһэн
      Кэлэн чэйдэс, ыалдьыт буола.
      - Ийээ, астаа – сииргэ астык,
      - Бары бииргэ минньигэстик.

      0
    • timirkhan16
      15 октября 2016  

      привет

      0
  • timir-khan
    9 февраля 2012  

    рекламные иккилиилэр

    Эти - хааны эрчимирдэр
    Ин,эмтэлээх дойдун, аһа!

    Аска көхтөөх -
    Оло5о уйгулаах!

    Сыа - арыы уостубат ойбоно -
    Астаах сандалы биһиэнэ!

    Ытык Эбэ собото -
    Мааны остуол киэргэлэ!

    "Быс да сыа, бас да арыы" -
    Баай - талым ас уйгута!

    0
  • Свободная
    23 декабря 2012  

    Махтал, о5о сааспын санаан ыллым, суурбут кеппут алаастарбын харахпар илэ кердум, санаам кете5улунэ, кэлэн иьэр сана дьылынан туох баар утуену

    0
  • renuir
    17 апреля 2016  

    Сахалыы оҕолорго аналлаах хоһооннору хантан булабыт?

    0
Ответ на тему: Ёжик ёлка
Введите код с картинки*:  Кликните на картинку, чтобы обновить код
grinning face grinning face with smiling eyes face with tears of joy smiling face with open mouth smiling face with open mouth and smiling eyes smiling face with open mouth and cold sweat smiling face with open mouth and tightly-closed eyes smiling face with halo smiling face with horns winking face smiling face with smiling eyes face savouring delicious food relieved face smiling face with heart-shaped eyes smiling face with sunglasses smirking face neutral face expressionless face unamused face face with cold sweat pensive face confused face confounded face kissing face face throwing a kiss kissing face with smiling eyes kissing face with closed eyes face with stuck-out tongue face with stuck-out tongue and winking eye face with stuck-out tongue and tightly-closed eyes disappointed face angry face pouting face crying face persevering face face with look of triumph disappointed but relieved face frowning face with open mouth anguished face fearful face weary face sleepy face tired face grimacing face loudly crying face face with open mouth face with open mouth and cold sweat face screaming in fear astonished face flushed face sleeping face dizzy face face without mouth face with medical mask face with no good gesture face with ok gesture person bowing deeply person with folded hands raised fist raised hand victory hand white up pointing index fisted hand sign waving hand sign ok hand sign thumbs up sign thumbs down sign clapping hands sign open hands sign flexed biceps
  
Предложения и замечания